رواية أميرة الزين الفصل الخامس 5 بقلم سلوى عوض
رواية أميرة الزين الفصل الخامس 5
#سلوي_عوض
#اميرة_الزين
بارت 5
محمد: ربنا يخليكي ليا يا حبيبتي. روحي انتي ارتاحي، انا هنام شويه.
اميره: طاب حضرتك نام وخليني قاعده جنبك.
محمد: لاء، روحي ارتاحي.
اميره: حاضر.
محمد: ارجوكي يا بنتي بلاش تكلمي الولد ده، وانا لما أشد حيلي نبقا نقعد ونتكلم.
اميره: بحيره: حاضر، بس حضرتك متجهدش نفسك.
محمد: اطفي النور وانتي خارجه.
اميره: بس لما الممرضة تيجي هصحي حضرتك.
محمد: إنشاءالله.
لتتركه اميره وتذهب الي جناحها وهيا تفكر.
ماذا لو حدث مكروه لوالدي؟ ماذا ساءفعل؟ يارب اشفي بابي، انا مليش غيره.
وهنا تدخل عليها الداده ناديه.
اميره: خلي بالك يا داده، اول ما الممرضة توصل بلغيني عشان ادخل اصحي بابي.
ناديه: طاب مترتاحي انتي وانا هكون معاها.
اميره: اسمعي الكلام يا داده.
ناديه: حاضر.
اما ف الجامعه، فها هو يسري ينظر حوله وهو يتصل علي اميره.
يسري: ايه، تليفونها مقفول كل ده. اكيد ابوها السبب، وهو اللي خد منها التليفون. نفسي اعرف بس عرف كل حاجه عني ازاي، بس انا لازم اتصرف.
ليسمع صوت شخص يتحدث إليه من الخلف، ليستدير.
سوزي: هو حضرتك مشوفتش اميره؟
يسري: لاء، حتي تليفونها مقفول.
سوزي: انا كمان اتصلت عليها لقيته مقفول.
يسري: طاب ممكن اطلب منك خدمه؟
سوزي: ممكن.
يسري: هكتبلك جواب وتروحي البيت لاميره، وتقوليلها تتصرف باءي طريقه وتكلمني.
سوزي: اوك.
يسري: طاب خليكي هنا دقائق وجايلك.
ليذهب يسري الي مكتبه ليكتب الخطاب لاميره.
يسري (في الخطاب): حبيبتي، انا استنيتك كتير وانتي مجيتيش، وانا قلقان عليكي اوي. صدقيني انا بحبك اوي ومستعد اموت نفسي عشانك. ارجوكي يا قلبي اتصرفي وكلميني اطمن عليكي. هستناكي تجيلي بليل، وحشتيني اوي اوي. تعالي نهرب ونسيب كل حاجه. اوعي تتاءخري عليا. هستناكي الساعه ١٢ ف نص الليل قدام الكافيه بتاعنا، بس ابقي تعالي بعربيتك عشان عربيتي بايظه.
سلام يا اغلي من روحي.
ثم يخرج زجاجه بها قطره للعين ويضع منها في عينيه.
يسري: ايوه كده، عشان سوزي تقولها اني ببكي عليها بالدموع. يا سلام يا واد يا يسري، فنان. انا كان لازم أمثل ف السينما.
يسري: ياله اروحلها بقا وارسم الحزن والانكسار.
ليخرج يسري من غرفه مكتبه ليذهب حيث تقف سوزي.
يسري: انسه سوزي، الجواب اهو.
لتنظر إليه سوزي.
سوزي: هو حضرتك بتعيط؟
ليمثل يسري الحزن.
يسري: قلبي واجعني اوي.
سوزي: طاب ايه رءي حضرتك بدل الجواب، اتصل انا علي تليفون داده ناديه واخليك تكلم ميرو.
يسري: معلش، مش حابب اتكلم معاها ف التليفون، عشان لو سمعت صوتها ممكن انهار وتحصلي صدمه.
سوزي: الله، حبكم جميل اوي.
يسري: اميره هيا كل حياتي.
سوزي: طاب عن اذنك اروح لها أنا.
يسري: سلميلي عليها اوي.
سوزي: اوك.
لتتركه سوزي وتذهب الي فيلا اميره، لتجد ياسمين الخادمه تحمل حقيبه ملابس.
سوزي: ايه ده، انتي معزله؟
ياسمين: لاء حضرتك، ديه شنطه الممرضه اللي بعتها الدكتور عشان تمرض محمد بيه.
سوزي: هو انكل محمد تعبان؟
ياسمين: اه، ربنا يشفيه.
سوزي: طاب فين اميره؟
ياسمين: ف الجناح بتاعها.
سوزي: اوك.
لتصعد سوزي الي جناح اميره.
اميره: سوزي، انتي جيتي ازاي من ما تتصلي عليا؟
سوزي: اعمل ايه ف العاشق الولهان بتاعك يسري.
اميره: طاب اسكتي، هقفل الباب.
لنجد أن الداده ناديه قد رءت سوزي، وها هيا تقف تستمع لما يقولون خلف الباب.
سوزي: ماله يسري؟
لتقص عليها سوزي كل ما حدث.
سوزي: وخدي الجواب اهو كمان.
لتقرء اميره الخطاب بصوت عالي.
سوزي: اوعي تهربي معاه، كده غلط.
اميره: اعمل ايه بس؟ بابي رافضه خالص.
سوزي: ليه طيب؟
لتقص عليها اميره كل ما حدث من والدها.
سوزي: اسمعي يا اميره، احنا اهالينا ادونا الحريه. احنا ممكن نكون بنسهر، بنسافر، بنصاحب، هو ده غلط، بس انك تهربي معاه ده ممكن والدك لا قدر الله يروح فيها، وهتعيشي طول عمرك بذنبه. اصبري لما عمو يبقا كويس واتكلمي معاه، وحاولي توصلي له وجهه نظرك.
اميره: انا صعبان عليا يسري اوي.
سوزي: يا ستي اكتبيله انتي كمان جواب.
اميره: اطلبيه أكلمه من عندك، بابي واخد تليفوني وقافله.
سوزي: هو قالي لو سمع صوتك ممكن ينهار، وقالي خليها ترد عليا بجواب.
وخلف الباب، حيث تقف الداده ناديه.
ناديه: كده برده يا اميره، لسه بتفكري ف الواد ده والبيه عيان. اعمل ايه بس يا ربي؟ انا لازم اتصرف، بس اتصرف ازاي؟ مافيش غير حل واحد، وربنا يستر بقا.
لتنزل ناديه وتخرج الي حديقه الفيلا لتتصل برقم.
ناديه: السلام عليكم.
محمود: وعليكم السلام ورحمه الله وبركاته. مين حضرتك؟
ناديه: انا الداده اللي بشتغل ف بيت اخو حضرتك محمد بيه، وخدت الرقم من تليفونه.
محمود: وعايزه ايه؟
ناديه: محمد بيه تعبان اوي، والدكتور جاله وقال إن قلبه تعبان اوي.
محمود: بخضه: انتي بتجولي ايه؟ اخوي ماله؟ الف سلامه عليه.
ناديه: ياريت يا حج النفوس تصفي، انتو ملكمش غير بعض. وبعد اذن حضرتك، ياريت البيه ميعرفش اني كلمت حضرتك.
محمود: كتر خيرك يا حجه. نعملو ايه؟ العند ركبنا، وانا وتبعت كلام ابويا وجاطعت اخويا الوحيد. عايزك تاخدي بالك منيه كويس. الا جوليلي صح، بته كيفها؟
ناديه: بخير الحمدلله.
محمود: طاب حضرتك هتجيله؟
ناديه: ...
محمود: اجفلي انتي وانا هتصرف.
ليغلق محمود الهاتف، ثم يتصل علي هاتف أخيه.
محمد: بتعب: ياتري مين اللي بيتصل عليا؟ اشوف مين... الوه، مين معايا؟
محمود: خيك محمود.
محمد: محمود... اخوي صح؟
محمود: اه.
محمد: ولساك فاكر نمرتي؟
محمود: طاب وهو انا ليا غيرك؟ المهم يا اخوي، انا عايزك تاجيني الصعيد ضروري، انته وبتك.
محمد: خير يا اخويا؟ محتاج حاجه؟
محمود: معلش، لما تاجي هتعرف.
محمد: بس هو خير إنشاءالله؟
محمود: متستعجلش، لما تاجي جولنا.
محمد: امرك يا اخوي. يومين كده بس، عشان اخوك بعافيه شويه.
محمود: سلامتك يا غالي. إنشاءالله لما تاجي هتبجا مليح.
محمد: حاضر، سلملي علي كل اللي عندك.
ليغلق محمود الهاتف مع أخيه، ليتصل علي ناديه.
محمود: لو سمحتي يا حجه، عايز نمره الدكتور المسؤل عن حاله اخوي.
ناديه: هبعته لحضرتك حالا.
لترسل له رقم الهاتف الخاص بالطبيب واسمه، ليتصل عليه.
محمود: السلام عليكم يا دكتور باشا.
الطبيب: وعليكم السلام.
محمود: حضرتك انا ابجا محمود الخطاب، اخو محمد الخطاب، وعايز بعد اذنك اطمن علي حالته الصحية.
الطبيب: والله يا حج، هو قلبه تعبان، عنده انسداد ف الشريان الميترالي. احنا بنحاول معاه بالادويه، ولو لا قدر الله مجابتش نتيجه هندخله جراحه ونغير الصمام.
محمود: بعد الشر عليه. إنشاءالله يطيب ويبجا مليح.
الطبيب: اهم حاجه يغير جو وميتعرضش لاي زعل أو عصبيه.
محمود: طاب لو جاه الصعيد هنا، في خطر عليه؟
الطبيب: لو سفر بالعربيه خطر، لكن لو بالطياره تمام، اوك عادي.
محمود: كتر خيرك يا دكتور، بس امانه عليك متجولوش اني كلمتك.
الطبيب: حاضر.
وبعد أن أغلق محمود الهاتف مع أخيه، أخذ يصدح بصوت عاليا.
محمود: ام السعد... يا ام السعد.
الخادمه ام السعد: نعم يا بيه.
محمود: عايزك تاخدي وصيفه وضحي، وتطلعو توضبو الجناح الشرجي وتخلوه فله شمعه منوره.
ام السعد: حاضر يا حج.
محمود: والاوضه الكبيره اللي ف الدور بتاع نورا بتي، هيا كمان عايزكم تروحوها وتفرشوها فرش نضيف.
ام السعد: حاضر، من عيوني يا حج.
محمود: ياله همو، وشوفيلي سيدك زين فين.
ام السعد: سيدي زين بيه طلع، اديله ساعتين.
محمود: طاب خلاص، روحي انتي اعملي اللي جولتلك عليه.
ام السعد: طاب يعني لو الست حليمه ساءلتني بعمل كده ليه، اجولها ايه؟
محمود: جوليلها أوامر الحج محمود، وبطلي لت وعجن كتير.
ام السعد: حاضر، اهيني طالعه اهو.
ليتصل الحج محمود علي ولده زين.
محمود: فينك يا ولدي؟
زين: جاعد ف الأرض الجبليه.
محمود: طاب تعالي عشان عايزك ضروري.
زين: خير، في حاجه؟
محمود: له، بس تعالي.
زين: حاضر، جاي.
اما محمد، فكان يتحدث الي الممرضه.
محمد: لو سمحتي، اندهيلي اميره بنتي.
الممرضه: حضرتك محتاج حاجه اقدر اعملها؟
محمد: لا شكرا، بس ابعتيلي بنتي، وخليكي مع داده ناديه.
الممرضه: حاضر يا افندم، عن اذن حضرتك.
لتتركه الممرضه وتنصرف.
محمد: ربنا يهديكي يا اميره يا بنتي، وتسمعي الكلام وتسافري البلد معايا.
وها هيا اميره تدخل عليه.
اميره: بابي حبيبي، اخبارك ايه؟
محمد: الحمد لله. انتي عامله ايه؟
اميره: تمام، ده حتي سوزي جات تطمن علي حضرتك ولسه ماشيه.
محمد: طيب، انا كنت عايزك ف موضوع.
اميره: خير يا بابي.
محمد: احنا هنسافر البلد عند عمك محمود.
اميره: عمي محمود مين؟
محمد: محمود اخويا.
اميره: بدهشه: هو حضرتك ليك اخوات؟
محمد: اه، ليا اخ وحيد، بس الدنيا فرقتنا.
اميره: يعني هنسافر عند عمي؟ طاب هو احنا بلدنا ايه؟
محمد: الصعيد، احنا صعايده.
اميره: واو، انا بحب الصعيد اوي، وبحب اتفرج على المسلسلات الصعيديه، والبطل اللي بيبقا طول بعرض والناس كلها بتخاف منه.
محمد: اديكي هتشوفي كل ده علي الطبيعه.
اميره: طاب هو عمي عنده اولاد؟
محمد: اه، عنده ولد وبنت، البنا تقريبا ف الجامعه.
اميره: هما بيتعلمو ف الصعيد؟
محمد: اه طبعا. سيبك من المسلسلات والافلام، الصعيد متمدن جدا.
اميره: اوك. هنسافر أمته؟
محمد: النهارده بليل، هنسافر طيران.
اميره: والطياره هتنزل فين؟
محمد: ف المطار.
اميره: هو في مطار هناك؟
محمد: اصبري لما نسافر، وهتشوفي كل حاجه بنفسك.
اميره: اروح اخلي داده ناديه تجهزلي حاجتي، احنا هناخدها معانا صح؟
محمد: اه، هناخدها.
لتقبله اميره من جبينه.
اميره: احلي بابي ف الدنيا.
رواية أميرة الزين الفصل السادس 6 من هنا
رواية أميرة الزين كامله (جميع الفصول) من هنا
