رواية بوابات العالم الآخر الفصل الخامس 5 بقلم محمود فايز
رواية بوابات العالم الآخر بقلم محمود فايز
ـ براحتك انا كده عملت اللي عليا معاك وبرئ من ذنبك إذا لقدر الله حصلك حاجه
= ماشي المهم بقا هنعمل ايه كل الطلبات جبتها معايا
ـ هقولك هنعمل ايه بس المهم فهمت مراتك انك راجع الشغل تاني عشان زي ما قلتلك ان الموضوع ده ممكن يتعدي يوم او اتنين او ممكن يوصل للشهور
= اه قلتلها يلا بقى نبدأ
ـ طب تمام تعالى معايا بقى
= على فين
ـ تعالى معاي بس وانت هتعرف كل حاجه
نزلنا من البيت بتاعو وركبنا العربيه طلعنا على الطريق
وبدأ يتحرك بيا إتجاه منطقه مهجوره لحد ما وصلنا قدام بيت مكون من دورين
= انت جبتنا هنا ليه
ـ دلوقتى هتفهم
نزلت انا وهو من العربيه ورحنا عند البيت وفى المنطقه كلها مفيش اصلا غير البيت ده لوحده موجود ف المكان
=بيت مين ده
ـ البيت ده بتاعي
= طب هو ليه ف منطقه مهجوره وتقريبا مفيش غيره ف المكان
ـ عشان خاطر الشغل اللي انت هتعمله لازم يكون ف مكان مهجور وبعيد عن جميع البشر والبيت ده انسب مكان انك تعمل ف كل الطقوس اللي هتطلب منك اللي موجوده ف الكتاب
كان ماسك ف ايدو عصايه وبدأ يعمل بيها دايره كبيره حوالين البيت قلتلو
= انت بتعمل الديره دي ليه!
ـ هفهمك كل حاجه جوه
بعدها دخلنا البيت وكان عتمه كحل
= متنور النور
ـ مفيش كهرباء فى البيت يا حسين وبعدين لازم تتعود على الضلمه عشان هتبدا شغلك على الشموع يعني مفيش نور اصلا غير نور الشموع بس
= طب تمام اهو جينا البيت فهمني بقا هعمل ايه
تعالي معاي للدور الثاني هوريك الاوض إلى فى البيت
فتح اول اوضه منهم كانت ف النص كان فيها دولاب وسرير وقالى
ـ الاوضه دي هتنام فيها طول الفتره اللي هتقعدها ف البيت وعندك دولاب اهه ابقى حط هدومك فيه
وخرجنا بره الاوضه دي وفتح اوضه تانيه كانت على شمال الاوضه اللي هنام فيها بس كانت فاضيه تماما من اي عفش
رسم فيها دائرة كبيرة مش مكتمله كان فيها جزء ناقص قالى
ـ الاوضه دي هتبدا فيها شغلك
= تمام بس ايه الدايره اللي رسمتها ع الارض دي وليه مش متصله ببعضيها
ـ الدايره دي تعتبر اول الطريق للعالم ده والدايره لما تكتمل كده انت هتكون خلاص بدات تدخل جوه العالم بتاعهم
= يعني لمه الدايره دي تكتمل كده هكون دخلت عالمهم
ـ ايوه هتكون خلاص تعتبر قدام الابواب الثلاثه تعاله معايا هوريك اخر اوضه
فتح باب اخر اوضه وكانت على اليمين دخلت برضو كانت خاليه مفهاش حاجه خالص مفيش غير شي ع الارض فى ركن في الاوضه كان متغطى بقماشه لونها احمر
= هو ايه اللي متغطي بالقماشه اللي لونها احمر
شال القماشه من عليها لقيت تحتها مراية
ـ دي مرايه وزي ماقلت لك ان فى كل مرايه بوابه للعالم بتاعهم
ـ كدا فهمتك كل حاجه بس هعيد ليك كلامي للمره المليون انت لسه برضو مصر انك تعمل كده
= ايوه لسه مصر
ـ تمام هقولك على حاجه عند اكتمال الدايره ممنوع الخروج
= تمام
ـ مش تمام وخلاص بقولك عند اكتمال الدايره ممنوع الخروج
= برضو تمام
ـ على راحتك المهم مهما يحصل معاك او تشوف او تسمع اي حاجه وانت بتمارس الطقوس اوعي تتشتت هياحولو يمنعوك ويشتتو انتباهك احذر من اي خطأ لان اي خطأ هيحصل منك ف الطقوس اللي هتطلب منك ممكن تخسر حياتك اوعي تغلط اي غلطه هتوصلك للموت
= تمام بس ايه اللي هعمله بردوا انا لسه مش عارف
رجعنى للاوضه إلى فيها الدايرة وقالى أنه هيفهمنى كل حاجه
دخلنا قعدنا فى وسط الدايره اللي مرسومه على الارض وكنت جايب معايا شموع كتير لونها احمر واسود وازرق قلي
ـ هات الشموع خرجهم ولفهم حوالين الدايره الشموع دي لمه تبدا الشغل بتاعك ولعها كلها وممنوع اي شمعه منهم تنطفي يعني خلي بالك من الشموع لازم تفضل الشموع مولعه طول مانت بتقرا الطلاسم والتعاويذ
= تمام بس ازاي هقرا الطلاسم دي وبعدين الكتاب كله اصلا عباره عن دواير وحروف مش مفهومه انا هعرف اقرأ الكلام ده ازاي
ـ لمه تيجي تبدأ هتجيب من المطبخ سكينه تحطها قدامك و هتعور ايدك بيها وتجيب طبق ابيض تنزل فيه الدم وبعد كده تبدأ تلطخ صفاحات الكتاب بالدم وتقفل الكتاب وهتستني شويه وتفتح الكتاب تاني هتلاقي اتحول للغه العربيه بتاعتنا وساعتها هتعرف تقرأ كل كلمه مكتوبه ف الكتاب
قلتلو تمام المهم الساعه كانت وصلت تقريباً 1 بليل قالى
ـ هسيبك دلوقتي انا وهمشي وانت نام وتاني يوم على الساعه 12 نص الليل ابدا اللي قلتلك عليه
نزلنا تحت هو خرج وانا قفلت الباب و الباب كان كله ترابيس مش عارف ليه وبيني وبينكم قفلت كل التربيس من الخوف لأن المكان فاضى قال يعنى خايف من حد يدخل يموتنى وانا اصلا عاوز اعمل الاسوء والأخطر بكتير كان عندى ثقه انى مش هغلط وهعمل كل حاجه صح وهتنقل نقلة تانيه وهبقى غنى
كنت جايب معايا اكل يكفني اطول مده ممكنه اكلت وبعدين طلعت نمت على السرير
فجاه وبدون اي مقدمات سمعت صوت خبطه شديده خارجه من الاوضه اللي فيها الدايره قمت منفوض من مكاني وجسمي بيترعش من الخوف قمت وانا جوايا رعب هيموتني فتحت الباب وخرجت اتجهت ناحية الاوضه اللي فيها الدايره حطيت ايدي على اكرة الباب وايدي بتترعش من الخوف عايز افتح الباب اشوف ايه اللي بيحصل جوه لكن كنت مرعوب جداً من اللي ممكن يكون جوه الاوضه حاولت اتشجع وافتح الباب وبالفعل فتحت الباب نورت فلاش التليفون عشان اشوف ايه
"يتبع"
رواية بوابات العالم الآخر الفصل السادس 6
لقراءة باقي فصول الرواية اضغط هنا( رواية بوابات العالم الآخر )
