رواية المشرحة كاملة (جميع فصول الرواية) بقلم إسماعيل موسى
وانا شغال فى المشرحه، شفتى كان بيبداء نص الليل، بعد شهر من شغلى وانا رايح استلم الشيفت من زميلى شفت شخص واقف فى الناحيه التانيه من الطريق بيبص على المشرحه بتركيز وبعد ما استلمت الشفت ببص مكنش موجود
زميلى شافني ببص بتركيز على الطريق فسألنى مالك ؟قلت شفت شخص غريب كان واقف الناحيه التانيه بيبص على المشرحه ، زميلى عم حارس اقدم منى بكتير فى المشرحه
سألنى الراجل دا كان واقف فين؟ شاورت بأيدى على شجرة الجميز وقلت المكان إلى كان واقف فيه هناك
اول ما سمع كده وشه تغير جامد وقعد يحسس على ايده بطريقه غريبه، قال كان لابس احمر ؟
... قلت ايوه
عم حارس مشى من غير ما يرد عليه وسمعته بيهمش
ربنا يسترها عليك...
قعدت افكر هو عم حارس اتغير كده ليه ؟ انا عمرى ما شفته كده، ايه يعنى راجل كان بيبص على المشرحه ؟ يمكن قريب حد متوفى جوه المشرحة .، تابعت عم حارس وهو بيبعد عنى ولاحظت انه بيبص على نفس المكان إلى كنت بشاور عليه...
دخلت جوه المشرحه وكشف الجثث فى ايدى ،قعدت افتح التلاجات واعمل حصر للحالات إلى موجوده عندى، لحد ما وصلت التلاجه قبل الأخيره إلى كانت فاضيه ،طيب ازاى ؟
راجعت اذون الخروج ومكنش فيه اذن لخروج اى جثه ودى كانت مصيبه هتخسرنى شغلى ،بسرعه مسكت التليفون وكلمت عم حارس بس تليفونه كان مقفول ،
حطيت ايدى على دماغى من المصيبه إلى وقعت فيها، كان لازم اعمل اى حاجه، سحبت الملفات ومن بينها طلعت ملف الجثه إلى فى التلاجه قبل الأخيره ،لا مش معقول ابدا،
جسمى كله ارتعش ، الصوره إلى كانت فى الملف نفس شكل الراجل إلى شفته واقف بيبص على المشرحه ،يا نهار اسود ،هو الراجل رجع من الموت ولا ايه؟
لكن لما فتشت فى الملف وشوفت صورة الجثه لحظة ما عثرو عليها كان هيغمى علية، الجثه كانت متبهدله تمامأ ،محروقه وفيها أطراف مش موجوده، جثه متفحمه دا لو كان الشيطان نفسه مستحيل برجع للحياه...
وانا بقول كده وبفكر، المصباح فوق دماغى ارتعش قعد ينور ويطفى وانا قلبى وقع بين رجليه، فجأه والنور قطع عن المشرحه كلها وسمعت صوت حاجه بتتحرك، انا لزقت فى الحيطه وكتمت أنفاسى معملتش ولا إى حركه، سمعت صوت،خطوات بتمشى
وانفتحت تلاجه ،بعدها مفيش صوت وقبل ما اخد نفسى سمعت الخطوات بتقرب منى....
يتبع....
فصول رواية المشرحة بقلم إسماعيل موسى
اضغط على الفصل الذي تريد قراءته:
رواية المشرحة الفصل الأول 1
رواية المشرحة الفصل الثاني 2
رواية المشرحة الفصل الثالث 3 والأخير
وفر وقتك… لو بتدور على رواية كاملة وممتعة… اضغط (هنا)
