رواية بوابات العالم الآخر الفصل الرابع 4 بقلم محمود فايز
رواية بوابات العالم الآخر بقلم محمود فايز
= سبني انت عايز ايه مني انت مين
وهو عمال يضحك وانا عمال اصرخ جامد
فجاه سمعت صوت مراتي بتقولي
ـ مالك ف ايه
حطت أيدها على كتفى حسيت أنه ساب ايدى بصيت ملقتوش
قلتلها
= فيه طفل صغير كان موجود دلوقتي
ـ طفل ايه وايه إلى هيجيب طفل غريب هنا
حكتلها كل اللي شفته قلتلي
ـ تلاقيك كنت بتحلم ادخل الاوضه وانا هروح المطبخ اعملك عصير لمون تهدي اعصابك شويه
= طيب بس بسرعه متتاخريش
ـ ماتخفش يا حبيبي ادخل وانا اعملك العصير وهجيلك بسرعة
دخلت الاوضه فتحت الباب اتفاجئت أن مراتي نايمه ع السرير
= ايه ده اومال مين اللي في المطبخ بتعملي العصير انا اتجننت ولا ايه
انا هتجنن مش عارف ايه اللي بيحصلي فضلت واقف وانا هموت من الرعب وعايز اصحي مراتي بس خايف ماتكنش هي مراتي وانا بفكر سمعت صوت خطوات رجلين في الصاله جايه نحيت الاوضه بتاعتي واكرت الباب بتتحرك كانه حد من بره بيفتح الباب كنت خايف اوي ورجليا مش شيلاني، حاسس اني هيغم عليا ،الباب اتفتح، كانت مراتي جايه وفي أيدها كوباية العصير بصتلها وانا هموت من الرعب و قلتلها
=انتي مين ؟
ـ ايه يا حسين مالك فيك ايه انا مراتك
= مراتي ازاي اومال مين اللي نايمه ع السرير دي
بصيت نحيت السرير لقيتو فاضي مفيش حد نايم عليه
ـ سلامتك ي حبيبي تلاقيك تعبان
= تعبان ايه والله لسه شايفك فى الصاله قولتيلي هعملك عصير
ـ مانا فعلا قلتلك هعملك عصير ورحت عملتلك
اهو وجبتهولك
= بس لمه دخلت الاوضه لقيتك نايمه على السرير
ـ نايمه على السرير ازاي مانا قدامك اهو والسرير فاضي قدامك مفهوش حد خد العصير هدي اعصابك بس وان شاء الله بكره نروح المستشفي عشان تكشف تلاقيك تعبان شويه و بيتهيالك من ضغط الشغل وقعدتك لوحدك فى المزرعة
اخدت العصير شربته وانا دماغي هتنفجر من التفكير مش عارف ايه اللي بيحصلي ده حقيقي ولا تهيئات ولا اتجننت ولا ايه بالظبط ولا الكتاب سبب كل ده بس انا لسه معملتش حاجه بيه
المهم خلصت كوباية العصير حطتها على الكومودينو ونمت صحيت على صوت مراتي بتصحيني و بتقولي
ـ اصحي كل ده نوم
= هي الساعه كام دلوقتي
ـ الساعه 1 الظهر مبتشبعش نوم
=معلش تعبان شويه
ـ سلامتك ايه اللي تاعبك
= مرهق شويه وبعدين نسيتي يعني اللي حصل امبارح
ـ ايه اللي حصل امبارح
= مش عارفه يعني امال كنتى عملالى عصير الليمون ليه مش عشان اهدي اعصابي من اللي شفته
ـ كوباية لمون ايه وانت شفت ايه ؟!
= انتي هتجننيني كوباية العصير اهي ع الكمدينو انا شربتها وسبت الكبايه هنا
بصيت مالقتهاش قلتلها
= انتي شلتيها ؟
ـ لا والله ماشلتش حاجه وبعدين انا ماصحتش اصلا بليل ولا عملتلك عصير ليمون ولا جوافه حتي هههههههه
= ينهار اسود والله يا بنتي زي مابقولك كده انتى عاوزه تجننينى؟
ـ وانا والله زي مابقولك كده بليل ماصحتش وماشفتكش ولا عملتلك عصير اصلا خد بالك انت مش طبيبعى بتقول حاجات غريبه
انا خلاص دماغي لفت ومش عارف ايه اللي بيحصلي مش عارف الحقيقة فين وده حلم ولا حقيقه مابقتش عارف الحقيقه من الخيال الموضوع كده ميطمنش
انا لازم اروح لمحمد قلت اعدي يومي لحد ما جات الساعه 10 ورحتلو على المعاد وصلت البيت عنده فتحلي وقلي
ـ فى معادك بالظبط اتفضل أدخل
دخلت وفي ايدي الشموع وشوية حاجات تانيه كان قيلي عليها قلتلو
= انا حصلتلي حاجات غريبه مش فاهمها
حكتلو ع كل اللي شفته قالى
ـ انا قلتلك ان الموضوع ده صعب مش سهل شفت بقا مع انك لسه فى اول الطريق حصل معاك كل ده
= طب انا مش فاهم ايه تفسير اللي حصلي ده وده حقيقة ولا خيال ولا ايه بالظبط انا هتجنن من امبارح مش لاقي تفسير للي حصل
ـ الكتاب اللي معاك ف خدام من الجن مسكينه وكل اللي ظهررولك امبارح هما خدام الكتاب وزي ما قلتلك طول ما الكتاب معاك هيفضلو يطاردوك وهيحولو حياتك جحيم ممكن تموت او تتجنن الغلطه بموتك
= طب انا جبتلك الطلبات اللي قلتلي عليها هنعمل ايه بعد كده
ـ انت لسه مُصر بعد كل اللي حصل معاك تدخل برضو
= ايوه مُصر
ـ هعدهالك تاني فكر كويس وراجع حساباتك الموضوع مش بالسهل زي مانت فاكر وكل اللي حصل معاك امبارح اهون بكتير من اللي ممكن يحصل معاك بعد كده
= انت تفهمنى اعمل ايه عشان مغلطش وسبها على الله زي ماتيجي تيجي
ـ ونعم بالله بس برضو ربنا سبحانه وتعالى بيقول ولا تلقوا بانفسكم الي التهلكه واللي انت داخل فيه ده يعتبر تهلكه
= اللي كاتبه ربنا هيكون
ـ براحتك انا كده عملت اللي عليا معاك وبرئ من ذنبك إذا لقدر الله حصلك حاجه
"يتبع"
رواية بوابات العالم الآخر الفصل الخامس 5
لقراءة باقي فصول الرواية اضغط هنا( رواية بوابات العالم الاخر )
