رواية بائعة الخضار الفصل الخامس عشر 15 بقلم محمد طه
رواية بائعة الخضار بقلم محمد طه
#بائعة_الخضار
_رضوان يصدمه..قرار إعفاءك من منصبك في الشركه أنا مضيته وتم تعيين واحد مكانك
_نهاد بصدمه وعدم إستيعاب..يعني إيه..هوا حضرتك بتتكلم بجد
_رضوان بجديه..من بكره الصبح هتستلم شغلك الجديد..بقلم..محمد طه..وهتنزل مع العربيات توزع البضاعه على التجار ..وهتروح سوق الخضار اللي كبيره المعلم كامل أبو حجاج وأنا أتفقت معاه إنه هيخليك تشوف بنته ولو عجبتك
_نهاد يقاطعه بغضب..يا حاج المعلم كامل بعدينا بمحافظتين..وبعدين إيه الطريقه البلدي دي
_رضوان يقاطعه بإنفعال..الطريقه دي هيا اللي أتجوزت بيها أمك..واللي بقوله يتنفذ..ولو بنت المعلم كامل ما عجبتكش..قدامك أسبوع يعني 7أيام..
تشوف فيهم بنت عشان تتجوزها..بقلم..محمد طه
ولو ما لقيتش يبقي هنروح لبنت المعلم كامل..
نتقدملها غصب عنك
_(نهاد يتنهد تنهيده غضب ويخرج من المكتب وهوا متعصب وعلى آخره وتفكيره أتشل تماما)_
********************
_(عند منذر)_
_منذر..ها يا شوشو..يا بت فكري دا المصلحه دي..
هيطلعلنا من وراها مش أقل من 2مليون
_شوشو بهدوء..موافقه يا منذر..بس بشرط
_منذر بإستعجال..موافق من قبل ما أسمعه..
ومش شرط واحد..كل اللي هتأمري بيه هيتنفذ..
يا بت بقولك 2مليون
_شوشو بغضب..تطلقني قبل ما أبدأ معاك المصلحه دي
_منذر بصدمه وعدم إستيعاب..إنتي بتقولي إيه يا شيماء..وقدرتي تقوليها..بقلم..محمد طه
_شوشو بغضب..ما أنته قدرت تقول اللي أقوي منها..
وبتطلب من مراتك اللي مستحيل راجل يطلبه من مراته (وتبصله بقرف) آسفه إني قولت راجل
_منذر بغضب...أنا طلبت منك إنك تبقي معايا ف المصلحه دي عشان واثق فيكي..وعشان أنا عامل حسابي كويس أوي..ومش هخليه يقرب منك أو حتي يلمسك..أنا بحبك يا شيماء وبخاف عليكي أكتر ما أنتي بتخافي على نفسك (ويسكت شويه ويكمل)
أنا مش عارف إنتي ليه واخده الموضوع ف حته تانيه
_شوشو..عشان هوا الموضوع ف الحته التانيه دي..
يا منذر أنته خليتني أحس إني زي ما أكون بهيمه عندك ف الزريبه..تتاجر فيها زي ما أنته عايز..
صح بقي غلط مش فارقه
_منذر بحب..لأ يا شيماء إنتي فارقه معايا..وأنا بحبك وما أقدرش أستغني عنك ولو بملايين الدنيا كلها..
خلاص إنسي الموضوع وأنا هتصرف
(ويقوم عشان يخرج وقبل ما يخرج)
_شوشو بصوت واطي..هتعرف عليه إزاي الواد ده
_منذر برفض وهوا عاطيلها ضهره..خلاص أنا هتصرف
_شوشو..وربنا أرجع ف كلامي وما أساعدك
(منذر يلف وشه ويقرب منها ويقعد قدامها ويبوس إيديها ولسه هيشرحلها الخطه تلفونه يرن..وكان واحد منذر مكلفه يراقب نهاد ويبلغه خط سيره خطوه بخطوه)..بقلم..محمد طه
_منذر..ألوو..إيه الأخبار
_المتصل..نهاد خرج من الفيلا دلوقتي..وشكله
متضايق ومتعصب
_منذر..تطلع وراه..وأوعي تخليه يحس بيك..
وأنا هرجع أكلمك تاني (ويقفل معاه ويكلم شوشو)
شوفتي لما وافقتي بدأت تتسهل معانا إزاي
_شوشو..خير
_منذر..نهاد متضايق ومخنوق..ودي أفضل لحظه تدخوليلو منها..الراجل وهوا مخنوق بيبقي محتاج اللي يحتويه..وبكده الخطه اللي كنت راسمها هتتلغي وهنرسم خطه جديده على الأحداث الجديده
_شوشو..شوف بقي..خطه قديمه..خطه جديده..
الواد ده لو فكر يلمسني أنا هبوظلك كل حاجه
_منذر..إنه يلمسك ف دا متوقف عليكي بنسبه كبيره..
وف نفس الوقت مش عايزك تصديه..يعني إتعاملي معاه بمبدأ..شوق ولا تدوق..يلا بقي بسرعه غيري هدومك مع ميك آب هادي..وأنا هتصل بالواد اللي بيراقبه أشوفه راح فين..وأنتي هتروحي قصاده وهتعملي مشكله مع الواد اللي شغال معايا..
وبعد كده الباقي هيبقي عليه..هييجي يحل المشكله وهوا اللي هيبدأ بالتعارف..بقلم...محمد طه
********************
_(سوق الخضار)_
_الهام بإستفهام..شرط إيه يا معلمه
_المعلمه..أنا أسمي المعلمه رضا..وبعدين أنا تعبت من الوقفه دي..تعالوا معايا نكمل كلامنا ف البيت
(وهما ماشيين ف الطريق على البيت..المعلمه عدت على مقر كبير السوق المعلم كامل أبو حجاج وبلغتهم إنهم ما يعملوش حسابها ف بضاعه بكره)
_(بيت المعلمه رضا)_
(الهام بدأت تقلق وتتوتر من شرط المعلمه..اللي لسه لحد دلوقتي ما قالتهولهاش..والمعلمه لاحظت توتر الهام)
_المعلمه..مالك يا الهام..تعبريات وشك بتقول إنك قلقانه من حاجه..بقلم..محمد طه
_الهام بتوتر..لأ مفيش..أنا بس عايزه أعرف إيه شرط حضرتك عشان تشغليني معاكي
_المعلمه..شرطي هوا إنك تحكيلي جريمه الإ،غتصاب اللي اتعرضيلها بالتفصيل الممل..وبكل صراحه ووضوح
(وبدأت الهام تاخد نفسها وتهدي من التوتر والقلق..
وبدأت تطمن للمعلمه وبدأت تحكيلها كل حاجه بالتفصيل..من لحظه ما أخدت أخوها وخرجت من الأوضه اللي كانت ساكنه فيها لحد ما دخلت سوق الخضار)
*******************
_(في طريق صحراوي مقطوع عند نهاد)_
(نهاد واقف بعربيته ف طريق صحراوي مقطوع وقاعد ف عربيته وعمال يولع سيجاره ف سيجاره..
وبيفكر هيتصرف إزاي ف اللي أبوه طلبه منو..
وفجأه...............
_ويتبع.................
_بقلم..محمد طه
_إيه يا جماعه مفيش ولا واحد جاوب على سؤال البارت اللي فات..وبعدين أنا مش عارف إنتو ليه قافشين على جمله قالها مازن
_الحاجه اللي كانت ف البارت اللي فات والأبطال
ما أخدوش بالهم منها هيا
_لما أمين الشرطه قال لنهاد إنو ما وصلش لأي حاجه غير شهاده ميلاد مع إن شهاده الميلاد بيكون فيها المحافظه والمركز وعنوان المستشفى اللي الطفل بيتولد فيها
_اللي مش عامل متابعه يتأكد إنو عامل متابعه عشان اللي جاي كله مفاجأت وياريت الكل يتفاعل
_وشكر خاص للمتابعين المميزين اللي بيتفاعلو على البارت ف كل الجروبات اللي بنزل فيها
_تحياتي لمتابعيني الأعزاء
يتبع
لقراءة باقي فصول الرواية اضغط هنا ( رواية بائعة الخضار )
