رواية بينا وعد الفصل الأول 1 بقلم سلسبيل أحمد
رواية بينا وعد الفصل الأول 1
- اية الحركه دي بقي يا مروان؟!
= دي يعني بوعدك بالصوباع الصغنون لما نكبر انا هاجي هنا و اللاقيكي
- و انت هتعرف منين انت خلاص هتمشي باي بعيد!
= بابا قالي لما اكون كبير هبقي بعرف كل حاجه زي الكبار يا كارما
- طيب بس انا هفضل لوحدي يعني؟!
" لمح عينيها بتلمع بالدموع فا خد ثواني بيفكر و بعدين طلع من جيبة السلسلة بتاعته"
= بصي خلي دي معاكي
كارما وهي بتمسح عينيها: ليه دي بتاعتك
= فاكره لما شوفنا فيلم؟ الولد ادلها السلسلة بتاعته وقالها كدا هيرجع عشان يخدها و هي تفتكره دايما؟
- ايوه
= انا بقي كدا هرجع عشانها و نتقابل تاني بس خليكي فكراني بالسلسلة ماشي؟
- ماشي بس انت هتفتكرني ازاي؟
= انا مش هنساكي عشان بحبك اوي
ضحكت بكسوف اطفال وحطت ايدها على بوقها:
بتحبني زي الكبار يا مارو؟؟
- تؤ انا بحبك اكتر ما الكبار بيحبوا بعض ، و هفتقدك خالص يا كوكتي
*********************************
" بعد مرور 15 سنة.. "
- مرووواااااان ااءءءءهه
= تاني يا كارما !! قومي يختي كل يومين تقعي الوقعه دي من على السرير
- اهااا يا زياد مش قادرة نفس الحلم مخي مبيغيرش
= ونبي انتي صعبانه عليا يابنتي اها لو امك عرفت انك بترفضي فالعرسان عشان حلم عبيط
كارما مسكته من قفاه: قولت اية يا زياد ؟
- ولا حاجه بس اصل
قاطعته: اسكت! قولتلك ده مش حلم ده حصل حقيقي و انا بحلم بالي حصل زمان و ماما قالت لك قبل كدا ان كان لينا جيران و ابنهم مروان هو ده الى فالحلم
- ينور عيني الكلام ده من كام سنه ؟
= مش فاكره بس كان عندي مثلا 7 سنين؟
- حلو و انتي دلوقتي عندك 22 يعني الكلام ده من 15 سنة مكنتش انا جيت باين؟ تقدري تقوليلي مروان ده فين كل ده؟ زمانه نسيكي ولا ماات
ضربته: بعد الشر !!!
طبطب على ضهري: متزعليش انا بس مش عاوزك تتعلقي بخيالات هو حتي مرجعش كل الفترة دي واناي متعرفيش هو فين بس اتمني يرجع و ترتاحي!
" خرج من اوضتي و سابني عارفة انوه خايف عليا ومعاه حق مع انوه كله على بعضه يعني 15 سنة وانا الكبيرة لكن هو صحبي الوحيد بعد مروان! "
********************************
- كويس انك جيتي يا كارما
= ماما اغير الاول عشان الجامعة جابت اجلي
- لا اقعدي بس دي حاجه مهمه
" خت بالي ان زياد عينه فالأرض و مدايق "
= هو في اية بالظبط؟
- احنا هنعزل من البيت ده الاسبوع الجاي
" حسيت ان حد اداني بالقلم و مخي صدع من الجملة! "
= ماما انتي بتقولي اية!!! احنا عايشين هنا بقالنا 22 سنة ازاي نمشي مستحيل!!!!!!
- كارما ده غصب عننا الراجل عاوز البيت و الكل باع شقتة و مشي هو هيدينا فلوس كويسة و هنروح فحتة احسن من دي بكتير نرفض لية؟؟
= راجل مين ونبيع اية و بابا يعرف الكلام ده ؟؟
- ابوكي متغرب عشانا مش معقول نقوله اننا بنسيب البيت ؟؟ لما نستقر هنكلمه نقوله وبعدين مش طول عمرك بتقولي عاوزة اعيش فمكان نضيف! انا هشوف حتة كويسة و متخافيش من هنبعد عشان الجامعة
" زياد بصلي بحزن هو عارف انا مش عاوزة امشي ليه ده اخر خيط ممكن يوصلني بمروان لو مشيت هيلاقيني ازاي!! دخلت اوضتي و دموعي نزلت فتحت العلبة الى حاطه فيها خواتمي الفضه لأني بحبها كان في كيس شيك صغنن فتحته و مسكت السلسلة بأيدي و افتكرت نفس الذكرة المؤلمه.. مخي فضل يفكر هيحصل اية لو كل ده كان شغل عيال! مروان كان اكبر مني ماشي لكن برضو طفل ممكن يبقي نسيني؟ او اتجوز ومخلف! انا غلطانه اني اتعلقت بيه كل السنين دي.. "
*******************************
" ألمانيا الساعة 9 الصبح "
- مالك يا مروان قاعد كده ليه ؟
= مضايق يا بابا و تعبت اوي!
- يحبيبي ربنا مش بيجيب حاجه وحشه و بعدين احنا خلاص رتبنا سفرك لمصر الاسبوع ده و هنمشي ورا كلام الدكتور وأنا متأكد انوه هيجي بفايده
ابتسم: طب ما حضرتك دكتور عادي يعني
- يسلام؟ م انت كمان هتبقي دكتور لولا الحدثه
= تفتكر هرجع لحياتي يعني ولا هفضل ضايع
- اكيد يا حبيبي ، انت قضيت عشر سنين من عمرك هناك في مصر فا يمكن لما تروح ده يساعدك
= معاك حق يا بابا
بص للعدم قدامه: ياتري فالعشر سنين دول كنت بعمل اية.! ؟؟
********************************
" بعد يومين "
- كارما انتي كويسة ؟
= اها يا زياد عادي
- مرتاحه فالبيت ده ؟
= اها
- امال مالك زي ما تكوني بقيتي فاقده الشغف
= هو كان واخد شغفي كله تقريبا
- كارما انا عندي أمل مش معني اننا عزلنا خلاص يبقي مش هتلاقيه او هو مش هيعرف يوصلك!
= دلوقتي بقيت مصدق وجوده؟! ولا بس بتقولي كدا عشان تهاودني ؟
- طب تيجي نروح البيت النهارده؟! نبص بصه كدا عليه ده عشره 15 سنة برضو وبعدين مبعدناش اوي؟!
ضربته على دماغه: ده عمرك انت يا ليفه انا عشره 22 سنة
= طيب ها؟ تيجي ؟!
- اجي.
" نزلنا فعلا انا و زياد مشينا حوالي 20 دقيقة احنا معزلناش بعيد اوي فعلا يعني هي 20 دقيقة مشي وابقي عند بيتنا القديم و قفنا قدامه شوية و بصيت على ركن عند الشجره و شاورت "
- تعرف يا زياد الشجرة دي كان مروان بيسند عليها ويخبي وشة و نلعب خلاويص انا و هو بس
ضحك: فعلا ؟
= ايوا!
راح عند الشجره وبصلي وبعدين خبي وشه: خلاويص ؟
" فضلت اضحك وانا بصه عليه و جريت بسرعه عشان استخبي و لكن خبطت ف جسم قوي اوي رفعت عيني لقيته حد ب بدله و جمبه عربية كبيرة سودا "
- انا اسفة مختش بالي
" مردش عليا معرفش هو مش بيتكلم ولا اية قربت عند زياد عشان نمشي "
= يلا نمشي يا زياد الشخص ده مرعب عامل زي تجار الا**عضا**ء
- طيب يلاا
"اتحركنا عشان نمشي لحد ما سمعت صوت عالي"
- هو ده البيت يا مروان ؟
_______________________
يتبع..
