رواية قلب شايل بيت الفصل الثاني عشر 12 والأخير بقلم منى أبو نوفل
رواية قلب شايل بيت الفصل الثاني عشر 12 والأخير
نسمه: أقسم بالله لو حد إتحرك فيكم هفرغ الرصاص دة فى دماغه، لو إنتم شياطين أنا أقدر عليكم، هاشم إرفع إيدك، فاكر لما تحرق المحل كدة إنت هتخرج والدك! بتحلم، كدة يبني إنت و أبوك فى السجن،
هاشم: خلاص، خلاص نزلي السلاح و سبينا نروح، مش هقرب منك تانى،
نسمه: أنا خدت صدمات كتير فى حياتى، و غدر من أعز الناس، خلتني أقف قدامك دلوقتى إنت و شويه العيال دول و أنا قادرة أخد حقي و مش خايفه،
هاشم و هو بيحاول ياخد من نسمه المسدس بعد ما زقها لورا: أنا ممكن أدفنك دلوقتى و مش هتلاقي حد يلحقك،
نسمه: أنا مش خايفه منك، إنت حيوان،
هاشم: إربطوها، يلا،
نسمه: فاكر نفسك كدة راجل!
هاشم: كلمة كمان هتلاقي طلقه فى دماغك،
نسمه: إنت عيل، و حقير،
هاشم و هو بيرفع المسدس على دماغ نسمه: العيل إللي قدامك هيقتلك،
جلال و هو داخل: إثبت منك ليه، كويس إنك جيت يا هاشم، سبقتني، أنا كنت جايلك،
هاشم و باين عليه الإدمان و مش في وعيه: و تتعب نفسك ليه! لو كنت رنيت عليا كنت جيت، بس كان نفسى أجي و هي مقتوله،
جلال و هو متعصب: إنت فاكر البلد دي مش فيها حكومة!
هاشم: مش كان في داعي القوه دي كلها تيجى معاك يا باشا،
جلال: طب يلا، يلا عشان القوه تعمل معاك الواجب،
هاشم: حاضر يا باشا، سلام يا جميل إسمك نسمه! و لا إيه!
جلال: خدوه، أهو يسلي أبوه،
نسمه: الحمدلله جيت في الوقت المناسب،
جلال: فيكى حاجه! حد لمسك!
نسمه: لا، بس عيال عبيطه،
جلال: ليه!
نسمه: المسدس ده يبان إنه حقيقي كان مع عمي محمود الله يرحمه، لما حاولت أخوفهم هاشم صدق إنه حقيقي،
جلال: أنا مبقتش عارف أعمل إيه! إنتي لازم مش تفارقيني و لا لحظه من بعد النهاردة، أنا خايف عليكي،
نسمه: متقلقش عليا أنا هكون دايماً بخير، أوعدك،
جلال: تتجوزيني و دلوقتى!
نسمه: موافقه، بس إخواتي و ماما! و المحل ده فاتحه بيه البيت، أنا مقدرش أعيش حياتى و أسيبهم، إخواتي صغيرين لسة و ماما تعبانة،
جلال: أهلك هما أهلي، أنا أجرب الشقة إللي تحتنا عشانهم، و طول الوقت هتبقي معاهم، مش هتحسي إنك بعيده أبداً عنهم،
نسمه و هي فرحانه: بجد يا جلال!
جلال: بجد،
نسمه: أنا مش عارفه أشكرك إزاي!
جلال: نتجوز الليلة،
نسمه: الليلة! بس صعب، لازم نجهز نفسنا و ماما تعرف،
جلال: أنا لسة جاي من عند والدتك و معندهاش مانع، ناقص موافقه بنتها،
نسمه و هي بتضحك: موافقه،
جلال: يلا بينا،
-بيت نسمه-
مامت نسمه: ألف مبروك يا حبايب قلبى،
جلال: الله يبارك فيكى يا ست الكل،
نسمه: مبروك يا حبيبى،
جلال: مبروك لينا يا حياتى، أنا إتفقت مع والدتك مفيش فرح و لا شهر عسل، هنروح كلنا مع بعض نعمل عمره، أنا قولت أخليها مفاجأة عشانك يا نسمه،
نسمه و هي مبسوطه خالص: مش قادره أصدق، طول عمري كنت أتمني أزور الرسول صلى الله عليه وسلّم، أنا مش قادره أوصف فرحتي،
جلال: أي حاجة تتمنيها أنا هحققها،
نسمه: إنت أبويا و أخويا و صحبي و إبني و جوزي إنت دُنيتي كلها، ربنا ما يحرمني منك أبداً،
جلال: يلا جهزي نفسك و والدتك و إخواتك عشان هنسافر الفجر، أنا هروح أسلم على زمايلي في الشغل، و هرجعلك تانى،
نسمه و هي حاضنة جلال و مُبتسمه: أنا بحبك أوى، فعلاً عوض ربنا جميل، كنت فاكره عمرى ما هحب حد و لا هفكر فى حد، لكن جيت غيرت كل حاجة فيا، ضهري و سندي، رغم إنك ظابط لكن تنازلت عن الفرح و إكتفيت، بيا حاسة إنك عايش حياتى أكتر منى من كُتر ما حابب تفاصيلي و بتحترم وجودي، أنا لاقيت فيك الصفات إللي تتمناها أي بنت،
جلال: إنتي أغلي حاجة عندي، إنتي إللي غيرتي حياتي، جيتي و خلتيني أحب الدنيا، أصحي الصبح عشان أسمع صوتك، عشان أشوفك، عشان أبقى معاكي، مكنتش أعرف إني هحبك أكتر من نفسي كدة،
نسمه: بحبك،
جلال: بموت فيكى،
شكراً على متابعتكم، أتمني تكون عجبتكم، أشوفكم على خير و فى رواية جديدة إن شاء الله.
#البارت_12_و_الأخير
#قلب_شايل_بيت
#مني_أبو_نوفل
وفر وقتك… لو بتدور على رواية كاملة وممتعة… اضغط (هنا)
الرواية كاملة من هنا (رواية قلب شايل بيت)
