رواية العز (عز وليلى) عبر روايات الخلاصة بقلم نانسي أشرف
رواية العز (عز وليلى) الفصل الرابع 4
_ خشي
قفلت الباب وراها بكل قوتي وأنا ببصلها بغيظ
_ الله!!!! .. في ايه مالك يا عِز
_ ايه الي جابك ؟!!
_ دي بردو مقابلة تقابلها لمراتك
مسكت اديها الي حطتها على صدري و بعدتها بكل قوتي.
_ انتي هتستهبلي يا نرمين! بقولك ايه ....
بصيت على الباب ومسكت دراعها بكل قوتي
وهمست
_ انطقي ايه الي جابك !
_ هو انت مش كنت متفق معايا اجي ! ولا انا الحوار طق في دماغي ولا ايه!!!
_ انا قايلك اما انا اديكي خبر
_ ما انت بصراحة اتأخرت
وبعدت وقعدت على السرير وهي بتحط رجل على رجل
_ وبعدين هو مش المفروض اني احضر من تاني يوم جواز
مسحت على وشي وانا بحاول أكتم غيظي
_ انا قولتلك تتحركي!!!!!! ... بتتصرفي من دماغك ليه!!!!
_ مالك يا عزو انت مقريف كدا ليه!!!!
وقامت لفت دراعها حوالين رقبتي
_ شكلك مضايق من الجوازة .. تيجي افكك ؟
بعدت اديها بغلظة وانا ببتسم
_ شكلي انا الي هفكك من بعضك يا نرمين والله
وطلعت من الأوضة
قربت من باب اوضتها
سمعت صوتها وهي بتعيط
_ ماشي يا عمتي هاجي اقعد في المخزن ... لا لا محصلش حاجة .. لا .. هتحرك دلوقتي.
كانت هتقرب من الباب فجريت قعدت على الكنبة بسرعة.
سمعتها وهي بتشد الشنطة وبتخرج
بصيتلها من تحت لتحت وعملت نفسي بتفرج على التلفزيون
سمعتها وهي بتحاول تكتم دموعها.
_ أساعدك ؟
_ لا .. تسلم
قومت من مكاني وانا بتنهد
بصيت في وشها
حاولت أكتم احساسي بالألم جوايا ناحيتها
احساسي بأني أذيتها
وانها ملهاش فعلاً ذنب !
احساسي بالنفاق ان الورد كان جايلها وراح لغيرها.
_ نازلة الساعة واحدة فين
_ رايحة لعمتي
_ نازلة من غير اذني
رفعت عنيها وركزت في عيني
حسيت اني اتهزيت للحظات لكن كعادتي
مسكت نفسي
_ ابقى خليها هي تاخد أذنك
حاولت تمشي وتجر الشنطة وراها
مسكت دراعها من غير ما اتحرك من مكاني ورجعتها قدامي
_ مخلصتش كلامي عشان تمشي
_ أنا همشي
_ وأنا مخلصتش كلامي
ربعت اديها وبصتلي بتركيز
_ اممممم
حسيت ان الكلام فعلا خلصان
انا نفسي مش لاقي كلام
بس انا محتاج وقت
لو مشيت وراحت لعمتها
هيبقى في فرصة ؟
طب انا مهتم ان يبقى في أصلا فرصة!
سمعنا صوت تخبيط على الباب
اتنهدت براحة اما قابلت وش امي
_ ايه يولاد!
بصت لشنطة ليلى
_ ليلى! ... في ايه يا حبيبتي!
ليلى بصتلي ورمت نفسها في حضن ماما
اما أمي بصتلي بعدم فهم
_ خديها من هنا يا ماما
_ انت بتتكلم معاها كدا ليه!!!! ... انت ايه مالك في ايه !!
_ مش وقته
مسكت شنطة ليلى وشدتها معاها
_ تمام يا عِز .. اما تعرف قيمة مراتك ابقى تعالى خدها .. ليلى عندي
وسحبت الشنطة وليلى.
عيني جات في عنيها وهي بتخرج وبتقفل الباب وراها.
********************
" ليلى "
وصلت البيت ومامته ابتسمت في وشي وهي بتجر الشنط وبتحطها في اوضة.
_ دي اوضة عِز
وقربت وهي بتبص لتفاصيل الأوضة بإبتسامة حزينة
_ ايام ما كان بيقعد فيها .. ايام م كان موجود
بصتلي وهي بتحاول تضحك وتداري دموع عنيها.
_ دي اوضتك دلوقتي
حطت المفتاح في ايدي وابتسمت
_ انا يوم ما اديتك ابني يا ليلى كنت عارفة انك بنت حلال وانك الوحيدة الي هتقدري ترجعيه.
حطت كفها على وشي
_ بس انا اعتبرتك بنتي وانا مرضاش على بنتي الهوا، فدا بيتك يا بنتي لحد ما يعرف قيمتك ويجيلك برجليه.
ابتسمت وهي خرجت بهدوء من الاوضة.
عيني لفت على ديكور الاوضة
البوسترز لمارڤيل
مكتبة كلها كتب وروايات رعب
لون الأوضة بين الأزرق والاسود
وبوستر طويل لـ چوني ديب
حاجة مشتركة وحيدة
وركن معمول للصور
قربت اكتر وانا بتفرج عليها
صور ليه في الجامعة
ودي الثانوية
ودي اعدادي!
ضحكت اكتر وانا عيني بتنزل بالتدريج على باقي الصور
صوره وهو لسه في ابتدائي وبيضحك مع صحابه
ودا في سنته الاولى في الحياة
لقيت نفسي بضحك وبسكت اما بفتكر الي عمله
الي في الصور دا راح فين !
مين الي هناك دا ؟
**************************
" عِز "
دخلت الاوضة الي بتقعد فيها وانا برمي نفسي على سريرها
بصيت في سقف الأوضة وانا بفتكرها
وشها وعنيها وتفاصيل كتيـ....
ايه دا في ايه مالي !
قومت من مكاني وطلعت برا الاوضة
كان باين اوي عليا اني مش على بعضي
كل شوية ابص على الفون وارجع في كلامي
_ ماما ازيك
_ زي الزفت .. عايز ايه ؟!
_ ليلى كويسة ؟
_ وانت مالك بيها ؟
_ عادي بسأل
_ بتسأل! .. طيب عموما هي كويسة
_ ماما ..
_ ايه ؟
_ ......
_ عايز ايه يا عِز ؟
_ خلاص
وقفلت السكة
مكنتش قادر اواجهها .. هقولها ايه!
معلش انا أصلي كنت عايز اطفشك فجبت واحدة تقعد معاكي في الشقة على انها درتك !!
_ ناوي تبات على الكنبة ولا ايه
رفعت عيني ناحيتها وانا بطلب الصبر من رب العالمين.
_ على فكرة بقا انت من ساعة ما اجوزت وانت مش عاجبني خالص
كانت هتقعد جمبي اما انا وقفت ودخلت اوضة ليلى وقفلت على نفسي الباب.
اتغطيت بالغطا بتاعها وضحكت اما افتكرتها بالبيجاما وهي بتشدها لدقنها
شديت الغطا انا كمان ودفنت وشي في المخدة
ولأول مرة انام وأنا مرتاح رغم ان قلبي ..
قلبي زعلان!
*************************
_ صباح الدلال يا ست دلال
بصيت للهئية الي قدامي بإندهاش
_ ماله دا !
_ اللهم صلي على كامل النور!!!! ايه دا !!!؟
_ في حاجة يا استاذ
_ انا مش استاذ
سند بكفه على الباب وهو بيحاول يقرب بجسمه
_ انا مهندس هو مش باين عليا ولا ايه
_ يا ماماااااااا
_ يا ماما!!! .. انتي المرحومة نيڤين أخت عزو !
جات حماتي وبعدتني عن الباب ووقفتله عشان ميخشش
_ خير يا وش البرص عايز ايه
_ يسلام عليكي يا دلال وانتي دايما قارشة ملحتى كدا
_ دلال ايه يلا انا بلعب مع أمك؛ و بعدين قارشة ملحتك بتاع ايه .. اخلص في ايه
_ اصلي برن على ابنك العزيز بقالي كام يوم
وبص ناحيتي وهو بيغمز
_ تلاقيه بيعط هنا ولا هنا .. فقولت اجي اشوف الوالدة عارفة مكانه ولا اطير
_ لا يا روح أمك طير
ابتسملي قبل ما تقفل الباب في وشه
_ مين دا يا ماما ؟
_ دا زفت سيف .. كل المصايب مجاتش غير من تحت راسه
دخلت ووقفت للحظة
_ بس دا قال انه بيرن على عز بقاله كام يوم ومش عارف يعتر فيه
_ متقلقيش تلاقيه بيصيع زي عوايده .. الي في داء مبيغيروش
بلعت ريقي للحظات قبل ما ادخل الاوضة
واحط الفون قدامي
وأبصله للحظات.
وانا مش عارفة القرار الي هاخده دا صح ولا غلط
*******************************
_ أنت فين ؟
_ أنا ...
_ تعالى خدني
_ أنا في السكة
قفلت معاها وانا فعلاً كنت تحت البيت من امبارح
براقب تحركاتها رايحة بين وجاية منين
ابتسمت وانا مش مصدق انها اتكلمت ..
قعدت شوية في العربية وطلعت بسرعة وخدت نفس وانا بعدل هدومي
وبخبط
_ ايه الي جابك
اما هي جريت ودخلت في حضني
_ اتأخرت ليه
نزلتها وانا ببصلها بزهول اما هي شدت الشنطة وابتسمت لماما
_ هو كلمني وصالحني من امبارح .. مش كدا يا عِز ؟
كنت لسه مركز معاها
_ مش كدا ؟
_ هه ... ايوه .. ايوه
مسكت شنطتها ونزلنا وماما بتبصلها بعدم تصديق
ركبت جمبي في العربية
_ امممم ؟ ... عايزة تطلعي بدور البطلة ؟!!!
بصيتلي بابتسامة ساخرة
_ مامتك ملهاش ذنب في الي بيحصل
_ مامتي ملهاش ذنب ولا عمتك كانت هتبيتك في المخزن لو كنتي اطلقتي؟؟!!
بصيتلي بقوة
_ انت بتعمل كدا ليه ؟!!
معرفتش أرد ففضلت باصص في عنيها بثبات
_ هي مش دي عربيتك الي كانت تحت البيت بقالها يومين؟!!!!
رجعت براسي لورا بزهول
ابتسمت بثقة
_ اطلع اطلع
***************************
_ انت جيت يا بيبي ؟
وقفت بزهول وفي بقها كانت فرشة السنان وبصتلي بغيظ
_ ايوه يا حبيبتي ... جينا
رفعت عيني ناحيته وهو بيشد الشنط
_ مش كدا .. يا ... يا بيبي !
******************************
_ وبعدين ؟
_ البت زي القمر
_ سيف!!!! .. دي مرات عز
_ يا عم هو مش المفروض مجوزها غصب عنه وعنها
_ ايوه يا سيف .. بس دي مراته
ابتسم بخبث وهو بياخد السيجارة من ايد مراد دراعه اليمين
_ مالك يا مراد .. انت مال قلبك بقا ضعيف كدا
_ انت عارف لو عمر او عِز عرفوا الي انت بتفكر فيه دا هيعملوا ايه ؟
_ مش مهم
قعد على الكرسي
وذكريات مقابلته بيها بتتكرر في دماغه.
_ المهم هي ... ليلى.
***********************
يتبع..
