رواية حبه لا يموت الجزء الثاني الفصل العاشر 10بقلم بقلم شفق الغروب
رواية حبه لا يموت بقلم شفق الغروب
عده الايام وفلكس سافر لبيت الله وكان بيدعي من قلبوا وخشوع كانت كل يوم بتدعي
خشوع لحظت علي بنتها انها بتتعب بشكل متكرر وتعبها مش عادي كانت خيفه علي بنتها مكنتش قيله لحد بس لما تعب ليل زاد راحت قالت لاياد علشان يجي معاها الدكتور
وفعلا راحو للدكتور وفضلو يعملوا للبنت اشعات يومين وهما ريحين من هنا لهناك بالبنت علشان الدكتور يتأكد من ملحظاتوا وبعد العديد من الاشعات والفحوصات الدكتور قال اللي خلي خشوع تحس ان روحها بتتسلب منها......
الدكتور بعد خشوع نزلت علي الحيطة واديها علي قلبها بصدمة إياد نزل عندها قلها :
- قومي يا روحي
- يعني ايه البنت عندها كانسر ازاي دي صغيرة مينفعش يجلها البنت هتروح مني ليه ربي عمل فيها كده ليه مخلنيش انا بدلها
- خشوع وحدي الله اه اللي بتقوليه ده !! ده قضاء الله واكيد ربنا عندو حكمة في ده كلوا
- ايه الحكمة في ان بنتي تروح مني ده ابوها لما جالو كان هيموت من الوجع فلكس القوي ابو عضلات ضعف ومكنش قادر يستحمل المرض هي هتستحملوا ؟؟؟
- خشوع انت سمعة انتي بتقولي ايه حرام ده اعتراض على أمر الله
بصتلوا بدموع وقالت :
- هو ليه ربنا مش بيحبني ليه كاتب علي قلبي العذاب ليه كل ما اطلع من وجع يدخلني في وجع تاني مع اني بحاول اتقرب منوا وبقرأ كلاموا بتمعن مش بفوت فرض وبسعي لرضاه ولما كانت بتحصل ليا اذما او اي حاجه كنت بروح ليه وادعي ليه ربنا بعذبني رغم حبي ليه وطعتي ليه ؟؟؟
- مين قال مبيحبكيش ربنا بيحبك يا هبلة علشان كده بيعمل كده بيختبر صبرك وانك هتفضلي ثابته علي اللي انتي عليه ولا لا
اذا احب الله عبدا ابتلاه ربنا بيبتليكي علشان بيحبك علشان عاوزك ترجعي لي ويسمع دعائك ومنجاتك ويشوف صبرك علي المصائب ويثيبك عليه ومهما مصبتك كبرت افتكري صبر سيدنا أيوب ازاي صبر علي مصبتوا صبر من غير حتي ما يقول ليه انا ؟؟اشمعنا انا ؟؟ بالعكس صبر وكان راضي بقضاء الله وانتي يحببتي لازم تصبري زي سيدنا أيوب ما صبر
- سيدنا أيوب كان نبي اما انا لا حول ليا ولا قوة
- اديكي قلتي نبي وحصل معاه كده ما بالك بقا احنا البشر العاديين ودي حكمة من ربنا ان يحصل لنبي من انبيائه كده علشان يوصلنا الصبر ازاي مهما كبرت المصيبه لازم نصبر واحنا بنقتضي بقصص الأنبياء ونحاول اننا نبقى زيهم صح ولا مش صح
قالت صح وهي بتستغفر ربنا علي اللي قلتوا وهي عندها ثقة ان ربنا هيغفر ليها ( ان الله غفور رحيم )
بعدها بصت لاياد وقالت بحزن وبكاء:
- هو انا بنتي هتموت؟؟؟
- بعيد الشر يا روحي ليه بتقولي كده؟
- علشان جلها وهي صغيره هي ممكن متستحملهوش و....
مكملتش جملتها وبدأت تعيط
إياد طبطب عليها وقال :
- المرض ملوش سن معين واحنا دلوقتي هنقوم ونشوف الدكتور ويقولنا ويفهمنا حالت ليل بالضبط ...يلا قومي اغسلي وشك علشان نروح للدكتور نستفسر منوا
فعلا خشوع قامت وراحت الحمام تغسل وشها دخلت لقيت ست جوه عن الأحواض بتاعت غسل الايد
خشوع حولت تضاري دموعها وراحت تغسل وشها غسلت وشها وسحبت منديل تنشف وشها لقيت الست بصه عليها ومبتسمه وقالت:
- متخفيش يا حبيبتي ان شاء الله خير وتقوم بالسلامة
خشوع باستغراب: حضرتك بتكلميني؟؟!!!
- في غيرك هنا يا ...
- خشوع
- اسمك جميل
خشوع بخفوت وحزن : شكرا ده من ذوقك
الست قالت: شيفاكي شيله هم جبال وعيونك بتقول انها شبعت عياط وكل اللي كنت بشفهم كده بيكون بسبب اكتشفهم عله فيهم او في غالي
خشوع بدأت بالبكاء لأنها افتكرت حالة بنتها وقالت وهي بتعيط: روحي تعبانه طلع عندها كانسر وهي لسه صغيره هتتحرم من كل حاجه وهي لسه طفلة ونفسها في حاجات كتير هتموت نفسا وهي شيفه اقرنها بيلعبوا وبيجروا وهي مش عرفه تعب ومرض وقرف وشعرها يقع قدام عينها وفي الأخير القيها راحت مني
خشوع كانت متعرفهاش بس حست انها محتاجه تطلع لحد بره عليتها اللي جوها تتطلع افكرها من غير ما حد يلومها من أهلها
الغريبة قربت منها وقالت: يا حبيبتي متقوليش كده ان شاء الله هتخف وتقوم بالسلامة يا حبيبتي زي ما ربنا خلق الداء خلق الدواء
- انتي مش هتفهمي مش هتفهمي يعني ايه بنتك اللي لسه مكملة السبع سنين يطلع عندها كانسر مش هتفهمي احساس انها تتحرك من طفولتها بسبب المرض
الغريبة ابتسمت وقالت : مين قالك محستش
في اللحظة دي خرجت بنت من الحمام كانت لبسه كاب وجريت علي الغريبة رغم ان البنت معندهاش شعر بس كانت جميله جملها ساحر كانت اللي يشوفها يحسها غيمة قطنه مرشميلو تحسيها حاجه طريه ومسكرة في نفسها صغيرة وقموره حلو بشكل
الغريبة بصت لخشوع وقالت اعرفك: بنتي حياة وهي حياتي وعمري وكل ما ليا عندها كانسر بس حببتي بطلة وقويه وبتتغلب علي المرض وكمان قربت تخف وعلي فكرة هو جلها وهي عندها خمس سنين يعني اصغر من بنتك واديها قدامك زي القمر ومفيش حاجه فيها الحمد لله مفيش حاجه اسمها صغيرة او كبيرة علي المرض يا خشوع
البنت مسكت رأس ممتها ولفتها نحيتها وقالت : هي ليه طنط خشوع بتعيط !!
- علشان بنت طنط خشوع هتبقا بطله زيك وطنط خشوع خيفه عليها
البنت وسوست ممتها بحاجه وخلت امها تنزلها علي الارض البنت وقفت وراحت عند خشوع اللي نزلت لمستوها
حياة قالت وهي بتبطب عليها متخفيش يا طنط هي هتبقي كويسه وهتبقى بطلة زي وحضرتك برضو هتبقي بطلة علشان هتقفي معاها ومش هتسبيها زي ماما بسنت
خشوع ابتسمت ليها وحضنتها وقالت : ربنا يخليكي لماما بسنت ويقومك بالسلامة ويشفيك ويحفظك لأهلك يا حبيبتي
بسنت قالت لخشوع تيجي نتمشى شويه في الجنينه بتاعت المستشفى
خشوع وافقت وحست انها ارتاحت لبسنت
لما نزلوا فضلوا يتكلموا خشوع سألتها : هل عندها غير حياة
قالت برضا وابتسامه: لا دي جت بعد تعب وشقي ولف سنين علي الدكاتره هي وحدتي
خشوع حست بالاستغراب من الهدوء والرضا والصبر علي عند بسنت يعني بنتها الوحيده اللي جت بعد سنين تعب عندها مرض خطير وهي بتتعامل بالهدوء ده طب ازاي
خشوع سألتها كده وبسنت ردت بابتسامه الجميلة اللي مش بتفارق وشها :
لا يترك الله عبدا صابراً ،حتي يرزقه التعجب من جبره ..
الجملة دي دخلت قلب خشوع بسنت ألام الصبره وهي مقتنعه ان ربنا شيلها حاجه عظيمة تخلي الكل يتعجب من جبره
خشوع اتمنت تبقا صبورة ذيها
بعد مده بسنت ندهت علي حياة اللي كانت بتلعب علشان يرجعوا المستشفى مع خشوع ويبقوا جنبها خشوع طلعت بعد اكتر من مكالمة من اخوها طلعت لقيت إياد واقف مع الدكتور اللي قالهم ان ليل عندها كانسر حياة اول ما شافت الدكتور جريت عليه وقالت : باباااااا
خشوع استغربت بس بسنت قربت منهم وقالت لخشوع الدكتور حاتم جوزي
خشوع استغربت الدكتور اللي راسم علي وشوا ابتسامة وبيضحك وبيحاول يهون علي المرضي بنتوا الوحيده عندها المرض يعني الابتسامة دي كانت وراها هم حقيقي محدش يعرف كل واحد شايل جواه ايه الدكتور اللي المفروض بيعالج المرض بنتوا عندها يا رب هون علي الكل ياما اترسمت علي الوشو ابتسمات كانت وراها آهات
قربت انا وبسنت من الدكتور حاتم
اللي كام شايل حياة ولما شفني مع بسنت ابتسم وقال يطمني :
- بنتي حياة عندها كانسر واهي بتتعالج وأعتقد بسنت عرفتك انها وحيدتنا واهي بتتعالج والدنيا ماشية متخفيش علي بنتك يا مدام اهم حاجه تمسكي نفسك قدمها علشان تجمد ومتخفش نفسيتها مهمه ولازم نحافظ علي نفسيتها ونفرحها وانا هشرف بنفسي علي حالتها
خشوع اطمنت واياد شكر الدكتور حاتم علي كلاموا وبسنت سعدتني وفهمتني المفروض اعمل ايه
كنت اعده مع بسنت وكنا بتتكلم قلتلها هاخد بنتي اقصلها شعرها بسنت قالت باستغراب ليه قلتلها بحزن:
- علشان متشفهوش بيقع قدام عينها وتزعل مش انتو قلتوا نفسيتها مهمه
بسنت هزت راسها وانا اخدت بنتي في سعتها للكوافير يقص شعرها بس مش خالص يقصوا لحد ودنها علشان متزعلش رغم اني كنت مقهورة علي شعر بنتي كانت ليل شعرها سواد زي سواد الليل وورثت مني الحاجه الوحيده اللي شيفاها بتميزني الشعر الطويل بنتي بنسبة لسنها شعرها كان طويل وعلشان أهون عليها قصيت انا كمان شعري اللي متخيلتش في اسوء كوبيسي اني اقصو قصيتو لحد رقبتي ومعرفش ايه اللي جاب في رأسي الفكره بس اخدت شعر ليل وشعري اللي قصيتوا معايا كنت عوزاهم لسبب وكنت هنفذو بس مش دلوقتي
كنت ببص لشعري اللي قصر بشكل واضح جدا واخدت صورة انا وليل بستيل شعرنا الجديد رغم ان شعرها اقصر بس هي كانت فرحانة بالموضوع كأنها طير كان مربوط جناحوا واول ما قصوا الحبل اللي رابط جناح العصفور طار كانت كده بالضبط فرحت كنت فكراها هتزعل بس علي العكس عجبها
البنت اللي قصت شعري انا وليل كانت زعلانه وبتقول ليه شعركم جميل ليه تقصوا كانت زعلانه عليه اكتر مني
طبعا انا مقلتش لأهلي علي مرض ليل وسبت إياد يوصلهم الخبر لاني مش نقصه هم علي همي لو شفت اهلي زعلانين زعلي هيذيد ويزيد حزني وكتئابي علشان كده سبت إياد يبلغهم الخبر نيابتاً عني
قلت لاياد ميقلش لفلكس حاجه
إياد قال:
- دي ينتوا زي مت هي بنتك ولازم يعرف
- إياد فلكس مسافر علشان يهون علي نفسوا زعلوا ويدعي ربنا هناك هو في مكان احسن من الي احنا فيه فلكس راح يزور بيت الله سيبوا واول ما يرجع انا هخليك تقلوا
إياد بص ليا بتفكر وقال :
- ماشي
- بس لما تكلموا قولو بطريقة غير مباشرة يدعي ليل
في اللحظة دي فون إياد رن برقم فلكس انا بصيت لاياد هو متعود يكلمك في الوقت ده
إياد هز راسو ب لا
خشوع قالت بقلق :
- هو ممكن يكون عرف؟؟!!!
- مين اللي هيقولوا محدش يعرف غير اهلك وهما ملهمش دماغ يقولوا هم فيهم اللي مكفيهم من ساعت ما قلتلهم علي ليل
- امال في ايه ؟؟
- يا روحي متقلقش اتلقيه عوزني في حاجه قال كده وفتح الفون يرد بعد ما رن لتاني مره
لسه إياد هيرد ويقول : السلام عليكمح ورحمة الله وبركاته لقي فلكس من غير مقدمات اول ما فتح
- إياد خشوع وليل كويسين؟؟!!!
- اه في ايه ؟؟
- إياد صرحني
- كويسين الحمد لله ليه مالك يا فلكس ؟
- مفيش بس قلبي اتقبض فجأة وحسيت في حاجه وبالذات ان في شوية كوابيس ورايا مش سيبني ودلوقتي حسيت بجد بإحساس وحش حبيت اطمن
- لا متخفش يا صحبي بخير بس ادعلنا كده وانت هناك وادعي تنساني معاك
فلكس ضحك بتعب وقال:
- متخفش بدعلكم كلكم
- حتي حبيبت القلب وبنتها ؟
- هو انا اقدر انساهم بدعلهم طبعا
إياد قفل مع فلكس وخشوع ابتسمت معقول يبقي حاسس بيهم حتي وهو في بلد تانيه ...؟
رجعت تبرر لنفسها وقالت اكيد صدفة
خشوع راحت عند ليل اللي كانت اعده معاها حياة اللي كانت زعلانه علشان ليل قصت شعرها
خشوع راحت عندها واخدتها في حضنها وقالت: حياة يا حبيبتي متزعليش هي شعرها كان هيحصلوا كده بسبب العلاج انتي ليه زعلانه؟
- علشان حرام شعرها كان جميل وكنت مستنية اخف علشان شعري يبقا زيها واحنا الاتنين نبقا زي بعض
- يا روحي ان شاء الله انتو الاتنين تخفوا وشعركم يبقا أجمل من الاول
رضت واختفي زعلها علي شعر ليل اللي قلتوا وراحت تلعب معاها
عده اسبوعين وفلكس كان بيرن علي إياد يوميا يسأل علي ليل وخشوع ويتحايل علي إياد يقولوا لو في حاجه فيهم واياد كان بيقول كويسين الحمد لله
فلكس كان قلبوا حاسس ان في حاجه إياد مخبيها عليه وكان بيحاول يخليه يقول بس إياد بنفس الاجابه
بينما ليل كانت بدأت جلستها وتعبت جدا اول مره خشوع كانت بتبكي وقلبها بيتحرق وهي شيفه بنتها بتتوجع وهي مش عرفه تسعدها كانت عوزاه تروح تقلهم خلاص متعلجهاش هي بتتوجع بتموت ببطأ من الوجع كانت بتموت وهي سمعه بنتها بتصرخ وتعيط
بسنت كانت جنبها بتحاول تهديها وتسندها لأنها لسه في بداية المشوار بعد ما ليل اخدت اول جلسه كيماوي حياة راحت عندها وأعدت معاها وهي بتحاول تخفف عنها وكانت بتقولها انها سوبر هيرو وبتتكلم بحماس خفف عن ليل وجعها حياة عرفه الوجع وعشتوا علشان كده هي حسه بليل وبالذات ان ليل نفس سنها فا الاتنين بقوا قريبين من بعض خلال الأسبوع ليل كانت بتقول انها عوزاه تشوف فلكس كانت بتعيط عوزاه يبقا معاها طبعا ما هو الاب لازم يعرف انو سند بنتوا وانها مش هتحس بالأمان الا معاه
بسنت لما شافت ان نفسيت ليل تعبانه راحت قالت لخشوع انها لازم تجيب ابو البنت علشان ليل محتاجاها ودي حاجه هتغير من نفسيتها وهتنسياها الوجع ليل محتاجه ابوها حولي تنسي الخلافات علشان بنتك واللي فهمتوا منك انك ووالد ليل مكنش بنكم خلفات بس الظروف فرقتكم وانكم بتحبوا بعض مش هقولك ارجعوا علشان البنت وطبعا ده احسن حل انا بقلك خليه يجي ويبقا جنب بنتوا
- بس...
بسنت قطعتها وقالت : بس ليل محتاجاه علشان تخف
خشوع فكرت واياد كان سامع محادثتها مع بسنت وقال : معاها حق يا خشوع انتي مش شيفه أن ليل طول الليل والنهار بتسأل عن فلكس
خشوع قالت بعدما فضلت وقت سرحانة وبتفكر :
- قول لفلكس...
وفعلا إياد راح يقول لفلكس وبدأ يمهدلوا الموضوع قبل ما يقولوا واول ما قلوا فلكس هاج عليه وفضل يزعق ويقول
- انا كنت حاسس وفضلت اقولك وانت تقولي مفيش يعني ايه بنتي تبقا تعبانه وانا اخر من يعلم ازاي اصلا متقوليش خشوع هي اللي خلتك متقلش صح
- اهدي يا فلكس خشوع مكنتش عوزاه تقلقك في سفرك مش اكتر
- وانت شايف انها تخبي عليا ده صح
- الصراحه لا
- طوعتها ليه وخبيت عليا طلما لا ؟؟
- علشان كانت منهارة وزعلانة مكنتش عاوز أرفض يزيد همها وبالذات أنها كانت حطة امل انك لما تدعي ليل وانت هناك ربنا يستجيب ليك
فلكس قال لاياد بصوت مخنوق بالدموع: اقفل !!
- طب انت كويس يا فلكس؟؟
فلكس زعق وقال: كويس اقفل بقااا
فلكس كان مدايق هيموت بنتوا عندها كانسر هتعيش وتدوق الوجع اللي داقوا هو عارف الوجع حس بيه عارف احساس الموت وانت حي عذاب عاشوا وادي بنتوا هتعيشوا كان زعلان ومضايق من نفسوا يعني بدل ما يكون جنبها في الوقت ده هو سيبها لا وكمان مكنش يعرف فلكس لقي نفسوا قام وراح عند بيت ربنا اعد يبكي ويدعي من قلبوا انو يهون علي بنتوا وجع مرضها ويشفيها ممشيش غير وهو حاسس بالراحه والطمأنينة وازاي ميحسش بيها وهو بيشكي هموا لربنا وهو في بيتوا
راح واعد وكان بيدور علي اقرب رحلة ترجعوا بلدو ولقي واحدة هتمشي بكرة رغم انو كان عايز يروح لبنتوا في اسرع وقت ولاكن زعل ان الرحلة بكرة كان عاوز يطول هنا مكنش عايز يمشي كان حاسس بالراحة كانو لما جه اتولد من جديد
بس مطر يمشي علشان بنتوا محتاجه ووعد نفسوا انو هيرجع تاني وهيكررها لانو محسش بالراحه دي من زمان حضر شنطوا وكل حاجة وقبل ما ينام صلي ركعتين ودعي قال : يارب جيت لبيتك طالب منك النسيان وأعدت احاول وفي بداية رحلت النسيان حصلت حاجه تخليني ارجع وابقا جنبها يارب تكون بداية رحلة جديدة وتكون هي فيها ليا
عده اليوم ده واياد اتصل علي فلكس تاني يوم الصبح يطمن عليه وعرف منوا انو حجز وهيركب النهارده ......
شفقِ الغروبِ
عرفه اني استاهل الوئد بسبب التأخير ده بس والله غصب عني 🥺
اصل انا كنت نويا اخلي ده اخر فصل وقلت اخليه كبير بقا واخلصكم من الانتظار اعدت اكتب خمس ايام والفصل فيه بركه ما شاء الله مش راضي يخلص قلت لا بقا مينفعش أطول اكتر من كده انا هنزلو بكرة جه بكرة لقيت النت خلص طب اعمل ايه اروح فين اجي منين معرفش فضلت اعده مستنية النت يتشحن واول ما اتشحن قلت مينفعش اسبهم اكتر من كده انا هنزل اللي كتبتوا واخليهم علي فصلين مش اذما يعني واديني نزلتوا هستني الادمن يقبل بيه .....شفتوا ظلامني ازاي واني مش متأخرة بقصد🥺🥺💔
هتقولوا خمس ايام ومكتبتيش غير دول هقول
جالي فقدان شغف ومكنش عندي الهام اعدت اقول تعالي نكتب الفصل وخلاص بس الهام الفترة دي كانت وراها مصالح تقريبا او كانت مخصماني الله اعلم لحد ما الحمد لله والالهام رجعت فا كتبت الفصل ده🙈✨
حسه اني حكيت قصةحياتي 😆😆مش مهم المهم الفصل اهو ان شاء الله يعجبك واسفه علي التأخير 🤭❤
عارفه انكم سمحتوني خلاص 🤭🤭😂
يتبع
لقراءة باقي فصول الرواية اضغط هنا ( رواية حبه لا يموت )
