رواية أميرة وعمر (كاملة جميع الفصول) عبر روايات الخلاصة بقلم سلسبيل أحمد
رواية أميرة وعمر الفصل الثاني 2
= اميرة
- في اية يا ماما ؟
= عمر بره
- قوليله نايمه
= قولتله انك صاحيه قومي بلاش قلة ذوق
في سري - اه انا برضو
-افندم؟
= كنت بدور على واحده 150m كدا اسمها اميرة بتطلع البلاكونه تجعر مشوفتيهاش ؟
- والله ؟؟
= اهه والله كانت بتخرج تقرفني بصوتها الي قد كدا فالبلاكونه
- عايز اية ياعمر ؟؟
= مكنش قصدي انا اسف يا اميره اني زعقت
يوووه بقي على قلبي دا وكرامتي الى بقت سوي السجاد بتاع الشقه
- طيب خلاص
= مش زعلانه؟
- لاء
= عشان اتأكد تعالي نخرج ناكل بيتزا
- عندي فرح
"جزيت على سناني بنرفزه"
- ايه قلبت وشك ليه
ابتسمتلها: متخديني معاكي الفرح؟؟
- اشمعنا انت مش بتحب الدوشه
= يعني انتي الى بتحبيها؟؟
- أأا انا أا نا
بصيت على حركه عيونها السريعه الي بتعملها دايما لما متعرفش ترد رايحه عشان كريم انا عارف
= عامة انا مش هسيبك تروحي لوحدك
بالمره اشوفلي عروسه
- نعم؟
= اية مالك
- هو انت جاي تشقط
= انتي مش مظبطه نفسك مع كريم عايزه اية؟
- ولا حاجه قابلني الساعه سبعه غور علي شقتك بقي
= مهزقه صحيح
- شبهك
__________________
لبست البدلة الى اخترتهالي من الصور وانا كمان اخترتلها فستان جميل لونه احمر اللون الي ميلقش على حد غيرها.
شوفتها وهي نازله وكالعادة كنت مبهور بجمالها
- اية القمر دا يواد؟ انت متنحلي ليه
= شكلك حلو اوي والفستان... اي ده ينهار ابوكي مش فايت اية دا
- ايه في ايه
= لفي يابت كده
برقت بعينيها وخافت ورجعت لورا - هفهمك
= اية دا !!!!! الفستان من غير ضهر !!
- متكبرش الموضوع مهو بضهر اهو اصلي هقولك افهم انت شوفته و وافقت
= افهم اية ؟؟؟؟ انتي مبعتليش صورته من ورا!!!
- لاء هو كدا
= اقسم بالله ما هيتخرج بيه غوري غيري دلوقتي
- يا عمر مينفعش !! هاروح بإيه
= امييييييره!!!!
- بطل زعيق احنا فالشارع!!!
= هتغيري الزفت دا مش هتخرجي وضهرك كله بره
بزعل - مينفعش اغيره
مسح على وشه بعصبيه وبعدين لاقيته طلع فا طلعت وراه خبط على ماما وفتحت
- لامواخذه يا مرات عمي عديني
"لقيت ماما بتبصلي"
- اية يا ولاد مالكوا
= معرفش يا ماما ماله
= انت رايح فين يا مجنون
دخل اوضتي وفتح الدولاب ساعتها فهمت بيدور علي اية بالظبط
- امسكي الجاكيت دا اللبسيه وربنا لو اتشال ثانيه انتي حره
ضحكت = عمر هو انت بتهزر
- اخلصي بدل ما اقعدك واقولك مفيش خروج
= اوف خلاص هات
ركبنا العربيه وكل شوية يبصلي عشان يشوف لو اي حاجه باينه وصلنا الفرح ونزلنا من العربيه
- اممم الفرح ده شكله جميلة اوي..
بصتله وكان لسه مكشر
- فك البوز دا بقي يباي عليك
= وعلى اية افكه واشوف البيه فا يرجع تاني
- بتقول اية؟
قاطعنا دخول كريم = اية ده ميرو شكلك يجنن
- يارتني جبت سيرة شلن احسن
بصلي ومدلي ايده = عمر مش كدا ؟ ازيك
بقرف - الحمد الله يا حبيبي
دخلنا الفرح وقعدنا وانا مش طايقه ولا عارف عاجبها فيه اية اصلا
- اميره ... زفته !!
= في اية يابني مالك؟
- الواد التنح دا مش نازلي من زور
= عمر بطل افترا وابتسم ها ابتسم يا حبيبي
- ابتسم اه كفايه انتي
= احنا في فرح عاوزني اعيط
- طب ما احنا في فرح بقي ما تشوفيلي عروسه
= لاء
- هقوم اشوف انا
= عمر خد لا متسبنيش خد
قومت وسبتها قاصد بس براقبها بعيوني من بعيد لبعيد..
- الا قوليلي يا اميره
= اية يا كيمو
- اية القمر ده
اتكسفت = شكرا
قرب مني وقعد جمبي - بس ليه لابسه الجاكيت ده ما تشليه شكله مبوظ الفستان
= اصل الفستان مفتوح من الضهر
- مممم بس شكله هيبقي اشيك لو شلتيه
بستغراب = اشيك!! ؟
كنت واقف بعيد و لاحظت قربه الزياده منها والي واضح انوه وترها فا روحت ناحيتهم واتكلمت بحده = في اية؟
حاولت تداري صدمتها الى معرفش سببها - مفيش حاجه كل خير
ابتسم ببرود و وقف مد ليها ايده = ترقصي؟
بصتلي كأنها مستنيا مواقفه بابها عشان تروح تلعب وعيونها بتلمع مدتش اي رد فعل لاني كنت عاوزها هي ترفض بس للاسف قامت وبدؤا يرقصوا بصيت قدامي وانا بحاول اهدا ومبوظش الدنيا فالفرح
- عمر ؟؟
= ساره؟ يخربيتك! عامله اية
- كويسة انت اخبارك اية ! اختفيت من ايام الجامعه والشلة وكدا
= مشغول والله
- اية دا خطبت ولا اتجوزت
= لا لا هه لسه سنجل
- ازاي بس القمر ده و سنجل
استغربت من جرأتها = وانتي؟
- يوووه اتخطبت مرتين وفسخت
تقرب للعروسه ولا العريس بقي
- ولا دا ولا دا انا جاي مع بنت عمي
= امممم طيب بقولك اية تعالي نرقص
شدتني معاها وروحت كنت قريب من اميرة واللطخ الى جمبها
- اميره سرحانه في اية
= مفيش
- انتي مبتعرفيش ترقصي علفكره
باحراج = مرقصتش قبل كده
بخبث- ممكن اعلمك
= بجد؟
- ايوا اية رأيك تيجي نتقابل يوم عندي
= عندك! فين؟
- عندي في بيتي
= ازاي يعني يا كريم
-عادي انا لوحدي فالبيت وكدا
سكت وانا بحاول استوعب الي قاله فا قرب مني اوي احنا كنا بنرقص كل واحد لوحده لكنه حط ايده عليا و ده فاجئني
ملحقتش اعمل اي حاجه لقيت عمر فجأه هـ ـجم عليه وضـ ـربه بالبونيه وسحبني وراه وسط زهول الناس
زعقت - انت ماسكني كدا ليه !!!
زقيت ايده بعصبيه
ملحقناش نتحرك ولقيت كريم جي
= اميره استني
عمر صْربة مره تانيه وبدء يزعق
= اوعي تفكر تحط ايدك دي عليها تاني ولا الا هكسرها
- انا هعرفك تمد ايدك دي عليا ازاي
رفع ايد عليا فا مسكتها بقوة ولفتها وراه ضهره لدرجه انه صرحْ من الوجع
= على بيتك عدل يا شاطر عشان اعصابي متفلتش اكتر من كدا وأ
قاطعني دخول سارة وبصيت علي اميره كانت وراها مخضوضه وبتعيط فا بدأت احاول اهدي
سارة شدتني بعيد عنه - عمر خلاص اهدا
= غور من هنا !! ياض
- خلاص يا عمر !
= اوعي يا سارة اوعي
بصيت ورايا لقيت اميره اختفت
= ساره معلش انا همشي بعد اذنك
فضلت ادور عليها زي المجنون فالشارع ركبت العربيه لقتها ماشيه عالطريق لوحدها
نزلت ولما شافتي بدأت تمد فا جريت ومسكتها
- انتي ازاي تمشي فالشارع لوحدك دلوقتي و سيباني كده ؟؟؟؟ انتي ايه ؟؟
زعقت = ابعد عني اوعي تلمسني
- انتي كمان بتزعقي
= ابعددددد عنيييي
دموعها كانت مغرقه وشها ومفحومه من العياط
- انا مش مصدق ان انتي الى زعلانه
= ملكش دعوه من انهارده ملكش دعوه اوعي تفكر تدخل في حياتي تاني يا عمر
زعقت بعصبيه - انتي كان عاجبك الي حصل ده؟؟
صوتي العالي وعصبيتي خضتها فا قعدت تعيط
= انت فضحتني وبوظتلي كل حاجه انت بتعمل معايا كدا ليه انت ديما تبوظلي اي حاجه بحبها وتبعد عني الناس الي بحبها ليه!!!!
اتغظت من غبائها فا مسكت دراعها بعصبيه
- انتي مدركه بتقولي اية؟؟ واحد عرفاه من كام يوم بقيتي بتحبيه وبتخليه يقرب منك ويدخل حياتك وهوا رْباله اصلا ولا انتي مش واخده بالك
= ملكش دعوه !!!
- هوا اية الي مليش دعوه انتي عبيـ ـطة ولا فكراني مش راجل؟؟؟؟
= هو انا بحاسبك على الى بتعمله ولا بقولك كلم دا
ومتكلمش دا ؟؟ انت دايما تعاملني كأني طفله
- عشان انتي عيله فعلا اختيارتك غلط ومبتعرفيش تقري الناس وصدقيني لو قرب منك تاني مش هيحصل كويس
مشيت خطوات سريعه بعيد عنه فا مسكتها
= انتي رايحه فين! بطلي جنانك ده !!
- مروحه! اوعي بقا
= مش هتمشي لوحدك اركبي
- لا انا مش همشي معاك
شدني ودخلني جوا العربيه وقفل الباب وبعدين ركب
- اربطي الحزام
= لاء مش ربطه الزفت
قرب بعصبيه وهوا بيربطه فضلت مركزة في عيونه وحاسه بأحساس غريب..
بعد بهدوء وساق العربيه وصلنا البيت فا طلعت بسرعه
- اجري على فوق حلو يابت
طلع ورايا فا دخلت اوضتي وقفلت الباب جامد
- ايه يا عمر مالكوا
= بنتك يا مرات عمي شكلها اجننت
رديت من وراه الباب - محدش مجنون غيرك يالي ماشي تصْرب فالناس زي البلطجيه
= طب افتحي الباب ده بدل ما اكسروا على دماغك زي البلطجيه يا اميره
- اسكت انت وهي كنتوا زي الفل حصل اية!!!!
= بنتك بتعرف ناس شبه الشباشب
- شبهك يعني؟
= اهه يا... عاجبك كدا يمرات عمي
- عيب كدا يا اميره كلمي ابن عمك كويس
= اكلمه كويس اه مشيه من هنا يا ماما انا مش طايقه اشوف وشه
- لا يابت ولا الى ميت فى دباديبك
= احنا هنعزل من هنا عشان ارتاح من خلقتك
- عايزه تمشي غوري لوحدك وسيبي فاطمه معايا
= ماما هتمشي معايا انا وابقي اقعد انت كلم نفسك
فاطمه: تعبت انا تعبت منكوا هتعقلوا امته !!
وانت يا عمر بدل ما تعقلها بتعلموا الهبل دا
- بكره ان شاء هكسرلك دماغها انا رايح انام وهي تقولك حصل اية يمرات عمي بقي
عليت صوتي: هااا تبقي تقولك ده لو عرفت
= اها هقولها ياعمر
- متقوللها بس على الله متحطيش التاتش بتاعك
خرج من البيت وانا فتحت الباب بغيظ
- عاجبك كدا يا ماما احنا لازم نمشي من البيت دا
= اتنيلي
دخلت اوضتي وقعدت افكر فيه وافتكر جنانه وخوفه عليا و ضحكت واستغربت ازاي كريم مش كدا وازاي مكنش غيران وشايف عادي اني اللبس فستان مفتوح؟!.
خرجت البلاكونه وانا بتسحب وبحاول معملش صوت لقيته قاعد فا حاولت ارجع تاني ليفتكرني عايزه اكلمه
بس خبط في كيس المشابك
- سامعك
فضلت ساكته وحطه ايدي على بوقي
- اطلعي اطلعي بطلي تمثيل انا عارف انك مستخبيا
|| تنويه بسيط دي مجرد رواية خيالية تصرفات البطلة غير ناضجه تماما... وحرام اتمني اي حد بيقرأ يبقي فاهم الصح و الغلط و كده كده البطلة هتفهم الصح و الغلط قدام لكن برضو واجب التنبيه ان التصرفات دي حرام و الاختلاط بالولاد و العلاقه مع ابن عمها اوفر وكل ده ||
يتبع..
