رواية حياة الجسار الفصل السادس والعشرون 26 والأخير بقلم مريم وليد

رواية حياة الجسار الفصل السادس والعشرون 26والاخير بقلم مريم وليد

رواية حياة الجسار بقلم مريم وليد

بينما علي طربيزة حياة وجسار كان يجلس نعم ادهم والد جسار بجوار أيه يتحدثون ويضحكون سوياً فكان ادهم يتغزل في أيه،، انا لو اعرف ان انا هاجي الاقي القمر هنا كنت جيت من الصبح والله

أيه بخجل،، بس بقي يا ادهم ممكن حد ياخد بالو 

ادهم بـ ابتسامه،، حاضر هسكت بس برضو لسه ذوقك حلز زي ما انتي 

ايه،، انت كمان طالع حلو 

ادهم بغزل،،، عيونك هي اللي حلوة 

ثم انتقلوا جميعاً علي صوت صريخ حياة.......

حياة بصريخ،،  اااااااااه الحقني يا جسار شكلي بولد 

جسار بقلق،،  بتولدي ازاي انتي لسه فاضلك اسبوعين كمان 

حياة بعصبيه،، اسبوعين ايه هي جمعيه بقولك بولللللد الحقنيييي ااااااااااااااه 

ادهم،، شيلها بسرعه يابني وخلينا نطلع علي المستشفى بسرعه 

فـ حملها جسار وجري الي عربيته ووضعها في الخلف مع والدة ليلي وجلس هو في الامام وبجانبه والده ادهم وقاده مسرعا نحو المشفي خاصته وكاد ان يفتعل اكثر من حادث بسبب سرعته ولكنه تخطاه وكان خلفه نادين وكريم وتالين وايهم بالسيارة الاخري وذهب كلا من مازن وليلي لـ تبديل ملابسهم والذهاب لهم سريعاً 

وعندما وصلوا امام المستشفى بسرعه قياسيه ترجل جسار وذهب لـ الباب الخلفي وحمل حياة التي لم تتوقف عن الصريخ وتوجه للداخل وهو يقول بصوت عالي افز، ع الجميع،، تروووولي بسرعه يا بهايم مراتي بتولد 

فـأسرع الجميع بمساعدته وادخلوها الي غرفه العمليات وامر جسار ان الذي سيفعل هذه العمليه دكتورة وليس دكتور فوافقوا جميعاً فـ كيف لاحد ان يتجرأ ويعارض كلام جسار الجارحي 

عدت فترة تحت توتر جسار وقلقه علي حياته وهو يقف خارجا ذهابا وايابا ولا يعرف ماحالة زوجته في الداخل وبعد مده خرجت الدكتورة وبجوارها ممرضتين وكل منهما يجملان طفل،،  مبروك ولد وبنت زي القمر 

جسار بلهفه،، حياة كويسه 

الدكتورة بـ ابتسامه،، ايوة هي كويسه وهننقلها لاوضه عاديه دلوقتي لحد ما تفوق 

ولم يمر وقت وفاقت حياة 

حياة،، جسـ.... جساار 

جسار،، حياتي أخيراً فوقتي حمدلله علي سلامتك ياعمري 

حياة بــ ابتسامه خفيفه،، الله يسلمك ياحبيبي فين ولادنا 

جسار،، خدوهم للحضانه وهيجبوهم دلوقتـ...... ولم يكمل كلامه بسبب الذي دخل فجأة تحت صدمة الجميع 

فتح باب الاوضه ليتفاجئ الجميع من دخول مازن بـ بدلته وملابسه كما هي وخلفه ليلي لكنها بدلت فستانها لكي تستطيع الحركه 

عم الصمت المكان بسبب الصدمه ولم يفق الجميع الا علي صوت ليلي التي قالت بلهفه لـ حياة،، حمدلله على سلامتك ياروحي

بينما قال مازن بـ امتعاض،،  طلبت مني الطلاق لو ماجتش المستشفى تطمن عليكي 

ثم اكمل بصوت باكي مصطنع،،  اااه ياني مراتي بتطلب الطلاق من قبل ما اتجوزها اصلا ااه ياني ياما يالي فرحك باظ يا لوزة اااااه 

ضحك الجميع علي مزاح مازن وتعابير وجهه المضحكه ولكن قاطعهم دخول احد الممرضات حامله احد الطفلين علي ذراعيها وخلفها ممرضه اخري تحمل الطفل الاخر 

ناولت الاولي الطفل لـ جسار وبينما الاخري ناولت الطفله الي حياة 

جسار وهو يقول لـ حياة بينما يقبلها علي رأسها بحنان وحب،،  حمدلله على سلامتك يا حياتي 

كادت حياة ان ترد لكن قاطعها صوت بكاء الطفله التي بين يديها فـ نظرت لها فـ وجدتها فتحت عينها وكان لونها مثل عيون حياة ليقول مازن بفخر،،  عيونها ملونه زيي طالعه لعمها 

لتقول ليلي بعناد،، طالعه لخالتها 

ثم تابعت وهي تنظر الي حياة،،  هتسميها ليلي علي اسمي صح 

كادت حياة ان تتحدث لكن قاطعها صوت ليلي مره اخري،، لا بقولك ايه انا سيبت فرحي وجوزي قرة عيني عشان اجي اطمن عليكي يبقي لازم تسمي البت القمر دي علي اسمي 

قاطعهم صوت جسار الصارم،،اتهدوا بقي انتو الاتنين مش نقصاكو عالمسا

ثم التفت لـ حياة واخبرها،، هنسمي الولد يامن 

ابتسمت حياة وتزكرت يوم سألها جسار عن الاسم الذي ستسميه لابنائهم وتشاجروا ثم اختاروا يامن في النهايه،،ايوة اتفقنا علي كده 

ثم تابعت وهي تلقي نظره علي الطفله التي بين يديها،، طب والقمر دي هنسميها ايه 

جسار بتفكير،، مش عارف

بعد وقت اقترح مازن وليلي بعض الاسماء الغريبه والقديمه،،ايه رايكم في فتحيه ولا مديحه بصو بدويه كويس 

حياة بـ اعتراض،، لا طبعا انا مستحيل اسمي بنتي كده 

جسار،،سيبك منهم ياحبيبتي انا اصلا اخترت اسك ومستحيل اغيره 

حياة بفضول،،ايه هو 

جسار بحب،، فيروز 

حياة بدموع وفرحه،، بجد ياجسار هنسميها علي اسم ماما الاه يرحمها

جسار وهو يمسح دموعها،،بجد ياروح قلب جسار وحياته هو انا عندي اغلي منك 

قاطعهم صوت ليلي التي تقول بمرح،، ايه يا جماعه احنا لسه موجودين احترمونا حتي 

رد عليها مازن،، طب نروح نكمل فرحنا ولا الليله الي باظت ولا ايه 

ردت عليه ليلي،، يلا يا حبيبي علي بيتك وانا هروح علي بيتي وسيب حياة وجسار مع بعض شويه..

اعتقد مازن ان ليلي تمزح ولاكن كان لها رأي اخري

ثم ترك الجميع الغرفه بينما بدات حياة في ارضاع الصغار تحت نظرات جسار العاشقه لها 

بعد مرور شهر في يوم مليئ بالاحداث السعيدة كان يجلس ادهم علي مقعد وامامه تجلس أيه وبينهما طاولة صغيرة ويجلس في الطرف الاخر المأذون الذي يقوم بكتب كتابهم ليعلن عن بداية قصه حب جديده بين اثنان جمعهما العشق وفرقتهم الظروف ولكن في النهايه اجتمعا مره اخري 

انتهي المأذون من عمله وهو يقول جملته المشهورة،،بارك الله لكما وبارك عليكما وجمع بينكما في خير 

ما ان سمع ادهم هذه الجمله حتي قام من مكانه وجذب أيه واحتضنها بشوق جارف تحت خجلها الشديد منه وضحكات الشباب علي افعاله المراهقه تلك بعد وقت ذهب ادهم الي قصره ومعه أيه وحياة وجسار

كانت أيه تشعر بتوتر فـ منال مازالت موجوده فـ كيف تتقبل وجودها شعر ادهم بها فـ ضغط علي يدها لـ يشجعها ويطمئنها بوجوده 

دخلوا جميعاً الي القصر فـ وجدو مناا جالسه و وجهها شاحب فـ هي استمرت في البكاء الطويل علي النقود التي حرمها منها ادهم ولكنها عزمت علي الانتقام وكانت جالسه تنتظر خبر مو، ت حياة 

ما ان دخلوا نظرت لهم بـ استغراب وخصوصاً لـ أيه التي تسير بجانب ادهم وهي تمسك بيده بشده 

قالت بتوجس،، مين دي يا ادهم

ادهم بفخر وهو يعرفها عليها،، دي أيه...مراتي وحب عمري 

منال بصدمه،،اايه انت بتقول ايه 

ادهم ببرود،، زي ما سمعتي كده أيه مراتي 

نظرت له بصدمه وقالت بصوت عالي،، انت ازاي تتجوز عليا انت اتجننت ولا ايه الناس تقول عليا ايه 

انتي طالق 

قاطعت تلك الجمله كلامها فـ نظرت بصدمه كبيرة،، بتطلقني عشان الخد، امه  دي انا هعرفها قيمتها كويس 

ثم سحب، ت س، كينه من احد اطباق الفاكهه الموجوده واندفعت نحو أيه تنوي قت، لها 

امسكها جسار وادهم بصعوبه وفي تلك اللحظه ارتفعت صوت صفرات سيارات الشرطه الي الداخل وقال الظابط الي منال،، انتي مقبوض عليكي بتهمه التحريض علي الق، تل ودلوقتي بقيت شروع في الق، تل 

منال بصراخ وجنون،، سبوني انا معملتش حاجه سبوني

ثم اتجهت الي جسار بـ استعطاف،، الحقني يا جسار هتسيبهم ياخدو امك 

ادار جسار رأسه ولم ينظر لها حتي واخذتها القوات لـ تلقي مصيرها في السجن بعدما خسرت نفسها وعائلتها وجميع اصدقائها ولم يبقي لها سوي نفسها التي اودت بها الي الهلاك

مرت عشر اعوام مرت بحلوها ومرها عليهم جميعاً كبروا وكبر معهم حبهم الذي مهما طال الزمن ومهما كثرت المشكلات لن ينتهي ولن يفني يوماً 

لقراءة باقي فصول الرواية اضغط هنا ( رواية حياة الجسار )

#حياة_الجسار

#الكاتبة_مريم_وليد 

تمت بحمدالله يارب تكونوا اتبسطوا بيها ويارب اكون وعرفت اوصلكم من خلالها حاجه منها 🥰

و بتمني تقولولي رأيكم فيها وانا هرد عليكم كلكم ونتقابل في رواية جديده قريب  ان شاءالله 💜✨