رواية وعود الحب الفصل السادس 6 بقلم ملك ياسر
رواية وعود الحب بقلم ملك ياسر
بارت 6💜
دكتور مراد بإبتسامه جذابه: عايز اجي و اتقدم لحضرتك و بطلب رقم والدك.
ايناس بحزن: بابا الله يرحمه.
دكتور مراد بحزن: اسف مكنتش اعرف الله يرحمه. طب ممكن رقم والدتك؟
إيناس بتوتر: انا اسفه بس مش مستعده دلوقتي لأي علاقه و بجد اسفه ي دكتور …و قبل ما ينطق بكلمه كانت ايناس مشت.
إيناس بتوتر: يلا... يلا ي مريم نمشي.
مريم بقلق: في ايه و دكتور مراد كان عايز ايه؟
إيناس بتوتر: ده.. ده كان بيقولي حمدالله على سلامتك... يلا نمشي عشان تعبانه و عايزه اروح.
مريم: حاضر حاضر يلا.
إيناس: ازيك.
اسلام بصلها بإبتسامه: الحمدلله انتي اخبارك ايه دلوقتي؟
إيناس: بخير الحمدلله... هنتقابل امتى عشان ننفذ الخطه.
إسلام بشر: عند البحر ده انسب مكان و محدش يعرفه غيرنا هستناكي هناك 8 بليل متتأخريش خلي بالك من نفسك كويس.
إيناس: حاضر و سابته و مشت.
الساعه 8 بليل..... عند البحر كان واقف مستنيها بس هي اتأخرت.
إيناس كان على وشها ملامح الخوف و القلق و فجأه وقفت قدام إسلام و ضربته بالقلم و قالت: انت ازاي تتجرأ تكلمني من رقم مجهول و تقولي اجي اقابلك انت عاااايز ايييه مني مش كفايه اللي انت عملته معايا و مع بابا عايز ايييه تاني مني ما تسيبني في حالي بقى ي شيخ كان عنده حق زين يحذرني مني ابعد عني احسنلك ي إسلام انا لحد دلوقتي سايباك و ربنا هيجيبلي حقي منك متخلينيش اعمل تصرف ميعجبكش ولا يعجب خالتي مش عايزه اشوف وشك تااااني..... و سابته و مشت...
زين كان واقف بيراقبهم من بعيد و بيضحك بخبث: كلتي الطُعم خلاص ي مز*ه ده انا مش هسيبك غير و انتي مراتي و اخد كل حاجه منك بس لازم اخلص من الزفت ده طالعلي في البخت.
في البيت عند إيناس...
إيناس: الو ي إسلام حقك عليا والله مكنتش متوقعه انه ممكن يكون بيراقبني و يجي ورايا احنا لازم نتفق في البيت هنعمل ايه مش هينفع نتقابل بره ده مراقبني في كل مكان.
إسلام: ولا يهمك و كويس انك اتصرفتي كده و لازم نتفق على الخطه الجديده من الفون بصي ركزي معايا اول حاجه هنعملها هي........... و دي هتكون عليا انا لكن انتي دورك هيجي بعدي
زين وصل لمكان شغله و هو مخزن كان فيه ناس اشكالهم مش لطيفه و في راجل معاهم و يعتبر الكبير بتاعهم و هو ابو زين و اسمه(جمال) ووو دخل عليهم راجل تاني باين عليه الخبث و كلهم اتجمعوا......
جمال بضحكه سمجه: نورت ي شريف باشا المكان.
شريف بخبث: المكان منور بصحابه ي جمال.... كلوا يركز معايا عشان الطلعه المره دي غير اي طلعه و عنيكم لازم تكون في وسط راسكم عايز ناس كفاءه.
جمال بشر: عنينا ليكم ي باشا أأمر بس و احنا ننفذ.
شريف: الطلعه دي فيها مخد*رات و سل*اح.
زين قام وقف و اتكلم بعصبيه: ايه؟! ازااااي يعني الاتنين مع بعض ده مينفعش المسؤوليه هتكون اكبر انت عايز تتضيعنا ولا ايه انا مش هكمل في حاجه زي دي انت اكيد....
قطع كلامه ابوه و هو بيشده بغيظ عشان يسكت.
جمال بعصبيه: اقعد ي زين شريف باشا اكيد عارف هو بيقول ايه و اكيد محضر لكل حاجه و عامل احطيتاته اللي علينا بس ننفذ الاوامر.
شريف بهدوء: انا معايا رجاله ب الف منكم و عارفين شغلنا كويس و عارفين احنا بنعمل ايه لو مش عاجبكم الشغل نفضها سيره و الطلعه كلها تبقى بتاعتي و انا المستفاد من الفلوس الكتيره اللي هتيجي.
رد جمال بطمع: لا لا ي باشا كلامك على عينا و راسنا و موافقين اتكل انت على الله و حضر كل حاجه و احنا تحت أمرك متاخدش في كلام زين ده لسه عيل ميعرفش مصلحته فين.
زين بص لأبوه بصدمه و سابهم و مشى.
شريف: اتفقنا يبقى بعد 3 ايام تكونوا محضرين نفسكم انتوا عليكم البضاعه انا العربيات و الرجاله و في مكان و هننقل البضاعه هعرفك كل حاجه قبلها ب ساعتين.
و سابهم و مشى.
شريف: الو
المجهول: كل حاجه تمام زي ما اتفقنا؟
شريف بخبث: عيب عليك ي باشا ده انا تلميذك.
في بيت زين و جمال.
زين بزعيق و صوت عالي: انا مش هكمل في الطلعه دي يابااا انت عارف مدى خطوره الموضوع ده فيها مؤبد انت مستغني عن نفسك و عني بسهوله كده ليييه.
جمال: ياض اهدااا و اسمعني احنا هنمشي وراه للأخر و هو عنده مصالح كتير مع الحكومه و البضاعه بتاعتنا و العربيات و الرجاله عليه يعني المكسب الاكبر لينا و بعدها هناخد كل الفلوس و نموته خليك ذكي شويه زي ابوك متبقاش متهور كده ده المره دي غير، اي مره احنا هنتنغن و هنبقى اغنيه اخيرا و نطلع من ام الحاره دي و ناخد الورث بتاع الزفته إيناس و البيت و نعيش براحتنا و الدنيا تضحكلنا بقى.
زين بتفكير و طمع زي ابوه: ماشي يابا انا معاك بس اعرف اني مش مرتاح للطلعه دي.
جمال: متقلقش انت بس المهم هتعمل اللي قولتلك عليه مع إيناس عشان تقدر تتجوزها و تاخد الورث.
زين بخبث: ماشي و هنفذ من بكره.
تاني يوم الصبح كانت ايناس بتجهز عشان تروح الجامعه.....
نزلت ايناس و لقت حد بيشدها و بيدخلها العربيه و كتم نفسها لحد ما اغم عليها......
يتبع…
لقراءة باقي فصول الرواية اضغط هنا ( رواية وعود الحب )
رواية وعود الحب الفصل السابع 7
وعود الحب💔
بقلمي/ ملك ياسر الشرقاوي 🌗
