رواية حين يغار القلب كاملة عبر روايات الخلاصة بقلم مصطفى جابر
رواية حين يغار القلب الفصل العاشر 10
#بارت_10_حين_يغار_القلب
انت لحد امتى هتفضل مجنون كدا مها كلمتني وحكت ليا كل حاجه وانا مش عارفه اتصرف ازاي وابوك لو عرف مش هيرحمك.
وليد بغضب: هي لحقت تقولك بس عادي مفيش حاجه تهمني غير قمر وبس و هي كدا بقت ملكي بعد ما زين اتخلي عنها وكسرها بغبائه.
امه بجمود: يا وليد انت لازم تسيب قمر و ابوك ميعرفش حاجه لو عرف انت حر وانا مش هفضل احميك منه
وليد بسخرية: خايفه عليا ولا علي بنت اختك يا مدام.
امه بغضب: اتكلم بادب يا وليد انا خايفه عليك انت من ابوك .
وليد بجمود: متخفيش هو بابا فاضيلنا اصلا ده زمانه مشغول في صفقاته.
: وليييييددددددد.
بصوا وراهم بصدمة..
وليد بخضه: بابا.
منير دخل بغضب وكف نزل علي وش وليد: دي اخرة تربيتي فيك يا وليد تتهجم علي خالتك وتعمل المصيبة اللي عملتها دي
وليد بهدؤء: يبابا اسمعني انا بحب قمر وعايز اتجوزها.
منير بغضب: وهي بتكرهك بتقرف منك انت اي مبتحسش وكل ده بسبب تربية امك ليك هيا اللي وصلتك للحال ده دايما باصص للي في ايد غيرك
وليد بجمود؛: انت مين اللي قالك كده
منير ببرود بيضربه بالقلم بيوقعه في الارض: اي فاكر اني مش هعرف دا انا ممشي وراك حراسي عشان اعرف كل خطوة بتعملها واحاسبك عليها.
امه بدموع: وليد يا حبيبي انت كويس رد علي امك.
وليد قام وقف ومسح دموعه: انا بخير هطلع اكلم قمر قبل ما انام تصبحي علي خير.
امه بصت له بشفقة وهو طلع بابتسامة...
منير بقرف: بصي الواد اللي مبيحسش غور نام... نامت عليك حيطة.
مراته بغضب: انت اي يا شيخ لي بتعمل معاه كده دا ابنك لحمك ودمك المفروض تحميه وتسنده مش تضربه وتمد ايدك عليه ابنك كان بيتعالج عند دكتور نفسي بسببك
منير ببرود: انا بخلي ابني راجل وبحاسبه علي تصرفاته ولا عايزاه يمشي يفتري علي كل خلق الله براحته
مراته بدموع: انت اللي وصلته لكده علمته ان اي حاجه الانسان بيعوزها لازم ياخدها بالقوة وهو دلوقتي بيطلع تعليمك ليه في قمر لأنها الوحيدة اللي قلبه حبها فعلا لكنها مش عايزاه علشان كده عايز ياخدها بالقوة.
منير ببرود: لا يحبيبتي متجبيش اللوم عليا انا كلامي ده كان عالشغل... انتي اللي خلتيه ميشتغلش معايا في الشركة ويفضل قاعد جمبك لحد ما دلعتيه اووي باقي عامل زي العيل الصغير اللي كل ما يشوف لعبه حلوه يكون عايزها
مراته بزعيق: قعدته جمبي بسببك..بسبب انك كنت بتحرجه قدام العمال اللي في الشركة ودايما كاسر نفسه قدامهم لحد ما انت خليته ملهوش شخصيه ولو عليا انا كنت طلبت منك الطلاق من زمان وخدت ابني وهربنا من جبروتك لولا بس وصولات الامانه اللي انت مضتني عليها
منير بسخرية: طب غوري من وشي وتحمدوا ربنا علي العز اللي انا معيشكم فيه
بصت له بكره و طلعت اوضتها..
...
تاني يوم...
صحيت نور علي صوت خبط الباب راحت تفتح لاقت زياد ورباب.
رباب بهدؤء: انا جبتلك الواد ده لحد عندك يصالحك يبنتي واللي انتي عايزاه انا هعملهولك حتي لو عايزاني اطردهولك برا البيت
نور ببرود : انتي علي راسي يا ماما لكن مشي الواد دا من هنا عشان والله ما طايقه اشوف وشه.
رباب بهمس: معلش يا حبيبتي حقك عليا..وانت يا زياد صالحها... دي بتحبك وقلبها ابيض.
زياد بخبث: طب يا ماما صح انا افتكرت الحج بعتلي رساله دلوقتي وعاوزك في البيت يلا.
رباب بأستغراب : بعتلك رساله امتي منا جايه معاك طول السكة مقولتش حاجه؟....ااااه انت بتطرقني علشان يخلالك الجو هااا... ماشي يعم انا همشي بس بمزاجي .
نور وزياد ضحكو
رباب خدت شنطتها و مشيت و زياد قفل وراها..
نور ببرود: اي جابك؟ امشي روح للصفرا اللي وشوشت لك زي الشيطان.
زين بأبتسامة: لا ماهي مش فاضيه دلوقتي دماغها مشغولة معا زين.
نور بغيرة: يعني اي انت زعلان انه دماغها مش معاك انت؟؟
زياد بغمز: بحبك وانتي غيرانه.
نور بحزن: امشي يا زياد.
زياد بحنان: انا عازمك علي الفطار النهارده و هعمل كل اللي انتي عاوزاة عشان تسامحيني.
نور بهدؤء: لي يا زياد تقول كدا عني انت متخيل اني اضحي ب ابني.
زياد باس راسها ودموعه في عينه : حقك علي يا نور انا استاهل ضرب الجزم والله.
نور بحنان: خلاص هسامحك بس اوعي الصفرا دي تخش بينا تاني
زياد بحنان: وانتي متسبيش البيت تاني من غير اذني انا اتجننت لما ملقتكيش.
نور بأبتسامة: حاضر هتفطرني فين بقا.
زياد بحب: مفاجأة...
نور ابتسمت...
عند زين...
كان قاعد في مكتبه في البيت لقي صافي داخله عليه..
زين بهدؤء: صافي؟ في حاجه ولا اي؟ .
صفيه بدلع: اه يا زين في حاجات مش حاجه واحدة بس.
زين ببرود: انجزي مش فاضي ورايا شغل و مشواير مهمه.
صفيه بدموع: انا بحبك يا زين و رايده لك الخير ومن زمان وانا ياما حذرتك من قمر وحاولت فعلا ابعدها عنك عشان عارفه نيتها مانا بنت وبحس بالبنات اللي مش كويسه ارجوك يا زين اديني فرصة اثبت لك حبي.
زين ببرود: اسمعي يا صفيه انا مش عاوز لا حب ولا غيرو روحي بيتك يلا.
صفيه بدموع: ده ذنبي اني بحبك يعني؟ هو انت ليه مش شايفني طيب اعمل لك اي تاني عشان خاطر تحس بيا و ب حبي ليك .
زين بهدؤء: متعمليش حاجه انا مش عاوز حاجه.
صفيه بحزن: طب مفيش اي امل انك تديني فرص خالص.
زين بهدؤء: لا يا صفيه انا بعتبرك زي رحاب بالظبط.
صفيه بجمود : غريب الحب اللي مخليك متعلق بواحده خاينة وكانت بتتسلي بيك وسايب اللي بتجري وراك من سنين ومتعلقه بيك ونفسها في نظرة رضا منك..صحيح القط يحب خناقهُ..عالعموم ماشي يا زين بس خليك فاكر اني بحبك وهفضل احبك لاخر العمر وهفضل عايشه علي امل انك تبقي معايا.
زين بهدؤء: بشوقك يا صفيه.
صفيه بخبث: واه قبل ما امشي ماما عازماك علي الفطار يا زين انت عارف انها بتعزك اكتر واحد عشان كدا قالتلي اعزمك.
زياد بهدؤء: تمام هاجي.
عند رحاب..
كانت قاعده في النادي و قدامها قمر..
رحاب بصدمة: قمر انتي بتهزري زين لازم يعرف كل دا.
قمر بجمود: لا يا رحاب انتي حلفتي علي المصحف ان اللي هقولهولك مش هتقوليه لأي مخلوق.
رحاب بغيظ: بس مكنتش اعرف انه الموضوع خطر اوي كدا يا قمر بصي سيبي لي انا وليد وانا هعرف اتعامل معاه انا هديله بوكسين افوقه او اموته .
قمر بحزن: انا مكنتش قادرة اخبي اكتر من كده وكان لازم احكي لحد وانتي اقرب حد ليا فا متعرفيش حد.. لحد ما اشوف القدر مخبيلنا اي
عند زين..
كان بيفطر مع مرات عمه و صفيه..
صفيه وهي بتدي له الاكل: الف هنا علي قلبك يا زين.
زين بهدؤء: مكنش له لازمه التعب دا كله يا مرات عمي.
سعدية بخبث: ازاي بس دا انت الغالي بعتبرك زي ابني و الله معزتك زي محمد بالظبط.
زين بابتسامة: تسلمي يا مرات عمي اومال محمد فين.
سعدية ببرود: في المستشفى عنده نبطشيه لبكرا الصبح.
زين بهدؤء: تمم.
صفيه بدلع: زين هو ممكن بعد الفطار تخرجني نشم هوا الاجواء في رمضان بتكون حلوة اوي بليل.
زين بهدؤء: عندي شغل يا صفيه تتعوض.
سعدية بخبث: يابني الشغل اللي يتعوض لحظاتك الحلوة متتعوضش اسمع مني عيش شوية و بعدين حرام تكسر خاطرها بردو.
صفيه بتمثيل الزعل: خلاص يا ماما براحته مش هضغط عليه.
زين بهدؤء: خلاص ماشي يا صفيه جهزي نفسك وشوفي عاوزة تعملي ايه وانا معاكي..
صفيه ابتسمت بفرحه: تسلم اووي يا زين ربنا يخليك ليا يارب.
بعد العشا
كان زين واخد صفيه وبيتمشو في الحسين وصفيه فرحانه وماسكه في دراع زين
صفيه بأبتسامة: استني يا زين عايزه اشتري غزل البنات .
زين لسه هيتكلم شاف قمر واقفه قدامه
قمر بصدمة : انتو بتعملوا اي مع بعض وماسكه في دراعو كده ليه؟.
صفيه ببرود: وانتي مالك خليكي في حبيب القلب وليد وملكيش دعوة بينا.
قمر بجمود ل زين: مبروك يا زين شكلنا هنسمع خبر حلو قريب.
زين بص لعنيها بهدؤء: اكيد وهيكون قريب اوي يا بنت خالي.
صفيه فرحت اوي: احلف يا زين هنسمع خبر حلو قريب صح قول والله انا مش مصدقه نفسي اخيرا.
قمر بجمود: تمام ربنا يبارك ليكم .
زين بجمود: بتعملي اي لوحدك دلوقتي يا قمر.
قمر ببرود: وانت مالك بتسال ليه .
زين ببرود اكبر : والله لو مش سمعتك من سمعة زين السعداني كنت هسيبك تتفلقي بس للاسف انتي مربوطه بيا.
صفيه بغباء وغيظ: مرتبطة بيك يعني اي دا واحدة رخيصة ومتجوزة عرفي..
: حوش يابت الشرف اللي بيخر منك.
بصوا وراهم لاقوا رحاب و تيجر..
زين بصدمة وغضب: انت بتعملي ايه هنا يا رحاب معا الواد ده.
تيجر ببرود ل رحاب: انا همشي انا يا رحاب ونتقابل وقت تاني.
مسكه زين بغضب: انت عبيط ولا بتستعبط شايفني مركب قرون و بتكلم اختي بالمنظر المقرف دا.
تيجر بهدؤء: نزل ايدك يا زين احسن ما اخليك تندم.
رحاب بخوف: زين اهدا طاهر زميلي في النادي وكان بيساعدني وقمر كانت معايا
زين بغضب لكم تيجر و قمر شهقت: زين انت اتجننت لي كدا هو انت عندك كله ضرب ضرب انت بجد محتاج تتعالج.
زين بغضب: وانتي مالك حد طلب رايك اسيب اختي ل واحد زي دا علي فكره اختي مش زيك انضف منك الف مرة.
قمر بكسرة: شكرا يا بن الناس.
تيجر بعصبية: انت مختل حد يقول للبنت اللي بيحبها كلام زي دا.
زين بغيرة: وانت مالك انت كمان بيها.
تيجر بخبث: اظن الكلام دا يتقالك انت مش انا واه دي مني..
رد له اللكمة بقوة..
زين مسك فيه ولسه هيضربو بعض نور وقعت اغمي عليها
زين بسرعة : شالها وحطها في اقرب تاكسي ومشيو.
خدها وركبها العربية ونسي وجود صفيه .
عند. قمر.
مها بقلق: هيا اي اللي جرالها يبني طمني
زين بهدؤء: ولا حاجه يعمتي هيا بس كانت واقفه معانا واغمي عليها فا جبتها بسرعة علي هنا
مها بأبتسامة: كتر خيرك يبني
عز بجمود: هو وليد مظهرش النهارده صح.. الحمدلله انه..
مها بخوف مقاطعه: عز ادخل جوا عشان تنام شويه.
رحاب بحزن: سبيه يكمل يا مرات عمي.
مها بتوتر: اسيبه اي هو تعبان ولازم يرتاح عشان يعرف يصوم بكرا .
عز بطفولة: انا مش تعبان يا ماما انا راجل و بكرا هكبر ومش هخلي حد يعمل اللي عمله وليد فيكم.
زين بصدمة:
#يتبع.....
#بارت_10
#حين_يغار_القلب
#ليالي_رمضانية
#الكاتب_مصطفي_جابر
