رواية لهيب العشق الفصل السابع 7 بقلم سيليا البحيري

رواية لهيب العشق الفصل السابع 7

#لهيب_العشق

#سيليا_البحيري

فصل 7

في فيلا العطار – غرفة شيرين، منتصف الليل

تجمّد الأحفاد الثلاثة في أماكنهم، قلوبهم تكاد تقفز من صدورهم وهم يسمعون صوت الخطوات الثقيلة تقترب… الباب كان ما زال مفتوحًا قليلًا، والضوء الخافت من الممر كشف هوية القادم

إنه مازن

وقف عند الباب، جسده طويل ونحيف، عيناه الزرقاء العميقتان تلمعان ببرود، نظرته ثابتة… لم يظهر أي تعبير على وجهه، لا غضب، لا دهشة… فقط برود صامت

علا، التي كانت أكثرهم جرأة، تشد ظهرها وترفع ذقنها قليلًا، تحاول السيطرة على التوتر الذي اجتاح الغرفة

علا (بصوت منخفض لكنه ثابت):

"إحنا… إحنا كنا بس…"

لكنها لم تكمل جملتها، لأن مازن لم يكن بحاجة لسماع تبرير، هو يعرف تمامًا لماذا هم هنا

ظل صامتًا للحظات، عيناه تتنقل بين الثلاثة، ثم تجولت في أنحاء الغرفة وكأنه يراها لأول مرة بعد زمن طويل… كانت عيناه تحملان شيئًا غريبًا، مزيج من الحنين والألم… لكنه لم يقل شيئًا

رفع نظره مرة أخرى إليهم، نظرته كانت باردة… لكنها ليست قاسية، بل أشبه بنظرة شخص ينتظر أن يكتشف الآخرون الحقيقة بأنفسهم

ثم، وبكل هدوء، دون أن يعلق بكلمة واحدة، استدار وصعد السلالم ببطء، متجهًا نحو غرفته في الطابق العلوي

الأحفاد تبادلوا النظرات، إحساس غريب تسلل إلى قلوبهم… لم يكن هذا ما توقعوه، لم يكن الصمت هذا ما كانوا يخشونه… بل النظرة الأخيرة التي ألقاها عليهم، تلك النظرة التي جعلتهم يشعرون أنهم اقتربوا من سر خطير… سر لم يخبرهم أحد به من قبل

أحمد (بصوت خافت بعدما ابتلع ريقه بصعوبة):

"هو… هو كان عارف إننا هنا، صح؟"

إياد (ببطء، وكأنه يفهم شيئًا لأول مرة):

"مش بس كان عارف… ده كأنه عايزنا نعرف!"

علا لم تتكلم، فقط نظرت للصورة التي كانت تحملها في يدها… صورة تلك الفتاة التي تشبهها، والتي لم تسمع بها من قبل… لكنها الآن متأكدة أن لها علاقة بكل شيء

بدأت الحقيقة تقترب… والسؤال الذي كان يجب أن يُطرح منذ زمن، أصبح يفرض نفسه بقوة: من هي شيرين؟ وما سر هذه الغرفة؟

وقف الثلاثة وسط الغرفة، عيونهم تتنقل بين الأغراض المبعثرة في المكان… الأثاث قديم لكنه مرتب، وكأن الزمن تجمد هنا منذ 25 سنة. علا كانت أول من تحرك، يدها تلامس مكتبًا صغيرًا بجوار السرير، تمرر أصابعها على سطحه المليء بالغبار

علا (باندهاش وهي تمسح الغبار عن سطح المكتب):

"المكان ده… كأنه حد قفله من سنين طويلة… بس الأغراض… دي حاجات بنت!"

أحمد الذي كان يتفحص خزانة الملابس، سحب منها فستانًا قديمًا بلون زهري باهت، رفعه أمام عينيه بدهشة

أحمد (بصوت منخفض):

"وده كمان، فستان… يعني الغرفة دي كانت بتاعة بنت… بس مين؟!"

إياد كان أكثرهم صمتًا، عيناه تتجول في أنحاء الغرفة، مرر يده على رفوف المكتبة الصغيرة، حيث كانت هناك كتب مدرسية قديمة، وبعض دفاتر المذكرات المغلقة. مد يده والتقط أحدها، نفض عنه الغبار، لكن قبل أن يفتحه، لفت انتباهه شيء آخر… صورة مؤطرة موضوعة على الطاولة بجانب السرير

إياد (بدهشة وهو يرفع الصورة):

"إيه ده… صورة؟"

تجمّع الثلاثة حوله، كانت الصورة قديمة، ألوانها باهتة قليلًا، لكن ملامح الأشخاص فيها كانت واضحة… كانت هناك فتاة صغيرة لا تتجاوز الرابعة عشرة، بشعر طويل منسدل وابتسامة مشرقة، تقف وسط ثلاثة فتيان… الأول بدا أكبرهم، ملامحه قوية، يشبه أحمد كثيرًا… الثاني كان أكثر صرامة، يشبه إياد… أما الثالث، فكان يقف بجانب الفتاة، ملامحه هادئة، وعيناه… عيناه تشبهان عيون عمهم مازن

تجمد الثلاثة في أماكنهم، نظراتهم تتبادل بين الصورة وبين بعضهم البعض، وكأنهم فجأة استوعبوا شيئًا غريبًا

أحمد (مذهولًا وهو يشير إلى الشاب الأول):

"استنوا… ده أبويا!"

علا (تضع يدها على فمها، تشير إلى الثاني):

"وده… ده عمي مهاب!"

إياد (بهمس وهو ينظر إلى الثالث):

"وده… عمي مازن!"

ساد الصمت للحظات، ثم تبادلوا نظرات قلقة، عيونهم عادت إلى الفتاة الصغيرة في الصورة… لم يروا هذا الوجه من قبل، لم يسمعوا عن هذه الفتاة، لكنها كانت واقفة بجانب آبائهم… وكأنها جزء من العائلة التي لم يُخبرهم أحد عنها

علا (بهمس، وكأنها تخشى قولها بصوت عالٍ):

"هي… هي بنت مين دي؟!"

إياد لم يجب، فقط نظر إلى الدفتر الذي كان ما زال يمسك به، أخذ نفسًا عميقًا، ثم فتح الصفحة الأولى… وكانت المفاجأة، أول كلمة مكتوبة بالحبر الأزرق، وبخط طفولي بسيط، جعلت قلبه ينبض بقوة

"يوميات شيرين العطار."

الأحفاد الثلاثة تبادلوا النظرات، الصدمة مرسومة على وجوههم… الحقيقة كانت أمامهم طوال الوقت، لكن أحدًا لم يخبرهم بها… والآن، وجدوا السر الذي خبأته العائلة طوال 25 عامًا

وقف الأحفاد الثلاثة متجمدين في أماكنهم، ينظرون إلى الدفتر الذي يحمله إياد، وقد كُتب على غلافه بخط طفولي: "يوميات شيرين العطار"

أحمد (باندهاش وهو يمرر يده على الغلاف المترب):

"شيرين العطار؟… مين دي؟!

علا (بصوت منخفض وهي تنظر للصورة مرة أخرى):

"أكيد هي البنت اللي في الصورة… بس ليه عمرنا ما سمعنا عنها؟!"

إياد (يأخذ نفسًا عميقًا، ثم يفتح الصفحة الأولى، وبدأ يقرأ بصوت مسموع):

"اليوم: الثلاثاء، 5 ديسمبر 1998

اليوم كان من أحلى الأيام! بابا وماما اشتروا لي دفتر اليوميات ده عشان أكتب فيه كل حاجة بتحصل لي… مش عارفة إزاي هبدأ، بس مهاب قالي اكتبي أي حاجة بتحبيها، وادهم ضحك وقال لي أكيد هتكتبي عن الأكل، لأنكِ بتحبي الأكل أكتر من أي حاجة!"

ضحك أحمد بخفّة وهو يهز رأسه

"واضح إنها كانت بتحب الأكل زينا."

إياد (يتابع القراءة، وصوته أصبح أكثر اهتمامًا):

"النهاردة كنا كلنا مع بعض في الجنينة، مازن لعب معايا شطرنج، كالعادة غلبني، بس بعدين سبني أكسب مرة عشان ما أزعلش، وادهم ومهاب كانوا بيتسابقوا في الجري، بس مهاب غش! ماما كانت بتضحك وبابا كان بيقول إنه هيعاقب مهاب لو غش تاني. ياااه، بحب عيلتي أوي!"

علا شعرت بشيء غريب وهي تستمع… وكأن هذه الفتاة كانت تعيش حياة سعيدة جدًا، لكنها اختفت فجأة

علا (بهمس، وهي تنظر إلى الصفحة):

"هي كانت بتحب إخوتها جدًا… بس ليه عمرنا ما سمعنا عنها؟ ليه محدش اتكلم عنها؟!"

إياد (يكمل القراءة، لكن نبرته أصبحت أكثر هدوءًا):

"اليوم: الخميس، 12 مارس 1999

النهاردة عيد ميلادي، ومازن جاب لي هدية جميلة، قلادة عليها حرف (ش). قال لي إنها عشان أفكر دايمًا إني قوية، حتى لما أكون حزينة. أنا بحب أخواتي جدًا جدًا، نفسي نفضل مع بعض دايمًا!"

هذه الجملة جعلت الثلاثة ينظرون لبعضهم البعض، شعور غريب اجتاحهم… شيء ما تغير بعد هذه الذكريات، شيء جعل هذه الفتاة تختفي من حياتهم دون أن يعرفوا عنها شيئًا

أحمد (وهو ينظر إلى إياد بجدية):

"إحنا لازم نعرف مين شيرين… وليه عيلتنا كلها بتتجاهلها كأنها ما كانتش موجودة!"

علا (تنظر للصورة مرة أخرى، ثم تهمس لنفسها):

"وليه بابا وعمي مهاب ما قالولناش عنها أي حاجة؟!"

إياد (يغلق الدفتر ببطء، عينيه مليئتان بالتفكير):

"واضح إن اللي حصل كان كبير… وكبير جدًا."

ساد الصمت من جديد، لكن هذه المرة لم يكن مجرد صمت عابر… بل كان بداية لكشف أسرار دفنت منذ 25 عامًا

علا تسحب مجموعة صور أخرى، تنفض عنها الغبار، وتنظر إليها بتركيز

علا (بدهشة وهي ترفع إحدى الصور):

"بصوا… دي نفس البنت اللي في الصورة الأولى، بس هنا وهي أكبر شوية… وهنا مع بابا وعمي مهاب ومازن!"

أحمد يسحب صورة أخرى، يتفحصها بعناية، ثم يرفع رأسه إلى إياد وعلا

أحمد (بصوت حائر):

"دي مش مجرد أي بنت… دي عمتنا!"

إياد يحدق في الصورة التي تحملها علا، ثم يلتقط واحدة أخرى لفتت انتباهه… صورة تجمع شيرين مع جدهم محمود، وكان يضع يده على كتفها بحنان واضح

إياد (بصوت خافت وكأنه يحدث نفسه):

"يعني… جدو كان عنده بنت، وعمره ما جاب سيرتها؟"

يسود الصمت لثوانٍ، ثم تنظر علا إلى أخويها وعيناها مليئتان بالأسئلة

علا (بقلق):

"بس ليه؟ ليه محدش بيتكلم عنها؟ وليه عمرنا ما سمعنا حتى اسمها؟!"

أحمد يقلب الصور بسرعة، وكأنه يبحث عن إجابة، ثم يتوقف عند صورة لشيرين وهي في الرابعة عشرة من عمرها، واقفة بجانب والديها وإخوتها، تبتسم بسعادة… لم يكن في الصورة أي أثر لما حدث لاحقًا

أحمد (بحيرة وهو يشير للصورة):

"هنا كانت عايشة وسطهم… يعني أكيد في حاجة حصلت خلت اسمها يختفي كأنه عمره ما كان موجود."

إياد يضع الصور جانبًا، ينظر حوله في الغرفة، وكأنه يحاول تخيل الماضي… يحاول استيعاب أن هذه الغرفة التي يقفون فيها كانت يومًا ممتلئة بالضحك والحياة… ثم فجأة أصبحت مهجورة

إياد (بحزم):

"إحنا لازم نعرف إيه اللي حصل… لازم نسأل."

علا تتنهد، تشعر أن هناك سرًا كبيرًا لم يُكشف بعد

علا (بصوت خافت):

"بس السؤال الأهم… هي فين دلوقتي؟!"

أحمد وإياد ينظران لبعضهما… هذا هو السؤال الذي لم يكن لديهم أي إجابة له… لكنهم عازمون على إيجادها

أحمد يلاحظ شروده، يلمح الصورة في يده فيرفع حاجبه باستغراب

أحمد (بفضول):

"إياد؟ في إيه؟ شكلك شفت شبح!"

إياد يهز رأسه بسرعة، كأنه يحاول طرد الفكرة، ثم يضع الصورة جانبًا

إياد (بلامبالاة مصطنعة):

"لأ، بس… حسيت إني شفت الوش ده قبل كده، مش عارف ليه."

علا تقترب منه، تنظر للصورة، ثم ترفع كتفيها بلا اهتمام

علا:

"ممكن تكون شبه حد قابلته في الشغل أو في أي حتة… الناس بتتشابه كتير."

إياد يضحك ضحكة قصيرة، ثم يرمي الصورة على الطاولة، وكأنه يقرر أن الأمر لا يستحق التفكير فيه

إياد (بمزاح):

"آه، يمكن… بس ما أظنش إني قابلت حد عنده نفس النظرة دي."

لكنه لا يخبرهم بالحقيقة… لا يخبرهم أنه التقى اليوم بفتاة في صالة الجيم، فتاة ذات عيون زرقاء حادة… فتاة اسمها تارا، كان في شيء غريب يشده نحوها… والآن، وهو ينظر إلى صورة شيرين، يشعر بشيء مألوف… لكنه يهز رأسه مجددًا، يقنع نفسه أنها مجرد صدفة

أما أحمد، فيتثاءب، ثم ينظر إلى الساعة

أحمد:

"خلاص يا جماعة، كفاية كده، لازم نخرج قبل ما حد يحس بغيابنا."

علا تلقي نظرة أخيرة على الغرفة، ثم تتمتم

علا (بهدوء):

"إحنا لازم نعرف القصة دي… مش هسيب الموضوع ده لحد ما أفهم كل حاجة."

إياد يضع يده في جيبه، يرمق الصورة الأخيرة بنظرة سريعة، ثم يستدير للخروج

إياد (بابتسامة جانبية):

"أهو عندك جدو، اسأليه، وشوفي هيقولك إيه."

لكن الثلاثة يعلمون جيدًا… أن هذا هو آخر شخص سيجيب عن أسئلتهم

******************

كورنيش النيل، نص الليل، النسمة الباردة بتحرك خصلات شعر تارا وهي واقفة بتبص على المية المتراقصة قدامها. عقلها مشوش… خطتها كانت ماشية زي ما هي عايزة، بس دلوقتي بدأت تحس بحاجه مكنتش حاطاها في حساباتها… إياد

تارا ماسكة سلسلة والدها في إيدها، بتاخد نفس عميق، بتحاول تمسح الفكرة من دماغها، تحاول تفتكر هي ليه هنا… ليه بدأت كل ده؟ بس فجأة، وهي بتلف عشان تمشي، تخبط في واحد، فتترنح خطوة لورا

كريم (بابتسامة ساخرة، عينه بتلمع بمكر):

"ياه، لو مكنتش دي الجميلة تارا… شكلك سرحانة، هو التخطيط للانتقام متعب للدرجة دي؟"

تارا بتضيّق عنيها، مش عاجبها طريقته، ولا نبرته الساخرة، ولا النظرة الماكرة اللي في عينه

تارا (ببرود):

"إنت مين؟ وإيه الهري اللي بتقوله ده؟"

كريم بيضحك بسخرية، يحط إيديه في جيوبه ويتقدم منها بخطوات هادية

كريم:

"أنا؟ مجرد واحد معدي… بس أنا عارف كويس إنتِ هنا ليه، وعارف إنك بتمثلي دور العاشقة قدام إياد العطار… مسكين أوي، مش عارف إنه مجرد قطعة في لعبتك الصغيرة."

تارا بتحس بقلبها بيدق بسرعة، مش خوف، لا… غضب. مين الأحمق ده؟ وإزاي عارف كل حاجة؟ بتحاول تفضل هادية، بس بتحس بالدم بيسخن في عروقها

تارا (بحدة):

"يظهر إنك رغّاي، عندك حاجة مفيدة تقولها ولا لأ؟"

كريم بيبتسم، يقرب أكتر لحد ما يبقى بينهم مسافة قصيرة، يبص في عنيها مباشرة، وبعدين يميل راسه شوية

كريم (بهمس مليان مكر):

"تحبي أقولك على سر صغير يا تارا؟ إنتِ فاكرة نفسك فاهمة كل حاجة… بس الحقيقة إنك أجهل مما تخيلت، بتجري ورا انتقام مبني على كدبة… يا ترى إنتِ غبية للدرجة دي؟"

تارا بتحس بقشعريرة في جسمها، بس الغضب بيتغلب على أي إحساس تاني، ترفع عينيها له، ونظرتها بتتحول لإعصار صامت… نظرة خلّت كريم يتجمد مكانه

لحظات صمت، مفيش صوت غير أنفاسهم وصوت المية الهادية، قبل ما كريم يبلع ريقه ويتراجع خطوة لورا من غير ما يحس

وفجأة، يلف بسرعة، كأن النظرة دي قالت له لازم يمشي… يمشي قبل ما يندم

أما تارا، فضلت واقفة مكانها، بتبص على ضهره وهو بيختفي في الضلمة، وعقلها بيصرخ بسؤال واحد… كان يقصد إيه؟ وإيه الحقيقة اللي هي مش عارفاها؟

*******************

غرفة إياد – فيلا عائلة العطار – صباح اليوم التالي

الضوء يتسلل بخجل من نافذة الغرفة، الستائر تتحرك بلطف مع نسمات الصباح. إياد جالس على طرف السرير، مرتدياً بيجامة داكنة، وشعره مبعثر قليلاً من ليلة لم ينم فيها. بين يديه صورة قديمة لعمة شيرين أخذها من الغرفة المهجورة، وعيناه شاردة، غارقة في دوامة التفكير.

إياد (بصوت منخفض، يحدث نفسه):شيرين… عمتنا…

وإحنا طول عمرنا ما نعرفش عنها حاجة…

كأنها كانت شبح جوه البيت ده.

يقرب الصورة من وجهه، يتأمل ملامحها بدقة، خصوصاً عينيها وشكل فمها، ثم تنهض أمامه في ذاكرته صورة تارا، تلك الفتاة الغامضة التي التقاها مؤخراً.

إياد (مندهشاً، يهمس):تارا…

فيه شبه… شبه كبير!

نفس النظرة، نفس الشفاه… حتى طريقة الوقفة…

ينهض من مكانه، يتجه ناحية المرآة الكبيرة، ينظر إلى نفسه وكأنه يبحث عن إجابة من عقله المتشتت.

إياد: بس إزاي؟

يعني معقول تكون قريبة؟

ولا أنا بتخيل بس؟

لا… الشبه مش صدفة.

يتنهد ويبدأ بالسير في الغرفة بتوتر، يمرر يده في شعره.

اياد (بغضب داخلي):إزاي محدش قالنا عنها؟

ليه أمي ولا بابا جابوا سيرتها؟

هي اختفت فجأة… و إحنا سكتنا كأنها ما كانتش موجودة أصلاً!

يتوقف فجأة عند الطاولة الجانبية، يلتقط المذكرة التي نسخ جزءاً منها بالأمس، يفتح صفحة فيها تاريخ معين.

إياد (يقرأ بصوت مرتجف):

“أنا مش غلطانة… أنا ما عملتش حاجة… ليه محدش سمعني؟ ليه طردتوني؟”

يصمت… ثم يهمس لنفسه وكأن الحقيقة تقترب منه لكنه لا يراها كاملة بعد.

إياد:لو تارا… قريبتنا فعلاً…

يبقى فيه حاجات كتير لازم أعرفها.

أنا مش هسكت… مش بعد اللي قريته.

عيناه تلمعان بوميض من القلق، لكنه في الوقت نفسه… فضول لا يمكن كبته

********************

– غرفة الطعام – صباح اليوم التالي

الجميع مجتمع على طاولة الإفطار، الجو ثقيل رغم روائح الطعام الشهية. إياد، علا، وأحمد يتبادلون نظرات ذات معنى. الجد محمود يقطع خبزه بصمت، الجدة مها تنظر نحو ولديها مهاب وأدهم كأنها تتوقع شيئًا.

يدخل مازن متأخرًا كعادته، أنيق بهدوءه، ينظر للحاضرين بسخرية صامتة ويجلس في الطرف دون أن ينبس بكلمة.

يتبادل إياد وعلا وأحمد النظرات ثم يبدأ الحديث:

إياد (ينظر للجد):

جدي… عندي سؤال، وأتمنى ما تعتبره تطاول.

محمود (يرفع نظره ببطء):

اتفضل يا ابني.

أحمد:من هي شيرين؟

وليه عمرنا ما سمعنا اسمها قبل كده؟

وليه غرفتها مقفولة من 25 سنة؟

تتجمد الحركة على الطاولة. يد الجدة مها ترتجف وهي تضع كوب الشاي. أدهم يضغط على قبضته بقوة، بينما ينظر مهاب للأرض بصمت.

علا (تكمل):امبارح دخلنا الغرفة… لقينا صور… دفاتر… أشياء كثيرة.

كانت مليانة روح… ووجع.

مازن يبتسم ابتسامة ساخرة وينظر نحو الجميع، ثم يقول بنبرة لاذعة:أخيراً… الأحفاد عرفوا إن العيلة دي كان عندها بنت… مش بس أولاد.

عرفوا إن في شيرين… التوأم اللي رميتوها كأنها وصمة.

ينظر إلى أدهم مباشرة، صوته ينخفض لكنه محمل بالغضب:

مازن:فاكر يا أدهم؟ كنت أول واحد تصرخ عليها… تضربها…

كنت تقول "جابت العار"... وهي كانت أنقى واحدة فينا.

أدهم ينكمش في مكانه، صوته مبحوح:كنت غبي… كنت جاهل… صدّقت الكذبة…

وما قدرت أغفر لنفسي من يومها.

مهاب (بألم):كلنا صدقنا… كلنا رميناها… رغم إنها كانت تبكي وتقول إنها بريئة.

الجدة مها تهمس بصوت يكاد لا يُسمع:والدكتور… اللي جاي يخبرنا بالحقيقة…

قتل قبل ما يقول من اللي عمل فيها كده…

إياد (بصوت متوتر):يعني أنتم عارفين إنها بريئة؟

كل دا، وأنتم ساكتين؟!

أحمد (غاضبًا):كنا نعيش في بيت مليان كذب!

عمة مطرودة… بريئة… وأنتم تكتّمتم كأنها ماتت!

مازن (ساخرًا بمرارة):هم ما كتموش… هم دفنوها حية.

25 سنة، والغرفة دي شاهدة على كل دمعة سالت منها.

يصمت الجميع. تنزل دمعة من عين أدهم، ثم يقول بانكسار:

أنا ظلمتها… أكتر من أي حد…

ولو الزمن يرجع، كنت أرمي نفسي في الشارع بدلها.

ينظر إياد إلى جده محمود:فين عمتي شيرين دلوقتي؟

الجد محمود يغض بصره، لا يرد. يتدخل مازن بصوت عميق وهادئ:مش عارفين…

بس احساسي بيقولي إنها لسه حية… ويمكن تشوفكم قريب…

بس مش بنفس القلب اللي خرج من البيت دا من 25 سنة.

الجو ثقيل، الصمت يخيّم، وكل شخص غارق في خيبته وذنبه. إياد، علا، وأحمد يحدقون في مازن الذي ينهض بهدوء، ينفض يده من الفتات، ثم يهمس وهو يمشي:أنا كنت أتمنى إنهم يعرفوا…

بس ما توقعت إنه اليوم يكون مرّ الطعم كده

**********************

الصمت ما زال يلف المكان بعد كلمات مازن الأخيرة. الجميع يتهرب من نظرات بعضهم، إلا إياد، الذي ينهض من مقعده بعينين تلمع فيهما شرارة التحدي.

إياد (بحزم):أنا مش هقدر أسكت.

لازم أعرف هي فين… وازاي حصلها كده.

لازم أرجع عمتي شيرين…

ولو فضلت أدور العمر كله.

ينظر مباشرة في عيني جده محمود، ونبرة صوته تمتلئ بعزيمة لا تتزعزع:

إياد:أنا حفيدك، من دمك… بس مش هكون من سكوتكم.

ينظر له الجد محمود طويلاً… ثم يبتسم ابتسامة صغيرة فيها فخر دفين يهزم خطوط الزمن على وجهه، ويهز رأسه بتقدير:

محمود (بصوت خافت):أنت تشبّه عمتك يا إياد…

كنت أتمنى واحد فيكم يقول الكلام دا من زمان.

تتحرك علا ببطء، تقف بجوار إياد، تمسك بذراعه، وتقول بحماس ناعم:وأنا كمان معاك…

مش هسيبك تدور لوحدك.

يلحق بهما أحمد، نبرة صوته حادة لكن صادقة:كلنا معاك يا إياد.

لو في أمل نلاقيها… يبقى لازم نتمسك بيه.

أدهم يرفع رأسه ببطء، عيونه محمرة، فيه ذرة حياة كانت ميتة وانبعثت من جديد. يقول بصوت مبحوح:لو لقيتوها… قولولها إن أخوها…

لسه بيندم كل يوم.

مهاب (يمسح عينه):ولسه بيحلم يرجّع الزمن…

حتى لو بيوم واحد.

الجد محمود ينهض من مكانه، يقترب من إياد، يضع يده على كتفه، ويقول بكل ما تبقى من قوة في صوته:دور يا بني… يمكن ربنا كتب لك تكون سبب لمغفرة قلوبنا.

ينظر الجميع إلى بعضهم… لأول مرة منذ زمن، هناك هدف واحد يجمعهم.

في زاوية الغرفة، يقف مازن، يراقب بصمت، يبتسم بسخرية خفيفة لكنه هذه المرة لا يعلق.

مازن (بهمس لنفسه):أهو أخيراً… حد فيهم قرر يفتح الباب

***********************

بعد أن هدأ التوتر قليلاً، وتسلّل الأمل إلى قلوب الجميع بقرار الأحفاد البحث عن شيرين، يتنحنح محمود ليكسر الصمت:

محمود (بلهجة عملية):

طيب… قبل ما يبرد الفطور خلونا نرجع شوية لموضوع الشغل.

اتفقنا أمس إننا نختار وجه إعلاني جديد للشركة، والموضوع لازم يتحرك بسرعة اياد ، أحمد اتصلوا بالبنت اللي اتفقنا عليها و خلوها تيجي للشركة انهارده

إياد يخرج هاتفه من جيبه، يبدأ بالبحث عن رقمها، لكن أحمد يتدخل:

أحمد (بضحكة خفيفة):اتركها عليّ…

أنا اللي طلبت حسابها على إنستغرام، أقدر أرسل لها دلوقتي.

محمود:تمام… بس لما تجي، خلوها تمر على مكتبي.

حابب أشوف البنت دي اللي قدرت تقنعكم من أول لقاء.

في الخلف، مازن يتوقف عن الأكل، يرفع رأسه للحظة، نظرة خفية من القلق تمر بعينيه، وكأنه شعر بشيء… أو تذكّر أحداً.

مازن (بهمس لنفسه): "تارا…"

يكرر الاسم في ذهنه… لكنه لا يتكلم

**********************

بعد شوية

علا كانت سايقة عربيتها بسرعة متوسطة وبتبص في الساعة بقلق، وفي إيدها شوية ملفات مهمين. فجأة، بنت شابة طلعت قدامها بتعدّي الشارع من غير ما تبص.

علا (وهي بتصرخ ودايسة فرامل):

انتي عبيطة؟!! مش شايفة رايحة فين؟!

تارا رجعت خطوة لورا، بس فضلت واقفة، رتبت شعرها بهدوء كإن ما حصلش حاجة، وبصّت لعلا بنظرة باردة.

تارا (ببرود):

لو كنتي مركّزة في السواقة بدل ما دماغك شاردة، كان ما حصلش حاجة.

علا (نزلت من العربية وهي متعصبة):

بجد؟!

انتي اللي ماشية من غير ما تبصي، وجاية تحطّي الغلط عليا؟!

شوية ناس اتجمّعوا حواليهم بيحاولوا يهدّوا الموقف، بس التوتر كان بيزيد. تارا ابتسمت بسخرية.

تارا:

واضح إنك مشغولة أوي… بس شكلك أعصابك بتولّع من أقل حاجة.

مش غريب… على عيلة زي عيلتكم.

علا (اتصدمت):

إيه؟!

انتي تعرفيني؟ وانتي أصلاً مين؟!

تارا قربت منها خطوة، وبصّت في عينيها مباشرة، وهمست:

أنا عارفاكي أكتر ما تتخيلي يا "علا ادهم محمود العطار"…

وبعدين لفّت، ومشيت، سايبة علا واقفة مذهولة ومتوترة، وبتفكر بينها وبين نفسها:

علا (في سرها):

مين دي؟ وليه عنيها كانت كلها حقد كده؟!

***********************

– شركة العطار – الطابق التنفيذي

في المكتب الواسع والفاخر، يجلس محمود العطار خلف مكتبه العتيق، وبين يديه بعض الأوراق لكنه بالكاد يقرأ شيئًا. أمامه يقف كل من ادهم ومهاب، يناقشون بعض التفاصيل، بينما يقف إياد وأحمد جانبًا يتبادلون النظرات ويمسكون بهواتفهم، في انتظار مكالمة من تارا.

رنّ هاتف إياد، ردّ بسرعة، وصوته بدا أكثر هدوءًا من المعتاد.

إياد (بابتسامة):أهلاً، نعم… طبعًا، العنوان واضح؟… ممتاز، بانتظارك.

أنهى المكالمة ونظر لأحمد بحماس، ثم إلى جده ووالده وعمه.

إياد:جايه بالطريق.

محمود (بصوته العميق):كويس… نشوف إذا تستحق فعلاً تكون وجه الشركة الجديد.

دقائق تمر… الجو هادئ، الأصوات الوحيدة هي لأوراق تُقلّب، وهواتف ترن من مكاتب الموظفين بالخارج.

وفجأة، يُفتح الباب الرئيسي للمكتب الواسع…دخلت تارا.

خطواتها واثقة، رأسها مرفوع، شعرها منسدل بعناية على كتفيها، ترتدي فستانًا بسيطًا وأنيقًا لكنه يبرز جمالها... أما وجهها، فكان هو الصدمة.

محمود، الجالس خلف المكتب، اتسعت عيناه فجأة.

ادهم، الذي كان يقف قرب النافذة، التف ببطء، وعيناه لا تصدقان ما تراه.

مهاب شهق دون أن يشعر، ويده سقطت من على الورقة التي كان يمسك بها.

أحمد وإياد، اللذان التقيا تارا من قبل، نظرا إليهم بارتباك، دون أن يفهموا سبب ردّة الفعل.