رواية المجنونه الفصل السادس والأربعون 46 بقلم اليا

رواية المجنونه بقلم اليا

#المجنونة

الفصل السادس و الاربعون

" هعـمل كل اللي قلتـي عليه بس بشرط لين ممكن تسمعـيني من غـير ما تقاطعيني ، و لو مقتنعـتيش ، مش هضغط عليكي براحتك بس اسمعيني .. "

اتأففت " شمس ثاني يا زيـاد .. " مكـنتش راضية تسمـع حتى لو مش هينفد اللي طلبته ..

" تعرفي ، شمس وقفت قدامي يوم ما كان مهاب ناوي يقـ ـتلني هي كانت مستعدة تمـ ـوت عشانك .. "

استوقفـها كلامه و هي فنص الطريق ، و من غـير ما تلف فضلت واقفة تسمع بقـية حديثه ..

" شمـس وقفت قدام أبوها و قالتله ، زياد هـو روح لين متخدش منها روحها ، هترجع زي ما كانت و مش هقدر تعـيش ، أنا مقـدرش أشوفها كده ثاني فمـ ـوتني معاه .. "

بلعت ريقها " يعـني ايه ؟.. "

" يعـني كانت مستعـدة تضحي عشانك ، صح أبـوها مسمحلهاش بس ميكفيش انها حاولت هي كانت عاوزه تعمل كـثير عشانك بس مهاب مكنش يسمح لها و بعدها انت رفضتي قربـها منك .. "

" تقصد اني وحشـة .. "

قام من مكانه ، قعدها ع الكرسـي و قاعد ع ركبه محاوط إيديها الاثنين " لين ، نـور عيني مش وحشة بس محتاجة تعرف الحقيقة عشان تحكم صح ، لين شمس عمرها ما أذتك ، ليه تكرهيها للدرجة ديه .. "

دموعها نزلت من غير ما تحس " ليه يحبـها هي و أنا لا ، ليه هي تحصل على كـل حاجة و انا لا ، ليه هي عاشت حياتها و انا لا ، ليه هي خدت كل حاجة .. "

حط إيده على خدها " انت سامعـة نفسك بتقـولي ايه ، ليه حبها و ليها عطاها كل حاجة هو اللي عطاها ده ذنبه هـو غلطان بالعكس هي عطتك كثير حاجات ، عطتك من وقتها لما هو منـع عنهـا تلعب معاكي او تقربلك عطتك من حبها منعت عن نفـسها حاجات لمجرد كونها ممنوعة عنك رغم انها مش مجبورة .. "

" زيـاد لو سمحت ، انت مش هتفهمـني .. "

" شمس مبقتش تحتفل بعيد ميلادها عشانك بقت تقلل طلعـاتها مع مهاب عشـانك ، عارفة الكتب للي كنت بجبهالك عشـان تدرسي منها شمس اللي كانت بتديهالي ، كنتي بتسألـيني كل مرة بتجيبـها و اضطر أخبـي ، كانت بتقـلي لو عرفت هترفض تاخدها متقـلهاش يا زياد ، فعيد ميلادك ديما كـنت بجبلك هديتـين بدل وحدة وحدة مني و الثانية كانت من أختك شمـس .. "

دورت وشها " ممكن تمشي لو سمحت .. "

لف وشها خلاها تبصله " زيما شمس متستاهلش بعدك حتى انت متستاهليش بعدها ، زيما سامحتيني على أغلاطي و كذبي عليكي لازم تسامحيها رغـم انها معملتش اي حاجة تكرهيها عشانـها ، انت محتاجة أختك يا لـين ، ارجعي حبيـها .. "

باس راسها و مشي ، مسحت دموعها و دخلت المـطبخ ، بتحاول تلهي نفـسها بأي حاجة دماغها مش مستحملة التفكـير ..

آدم داخل بيزعـق ضرب بالطبق ع التربيزة جنبـها " إيه اللي طلع للزبون ده بتخربطو فالاردرات ولا ايه ، ايه اللي بتحاولي تعمليه ده هتضيعي سمعت المطعم .. "

بهداوة " آسفـة .. "

اتعصب زيادة " اسفك ده هعمل بيه ايه انا ، اللي مـش عايز يجي يشتغل و يركز فشغله يقعد فبيته سامعـين .. "

عصبتها طريقته " قلت آسفة ، متكبرش الموضوع .. "

على صوته " لا هكبـره بتجي كـل يوم تتسلي و تلعبي ، هتضيعي تعبنـا كله ، الوضع ده مش عاجبنـي .. "

من غير ما ترد ، وشها بقا احمر ، نفـسها علي من كـثر ما اتعصبت دخلت الاوضة قلعت هدوم الشغل و طالعـة ، طـول الوقت و زينب بتهديها و حاولت تلحقها لبرا بس مسمحتلهاش ..

و هي طالعـة غيث اللي واقف عند البـاب لاحقها من سكات رجعـها ع البيت من غير ما تكلم حد طلعت على مكتب أبوها ، حضنته من غير مقدمات ..

" ليـن مالك يا بنتي ؟.. مين مزعلك شـاوريلي عليه بس و سيبي الباقي عليا .. "

" محدش زعلني بس سيبنـي فحضنك .. "

بيمسح على شعرها و سايبها على راحتها عارف انه في موضوع زاعجبها بس محبش يضغط عليها حس انها بتعيط ، برضو معلقش بيطبط على ضهرها و قاطعه دخول مـريم ..

" ليـن اجيت آخدك ، محتاجاكي .. "

ليـن رفعت راسها من على كتفـه و مسحت دموعها " حاضر ، انا هاجي بعد شوية .. "

" لين مالك ، معـاذ مالها ؟.. "

معـاذ شاورلها بعـينه تبطل أسئلة " مملهاش يعـني عشان الوحدة تعيط فحضن أبوها لازم يكون مالها يا مـريم .. "

اتوترت " لا مش قصدي بس لما تخصي تعالي اوضتك مستنينك هناك .. "

معـاذ بدرامية " مستنينها ؟ كلكو انتو الاربعة ، هتاكلوها ، ولا ايه بصي لو حصل اي حاجة غـريبة صوتـي و انا اجيلك .. "

مريم كشـرت " ايه سـوء الظن ده .. "

" بأمن على بنتـي .. "

ليـن ضحكت و راحت حضنت مـريم " متزعليش يا سكره ، مش هصوت حتى لو كلتـوني .. "

جريت منها على الاوضة ، لحقـتها و مستـوعبتش الا لقت نفـسها وسطهم و بيبصولها بطريقة غـريبة ..

" فيه ايه ، بتخوفـوني .. "

فريدة " إيه رأيكو ، نرفع شعـرها فوق ، هيطلع الموديل حلو أوي عليها .. "

بسمة " انا بقول نرفع شـوية فوق و نسيب الباقي مفـرود هيطلع أحلى .. "

هي تعودت شوية على لطافتهم معاها بعد ما عرفو الحقيقة بس اختيار موديلات الشعـر إيه مناسبتـها كشرت " في ايه مـش فاهمة ايه اللي بتحاولو تعملوه .. "

سمـية " و لا حاجة بس بنحاول .. "

بسمة قفلتلها بقـها عارفة لو مسكتتهاش هتفضحهم " سيبك منها مش عمك لقمان و عيتله هيجو يتعشو معانا عايزين بس تفرحي و تغيري من نفسك كنـوع من التسلايه .. "

لـين " مليش نفس ، هنـام و لما يجو هلبـس أي حاجة و انزل ايه لازمته كل ده .. "

فـريدة ، بسمـة و مـريم بيبصولها بطريقة بتخوف " ليـن .. "

سمـية بتهز ذراع لين " اعملي اللي بيقـوليلك عليه ، بيخوفـوني "

عملت زيما كـانو عـايزين رغم انهـم على رأيها بالغـو أوي ، لبـست على ذوقهم و نزلت على وقت العـشا ، عدنان طول الوقت مـشلش عينه عنها و معاذ هيمـوت من غيظه ..

وبعد العشا قاعدين بيشـربو شاي من ساعتها و عدنـان كل شوية يبص لابوه و يشاورله ..

معـاذ لاحظ " في حاجة ؟.. "

لقمـان " بصراحة يا خويا ، اللي هقـوله دلوقتي مليـش دخل فيه فمتقاطعنيش بسببه ، انا هقول اللي هما جبرونـي أقوله بس هقوم بواجبي كأب .. "

معـاذ بيتمنى اللي بيفكر فيه ميكـنش صح " يعـني ايه ؟.. "

لقمـان بهداوة " لو رضيت يعـني .. جايين نطلب إيد بنتك .. "

معـاذ عصب " ايه الهـزار البايخ ده ، ايد مـين و زواج ايه " حاول يتحكم فغضبه " هعمل نفـسي مسمعتش أي حاجة يا لقمـان عشان منخسرش بعضنـا .. "

ليـن منطقتش بتحاول تستوعب اللي تقـال ..

عدنـان وقف متعصب " يعـني ايه ؟.. ايه المـانع اني أطلب إيدها ايه العيب اللي حضرتك شايفه فيـا .. "

وفـاء بتحاول تشد إيده عشان يقعد و يهدى " عدنـان متتصرفش كده اهدى شـوية .. "

معـاذ رفـع صباعه بتحذير " اتكلم معايا بأدب ، أنا معـنديش بنت للجواز فاهم يا ابن اخويا .. "

عدنـان باندفاع " على الاقل اسألها لو ..

قبل ما يكمل قاطعته " انا مـش موافقـة " رمت الكلمـتين طلعت