رواية حين يغار القلب كاملة عبر روايات الخلاصة بقلم مصطفى جابر
رواية حين يغار القلب الفصل التاسع 9
#بارت_9_حين_يغار_القلب
البضاعة علي وصول والعملية دي كبيرة اوي مش حمل خسارة تانية والحكومه مفتحها عنيها ولازم نتصرف وخصوصا الظابط زين دا.. هو لسه مبتدئ بس دماغه ناشفه مش عايز ييجي في طريقنا وحظنا المنيل ان الكمين بتاعه عند طريق نقل البضاعه ولازم نشوف حل لانه واقف لينا زي اللقمة في الزور.
تيجر بخبث : متقلقش انا وصلت ل حاجه هتخليه يعدينا من الكمين بمزاجه او غصب عنه
الكينج بمكر: طول عمرك تيجر ابن تايجر يا زعيم .
عند نور..
مالك يا زياد حاسه انك متغير معايا من بعد كلام البت السموية دي احكيلي بتفكر في اي؟.
زياد بهدؤء: لا عادي مفيش حاجه يا نور.
نور بابتسامة: طب مش هتخرجني نتسحر برا.
زياد بجمود: لا مش النهارده انا مشغول شويه
نور بحزن: زياد انت كويس.
زياد بجمود: نور انتي بجد كنتي بتلعبي في تليفونك وانتي نازله من عالسلم ؟
نور بصدمة: انت ازاي بتسألني في حاجه زي كدا زياد انت اتجننت.
زياد بتوتر: بصي انا مش فاهم بس كلام صفيه مقنع شويه انتي طول اليوم بتكوني ماسكه التليفون و...
نور مقاطعه: متكملش يا زياد متكملش انا بجد مش عارفه اقولك ايه ازاي تقولي حاجه زي دي... دا ابني وحتة من روحي و في بطني وكنت هموت وييجي الدنيا دي بس طالما صدقت كلام صفيه يبقا عليه العوض فيك يا زياد.
زياد بلهفة: نور انا مش قصدي ازعلك انا توهت بس شويه.
نور بجمود: قصدك او لا مبقاش مهم تصبح علي خير.
قامت دخلت الاوضة وهو ملحقش يرد و قعد يلوم نفسه..
زياد في نفسه: غبيي يا زياد غبييي.
تاني يوم
رحاب كانت قاعدة مع نور..
انا حاسة انه في حاجه غلط في موضوع قمر دي مش بتطيق وليد.
نور كانت سرحانه..
رحاب بتشاور ليها: اي يا نور سرحانه في ايه من ساعة ما نزلتي وانتي ساكته ليه.
نور بحسرة: كلام الصفرا خلي زياد يشك فيا اني سقطت بسبب اني مهملة .
رحاب بصدمة: ايييي لا مستحيل زياد يفكر كدا.
نور بسخرية حزينه: عمل كدا يا رحاب انا بجد موجوعه اوي قولت افوق من الصدمة دي واستعوض ربنا في ابني اللي راح تيجي لي صدمة تانية توجع قلبي اكتر.
رحاب بحزن: متزعليش نفسك يا نور هو اكيد ميقصدش حقك عليا انا
نور قامت وقفت: عادي بقا انا هروح اقعد في بيت اهلي يومين اريح اعصابي.
رحاب بصدمة: تقعدي في بيت اهلك ازاي دا فاضي.
نور بهدؤء: محتاجة اكون لوحدي يا رحاب محتاجة الاقي نفسي يمكن ارتاح عموما انا لميت هدوم تكفيني يومين.
رحاب باستغراب: طب وزياد عارف بقرارك دا.
نور بجمود: لا ومش هاخد اذنه.
رحاب بهدؤء: نور متخليش عصبيتك وزعلك منه يخلوكي تعملي حاجه عبيطة زي دي.
نور بعند : مش هتزفت يا رحاب وسبيني في حالي انا مش مستحملة تقطيم سلام.
خرجت ودموعها محبوسه..
رحاب بحزن: حال البيت اتقلب ليه منها لله اللي كانت السبب.
في بيت سعدية:
طمنيني يا صافي عملتي اي امبارح عند زين ومحكتليش ليه اللي حصل بينكم امبارح قبل ما تنامي؟
صفيه بغيظ: محصلش حاجه يا ماما دول ضربوني وطردوني من بيتهم و ملحقتش اتكلم معا زين فا طلعت من عندهم معيطه ونمت علطول
سعدية بغضب: يا خبتك يا سعدية يا خبتك بعد كل اللي عملناه دا ومعملتيش حاجه ومين اللي ضربك دول ليلتهم طين .
صفيه بخبث: مش مهم مين المهم انا عملت حاجه هتخليكي فخورة بيا.
سعدية بانتباه: قولي يارب تفرحيني.
صفيه بخبث: انا كنت رايحه لقمر البيت اتشفي فيها واقهرها شوية لكني سمعتها هيا وامها وهما بيتكلمو عن سلسلة دهب ومها بتقول لقمر خدي بيعيها فا خرجت بسرعة واتصلت علي هدير صحبتي وفضلت ماشية ورا قمر لحد ما دخلو الصاغة وهدير عملت نفسها بتشتري دهب وبتتفرج واستغلت ان البياع بيكلم زبون تاني فا خدت حلق حطته في شنطة قمر..وبعد ما قمر باعت السلسلة وجاية تخرج جرس الانذار ضرب والبياع والناس مسكوها واتصلو بالشرطة وهي دلوقتي محبوسة بتهمة السرقه.
سعدية بصدمة وغضب: انتي مجنونه يابت كدا زين هيخرجهاا و مش بعيد يحن ليها تاني.
صفيه ببرود: بالعكس..هدير راحت معا الناس تشهد انها سرقت وكانت هتهرب.. ولقت زين رماها في الزنزانة بنفسه وكان مش طايقها .
سعدية بفخر: جدعة يابت تربيتي.
الباب بيخبط جامد
سعدية راحت تفتح لقيت وليد اللي دخل ووشه كله غضب:
سعدية باستغراب في اي وليد جاي عمال ترزع عالباب كده ليه انت مجنون.
وليد قرب من صفيه ومسكها من شعرها: انا سبق و حذرتك ان لو حصل حاجه ل قمر مش هرحمك رايحه تحبسيها يا بنت الكلب.
صفيه بخوف: م محصلش يا وليد انا هنا من الصبح حتي اسأل ماما.
سعدية بتوتر: اه يابني كانت نايمه والله.
وليد زقها علي سعدية: بشرفي لو عرفت انك اللي ورا الموضوع ده يا صفيه مش بس هلبسك تهمة سرقة الدهب لا دا انا بأيدي هاخد روحك انتي وامك بس بعد اما اوريكي العذاب علشان ترميها في السجن كده.
صفيه بلعت ريقها بخوف..
سعدية بغيظ: وانت بتاع اي تهدد بنتي ما تروح تشوف حبيبة القلب الحراميه ياخويا يالله امشي من هنا
وليد بغيظ: تمم بس خليكم فاكرين كلامي
بيسبهم ويخرج ويروح لقمر
في القسم
وليد بيدخل مكتب زين بغضب: قمر فين يا زين؟
زين بغضب: انت اتجننت ازاي تدخل كده .
وليد بغضب : انا مش جاي اعمل مشاكل انا جاي اخد مراتي و دا حق الدهب كامل اللي الجواهرجي قال انها سرقته كله وزيادة .
الجواهرجي بطمع: وانا خلاص هتنازل عن المحضر خلاص.
وليد بيبص ل زين بتحدي..
زين ببرود: بس هي مش هتخرج من هنا النهارده ابقي تعالي الصبح بقا علشان تاخدها
وليد بغيظ: هتخرج ودلوقتي حالا بأي حق هتفضل محبوسة والجواهرجي اتنازل؟.
زين ببرود: اجراءات التنازل هتاخد وقت.
وليد بغضب: زين انت كدا بتغلط وانا مش هسمحلك تتمادي كتير.
زين بجمود: صوتك هيعلا تاني يا وليد هرميك في الحجز معا السنيورة يالله اتفضلو اطلعو برا
وليد بجمود : تمم يا زين تمم اوي.
خرج وليد بغضب
في الحجز..
بنت ما بدلع: انتي جاية في اي يا وزة.
قمر بدموع: في البوكس.
بنت تانيه بسخرية: دي بتستظرف البت انتي تبع مين يا روح امك.
قمر بغضب: وانتي مال اهلك انا كلمتك سبوني في حالي.
البنت مسكتها من شعرها: جرا اي يا يعسل انتي شايفه نفسك علي اي يجربوعة
قمر زقتها بغضب: الجربوعه دي انتي يا قليلة الادب.
البنت لباقي البنات: نسوان البت دي لازم تتربى.
قمر بخوف: ابعدوا انتو عاوزين اي.
واحده منهم: عوزين نديكي واجب الضيافه
قمر هتجري مسكوها وهي بتصرخ و بدواء ضرب فيها...
عند زين.
كان رايح الحجز سمع صوت صويت..
زين بخوف: افتح الباب يا عسكري.
العسكري فتح الباب وزين دخل بسرعه ووقف مصدوم..
قمر في الارض مضروبة و فاقدة الوعي ومتعورة جامد..
زين بهلع: قمر ردي عليا انتي كويسه.
قمر لارد.
زين بغضب للنسوان: عملتوا فيها اي يا شوية غجررررر حسابكم معايا بعدين.
شال قمر و خرج بسرعه..
وليد كان بيكلم المحامي لاقي قمر مغمي عليها وزين شايلها وبيجري بيها اتخض علي قمر: انت عملت فيها اي وديني لو حصلها حاجه يا زين ل اوريك .
جه ياخدها منه زين ضربه بالرجل: جرب تقرب وانا همحيك من علي وش الارض وسععع.
وليد بعد بخوف و زين خدها وطلع علي المستشفى..
في المستشفى..
قمر بتفتح عينها بألم: ااه انا فين.
زين بخوف: انتي كويسه اناديلك الدكتورة.
قمر بصت له بغضب: انت عاوز مني اي مش خلاص ريحت قلبك وانتقمت مني وخليت ناس متسواش تضربني و خلتني زيي زيهم عاوز اي تاني سبني في حالي بقي.
زين بهدؤء: خلصتي كلامك؟ يلا قومي عشان اوصلك للبيت.
قمر بغضب وزعيق: انا مش طايقه اشوف وشك بقولك اخرج برا.
زين ببرود: لسانك دا هقصهولك يا قمر.
قمر بصت له بتجاهل وقامت بصت في مرايا عندها شهقت ودموعها نزلت من شكل وشها اللي كله كدمات..
قمر بدموع بصت له: مرتاح كدا يارب تكون مرتاح يا زين و قلبك بقا هادي.
زين حس بالم و بص لها ببرود: محدش قالك مدي ايدك علي حاجه مش بتاعتك يا ست الشيخه.
قمر بجمود: تمم انا حرامية و سرقت الدهب و كمان رخيصة ملكش دعوه بيا تاني.
خرجت من الاوضة وهو راح وراها..
زين مسك ايديها بغضب: استني عندك أنا عايز اتكلم معاكي
قسوتي اللي انا فيها دي انتي السبب فيها انتي اللي اجبرتيني علي كده وعايز اسئلك سؤال واحد دلوقتي وتردي عليا بكل صراحة
قمر بجمود: سؤال اي؟
زين: لو وليد قايلك حاجه او مهددك ب حاجه قوليلي وانا هحميكي قوليلي زي ما قولتيلي علي صفيه وخدتلك حقك منها احكيلي متخبيش عني حاجه
قمر زقت ايده ببرود: لا مفيش حاجع وانا بحبه يا زين و كنت بلعب بيك الفترة اللي فاتت دي
وليد من وراه : سمعت بنفسك ولا تحب اخليها تسمعك اكتر يلا يا حبيبتي عشان مامتك قلقانه عليكي
قمر بابتسامة كدابة ومسكت ايده: يلا يا حبيبي.
خدها ومشي وزين بصلها بقهر وغضب..
بعد شويه..
في بيت رباب..
زياد جه و طالع شقته و قفته رحاب: اللي طالع ليها مشيت يا زياد.
زياد باستغراب: هي مين دي اللي مشيت.
رحاب بتوتر: نور يا زياد راحت بيت اهلها القديم تقعد فيه وترتاحلها يومين هناك علشان تهدي اعصابها.
زياد بزعيق: نعممم ياختييي وازاي تخليها تسيب البيت دا من غير ما تقولي هي متجوزة دكر بط علشان متاخدش اذنه و تتزفت علي عين اهلها تخرج من دماغها.
رحاب بتوتر: اهدا يا زياد هي اعصابها تعبانه من كل اللي بيحصل غصب عنها يعني.
زياد بغضب اعمي: غصب عنها متحترمش جوزها صح تمم اوي كدا.
رحاب بهدؤء: زياد معلش روح صالحها انت زعلتها و...
زياد مقاطعا: مش عاوز اسمع حرف هي مش مشيت من هنا بمزاجها يبقا مش هرجعها وخليها مرميه هناك
سابها وطلع وهو متغاظ علي اخره..
رحاب قعدت بغضب: يارب اعمل اي في كل المصايب دي بس .
تليفونها بيرن ب رقم غريب..
رحاب بهدؤء: الو مين معايا.
تيجر بابتسامة: مش عارفه صوتي.
رحاب بتمثيل : هو صوت عبد الحليم علشان يكون معروف قولي مين انت.
تيجر بغيظ: لا والله طب انا تيجر .
رحاب قفلت في وشه..
تيجر بصدمة: دي قفلت في وشي؟
#يتبع.....
#بارت_9
#حين_يغار_القلب
#ليالي_رمضانية
#الكاتب_مصطفي_جابر
