رواية قاسم الفصل الثالث 3 بقلم أميرة شعبان
رواية قاسم الفصل الثالث 3
انت بأننيتك دي دمرتنى دمرت حياتى خلتنى طول التلات سنين اللى قضيناهم مع بعض ابني فيهم أحلام ل اربعين سنة قدام وفجأة بسبب اننيتك دمرت كل حاجة خذلتنى خلتنى اكره نفسي
وراسي اتحط ف الارض بسببك بعد ماكنت بتباهي بيك وسط اهلى واصحابي متعرفش سمعت كلام عامل ازاى منهم ولا كمية الشماتة اللى شوفتها ف عيونها عيشتنى ف سابع سما وف لحظة دفنتنى ف سابع ارض.
قولتلى إن شكلى مكنش عاجبك صح مش صارحتك من الاول بعيوبي وانت اتقبلتها وكنت تقولي دايما اخر حاجة افكر فيها هي الشكل انتي عندى بالدنيا وكلام كان كله كدب.
اهي عيوبي كلها اتصلحت وبقيت اجملهم مش زيهم وبس مش مسمحاك على غدرك ليا او خذلانك ليا او كسرتك ليا مش مسمحاك صدقني لو كان بينك وبين الجنة ذنبي مش هغفرلك صدقني هتندم اكتر يوم مانتحاسب وتتوسل ليا عشان اغفرلك ومش هتنول رضايا ده انا كنت احن عليك من نفسي كنت بحبك واتمنالك الخير
كنت بفتكرك ف كل مرة اصلى فيها كنت بقول يارب لو ماليش خير فيه اجعلى الخير فيه يعني كنت عايزاك حتي لو كنت شر بس ربنا له حكمة ف كده كان شايف ان حبي ليك انت متستاهلهوش عشان كده بعدك عني وانت اللى بعدت نفسك لو كنت بس شوفت الخير اللى كنت شيلاهولك كنت هتتكسف من نفسك عاللى عملته معايا كانت بتتكلم بصوت مبحوح من كتر الدموع
وهو كانت دموعه نازلة من كلامها وبيتمنى لو مسبهاش ضربته قلم تانى وقالتله حور وهي بتلوح بايديها قدام وشه:وده لانك كداااب وخدعتني ف وسط ماكانو بيتعاتبو
كان صحابه خرجو برا عشان ينادو عليه عشان يمشو ومراته اللى كانت خارجة هي كمان عشان تمشي لانهم كانو كلهم جايين بمراتاتهم للفرح صحابه شافوه وحور بتضربه بالقلم ومراته كمان صحابه محبوش يتدخلوا ف حين إن مراته قربت عليهم لما شافت اللى حصل وشدت حور من دراعها وزعقت وقالت
ملك مراته:انتي اتجننتى يابت انتى ازاى تمدى ايدك على جوززى يبت
قاسم باندفاع وهو بيشد ايد حور من مراته وبيبعدها عن مراته
قاسم:ابعد عنها اياكي تلمسيها
ملك باستغراب :انت اتجننت دي مدت ايدها عليك
قاسم:ملكيش دعوة امشي من هنا
مراته بجنون من طريقته:انت اتجننت مين دي اصلا
يتبع .........
