رواية وعود الحب الحب الرابع 4 بقلم ملك ياسر
رواية وعود الحب بقلم ملك ياسر
البارت 4💜
تاني يوم صحت على ماسج اتبعتتلها من رقم غريب مكتوب فيها… اسلام قتل ابوكي…
ايناس فضلت قاعده مصدومه و مش قادره تتحرك و حست انها هتتشل من الصدمه فضلت تعيط كتير لحد ما نامت حتى مصحتش للجامعه و مامتها كانت عند خالتها.
مريم عماله ترن عليها بقلق.
ايناس اخر ما زهقت ردت: الو ي مريم.
مريم بقلق: فينك يبنتي عماله ارن عليكي مش بتردي و كمان مجيتيش الجامعه.
ايناس بصوت مكتوم: معلشي جالي دور برد و معرفتش اجي لما افوق هكلمك سلام... و قفلت السكه في وشها و حدفت الفون بعيد عنها.
ايناس و هي بتكلم نفسها بجنون: انا هتجنن ازاي يعني كده و مين اللي ليه مصلحه يقولي كده انا هتجنن ازاااي اسلام يعمل حاجه زي دي انا بابا اه مات مقتول بس محدش قدر يعرف هو مين لحد دلوقتي انا لازم ابعد عن اسلام الفتره دي لحد ما اعرف ايه الحكايه و ليه يعمل كده اصلا.
قامت و صلت و فضلت حابسه نفسها في اوضتها مش عايزه تطلع جت والدتها لقتها تعبانه و نايمه سابتها و مشت...
في المكتيه كان اسلام عمال يدور عليها و مستغرب هي مجتش ليه انهارده و راح البحر يمكن يلاقيها هناك مش لقاها برضو.
عدا اليوم من غير احداث جديده و لكن في الصبح وصلت رساله من رقم تاني و مجهول برضو لان الرقم التاني عملها بلوك … و كان مضمون الرساله…(عايزه تعرفي ليه عمل كده قابليني في… الساعه 8 بليل)
قامت ايناس لبست بسرعه و راحت الجامعه حضرت كل المحاضرات و خلصت رجعت اتغدت و جه وقت انها تقابل الشخص المجهول....
ايناس لقت حد بيقرب عليها و لكن اتصدمت لما لقته ابن عمها
ابن عمها بشر قرب عليها و....
ايناس بصدمه: زين؟؟! انت... انت اللي بعتلي الرسايل صح؟!
زين بخبث: اه و اقعدي عشان افهمك كل حاجه.
قعدت ايناس و بدأ زين يحكيلها ليه اسلام عمل كده.... و مشت و هي مصدومه و مش قادره تتحكم في اعصابها راحت البحر تشكيله همها و تشوف هي هتعمل ايه...
ايناس ببكاء على البحر: هو انا ليه بيحصل معايا كده ليه الدنيا جايه عليا اوي و كل اللي بحبهم بيروحوا مني و في منهم بيظهروا على حقيقتهم ليه بيحصل كده معايا طب هو انا عملت حاجه غلط غضبت ربنا و بيعاقبني عليها.... و قامت وقفت و بدأت تصرخ بأعلى صوتها عشان تفرغ الغضب اللي جواها و فضلت تعيط كتير لحد ما كان هيغم عليها.... لحقها اسلام بخوف عليها و قالها: انتي كويسه؟ ايناس مالك؟ ردي عليا طمنيني عليكي عشان خاطري.
ايناس بعدت عنه و قالت بقرف ابعد عني و ايدك الزبا*له دي متلمسنيش تااااااني انت فااااهم انت واحد حقير و قليت في نظري اووووي بس انا هعرف اجيب حقي و حق ابويا منك ازاااي انا هعرفك مين ايناس ي اسلام و هتشوف مني وش عمرك ما شوفته قبل كده.... سابته و مشت و هو واقف مصدوم مش فاهم اي حاجه بس افتكر لما قالت ابوها و بدأ يركز ان في حد شوه سمعته قدامها عشان يبعدها عنه مشى و هو في كامل غضبه و بيستحلف للي عمل كده و هو عارف هو مين....
عدا اليوم بكل تفاصيله و بدأت ايناس تخطط هي هتعمل ايه و هتاخد حق ابوها ازاي و حق قلبها اللي اتكسر مليون حته.
تاني يوم لبست ايناس بس مش عشان تروح جامعتها لا ده عشان تروح تصفي حسابها مع اسلام و خدت سك*ينه في شنطتها و اتجهت لي المكتبه..
ايناس بإبتسامه: ممكن عنوان بيت استاذ خالد لو سمحتي.
البنت بإبتسامه: اه اكيد و ادتلها العنوان بالتفصيل … و لكن عشان عارفه ان ايناس بقت قريبه من اسلام و دايما بتيجي المكتبه.
وصلت ايناس عند بيت اسلام و خبطت الباب و فتح اسلام الباب بإستغراب و لكن هي انقضت عليه بالس*كينه مثل الوحش المفترس الذي دمر لها حياتها و هد كيانها.
كان اسلام مصدوم و بيحاول يبعدها عنه و لكن حصل شئ لم تكن ايناس ان تتوقعه صدمه اكبر من جميع صدماتها.....
يتبع…
رواية وعود الحب الفصل الخامس 5
لقراءة باقي فصول الرواية اضغط هنا ( رواية وعود الحب )
وعود الحب💔
بقلمي/ ملك ياسر الشرقاوي🌗
