رواية السرعة والغضب الفصل الرابع 4 بقلم سلسبيل أحمد
رواية السرعة والغضب الفصل الرابع 4
- بصلي هنا
مسح على شعره بأيده وبصلها..: نعم
- دول مش شبهك يا أسر! انا عارفه كويس انك بتحب العربيات و السبق و كل ده لكن الجو ده مش بتاعك ولا لايق عليك
= الجو الى بتتكلمي عنه ده و صحابي و السبق وكل الحاجات دي انا مقدرش اعيش من غيرها
- صحابك؟؟ و ساره دي صحبتك!! هو من امتي اصلا و في حاجه كده ده شكلها بتحبك و غيرانه عليك مني!!
= لو بتحبني انا مش بحبها فا مش مهم
- انا مش مصدقاك بجد !! انت ازاي عندك الجانب ده! و بعدين خالد برضو ايه؟؟ تفتكر هيعدي انك صْربته ممكن يعمل فيك حاجه !
= نانسي ! هو انتي شيفاني عيل ؟ بقيتي بتتكلمي كده ليه فجأه؟
- عشان دي الحقيقة تقدر تقولي هتستفاد اي من كل ده
= دي الحاجه الوحيده الى بطلع فيها عْضبي عشان متسببس ف اذي حد ها فهمتي وارتحتي
- لا مفهمتش ايه الى مخليك متعصب و عْضبان اصلا!!!
= انا مش هتكلم تاني الموضوع خلص انا كنت غلطان لما اخدتك معايا هناك
عيوني دمعت وبصتله بلوم: تمام
" طلع بالعربية و فضلنا ساكتين لحد ما وصلنا الساعه 12 ونص بليل و اول ما دخلنا كانت ماما في وشي والحاجه الوحيده الى منعتها تزعق جدو.. طلبنا في اوضة مكتبة عشان يتكلم معانا "
- اقعدوا واقفين ليه اقعد يا أسر بيه
"أسر استغرب لهجته وانا فضلت ساكته"
جدو بصله بدون مقدمات: اربع ايام رفد ؟ وخناقة وسط الجامعة و سبق دخلته ومعرفش عنه حاجه؟؟
أسر اتصد*م من كلامه و بص ناحيه نانسي ومكنش مصدق انها عملت كده..!! بص ناحيتها بكذا شعور مختلف خذلان و زعل و لوم و اخر شعور كان الغضب!!!!
حسين بحزم: ما ترد ؟؟ ساكت ليه؟ و كمان واخدها معاك هناك وسط السبق!
"نهي كلامه وهو بيشاور على نانسي"
- يا جدو حضرتك انا اتخانقت في المدرسه عشان ده كان واحد قليل الادب و العميد ادانا رفد احنا الإتنين اما بالنسبة للسبق .. حضرتك متفاجئ ليه انت عارف كويس ان دي حاجه مقدرش اسيبها ونانسي كانت معايا انا كنت مخلي بالي عليها
= و ده عشان ايه؟؟ بلاش عشان ايه المكان الى انت فيه غير مرخص ولا مؤهل اصلا للسبق تقدر تقولي لو الحكومه خدتك منه انت وهي شعورك هيبقي ايه؟؟
" أسر مردش مكنش قادر يشرح لأنه عارف ان محدش هيفهمه ..! بس سؤال جدو عن نانسي مكنش لاقي له اجابه..! "
= شوف يا أسر و ركز في كلامي ده
انت دخلت هندسة ميكانيكا و ده اختيارك انت حر فيه لكن لازم تعرف كويس ان عليك واجب و عليك التزامات منهم الشركة الى انت و نانسي ليكوا فيها كتير عشان مليش احفاد غيركم! و ابوك.. واظن انا وانت عارفين أبوك بيتصرف ازاي فا انا معنديش غيرك انت و هي
- وانا قولت لحضرتك قبل كده انا اقدر اعمل الحاجتين عادي هدرس واشتغل و اعمل الى بحبه معنديش مشكله في ده ولا عمري رفضت كلامك ونزلت اوردي تدريبات في الشركه!
= ادرس و اشتغل بس مفيش سباقات تاني طول ما انت قاعد معايا في البيت هنا انسي السباقات دي عشان سلامتك و عشان شكلك و صدقني ده عشان احميك مش أكتر و معنديش كلام تاني اقوله عن الموضوع ده يا اسر مش عايز نفتحه تاني اتفضلوا
" أسر فضل باصص له بأنكار.. و بعدين ابتسم بعصبيه وغضب و هز راسه ببطئ"
- تمام.
" مبصش ناحيه نانسي وخرج وهي راحت وراه بسرعه"
- أسر استني مش انا الي
"كان متجه لبره بسرعه وهي قبل ما تخرج وراه مسكتها هدي بقوة"
- استني عندك !
" وقفت وعينيها فضلت مركزه عليه لحد ما اختفي.."
= ماما سبيني
- اطلعي اوضتك حالا وانا جاية وراكي
= يا ماما!!
- قولت اطلعي !!
" نانسي طلعت الأوضة وهي بتعيط وبتحْبط حواليها"
" اما أسر فا خد عربيته و مشي بعيد "
>>>>>>>>>>>>>>>>>>>>>>>>>>>>>>>>>>>
صلي على محمد
- جيالي البيت الساعه 1 ؟؟ ازاي تخرجي معاه كل ده ؟؟ خارجه من الصبح ومهنش عليكي حتي تردي على مكالمتي انا و جدك !!
= اديكي قولتي انا كنت معاه! مكنتش لوحدي ولا عملت حاجه غلط
- انك تبقي معاه ده اصلا غلط ! انا قولتلك ميت مره متقربيش منه ولا تخرجي معاه كفايه انك بيوصلك الكلية!
نانسي وهي عقده حواجبها و مضايقه: لييييييه!!!! ده ابن عمي!! هو حد غريب ! ليه مش بتحبيه؟؟؟
= هو كده متفتكريش اني عبيىىطه!!! لاء انا عارفه نهاية الموضوع كويس
- موضوع ايه؟؟؟ انا مش فاهمه حاجه !!!
= موضوع انك تحبيه! وتتعلقي بيه وهو مستهتر ومش بيتحمل مسؤليه بالظبط زي ابوه !!
بصتلها بعدم استعياب: هو ..!! هو ايه ده !!! ايه الكلام ده اصلا !! انا و أسر ولاد عم!!! اخوات !!
- ده كلام انتي مش واخده بالك منه و ماشيه تصيعي معاه بس لآخر مره هنبهك يا نانسي ابعدي عنه والا هنمشي من هنا و هنقعد في البيت بتاعنا حتي لو جدك رفض و عارض هنفذ الى قولته
" هدي سابتها و خرجت و نانسي مكنتش مصدقه الى بيحصل وطريقة هدي معاها كانت هتنف*جر من طريقتها نزلت الجنينه قعدت لوحدها و فضلت مستنيا أسر يجي! كان اوردي الوقت متأخر ومتعرفش هو راح فين بعتتله رساله على الموبايل و كلمتة بس مردش.. "
استغفروا ..
|| الساعة 3 الفجر ||
" سمعت صوت عربيته فا قامت و هو كان داخل بيتجنبها فا وقفت قصاده "
- أسر!! انا مقلتش حاجه
= وسعي من قدامي
- لاء!
جز على سنانه بغضب مكتوم: نانسي انا مش عايز اتعصب عليكي اوعي من وشي!
- مش هسيبك غير لما تفهم
مسكها و زعق: مش عايز افهم!!! خلاص!!!
اتنفس بسرعه وبصلها و اتكلم بنبره عتاب: انا وثقت فيكي!
دموعها نزلت: والله مقلتش حاجه معرفش عرف منين بس انا مقلتش حتي اسأله هو !
سابها وبعد خطوة: افضلي بعيد عني انا كل الى بيني و بينك اننا ولاد عم غير كده مفيش حاجه فاهمه؟؟
- انت اكيد بتهزر! بتقولي كده بجد
= أيوه خليكي بعيد عني انا هفضل اخلي بالي عليكي و هوصلك زي ما متعودين لكن مش اكتر من كده كل واحد يفضل في حاله
" سابها و طلع اوضته وهي عيطت برفض لكلامه..! هي متقدرش تفضل بعيد عنه! بس هو عمل بينهم حاجز.. طول الفتره الى فضلوا ميروحوش فيها الكلية كانوا متخاصمين محدش فيهم بيكلم التاني و جو البيت كان دايما متكهر* ب لحد ما رفد أسر خلص و نزلوا الكلية تاني وصلها كالعادة ولكن متكلموش مع بعض بحرف! كأنهم اغراب.. "
" نزلت من العربية و أول ما دخلت الكلية عينيها كانت بتدور على امنيه صاحبتها الى فضلت تعيط في حضنها كتير! "
- خلاص يا نانسي أهدي! بطلي عياط!
= كان واثق فيا! و كنا قريبين لدرجه محصلتش قبل كده وفجأة كل ده انتهي مش بيكلمني حتي يا امنيه! اتفق معايا أنوه كل الى بينا اننا مجرد قرايب و بس هيوصلني زي ما متعود!!
- طيب اهدي كل حاجه هتبقي كويسة صدقيني ده أسر! انتي عارفه انوه حنين وانتوا ياما اتخانقوا
بعياط: مش زي المره دي!!!
" المحاضره كانت بدات فا امنيه خدت نانسي و راحوا و كان شايفهم اميرة و بسملة "
- بسملة.. مش واخده بالك العصافير شكلهم متخانق
= تقصدي مين
- أسر و نانسي
= طب وفيها ايه هيرجعوا يتصالحوا تاني عادي
- تفتكري خالد عمل بينهم مشكلة!
= هو مش سهل عموما معرفش ممكن يكون عمل ايه لكن هو خبيث وانا مرتحتلوش
- ولا انا. تعالي ندخل المحاضرة اظن حبيب القلب هيفتح نفسك على الحضور.
= بايخه.
>>>>>>>>>>>>>>>>>>>>>>>>>>>>>>>>>>>
" و في اخر محاضرة في اليوم نانسي مكنتش قادره تحضر فا خرجت و سابت امنيه واستغربت لما شافت خالد قدام المدرج بتاعها كانه مستنيها!! عملت مش شيفاه وراحت قعدت في الكافتيريا وهو كان عمال يبص عليها ويبتسم ببرود نانسي كانت بتمنع نفسها تروح عنده بس مقدرتش! "
- انت عايز ايه بالظبط؟؟
= ولا حاجه معصبه نفسك ليه بس اهدي
- انت عارف لو فكرت مجرد تفكير انك تآذي أسر تاني؟
قرب منها بتحدي: هتعملي ايه ؟
= هخلي الجامعة كلها تتكلم عنك تاني بس المره دي مش و انت بره لا وانت في الحبس عشان واحد مريض زيك مكانه في الحبس مش هنا
ضحك: هنشوف.
" نانسي سابته ومشيت خرجت وكانت مستنيا أسر عند عربيته و لما وصل متكلمش معاها برضو ركبوا وطول الطريق كان ملاحظ انها متعصبه من حاجه و ملامحها باين عليها الزعل و التعب.. "
"موبايله رن و فضل يرن كذا مره فا رد"
- ألو؟ ايه الزن ده ... تمام جاي بليل ... هشوف لو عرفت اجي بدري ... خلاص يا سارة قولت جاي !
نانسي اتنرفزت لما سمعت اسمها: انت رايح فين!؟
ببرود: ملكيش دعوه
" وصلنا و نزلت و رزعتله الباب عشان عارفه انوه بيضايق من الحركه دي "
" لقيته نازل بعدي و دخلنا و بعدين جدو خده يتكلم معاه تقريبا "
" اما انا دخلت اوضتي و كلمت امنيه "
- ألو.. عاوزاكي تعدي عليا دلوقتي.
>>>>>>>>>>>>>>>>>>>>>>>>>>>>>>>>>>
- خير يا جدو
= في إجتماع في الشركة الساعه 8 بليل عاوزك تجيب نانسي و تيجوا
واكيد من التدريبات الى كنت بتنزلها عندك خبره من خلالها فا هتنزل عملي و نانسي هتنزل تدريبات برضو عموما هنتكلم في كل ده في الاجتماع
- تمام يا جدو
= مالك في أيه؟
- مفيش انا تمام
= مش عاجبني العلاقة في البيت اليومين دول
- بالنسبة لأيه
= كل حاجه.. البيت مكنش هادي كده و انت مكنتش كده
- انا بحاول اسيطر على نفسي بالعافيه وأعتقد كده افضل لو بتتكلم عن علاقتي ب نانسي فا اعتقد برضو ان وانا بعيد احسن لها واحسن ليا بعدين انا مش عيل انا مازلت هخلي بالي منها كويس وهي مازلت بنت عمي
" حسين مكنش عارف يقوله ايه.. لأنه عارف السبب الحقيقي وراه قراره "
= الى يريحك يا أسر
- انا نازل عندي معاد مع صحابي
>>>>>>>>>>>>>>>>>>>>>>>>>>>>>>>>>>
- انتي هبىىله يا نانسي تروحي فين!
= انا عرفت المكان على ال GPS خلاص وهاروح بعربيتي وراه
- وتعملي كده ليه؟ هتكبري المشكلة بينكوا!
= عشان قلقانه.. و عشان انا مش قادره ابعد بالطريقة الى هو مختارها دي و البت العقر* بة الى بتحبه دي !!
- انتي غيرانه!
= معرفش!
- انتي حرفيا غيرانه عليه
= اسكتي يا أمنيه.. سامعه؟ صوت عربيته اهو مشي
- فكري قبل ما تروحي!
= فكرت.. امشي انتي بقا
- طب ابقي كلميني
= ماشي
>>>>>>>>>>>>>>>>>>>>>>>>>>>>>>>>>>
" لبست عشان انزل ماما وقفتني بعد ما شافت امنيه نازله من عندي "
- انتي رايحه فين؟
= هخرج
- بقول فين
= هخرج لوحدي عايزه اشتري حاجه
- بتكدبي ها؟
= للأسف يا ماما انتي مسبتليش اختيار.. ياريت كنا صحاب و مدياني مساحه احكيلك الى جوايا من غير ما اخاف بسبب طريقتك معايا.. بس انا مش هقدر اتصرف زي ما طلبتي مني طالما مش بعمل حاجه غلط انا فعلا مش هقدر اسفه
" سبتها ونزلت ندهت عليا مرة اخيرة بس انا حقيقي مكنتش قادره افضل على النهج بتاعها طول حياتي اقول حاضر و نعم من غير افهم! على الأقل كانت تديني أسباب للأوامر بتاعتها! "
" و فعلا روحت بعربيتي المكان و قدرت اوصل و كان زحمه جدا اكتر من المره الى فاتت! بس كويس عشان أسر مياخدش باله مني في الزحمه دورت عليه معرفتش اشوفه.. روحت ابص في الجدول لقيته هيتسابق قصاد خالد تاني !!! واكتشفت انوه سباق نص نهائي..؟ مكنتش عارفه اعمل ايه فكرت اكلم جدو يمنعه ولكن رجعت في كلامي .. "
- اووووووووه البوب وصل
" شوفته وصل من بعيد عرفت من الظيطه الى حصلت حوليه دخل بعربيته و وراه كانت عربيه ساره؟ يعني كان معاها! دلوقتي انا الى عْضبي زاد من ناحيته.. "
= أدهم ياريت ننجز عشان عندي اجتماع بليل
- السبق هيبدأ حالا وليد و أكرم هيبدؤا
" دروت على عربية خالد بسرعه مفروض تكون واقفة بعدهم..! "
- أدهم امال خالد فين؟
= مش عارف
ساره بسخريه: خاف يجي ولا ايه
= لاء ده مهزق بيحب يجي يتهزق ويمشي
سارة: لا انا شوفت عربيته واقفه
أدهم: يبقي النجم هيعلم عليه.
أسر: هو جاي في وقته اصلا..
سارة: اوبا وليد عملها و كسب كده وليد هيقابلك يا معلم فالنهائي بعد ما تكسب خالد
أسر: حلو ده
" السبق التاني بدأ و أسر اتحرك بعربيته و أدهم وقف فالنص عشان يعلن البداية.. "
" اسر بص جمبه عشان يتفاجئي بعربية نانسي واقفه جمبه على الخط؟؟؟!"
أسر بصوت عالي: اصبر يا ادهم !
" نزلت من عربيته وراح عندها يفتح الباب ولكن هي كانت قفلاه وقافله الازاز! "
" خالد وصل وبص عليها "
- دي نقلت عربيتي بعيد و حطت عربيتها مكاني!!
أسر جز على سنانه: اخرجي يا نانسي!
" مردتش عليه و فضلت باصه قدامها "
ادهم: أسر انت عارف القواعد!
خالد بأعتراض: ايه الهىىبل ده !!! دي خدت مكاني
أدهم: أحنا مش مسؤلين ان مكانك اتاخد منك السبق هيبدأ ولو خسرت معناها انت خسرت ولو كسبت ده الى هو مستحيل يعني يبقي انت كسب
خالد: خليها تتحرك بعربيتها بعيد بدل ما اكسر* ها !!
أسر لف جسمه وبصله: تكسر ايه؟؟ سمعني كده؟
ساره وقفت بينهم: بس !! السبق هيبدأ و دي القواعد
" أسر دخل عربيته و ساعتها نانسي فتحت الازاز ومكنش في غيرهم على الخط و فعلا إشارة البداية صْربت و السبق بدأ "
" أسر كان سايق بسرعه ولكن مش زي ما متعود فضل جمبها بالعربية و بص ناحيتها من الشباك وفنفس الوقت كان بيبص على الطريق"
- اوعي تزودي سرعتك !
نانسي وهي بتضغط على الدركسيون: ليه فاكر ساره بس الى بتعرف تسابق؟
أسر ضحك بسخريه: انتي مش بتعرفي تسوقي اصلا!! هدي سرعتك!!
- متقلش كده ده انت الى معلمني حتي
" أسر علي سرعته وعداها و لكن اتفاجئ بيها بتزود سرعتها و بتكون جمبه مره تانيه"
- انتي اتجنني بطلي تزودي سرعه !!!
= مش انت قولت كل واحد يفضل في حاله ملكش دعوه
" ابتسمت بأنتصار لما دايقته أسر وقتها ساق على اخر سرعه و في خلال دقايق عدا خط النهاية و كسب ، و ببساطه كده خالد خسر اول لما كسب نزل من عربيته و استني نانسي توصل ولكن هي عدت الخط وفضلت مكمله بالعربية بعيد عن السبق "
" أسر شاور لأدهم انوه هيمشي وركب العربية وساق وراها مع ان كل الناس كانت مستنيا تحتفل بيه.. وكانوا بيجروا ناحيته.. "
" وقفت بعربيتها على جمب ونزلت منها قعدت على الكبوت واتنفست بهدوء دلوقتي بس بقت مرتاحه من التهد* يد الى سمعته بتاع خالد.. "
"أسر وصل ونزلها بص عليها بنص عين"
- انتي اتهبل*تي صح؟ ايه جابك ورايا وعرفتي تيجي ازاي اصلا؟؟
= بال GPS عادي
- ايه الى جابك ورايا ؟
= انا روحت اتسابق
ابتسم بسخريه وقلب شفايفه: امممم واضح بصراحه من خسارتك العبيىىطه واضح
- المهم اني اتسابقت
= وختي مكان خالد ؟؟ انا عايز افهم عملتي كده ليه انا قولتلك وحذرتك تبعدي عنه
- قولتلك اني جايه اتسابق ومختش باله ان ده مكانه
= ودخلتي عربيته بالصدفه؟؟؟ نقلتيها بعيد بالصدفه برضو ؟ انتي عايزه توصلي لأيه مش فاهم وانتي حتي مش بتعرفي تسوقي كويس
خدت نفس عميق وبصتله: بكره اتعلم.. هي سارة مين علمها اصلي سمعت انها كسبت مركز أول قبل كده
قرب منها: وانتي بقا مالك بيها؟
بصت بعيد ورفعت كتافها: عادي مجرد سؤال
- تمام ياريت تفضلي بعيد عني و تسمعي كلام جدك و لو جيتي المكان ده تاني يا نانسي هكسر رجلك حلو ؟
= انت قولت
قاطعها بعصبيه: انا قولت الى عندي دلوقتي و حذرتك اياكي تروحي هناك مره تانيه و انتي سمعتي جدك قال ايه فا ياريت تخليكي انتي الحفيده الحلوة وتنفذي كلامه
- كنت نفذته انت !!! ده مفاتش اسبوع وجيت تانى من وراه !! انت بتعمل كده ليه!
= ده شيء يخصني ولا عايزه تعرفي عشان تروحي تقولي برضو؟
صْربته ف صدره بعصبيه: متتهمنيش بحاجه معملتها فاهم؟؟ انا قولتلك مقلتش لي حاجه !
بعد عنها خطوة: مش هتفرق هو كده كده عرف
"سكتت وكانت متعصبه ونفسها تمسك دماغه تفرتكها"
- يلا عشان في اجتماع في الشركة اركبي وعربيتك هخلي حد يوديها البيت
" انا مش هركب معاك "
- ولا هتسوقي لوحدك وسط العربيات! ولا هتتغري عشان مشيتي شوية بسرعه على طريق فاضي؟؟
" فكرت فكلامه وبعدين ركبت معاه بضجر "
>>>>>>>>>>>>>>>>>>>>>>>>>>>>>>>>>>>
صلي على محمد
|| في شركه حسين مهران | الساعه 8:00 ||
- كده كلنا موجودين حضرتك معادا
" قاطعهم دخول أسر ونانسي و المفاجأه الى مكنش أسر عامل حسابه عليها انوه شاف ابوه في الاجتماع.. ولكن متكلمش معاه بحرف واحد.. "
عادل: فا كده استاذ أسر هينزل معانا من بكره
حسين: بالظبط وعايز حد برضو معاه و حد مع نانسي
عادل: بكره بس حضرتك ؟
حسين: اها بعد كده هيكونوا سوا.
أسر: تمام كده في اي تفاصيل تانيه
عادل: لاء بس زي ما شرحنا لحضرتك لازم تتابع الصفقه الجديده بنفسك عشان تدرسها معانا
اسر: تمام مفيش مشكلة.
" الاجتماع خلص وكلهم طلعوا بره محمود حاول يتكلم مع أسر ولكن أسر كان كلامه معاه ناشف فا خرج هو كمان و متكلمش معاه مره تانيه! "
حسين: في اي سؤال قبل ما نروح؟
نانسي: لاء
أسر: هو انا مش هروح مع حضرتك ياجدو
"نانسي وحسين بصوا بعدم فهم"
أسر بأبتسامه يائسة: انا معرفتش انفذ كلام حضرتك و مروحش سباق تاني ولسه جاي دلوقتي من سباق في المكان وحضرتك قولتلي همنع الموضوع ده طول مانا في البيت معاكم فا قولت اشوفلي حتة تانيه اقعد فيها قبل ما حضرتك تطردني
حسين كان متفاجئ تماما من كلامه لدرجه معرفش يرد
اسر كمل كلام بقمة السلاسه: اها و ده ميمنعش اني هفضل مع حضرتك في الشركه ولو احتجتني في اي وقت انا موجود و هعدي الصبح اخد نانسي الكلية عادي مفيش حاجه اتغيرت يعني
نهي كلامه بأبتسامه: بعد اذنك
"أسر مشي و حسين من الصد* مه فضل ساكت.."
نانسي قامت وراه بسرعه: أسر استني !!!!
يتبع..
>>>>>>>>>>>>>>>>>>>>>>>>>>>>>>>>>>>>
#السرعة_والغضب 4
#slsbell_ahmed_سلسبيل_أحمد
