رواية حب صغيرتي الفصل السادس 6 بقلم ٱية عيد
رواية حب صغيرتي الفصل السادس 6
#حب_صغيرتي
البارت 6
بيان مسكت المزهرية وكانت هتضر*ب يونس، بس هو مسك ايدها
يونس برفعة حاجب : دا احنا اتجرأنا اوي
بيان بصتله واستوعبت نفسها وقعت المزهرية من ايدها، ووقعدت علي الارض وبتعيط
بيان بدموع ورجفة :ا انا اسفة، م مكنتش اقصد
يونس نزل لمستواها ومسك ايدها ال بترتعش :انتي تعبانة؟!
بيان رفعت راسها ليه وهي بتعيط وشاورتله برأسها زي الاطفال بمعني لا
يونس قرب منها واخدها في حضنه، وهي كانت خايفة وبتعيط وهي حاطة رأسها علي صد*ره
يونس : انتي زعلانة عشان ال عملته امبارح؟!
بيان سكتت وبدات تهدا وعينها بقت تقفل لوحدها وهي نعسانة
يونس بصلها وشاف انها تعبانة وعايزة تنام
شالها واتجه ناحية السرير، وكانت ليان نامت
(ولله انا كمان نعسانة🫠)
بصلها كتير ولف وجاب مرهم من الدرج ال في الكومود، ولف ليها تاني وبدا يحط علي رقب"تها عشان فيها علامات
بعد ما خلص بعد عنها وسابها تنام....وخرج من الاوضة
@@@@@@@@@@@@@@@@@@@@@
تحت في القصر
نزل يونس ولقي العيلة متجمعة وقاعدين علي الانتريه ماعدا غنوة ويوسف
نسمة بصت ليونس بقلق : بيان فين؟!
يونس ببرود :نايمة
وقعد علي الكرسي
يونس :فين يوسف
كريم : مش عارف من امبارح بليل مش لاقيله طريق
يونس باستغراب : يعني هيكون بيروح فين يعني
حسين :يمكن شغل ولا حاجة يابني
جت راية وهي بتقدم الشاي ليهم، واراحت عند كريم ولمس ايدها وهو باصص ليها وغمز"لها وهي اتحرجت ومشيت علي طول، بس كريم قام وقف
كريم بتوتر :ط طب انا هروح اشوف المزرعة وارجع
وبيطلع خارج القصر
نسمة وهي بتتكلم علي كريم :احنا عايزين نجوز الواد دا
يونس :اختاري انتي بس العروسة وهو هيوافق
نسمة بسخرية :دي دماغه ناشفة زيك
يونس بابسامة وهو باصص في التلفون : لا متقلقيش دا بتاع بنات
نسمة بثقة :انا ابني محترم علي فكرة
الكل ضحك بسخرية
رانيا بضحك : دا عايز دستة بنات عشان تكفيه
نسمة :لا ياختي، متسوقوش في سمعة الواد وهو مش موجود
@@@@@@@@@@@@@@@@@@@@@
فوق عند غنوة
غنوة بخوف :يلا يا يوسف بقي، تلاقيهم بيسألو عليك دلوقتي
يوسف واقف بيمشط شعره، لفلها وشدها من وسط*ها وبا*سها من خدها
يوسف :عايزة تخلصي مني بسرعة كدا ليه؟! دا انا حتي جوزك
غنوة بتوتر :معلش يا حبيبي، بس انت عارف بقي
يوسف قرب وشه منها :طب ايه؟!
غنوة :ايه
يوسف :مفيش حاجة كدا ولا كدا
غنوة بضحك :لا مفيش
يوسف :بس انا عايز
غنوة بقلة حيلة قربت منه وطبعت قبل*ة وجت تبعد بس هو شدها اكتر ليه
بعد عنها عشان تاخد نفسها
غنوة :يلا اطلع بقي يلااااا
يوسف بضحك :حاضر، حاضر
غنوة بصت كويس خارج الاوضة وبعدين خلته يمشي
@@@@@@@@@@@@@@@@@@@@@@
في الجنينة الخلفية، كريم راح خلف القصر وشاف راية وهي طالعة وشاور ليها وهي لمحته وراحتله
راية :عايز حاجة يا بيه؟!
كريم :مش قولنا بلاش بيه دي
راية بخجل :اسفة، نعم ياكريم؟!
كريم مسك ايدها :طب تعالي معايا
راية شدت ايدها بكسوف :يالهو"ي، لا مينفعش، صفية ممكن تبهدلني
كريم :يا ستي هبقي اقول انك كنتي معايا وبتساعديني في حاجة، تعالي بقي
ومسك ايدها تاني وشدها وراه واخدها معاه في العربية
@@@@@@@@@@@@@@@@@@@@
في القصر
نزل يوسف ولقي العيلة تحت
قعد معاهم
يونس برفعة حاجب:كريم قال انك مكنتش موجود بليل
يوسف بتوتر :ها لا اصل انا كنت مع صحابي وسهرت معاهم
غنوة نزلت بتوتر
رانيا :كنتي فين يا غنوة، كل دا نوم
غنوة بارتباك :اصل كنت تعبانة شوية فا نمت كتير
نسمة : فيكي حاجة؟!
غنوة :لا انا كويسة دلوقتي
وبصت ليوسف ال بصلها واغمز"لها
وهي اتوترت اكتر
@@@@@@@@@@@@@@@@@@@@@@
عند كريم وراية وقف العربية قدام كلية كبيرة بعد ساعات طبعا في الطريق لانها في القاهرة
راية بذهول :ايه دا؟!
كريم وهو بيفتح حزام الامان : كليتك الجديدة
راية بصتله :بجد
كريم : ايوا طبعا بجد، يلا بقي انزلي عشان نشوفها
راية مش عرفة تفتح حزام الامان
كريم بصلها وقرب منها وعينه بقت قصاد عينها، وراية اتوترت وحاولت تبعد عينها عنه كريم فتح حزام الامان وبعد
كريم :ها، اتفضلي
كريم وراية نزلوا من العربية وراحوا الكلية وشافوها وعجبت راية قوي وكريم اصر عليها انه ياخدها مطعم عشان يتغدوا
@@@@@@@@@@@@@@@@@@@@@
في القصر وتحديدا في اوضة يونس
بيان صحيت من النوم
وملقتش حد في الاوضة، قامت ودخلت الحمام
في الوقت دا يونس دخل وملقهاش بس سمع صوت المياه في الحمام
قعد علي الكرسي واستناها
بيان طلعت من الحمام وحاطة الفوطة علي وشها، ازالت الفوطة واتخضت من يونس
يونس برفعة حاجب وسخرية :ايه؟! شوفتي عفريت
بيان مردتش ونزلت راسها في الارض
يونس وقف وقرب منها رفع وشها لفوق وبقي يشوف رقب*تها ال العلامات بدات تقل فيه
وبيان بتحاول تتفادا النظر ليه
يونس بصلها بهدوء : كنتي خايفة ليه؟!
بيان وهي متوتر : ا انت مكنش لازم تعمل كدا
يونس بهدوء : ليه؟!
بيان بصتله بارتباك :ه هو ايه ال ليه.... انت ع عارف ان احنا متجوزين علي الورق، ي يعني مش من حقك ت تقرب مني
يونس بهدوء : بس انتي مراتي، وحقي
بيان : احنا اصلا هنتطلق يبقي من الاحسن انك متلمسنيش
يونس بابتسامة خفيفة ورفعة حاجب : ومين قال اني هطلق
بيان بصتله بصدمة : ي يعني ايه؟!
يونس بعد عنها وحط ايده في جيبه وببرود : يعني انا واحد صعيدي واحنا معندناش حاجة اسمها طلاق
بيان :ب بس اانت و وانا.....
يونس قرب منها :احنا ايه؟!
بيان اتوترت : ق قصدي ان ا احنا مش بنحب بعض
يونس قرب منها وحاصرها في الحيطة وقرب من ودنها وهمس :مين عارف! يمكن تقدري تخليني احبك
بيان بتوتر من قربه :ط طب وانا
يونس بصلها وابتسم، وبعد عنها وخرج من الاوضة
وبيان واقفة متوترة :ي يعني انا كدا لبست فيه
@@@@@@@@@@@@@@@@@@@@@@
في مكان مجهول واقف مصطفي مع واحد من اعداء يونس
عيسي بسخرية : ياخسارة الد*م، يعني يبقي ابن عمك وعايز تبيعه
مصطفي :انا بكرهه، وهساعدك تخلص عليه.... وهجبلك اخبار شغله
عيسي :ال اعرفه ان اخوك شغال معاه يوسف
مصطفي :اخويا ملكش دعوة بيه.... ه هو مش زيي هو بيحب يونس ويعتبر دراعه اليمين
عيسي :امممم.... تمام يبقي انت كدا هتبقي واحد من رجالتي، وتجبلي اخباره كلها
مصطفي :انا هحاول اقنعهم اني اشتغل معاهم وهعرفك ميعاد الشحنات
عيسي :وهتاخد من الشحنات دي نصيب؟!
مصطفي :خلي تمنها ليك انت، انا مش عايز منها حاجة
عيسي بذهول :انت بتكرهه ليه كدا؟!
مصطفي بضيق :دي حكاية طويلة، هحكيها ليك بعدين
@@@@@@@@@@@@@@@@@@@@@@
في مجلس اهل البلد
كان فيه ناس كتيرة قاعدة وفي واحد عمال يز"عق وكان في ست كبيرة معاهم ومن بينهم حسين ويوسف ومستنين يونس
بعد مدة.... دخل يونس وهو لابس جلابية صعيدي ومعاه عصاية والده
يونس قعد وبص للراجل ال بيز" عق بحدة :وطي صوتك
الراجل عويس قعد بتوتر:اسف يا كبير
يونس بصوته الرجولي :في ايه؟!
يوسف : عويس عايز يرمي امه من بيتها ويسكن فيه هو ومرته
يونس بص للست ال قاعدة تبكي، وبعدين بص لعويس
يونس : صح الكلام دا ياعويس
عويس بتوتر : يا كبير انا كان قصد......
قاطعه يونس بحدة :صح ولاا لا
عويس باحراج :ص صوح يا كبير
الست الكبيرة وهي بتبكي : بترجاك يا كبير متعملوش حاجة، انا مش عايزة بس غير يجبلي اوضة اتستر فيها
يونس بصله بسخرية :هي دي الست ال كنت عايز ترميها عشانك وعشان مرتك، بتوقلي معملكش حاجة..... يا ترا انت تستاهل اني اسكتلك يا عويس
عويس بخوف من نظرات يونس : س سامحني ياكبير، سامحني
وقرب من امه وبا*س راسها:سامحيني ياامي
يونس بحدة :انت هتقعد في بيتك انت ومرتك، ولو هوبت ناحية بيت والدتك، انا هشوف شغلي معاك
عويس بخوف :اوامرك يا كبير مش ههوب ناحية هناك مهما حوصل
الست لسة عملة تعيط
يونس كلمها بهدوء :بتعيطي ليه تاني؟!
الست : عشان هيسبيني اعيش لوحدي
يونس بص لعويس بحدة، وعويس خاف منه وراح عند امه بسرعة
عويس :لا ازاي يا امي يا هاخدك عندي وتعيشي معايا
الست بفرحة :بجد يابني؟! بس مراتك مش بتطيجني
عويس بخوف من يونس : لا ازاي وهي تقدر تتكلم، دا انا اطلجها في وجتها
الست فرحت وابتسمت
يونس قرب منه وحط ايده علي كتفه وهمس في ودنه بنبرة مخيفة : لو الست دي جاتلي زعلانة او مخد"وشة خد" ش واحد.... هزعل يا عويس وانا لما بزعل بتعصب
عويس بخوف :ل لا ياكبير، دي امي بردك وانا هحطها فوج راسي
يونس بهدوء :جدع يا عويس، جدع
الكل فرح وقام وبقوا يقولوا مشاكلهم ليونس وهو يقول الحل، او ال محتاج مساعدة يساعده
@@@@@@@@@@@@@@@@@@@@
في الليل
رجع كريم وراية وراية كانت مبسوطة خالص وكانو واقفين عند البوابة الخلفية
راية بخجل :تصبح علي خير
كريم بابتسامة :وانتي من اهلي.... ا اقصد وانتي من اهله
راية اتكسفت وكانت لسة هتدخل بس الباب اتفتح وكانت صفية ال مسكت راية من طرحتها
صفية بعصبية :كنتي فين يا بت انطجيييي، كنتي صا"يعة فين
كريم قرب منها وشد راية بعيد عنها
كريم بغضب :فيه ايه يا صفية، بتكلميها ليه كدا؟!
صفيةباحراج :انا اسفة يابيه، بس هي اتأخرت وكان في غل كتير
كريم بغضب :كانت معايا يا ستي بتساعدني في حاجة في المزرعة
صفية :ولله ما كنت اعرف يابيه، ما هي مقالتليش
كريم بغضب :اول واخر مرة اشوفك مسكاها بالطريقة دي فاهمة
صفية بخوف : ح حاضر يابيه
كريم :يلا ادخلي جوا
وبتمشي صفيه
وراية كانت واقفة بتعيط.... كريم قرب منها ومسح دموعها
كريم :علي فكرة بتبقي حلوة برضوا وانتي بتعيطي
راية ضحكت وسط عياطها
كريم بابتسامة :ايوا كدا، الضحكة احلا منها بردك
راية بابتسامة :شكرا
كريم بصلها وسرح فيها :علي ايه؟!
راية :عشان دافعت عني قدام صفية
كريم :انا اعمل اي حاجة عشانك
راية بتتكسف وبتجري تدخل جوا :باييييي
كريم ابتسم وبعدين لف ودخل من البوابة الرئيسة
@@@@@@@@@@@@@@@@@@@@@
داخل القصر العيلة كانت متجمعة ما عدا بيان
نسمة ليونس :فين بيان يايونس
يونس وهو ماسك الابتوب : فوق تعبانة شوية
نسمة بقلق :طب انا هطلع اشوف مالها
سعاد :خلاص يانسمة، ما شوية كدا ويونس هيطلع
نسمة سمعت كلام مامتها وقعدت
الكل كان بيحكي علي ال حصل في المجلس، ما عدا يونس ال مركز في الابتوب
ويوسف عمال يغا"زل غنوة بعنيه
دخل كريم
نسمة :كنت فين؟!
كريم دخل وهو مبتسم :كان عندي مشوار كدا
يوسف غمز" له: يابتاع المشاوير انت
كريم بضحك:ظلمتني
رانيا بضحك :يا مظلوم انت
تفيدة قاعدة ومش طايقة حد فيهم
عدا وقت والعيلة بتتكلم وبيهزروا وبيضحكوا
ويونس قرر انه يطلع ينام
@@@@@@@@@@@@@@@@@@@@@
عند يونس دخل الوضة ولقي بيان بتتفرج علي التلفزيون
يونس راح عند الدولاب واخد ملابس ودخل الحمام
وبيان لاحظته وعدلت قعدتها
................ بعد مدة بيخرج يونس بس بيكون عا*ري الصد*ر
بيان بتغمض عينها بسرعة
يونس شافها وابتسم بخبث، وقرب قعد جمبها وهي حست بيه وقامت وقفت وكانت هتمشي بس يونس شدها وبالغلط وقعت في حضنه
بيات فتحت عينها بصدمة... ويونس مركز مع عينها وفضلوا كدا ثواني
بيان قامت بسرعة :ا احم، ا انا اسفة
واتجهت ناحية السرير واستلقت عليه بعد ما حطت مخدة في النص
ويونس قام هو كمان وقفل التلفزيون وراح نام
٪٪٪٪٪٪٪٪٪٪٪٪٪٪٪٪٪٪٪
في نصف الليل
ليان قامت وهي جعانة وقعدت علي السرير بضيق وبصتعلي يونس ال نايم
فضلت كتير كدا لحد ما قررت انها تصحي يونس
بيان وهي بتهز يونس ببطيء :ي يو نس
يونس وهو مغمض عينه :امممم
بيان باحراج :م ممكن تصحي دقيقة
يونس فتح عينه :في ايه؟!
بيان بخجل :ا انا ج جعانة، و وخايفة انزل لوحدي
يونس بيقوم :طب تعالي
يونس بيلس تيشرت وبيخرج من الاوضة وبيان بتروح وراه
@@@@@@@@@@@@@@@@@@@@
في اوضة غنوة كانت نايمة بس الباب اتفتح وكان يوسف
غنوة قامت بسرعة:يوسف
يوسف قرب منها وشدها لحضنه :قلب يوسف
غنوة بخوف : يمكن حد يدخل علينا دلوقتي هنعمل ايه؟!
يوسف قرب منها اكتر : بطلي انتي قلقك دا بس
غنوة بتوتر :بس.....
قاطعها يوسف بقب*لة قوية
لكن فجاة دخلت عليهم رانيا
رانيا :غنوة ممكن انام معا.....
اتصدمت من منظرهم، وغنوة بعدت بسرعة عن يوسف بخوف
يوسف :رانيا استني هفهمك
رانيا بعصبية :.........
@@@@@@@@@@@@@@@@@@@@@@
تحت
يونس كان نازل علي السلم وبيان وراه والجو كان مظلم، بيان جريت عليه ومسكت في طرف التيشرت
يونس بصلها
بيان باحراج :ا اسفة، ب بس ا انا بخاف
يونس سكت وراحو المطبخ
٪٪٪٪٪٪٪٪٪٪٪٪٪٪٪٪٪٪٪
في المطبخ بيات جابت اكل من التلاجة وقعدت تاكل علي التربيزة بأحراج من يونس ال قاعد قصادها
يونس قام وجاب ازازة مياة وبدا يشرب
وبيان اكلت بسرعة قبل ما يرجع ويشوفها
خلص شرب وبيان عملت نفسها بتاكل تاتة تاتة
يونس ابتسم بخفة لما لقي ان الطبق قرب يخلص
يونس مدلها ازازة المياه، وبيان اخدتها منه
بيان :شكرا....تاكل؟!
يونس :مش جعان
بيان خلصت وقامت غسلت ايدها
بيان بابتسامة :خلصت
يونس وهو حاطط ايده في جيبه : طب يلا
وخرجوا من المطبخ وطلعوا فوق
بس وهما طالعين.... يونس سمع صوت في اوضة غنوة، واتجه ل هناك
@@@@@@@@@@@@@@@@@@@@@@
استوووووب،
رواية حب صغيرتي الفصل السابع 7 من هنا
الرواية كاملة من هنا (رواية حب صغيرتي)
