رواية بقاياها فيا كاملة (جميع فصول الرواية) بقلم مي عبد الله
ـ إنتي هتتجوزي جوز أختك اللي ماتت ومكملتش أسبوع؟!!
انتي اتجننتي؟! عاوزة الناس تاكل وشي؟!!
ليل ببرود:
– أختي؟؟ أختي دي كانت مصدر تعاستي طول حياتي... يلا، اهي غارت، ربنا يرحمها بقى.
منال بانهيار:
– انتي مستحيل تكوني بني آدمه! إزاي كده؟!
إنتي مريضة!
خسارة تعبي فيكي تسع شهور...
إحنا عملنا فيكي إيه علشان تعملي فينا كده؟!
ليل بجفاف:
– طيب، قصروا الكلام. أنا قولت اللي عندي.
ومتفتكريش إني بقولك علشان مستنية موافقتك...
أنا بقولك علشان متتفاجئيش يوم الفرح. بس كده.
الأم بذهول:
– إنتي كمان... هتعملي فرح؟!!
ليل (وهي بتتجه لباب الشقة):
– إنتي هتفضلي تقضيها صدمة؟ لا، أنا مش فاضيالك.
يلا بقى، تِكير راحة، رايحة أقابل كريم علشان نختار الشبكة.
باي باي.
سابتها وسط صدمتها ومشيت ببرود... ولا كأنها عملت حاجة.
منال وقعت على الأرض بصدمة، مش قادرة تستوعب اللي بيحصل...
صدمتها في بناتها كانت قاتلة.
واحدة ماتت وهي بتولد توأمها، والتانية... هتتجوز جوز أختها اللي لسه مدفونة.
"يا ميله بختك يا منال ف عيالك… أقول إيه ولا أعمل إيه؟
بس على آخر الزمن مقدرتش عليهم…
هقول إيه للناس؟
يا رب… حلّها من عندك."
يتبع ....
فصول رواية بقاياها فيا بقلم مي عبد الله
اضغط على الفصل الذي تريد قراءته:
رواية بقاياها فيا الفصل الأول 1
رواية بقاياها فيا الفصل الثاني 2
رواية بقاياها فيا الفصل الثالث 3
رواية بقاياها فيا الفصل الرابع 4
رواية بقاياها فيا الفصل الخامس 5
رواية بقاياها فيا الفصل السادس 6
رواية بقاياها فيا الفصل السابع 7
جاري كتابة باقي فصول الرواية .. عاود زيارتنا ..
