رواية حبيتك مرتين (أدهم وكارما) عبر روايات الخلاصة بقلم سلسبيل أحمد
رواية حبيتك مرتين الفصل الأول 1
- انا صدعت علفكره ؟؟
= طيب ماتطلع بره!
- ما تطلعي انتي !!
حطت الولد في ايدي بعصبيه
= طيب جميل شيلو انت وانا هطلع
بصيت للولد الي بيعيط في ايدي وخرجت وراها - هوا اية دا !
= اتحمل مسؤليته شوية بقي
- ليه وانا مالي
= وانا كمان مالي؟
- كارما انتي هبله انتي امه
= وانت ابوه
فضلت اهز في ايدي عشان يبطل عياط وبصتلها وانا مش فاهم - انتي هتقارني بيني وبينك وبعدين يمكن عاوز يرضع هرضعه انا ؟
= لاء مش عاوز
بتوتر - طيب شيليه انا مش عارف اتصرف
= يبقي تبطل برود شوية ومتقعدش تقولي مصدع بدل ما اسبهولك و امشي
بصلي بخضه- هتسيبيهولي !
اتكلمت ببرود= هوا انا هسيبه فالشارع دا مع ابوه
- بطلي تقرري الكلمه دي؟
= لاء مش هبطل انا مش مضطره افضل اقنعك تحبه
او تتحمل وجوده و وجودي احسبها بالعقل بلاش شغل عيال
حطه في ايدي ونزل ورزع الباب وراه وفضلت شيلاه لحد ما نام على دراعي..
- ادهم يبقي مقدم فالداخليه عمل حادثه صغيره وفقد الذاكره وعلى اساسها فقد شغله او على الاقل مؤقتا لحد ما نعرف الذاكره هترجعله امته لكن للاسف هو مستسلم تماما ومش مستحملني ولا انا ولا ابنه.!
__________________
- ادهم؟
= ماما انا مش قادر اتكلم انا هدخل انام شوية
- خد هنا حصل اية وسايب مراتك وابنك وجاي ليه
= مراتي وابني دول انا تعبت منهم
- ادهم ازاي تقول كدا !
= انا تعبت هو انا كنت عايش فالحياة دي؟؟
- انت بتعشق مراتك وبتعشق ابنك متخليش حدثه تخسرك كل حاجه واعقل وبعدين انت ازاي تسبها وهي لسه مخلفه من اربع شهور
= ماما انا سبتها عشان مش ناقص حد يشيل همي ويقعد يعاملني كأني عيل ماشي لو انتي كمان بقي مش عاوزاني همشي
..
فضلت قاعده مش عارفه اتصرف لحد ما لقيت الباب خبط وكانت والدته
- ازيك يا طنط
= الحمد يا حببتي
- هوا جالك تاني صح
= ايوا
- انا تعبت هوا مش طايقني لدرجه تبقي دي تالت مره يروحلك ، وبعدين ازاي حدثه تغيره وتخليه يكرهنا كدا
= بصي يا حببتي ادهم انتي عارفاه كويس هوا هوا متغيرش
- ازاي بقي دا اتغير خالص!! 180°
= لو فكرتي هتلاقي ان دا ادهم الي شوفتيه اول مره وهي دي معاملته واتغيرت معاكي لانه حبك لكن دلوقتي رجع زي ما كان ولا يعرفك ولا فاكر اي حاجه
- قصدك انوه مبقاش يحبني ولا مستحمل يشيل مسؤليه
= قصدي انك تبدئي من الاول وزي ما حبك مره تقدري تخليه يحبك تاني هوا عنيد حبتين بس اية الجديد منتي عارفه وبعدين افرضي مرجعتلوش الذاكره هنعمل اية ساعتها
- بس هوا مش مديني فرصه دا كل شوية يمشي زي العيال
= هوا مبقالوش اسبوع عامل الحدثه يعني لسه مستوعبش انا عارفه كويس وبقولك انوه خايف ومخضوض انا عارفه انك بتحبيه وانك بنت اصول ومستحملاه بس دلوقتي عليا ارجعهولك واكيد مش هقولك تعامليه ازاي دا جوزك حتي لو فاقد الذاكره بس جوزك
هزيت راسي بتفهم..
عدا ساعات ولاقيته راجع الساعه 12 بليل
مبصتلوش كنت على السرير مع الولد
- انا جيت وهنام بره
= براحتك
بصلي بستغراب فا اتكلمت
= الاكل فالمطبخ
- انا مش جعان و انا مبعرفش اعمل اصلا
= اممم عاوزني اعملك يعني
- لاء
= خلاص براحتك
- انتي بتتكلمي كدا ليه
= اية مالي!
- هو انتي مش عاوزه تعمليلي اكل يعني؟
كتمت ضحكي = الي انت عايزه هو انت قولت اعملي ؟
اتكلم بلامبالا - اه عايز اعمليلي
= ماشي خليك جمب الولد
- متخديه معاكي
= دا نايم
- طيب
اتكلمت مع نفسي
ازاي مكنتش واخده بالي انك هو هو بنفس العند والدبش و لكن بتعاملني كدا لانك تقريبا متعرفنيش
- انتي بتقولي اية
= ......
يتبع..
