رواية أميرة وعمر (كاملة جميع الفصول) عبر روايات الخلاصة بقلم سلسبيل أحمد
رواية أميرة وعمر الفصل الأول 1
- كل يوم انا بجيب في سيرته ترا را للقمر و النجوم
= هوا مين دا الى بتجيبي سيرته؟
- هما بيطلعوا أمتى!!!
= من اي حته متغيريش الموضوع
- موضوع اية وبعدين اية انت مالك
= صوتك خرم الحيطان
- صوتي خرم الحيطان ولا انت الي بتتصنت على بلاكونات الناس
= انا طالع اشرب سجاره لو اعرف انك هنا اكيد مكنتش هطلع
- طب ما تعزل على الاقل يجي جار غيرك مز كدا ونعاكس بعض
= طب اسكتي بقي بدل ما اساوي وشك بالبلاط
- عيل بيئة ولوكل
= بس يابت اسكتي خالص وانتي تنحه كده
- تنحه يا عيله بيئه
= منتي من نفس العيله يا بومه !!
- اها والله ابن عمي وكمان في نفس البيت الواحد يتخلص منك ازاي يا عمر ؟؟ لا وكمان بلاكونتي لزقه ف بلاكونتك مفيش مفر منك
اها لو اروح فى داهيه
= اها يارب تروحي
- بتقول اية؟
= ولا حاجه
بدء يطلع السجاره ويمسك الولاعه و ولعها وشرب
- طب مبحبش ريحتها!
نفخ بعيد عني = طب ادخلي يا اميره جوا كدا اصلا
الوقت اتاخر على جوا يابت يلا
- وقت اية هو انا فالشارع جتك القرف
= جتني قرف؟
- اها
= ماشي يا متربيه
" فضلت اكح كتير قاصده لحد ما طفها بسرعه "
- انتي كويسة ؟؟
كملت تمثيل: كح كح.. زوري هموت مش قادره
جاب مياه من جمبه: خدي خدي اشربي بسرعه
"شربت وانا ببتسم بخبث"
= معلش معرفش انك فرفورة كدا
- ناس مؤذية صحيح
= طب خشي اتخمدي
- حاضر
= مطيعه اوي البت
- اسر بقولك يا حبيبي وريني كدا العلبه دي بتاعت السجاير
= هتشربي سجاره ولا ايه؟؟
- لا عليها حاجه كدا غريبه حابه اتأكد بس هات ثانيه واحده
ناولني العلبه فا طبقتها و رمتها فالشارع
= اها يابنتالللللللل
بصتله بتحدي: ها ايه ها؟؟ هتغلط في بنت عمك؟ والله اسلط عليك عمي يلا جود بقي يا حب
>>>>>>>>>>>>>>>>>>>>>>>>>>>>>>
*تاني يوم*
-بردك شوف متلقح فالبلاكونه ازاي
= انا جاي من قبل قبلك غوري انتي
- هوا اية الي يلحق يعني؟
= اها
- طب عمر ..عمر .. يا عمر
= ارغي !!!
- ممكن تيجي معايا وانا بقابل الكراش
= اية ؟!!!
- اروح لوحدي يعني يابن عمي يا أصيل؟؟
= لا ازااااااي عنياا
>>>>>>>>>>>>>>>>>>>>>>>>>>>>>>>>
|| في كافيه ||
- هو جاي دلوقتي يا عمر ياريت تخليك لطيف وتتكلم معاه بهدوء وزي ما قولتلك المره دي بكراش بجد وحاسه ان هو دا غير انه معجب بيا وكدا
= معجب بيكي انتي؟
- عمر بطل تناحه! شوفه عشان يجي يتقدم!
- اهو البيه شرف و متأخر تلت دقايق قله ادب صحيح
لقيت هيئة مستفزة داخله عليا فا بصتله من فوق لتحت: اكرم مش كدا ؟ ازيك
أميرة ميلت على ودني: اسمه كريم يا عمر ! قولتلك اسمه كريم !!
= فوزي؟
رد عليا بصوت عالي ومد ايده - انا كريم
بصتلها = اية دا هو بيزعقلي ولا اية
سلمت عليه بقوة - وانا عمر ابن عمها
لاقيته بص ليها بسذاجه: وحشتيني اوي
بصتله بحده: بتقول حاجه يا كيمو؟؟
رجع بضهره لورا: احم ازيك
= الحمد الله
بصتله بابتسامه مصطنعه: قولي بقي بتشتغل اية ياكيمو؟
= لسه متخرج من كليه طب
- اممم هتبيع كبده يعني ولا اية مش فاهم
= لا هشتغل في مستشفي بابا
- هتجبلهم شاش وقطن؟
= نعم؟؟
اميره ذغدتني فا ابتسمت - بهزر مبتهزرش ولا اية يا اكرم
= اسمي كريم
- ، عندك شقه؟
= اية الاسئلة دي
بصتلي وهي محرجه وهمست - جرا اية يا عمر ؟
= تعرف اكله اميره المفضله على كدا ؟
سكت وبصلها = اهو شوفتي ميعرفش تلاقي حتي ميعرفش ان عندك حساسيه من الفلفل
حاولت تلطف الموقف - عمر بيهزر يا كريم بيموت فالهزار زي عينه
= لا بس انا اعرف اكلها المفضل بتحبي الشاورما اعقتد
رديت عليه بسخريه - شاورما اعتقد؟
= اها بحبها بحبها
بصتلها بابتسامه - امال بتطفحينا بيتزا ليه كل ما نخرج يختي
= تخرجوا؟
- اها اسكت بنخرج كتير اوي تلاقينا زي التؤام كدا لزقين فبعض يا اكرم
حاول يستفزتي: ومالو ياعم عمر انت في مقام اخوها برضو
- طبعا طبعا ان شاء يبقي ليكوا مستقبل
= بقولك اية يا ميرا
بصتله: اصل دا اسم الدلع بتاعها
= اخدتي المهدء انهارده ياحببتي؟
لاقيته بصلي بستغراب: مهدء اية ده يا اميرة
= هي مقالتلكش ؟ اصلها عصبيه موت فا بتاخد مهدء لحسن ممكن تفلق الي قدامها اتنين خصوصا بقي الي اسمهم بيبدء بحرف الكاف. يا اكرم
___________________________
- ممكن افهم اية عملته دا يا عمر ؟
= انا معملتش حاجه عامة ربنا يوفقك مع ان دمه سم بس اهو انا اديته رقمي وعملت الى عليا
- يوفقني اية بعد الى عملته الله يخربيتك يا عمر
= يخرب بيتنا؟
- اية؟
= اية!
- انا عصبيه؟ وباخد مهدء
= اية مش بتخدي بنادول للصداع
- دا مسكن؟
= اهه سوري اتلخبط
- اوريله وشي ازاي فالفرح بس يارب
مسك دراعي: اية هتتجوزوا ولا ايه!!!
- اوعي يمتـ ـخلف انت ده فرح صحبتي و هتتجوز صاحبه فا هنتقابل هناك
= وان شاء الله انتي تقابليه ليه!!!
- عاوزين نقرب من بعض
= تقربوا!!!!!
- مالك في اية؟؟
= مفيش زفت امشي قدامي
- ماشيه يخويا
>>>>>>>>>>>>>>>>>>>>>>>>>>>>>>>
" فات تلت ايام بخرج البلاكونه مش بلاقيها بشرب سجاير مبلقيش حد يمثل انوه هيموت من ريحتها عشان اطفيها اتخنقت لدرجه اني شربت علبه كامله في يوم لحد ما رجعت بليل لقتها فالبلاكونه
عندي انا فا استغربت "
- اية دا يابت بتعملي اية في بلاكونتي
بصتلي بعتاب: هي اية كل السجاير دي؟
- وانتي مالك يا اميره هو انتي رئتي؟
زعقت: انا مبهزرش يا عمر !!
- انتي عبيـ ـطه؟ ولا انا بهزر!!!!
= طب والله العظيم هعرف عمي !! هتصل بيه اقوله انت تعبان في شغلك بره وابنك هنا
قاطعني و مسك دراعي بقوة: اميره !!!!
" اتوجعت فا بعدت وسبت ايديها راحت ماشيه بسرعه من قدامي "
"اتعصبت عليها عارف بس مكنش ينفع تعرف ابويا لانه تعبان جدا وكفايه انوه متغرب وانا مفهمه اني مبطل سجاير "
" بقيت عاوز اتهرب منها وخلاص والمشكله انوه مينفعش احنا ولاد عم وهي ملهاش غير امها بس لأن عمي الله يرحمه.. "
= اميرة
- في اية يا ماما ؟
= عمر بره
- قوليله نايمه
= قولتله انك صاحيه قومي بلاش قلة ذوق
في سري - اه انا برضو
-افندم؟
= كنت بدور على واحده 150m كدا اسمها اميرة بتطلع البلاكونه تجعر مشوفتيهاش ؟
- والله؟؟
يتبع..
