رواية حلالي الفصل الرابع 4 بقلم شهد غانم
 |
| رواية حلالي |
رواية حلالي الفصل الرابع
رواية/ حلالي❤
الجزء الاول
البارت 4
بـــقـــلـــم/ شـــهــــد غـــانـــم (الداعيه الصغيره)
استيقظت سدره من نومها في الساعه الثانيه بعد منتصف الليل وصلت قيامها وأخذت تقرأ في المصحف ثم جلست علي مكتبها وفتحت مذكراتها وكتبت
رب خفف عني فإني
أصبحت لا أشعر إلا بـ الضيقِ
لا أجد مأوي سواك
لا مع قريبي ولا صديقي
ولا حبيبي ولا رفيقي
أصبحت وحيدةً مع قلبي
وأعافر وحدي في الطريقِ
ثم أغلقت مذكراتها وانتظرت أذان الفجر
صلت(سدره) الفجر وقرأت وردها وأذكارها ثم ارتدت ملابسها وخرجت
الأم:- رايحه فين يا سدره
سدره:- هدوَّر علي شغل
الأب:- يا حبيبتي ملهوش لزوم تشتغلي وتتعبي نفسك علي الفاضي
سدره:- مفيش تعب ولا حاجه
الأب:- يا حبيبتي اقعدي في البيت ارتاحي.. اللي انتي اتعرضتيله امبارح مش سهل
الأم:- أبوكي عنده حق يا سدره
سدره:- انتم عارفين ان أنا مبحبش أقعد في البيت ولازم أشتغل أو أعمل حاجه
أنس:- خلاص يا جماعه خلوها علي راحتها
الأب بإستسلام:- ماشي يا سدره براحتك
ودعت سدره عائلتها وذهبت لتبحث عن عمل
دخلت سدره أحد الشركات وطلبت مقابلة المدير
احد العاملات:- مينفعش تدخلي طالما معكيش معاد
سدره:- طب قولي للمدير علي الأقل.. هو كان طالب سكيرتيره
العامله بإستهزاء:- وانتي بقا جايه تقدمي للوظيفه دي
سدره بشجاعه:- اه
العامله:- هقوله خليكي هنا
بعد قليل خرجت العامله من المكتب
العامله:- ادخلي
سدره:- شكرا
طرقت سدره باب مكتب المدير فقال
المدير:- اتفضل
دخلت سدره إلي المدير.. إلتفت المدير إليها ليراها
سدره بصدمه:- إنت....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في منزل نور
نور:- ماما أنا نازله
والدة نور:- رايحه فين
نور:- عندي حلقه.. المعلمه جايه النهارده ( الحلقه هي درس ديني)
والدة نور:- ماشي
نزلت نور وذهبت إلي المسجد الذي ستكون الحلقه فيه
المعلمه:- السلام عليكم ورحمة الله وبركاته
الجميع:- وعليكم السلام ورحمة الله وبركاته
المعلمه:- هنتكلم النهارده عن (الإبتلاء و الصبر)
اولا ربنا سبحانه وتعالي لا يـبـتـلي إلا العبد المؤمن.. يعني لو ربنا ابتلاك بحاجه اعرف ان هو بيحبك..
نور:- طب لما هو بيحبني بيبتليني ليه
المعلمه:- عشان تفضل تدعيه دايما وتقول يارب لإنه بيحب يسمع صوتك وبيحب انك تناديه... هضربلك مثال.. ولله المثل الأعلي.. مش لما يبقا زوج وزوجه بيحبوا بعض جدا بتلاقي الزوج دايما بيحب يناكشها
نور:- اه
المعلمه:- بيناكشها حبا فيها مش عشان قاصد يضايقها.. هو بيحب يسمع صوتها دايما بيحب انها تناديه.. لما ربنا بيبتليك وانت تصبر بتاخد أجر والصبر ملهوش اجر معين.. قال الله ﷻ "إِنَّمَا يُوَفَّي الصَّابِرُونَ أَجْرَهُمْ بِغَيْرِ حِسَابٍ"
وقال ﷻ" وَاصْبِرْ فَإِنَّ اللَّهَ لَا يُضِيعُ أَجْرَ المُحْسِنِينَ" اللي بيصبر ويحتسب الأجر عند الله ربنا بيجبر بقلبه جبر بتعجب له أهل الأرض والسماء.. واعرف ان مفيش خد بياخد غير اللي مكتوب ليه يعني لو جبت مجموع مش حلو في الثاناويه يبقا دا مجهودك لإن ربنا يعطي كل شخص علي قد مجهوده وتعبه.. ولو هتقول دا انا كنت بذاكر طول اليوم ومش بنام إلا ساعه ولا ساعتين يبقا ممكن يكون ذنوبك السبب في كده
إنتهت الحلقه وعادت نور إلي منزلها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عند سدره
سدره بصدمه:- إنت!!!!!
محمد:- سدره!!.. مش معقول
سدره:- هي دي شركتك
محمد:- اه.. وريني الـ سي في بتاعك
أعطته (سدره) الـ سي في الخاص بها.. وسألها بعض الأسئله ثم قال
محمد:- تمام هنبلغك إذا تم قبولك
سدره:- تمام.. شكرا لحضرتك
محمد:- العفو
خرجت (سدره) من المكتب
سدره لنفسها:- بجد محمد دا شاب محترم جدا وعنده أخلاق
ظل محمد في المكتب وفتح هاتفه و رن علي شخص ما
محمد:- انت عملت اللي قولتلك عليه
...:- لا يا باشا
محمد بعصبيه:- ليييييييه
....:- يا باشا أنصحك تخليه بعد خطوبة صاحبتها نور عشان تلحق تحس بصدمة المحل بتاعها
محمد:- الفكره حلوه بس بعد كده تعمل اللي بقولك عليه وانت ساكت
....:- حاضر يا باشا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في منزل سدره
حل المساء وجلست سدره في غرفتها ومسكت هاتفها وفتحت الفيس بوك وأثناء ما كانت تقلب في صفحات الفيس بوك وجدت صفحة (عمر) فـ وسوس لها الشيطان أن تفتح الصفحه وللأسف استجابت له وفتحتها وظلت تقلب في صوره وبكت بشده وفي هذه الأثناء دخل أخوها ورأي (سدره) وهي تنظر لصور عمر وتبكي بشده
إلتفتت سدره فـ وجدت أخاها (أنس) فـ توترت بشده وأغلقت الهاتف
تُري كيف سيكون رد فعل أنس؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في فلة محمد
كان محمد يجلس في غرفته فـ رن هاتفه وعندما رد علي الهاتف سمع ما أسعده كثيرا فقال
محمد:- الورق دا يجيلي حالا
ثم أغلق الهاتف
محمد بفرحه:- كده عرفت سر سدره الخطير وهقدر أمسكها من إيديها االي بتوجعها.. استني يا سدره وشوفي اللي هيحصلك
كيف سيكون رد فعل أنس علي ما إكتشفه؟
وما هو السر الخطير الذي إكتشفه محمد؟
يُتبع
رواية/ حلالي ❤
بـــقـــلــــم/ شـــهــــد غـــانـــم (الداعيه الصغيره)
رواية حلالي الفصل الخامس من هنا
لمتابعة الرواية على التليجرام اضغط هنا
