رواية أميرة وعمر (كاملة جميع الفصول) عبر روايات الخلاصة بقلم سلسبيل أحمد
رواية أميرة وعمر الفصل الثالث 3 والأخير
خرجت البلاكونه وانا بتسحب وبحاول معملش صوت لقيته قاعد فا حاولت ارجع
- سامعك
فضلت ساكته وحطه ايدي على بوقي
- اطلعي اطلعي
= انا معملتش صوت
- اصلي بحس
بصتله بتركيز
- اية هتصوريني
= انت عملت كدا ليه
- عملت اية
= تؤ الى عملته دا
- عشان الواد دا مش تمام وقولتلك بدل المره ميه انك عبـ ـيطه ومبتعرفيش تقري الناس
= متحترم نفسك وبعدين انت عرفت منين
- هوا في حد محترم يقول لواحده تروحه في قلب بيته لوحدهم؟؟
بصتله باندهاش = انت سمعته؟؟
اتوتر - اها سمعته بالصدفه
= والله
- اها
= غريبه سمعته قال كدا وسكت
- لا مانا استنيت اسمع ردك وبعدين اروقه زي ماشوفتي كدا وهعمل كدا تاني لو لاقيتك بتبصي عليه بس فاهمه؟
= علفكره ملكش دعوه
- لو قولتي الكلمه دي تاني هديكي بالقلم
حدفت عليه مشبك من البلاكونه
= أيي ليه كدا يا مهزقه
- انت ازاي ترقص مع واحده
قلدتها وهي بتكلم = ملكيش دعوه
- بقي كدا
= اها وادخلي اتخمدي الساعه 1
- مش داخله
مسك المشبك وهوشني بيه فا جريت على جوا..
__________________
دخلت نمت وتاني يوم صحيت على مسدجات من كريم ومنهم مسدج انوه لازم يشوفني ضروري ؟!
- اميره انتي صحيتي
= اها يا ماما
- انا بعمل فطار روحي نادي عمر
فتحت الباب وناديت بس مردش فا دخلت لماما بزهق
= مش موجود
- يوه انا نسيت دا قالي عنده معاد
اتكلمت بغل = معاددد مع مين ! !
- مش عارفه هجهزلنا احنا الاكل بقي
دخلت اوضتي مسكت الموبايل ورنيت عليه بس مردش قولت اكيد نزل يقابل البنت الى كان بيرقص معاها طب وانا مالي غيرانه ليه!!
بصيت تاني على مسدجات كريم للحظه
- يلا عشان تفطري
= انا هغير عشان نازله
- رايحه فين
- رايحه أأ.. هقابل واحده صحبتي فالكافيه
دخلت لبست ورنيت عليه يقابلني في الكافيه الى جمب البيت..
_________________________
- فطومه ناديلي بنتك بسرعه
= اميره نزلت يابني
- نزلت راحت فين؟؟
= تقابل واحده صحبتها فالكافيه
- انهي كافيه ده
= مش عارفه رن عليها اسألها
رنيت عليها فا كنسلت
- ماشي يا اميره والله لوريكي بترديهالي يعني؟!
___________________
- خير يا كريم
بخبث = انا كنت عاوز اعتذرلك على امبارح انتي فهمتيني غلط ومكنش قصدي كدا
- يا شيخ
= ايوا
- وبعدين
= ياريت نفضل صحاب احسن كدا كدا احنا مش شبه بعض
قلبي فضل يدق بعنف
- مش شبه بعض ؟؟
= ايوا انتي غريبه مش زي باقي البنات
اتكلمت وانا مكـ ـسوره بس مبينتش
- انت منزلني عشان تقولي كدا
= ايوا احنا اتسرعنا كمان انتي دماغك مقفله وشخصيتك غريبه وانا مكنتش شايف كل دا فى الاول
- اممم واية كمان
= ولا حاجه
- تؤ هو انت فاكر اني ممكن اكمل مع واحد زيك اصلا ؟
ابتسم ببرود = هههه امال نازله تقابليني ليه
اتكلمت بثقه - عشان اقولك اني انا الى مش هكمل معاك لما تبقي راجل الاول ابقي ارتبط اهه ومتنساش ان انت الى كلمتني وعاوزني اقابلك ضروري
قومت فا مسك ايدي = اوعي تفتكري ان كريم نصار في واحده تقدر تسيبه انتي هتجيلي لحد بيتي برجلك
زقيت ايده وضربته بالقلم على وشه وخرجت من الكافيه وانا بحاول اهدا ومعيطش فالشارع ايدي كانت بتترعش لحد ما لقيت ايد على كتفي بصيت وانا فاكره كريم وبزعق - ابعددد
اتفاجئت ب عمر = اهدي
اول ما شوفته عيوني دمعت
- تؤ تؤ تؤ اوعي تعيطي دموعك متنزلش على دا انا هاروح اكمل عليه
مسكت ايده وقربت وفضلت اعيط : متروحش
= ششششش اميره اهدي
- متسبنيش
= خلاص انا معاكي تعالي طيب
قعدنا بعيد عن الناس جمب الشجر
- خلصتي
بعياط = طلع عندك حق
- خلاص طيب
= كان عندك حق
- طب اهدي
= طلعت عيله فعلا واختياراتي غلط
زعق - خلاااص ايييه
مسحت دموعي وبصتله = انا اسفه يا عمر
- اميره انا مش عاوزك تزعلي عليه
= وانا مش زعلانه عليه زعلانه لاني وحشه
- مين قال كدا دا انتي اجمل حد فالدنيا
= لا ياشيخ
- اها والله هوا الى حيوان وانا قولتلك من البدايه بس اديكي بتتعلمي وبتخدي خبره
= انا تعبت اوي
- معلش محدش بيتعلم ببلاش
= مين الى كنت بترقص معاها دي
ضحكت - هههه مش كنتي لسه بتتشحتفي
= عمر
- واحده صحبتي
= بتصاحب حد غيري
- منتي بتصاحبي غيري
= بترقص مع حد غيري
- منتي رقصتي مع حد غيري!
= وانت سبتني ليه ارقص مع حد غيرك
- عشان مفروض تختاري من نفسك
= ربنا يعوضني بكراش جديد
- عند امك
= اية؟
- عند فاطمه الي هي امك مفيش زفت تاني ارحمني نفسك
= انا متحبش اصلا عمري ما هتحب
- عاوزة تتحبي وتتجوزي بعدين تمشي من البيت وملقيش حد يقرفني ويغني وصوته وحش
= انا صوتي وحش
- هوا دا الى فهمتيه
= بكرهك
- وانا بحبك
بصتله بصدمه = اية !
- اية
= عمر انت قولت اية دلوقتي !
- انا مقلتش حاجه
= بقي كدا
- ايوا
= طيب قوم روحني وهاتلي عصير قصب الاول لان نفسيتي وحشه
= مش عايزه بيتزا
- انت وذوقك
= طيب قدامي يختي
روحنا اشترينا اكل وعصير وطول الوقت بفكر في كلمه بحبك الى قالهالي.! معقول بيحبني انا
روحنا وانا طول النهار بفرك فالشقه
- ماما ماما يا ماما
= اية يابلوه ايييييه
- ماما هوا الحب يتعرف ازاي
= الحب ؟
- اها ممكن تعرفيني
= الحب لما تلاقي شخص شايفك كلك مميزة وراضي بعيوبك مش عايز يغيرها وبيخاف عليكي ومش بيهون عليه زعلك وبتحسبي بأمان معاه
- ياااه كل دا؟
= واكتر بكتير الحب دا شعور جميل
- انا بحبه
= بتقولي اية
نطيت من مكاني بفرحه ومسكت الفون بعت مسدج ل عمر وقولتله بحبك وبعدين لما شافها مسحتها بسرعه استنيت فالبلاكونه لاني عارفه انوه هيطلع بس اتفاجئت بيه في الشقه ودخل بلاكونتي
- يلهوي!
قرب مني بنظرات جديده عليا = بعتي اية عالواتس؟
- انا ؟
= اه قولتي اية
- مقلتش حاجه!
بضعف = اميره
سرحت في عيوني الي بتسحرني كل مره ابص فيها - بحبك انا بحبك
= انا مش مصدق !!
- انا اكتشفت اني بحبك ومش عايزه حد غيرك في حياتي ممكن متسبنيش ابدا
= اسيبك؟ وانا بحبك ؟ عمري ما هسيبك طبعا
- قولت بتحبني؟
قرب مني = ايوا قولت
- احمم طب ماما طب ماما بره
= فاطمه؟
- اها
= هوا انا مقولتلكيش ؟
- لاء قول
= مش انا طلبت ايدك من فاطمه امبارح؟
- ايه! هي عارفه ؟؟؟ وبتتخابث عليا
= عارفه و موافقه المهم انتي
بدلع - انا بصراحه مش هلاقي حد تاني يجبلي بيتزا وعصير قصب ويستحمل صوتي وانا بغني كل يوم
= يعني اية؟
= يعني موافقه..♡
تمت
بقلم الكاتبة Slsbell Ahmed سلسبيل احمد
هستني رأيكم
