رواية بائعة الخضار الفصل الثاني والعشرون 22بقلم محمد طه
رواية بائعة الخضار بقلم محمد طه
#بائعة_الخضار
_رضوان.. إنتي حاسه إن إبنك عايش.. عشان إبنك نزل من بطنك عايش..
_ميرفت بدموع.. كمل.. وبعدين إيه اللي حصل
_رضوان بهروب.. بلاش نفتح في الماضي يا ميرفت إبنك ما،ت وشبع مو،ت..بقلم..محمد طه..ولو عايزه تروحيله الطرق مفيش أكتر منها.. والأولى دلوقتي إننا نشوف اللي عايش.. راح فين ولا حصله إيه (ويسيبها ويخرج)
_ميرفت بتوعد.. اللي عايش ده أنا هحسر قلبك عليه وأنته يا رضوان اللي حكمت عليه.. أنا سكت 20 سنه عشان كنت خايفه إن السر ينكشف.. لكن خلاص بقى تخرب على الكل.. وأنته يا رضوان أكتر واحد هتنضر.
أتأكد إنك عامل متابعه لصفحه محمد الشاعر
****************
_(في المستشفى)_
_المعلمه.. أنا هقوم بقى أمشي عشان أسيبك ترتاح وهبقى آجي بكره أطمن عليك.. على فكره أنا سايبالك فلوس زياده في الحسابات.. يعني أي حاجه عايزها أطلبها
_نهاد بدهاء..والله اللي حضرتك بتعمليه معايا ده كتير يااااااااا
_المعلمه بإبتسامه..المعلمه رضا
_نهاد بإستغراب..معلمه
_المعلمه.. آه معلمه.. أنا عندي دكانه صغيره كده ف سوق خضار.. ومعلم ومعلمه هيا دي ألقاب الأسواق
_نهاد.. فين سوق الخضار ده..بقلم..محمد طه
_المعلمه.. بعد المستشفى دي بحوالي 10 كيلو..
سوق خضار المعلم كامل أبو حجاج.. يلا بقى أنا هسيبك ترتاح.. وأنا هسيب رقم تليفوني مع الممرضه لو أحتجت أي حاجه يبقى خليها تكلمني
(ونهاد رفض إنه يعرف المعلمه هوا مين وإبن مين وبعد ما المعلمه خرجت من عند نهاد دخلت الممرضه عشان تشوف نهاد لو محتاج حاجه)
_الممرضه.. حضرتك محتاج حاجه
_نهاد.. معاكي تليفون
_الممرضه.. أتفضل
(وأخد نهاد التليفون وأتصل ب أبوه)
_نهاد.. أيوه يا حاج.. أنا نهاد
_رضوان بلهفه.. أنته فين يا نهاد.. وتليفوناتك مقفوله ليه..ليه يا أبني تقلقني عليك بالشكل ده
_نهاد يهدئه..أهدى يا حاج.. والله غصب عني..
أنا وأنا راجع فيه بلطجيه قطعوا عليا الطريق وأخدوا العربيه وكل اللي معايا
_رضوان.. ف داهيه أي حاجه.. المهم أنته طمني عليك وأنته فين دلوقتي
_نهاد.. أنا والله كويس يا حاج.. بس مش هينفع أخرج من المستشفى دلوقتي.. هبعتلك اللوكيشن
(ويقفل مع أبوه ويدي التليفون للممرضه)
_نهاد..أبعتي لوكيشن المستشفى للرقم ده
(والممرضه تبعت اللوكيشن وقبل ما تخرج)
_الممرضه.. محتاج أي حاجه تاني
_نهاد بتفكير.. معلش هاتي التليفون تاني
(وأتصل بسكرتيره الشركه)
_نهاد.. أيوه يا سالي.. أنا نهاد
_السكرتيره بأنفاس سريعه..حضرتك فين يا نهاد باشا دا رضوان باشا قالب عليك الدنيا.. وقالي
_نهاد..يقاطعها.. خلاص يا سالي أنا كلمته..أسمعي اللي هقولك عليه ويتنفذ بسرعه..بقلم..محمد طه
_السكرتيره.. تحت أمرك يا باشا
_نهاد.. تطلعيلي خطوط جديده بنفس الأرقام بتاعتي كلها.. وتبعتيهالي على اللوكيشن اللي هبعتهولك دلوقتي.. ويا ريت ما نستغباش يا سالي وتبعتيلي الخطوط بس.. الخطوط تتبعت في تليفونات
_السكرتيره.. حاضر يافندم كل اللي أمرت بيه هيتنفذ حالا..فيه أي أوامر تانيه
_نهاد.. آه..الخط اللي بكلمك من عليه ده.. يدخل ف خطوط الشركه ويتعمله باقه نت ومكالمات مدى الحياه (ويقفل معاها ويدي التليفون للممرضه)
_نهاد.. أبعتيلها لوكيشن المستشفى
_الممرضه بسعاده لا توصف..حاضر..وشكرا يا باشا..
أنا طول ما أنا موجوده ف المستشفى هكون ورا باب سعادتك.. حضرتك بس قول رحاب.. هتلاقيني قدام سعادتك
*******************
_(سوق الخضار)_
_الهام بدأت أول يوم ليها شغل ف دكانه المعلمه رضا وبدأت إنها تفرش البضاعه بطريقه مميزه جدا وملفته للنظر.. وبدأوا الزباين يتوافدوا عليها.. وكل زبون كانت بتقابله بابتسامه مع كلمه حلوه.. وكانت جايبه لمازن كيسين أرواح..وكل زبون ياجي ومعاه أطفال مازن يديله أرواح ويلعب معاه ويضحكه
_وف وقت قليل جدا كانت البضاعه كلها خلصت وقفلوا الدكان وراحوا على البيت.. لكن مازن رفض إنه يروح معاها.. وقال لإلهام إنه عايز يفضل في السوق.. ووعدها إنه مش هيخرج من السوق ولا هيروح هنا ولا هنا.. وسابته الهام ف السوق وروحت على بيت المعلمه رضا..بقلم..محمد طه
_ومازن بدأ يلف ف السوق وكل ما يشوف طفل صغير يديله أرواح ويلعب معاه.. وفجأه حصلت مشكله في السوق.. وأتنين مسكوا ف بعض.. وبسرعه مازن جري ودخل ف وسط الخناقه وبدأ يحجز ويبعد الأتنين اللي بيتخانقوا عن بعض ويتكلم معاهم.. لكنهم مش فاهمين هوا بيقول إيه.. وفيه واحد من الناس اللي واقفه قال بصوت عالي.. خلاص يا جدعان عشان خاطر الواد العبيط ده.. وأول ما مازن سمعه ساب الخناقه وراحله وقام ضا،ربه بالقلم بس مش بقوه وقاله مازن مش عبيط.. ورجع تاني ف وسط الخناقه وكل اللي واقفين ما قدروش يمسكوا نفسهم من الضحك على اللي عمله مازن..وفضل مازن يطبطب على ده شويه ويبوس على راسه.. ويروح للتاني ويطبطب عليه ويبوس على راسه..
_لحد ما الأتنين اللي بيتخانقوا بدأوا يهدو.. ومازن طلع أرواح وعطي كل واحد واحده..هيا كانت حاجه بسيطه لكن كان ليها مفعول السحر والخناقه أنفضت وكل واحد بدأ يشوف شغله
_وبدأ مازن يلف في السوق.. يلعب مع ده شويه.. ويضحك مع ده شويه.. وكل ما يشوف حد بيشيل حاجه يروح يشيل معاه.. لحد ما مازن كسب حب اللي في السوق كلهم وأكنه عايش ف وسطهم من سنين..بقلم..محمد طه
_وبدأ مازن يحس بالتعب وراح قعد قدام دكانه المعلمه رضا.. ووصلت المعلمه لقيت الدكان مقفول ومازن قاعد قدامه
_المعلمه بإستغراب..هوا الدكان مقفول ليه يا مازن والهام فين
(مازن قالها إن البضاعه خلصت والهام روحت على البيت.. لكن المعلمه ما فهمتش منه حاجه خالص وأخدت المعلمه مازن ومشيوا على البيت)
(وهما ماشيين كل شويه واحد يشاور لمازن ومازن يشاورله والمعلمه مستغربه من اللي بيحصل)
_المعلمه بإبتسامه..إيه يا مازن.. دا أنته بقيت أشهر مني ف السوق
****************
_(فيلا الصباغ)_
(رضوان قبل ما يتحرك ويروح لنهاد المستشفى.. أتصل بشركات أمن يبعتوله رجاله.. وبعدين أتصل بالمعلم كامل أبو حجاج)..بقلم..محمد طه
_رضوان بغضب..أيوه يا كامل..أبني وهوا راجع من عندك فيه بلطجيه طلعوا عليه وضر،بوه وسرقوه.. أنته الظاهر عليك كبرت.. وما بقاش ليك لازمه..
(ويعلي صوته) مش عارف تحمي أبني يا كامل
_المعلم.. يا باشا أهدى..أبن حضرتك دخل السوق وخرج.. مفيش حد أتعرضله بكلمه
_رضوان بغضب..أبني طول ما هوا ف المحافظه اللي أنته فيها.. حمايته فرض عليك.. ولا أنته نسيت أنته كنت إيه وأنا عملتك إيه
_المعلم.. يا باشا ما نسيتش.. بس أنا عملت لحضرتك خدمه زمان.. وبسببها خسرت مراتي أم بنتي.. واللي أنا فيه ده كان المقابل................
_ويتبع...................
رواية بائعة الخضار الفصل الثالث والعشرون 23
لقراءة باقي فصول الرواية اضغط هنا ( رواية بائعة الخضار )
_بقلم...محمد طه
_متنساش المتابعه والتفاعل ليصلك الجديد
_تحياتي لمتابعيني الأعزاء
