رواية حين يغار القلب كاملة عبر روايات الخلاصة بقلم مصطفى جابر
زين يا حبيبي اعمل حسابك علشان هنروح لخطيبتك بليل عشان نودي ليها هدية رمضان انا جبت لها كل حاجه.
زين بجمود: وانا مش عاوز اروح يا ماما روحي انتي.
رباب باستغراب: لي كدا يا زين.
زين بغضب: عشان قولتلك كذا مرة مبحبهاش وانتي مصممه اتجوزها عشان خاطر هيا بنت اخوكي وانا حكيتلك اني عاوز اتجوز بنت علي مزاجي مش ست الشيخه دي.
رباب بغضب: زين اتأدب و بعدين اي ست الشيخه دي هي عشان عارفة ربنا و مختمرة ومتربية تبقا شيخه مش احسن من الصيع اللي تعرفهم.
زين ببرود: تمم وانا مش عاوزاها مش مرتاح معها هو بالعافية.
رباب بجمود: من امتي وانت بتعصي كلامي يا زين؟ كلامي هيتسمع والا قسما بالله هخلي ابوك وهو اللي يتصرف معاك اخوك زياد معملش ربع اللي بتعمله ده لما جوزناه نور ودلوقتي متجوز و سعيد وفرحان بالجوازة.
زين بسخرية: عشان خاطر كان بيحبها لكن انا لا.
رباب ببرود: هتحبها مع الوقت صدقني
بتدخل بنت ما: ازيك يا مرات عمي.
رباب بقرف: كويسة خير يا صفية.
صفية بغيظ: اسمي صافي يا مرات عمي.. وقالت بدلع.. ازيك يا زين.
زين بهدؤء: الحمدلله وانتي عامله اي يا صافي.
صفية بدلع: كويسه ماما بتقولك روح غير ليها الانبوبة عشان يحيي اخويا برا و محدش موجود.
زين بهدؤء: تمام.
زين مشي راح بيت عمه ورباب بصت بسخرية علي صفية: قال صافي قال.
صفية بقرف: ماله صافي يا مرات عمي مش عاجبك.
رباب ببرود: اللي في دماغك مش هيحصل يا بنت سعدية زين مخطوب ل قمر ومهما تعملي مش هيبص لك.
صفية بغل: كله بسببك طول عمرك كارهاني بس انا هخليه يتجوزني غصبن عن اي حد.
رباب ببرود: بعينك يا صفية يلا روحي علي بيت اهلك عشان اجهز الزيارة ل عروسة ابني ونصيحه بم اننا داخلين علي شهر مفترج ابقا اتعظي والبسي لبس محترم و دخلي شعرك جوا الطرحه..
صفية ببرود: ميخصكيش سلام.
مشيت و رباب بصت ليها بقرف وهي خارجة رجل شنكلتها وقعت علي الارض.
نور بتمثيل : يوه صفية مش تاخدي بالك يا بنتي.
صفيه بغضب: انتي موقعاني قصد.
نور بخبث : اخص عليكي انا هوقعك قصد لي بس يا حبيبتي بيني وبينك اي دا مشيك المسهوك هو اللي وقعك.
صفية بصت لها بغل وزياد كتم ضحكته: معلش قومي يا صافي. ..
صفية بتقوم بغضب وبتمشي
رباب بضحك: يخربيت عقلك يانور.
زياد بسخرية: مش لو كان عندها عقل اصلا يا حجة.
نور بضحك: اه عندي يا اخويا واي حد يزعل حماشي حبيبتي هو حر.
رباب بحنان: ربنا يخليكي ليا يا حبيبتي.
زياد بسخرية' اول مرة اشوف علاقة حماة بمرات ابنها كدا علطول بيبقو كلهم حرابيق.
رباب بضحك: لا مش كلهم ياخويا في بنات متربية وعارفه الاصول زي نور دي علشان كده بعتبرها بنتي
زياد بأبتسامة : طب بالمناسبه بقي انا كنت محوش معاكي قرشين عاوزهم اصل اللي بتقولي عليها بنتك دي خدت مرتبي جابت بيه زينة للشقة و فوانيس وخلصت المرتب
رباب بصدمة: ايههه ازاي.
زياد بجمود : قولي ليها بقي اصل الهانم مفكرة ال..
رباب بتقاطعه: ازاي تجيبي ومش تديني يا نور اخص عليكي.
زياد بص لها بصدمة..
نور بضحك: وانا اقدر بردو يا ماما انا عملت حسابي وجبت لك
زياد بغيظ: صبرني يارب عاللي انا فيه.. بردو هاخد منك الفلوس اللي موحوشها
ضحكوا كلهم...
في بيت قمر..
قمر بابتسامة: ماما عمتي قالت لي هتيجي بليل هي و زين.
امها ببرود: تمم.
قمر باستغراب: مالك يا ماما..
امها بهدؤء: مش مرتاحه ل زين دا هو مش بيحبك و لا بيعاملك حلو زي المخطوبين وشكله مجبور عليكي.
قمر بحزن: لا يا ماما متقوليش كدا زين كويس وبيعاملني حلو والله.
امها بهدؤء: يابنتي عارفة بس مش بحسه مرتاح وفي حاجه وبعدين هو حتي في المواسم لا بيجيب لك عيدية ولا فانوس ولا اي حاجه ونادرا لو كلمك تليفون.
قمر بابتسامة: دي شكليات يا ماما ومش مهم عندي المهم معاملته ليا.
امها بملل: خلاص انتي حرة بقا انا.
قمر بتدخل اوضتها وبترن علي زين..
يتبع...
فصول رواية حين يغار القلب بقلم مصطفى جابر
اضغط على الفصل الذي تريد قراءته:
- رواية حين يغار القلب الفصل الأول
- رواية حين يغار القلب الفصل الثاني
- رواية حين يغار القلب الفصل الثالث
- رواية حين يغار القلب الفصل الرابع
- رواية حين يغار القلب الفصل الخامس
- رواية حين يغار القلب الفصل السادس
- رواية حين يغار القلب الفصل السابع
- رواية حين يغار القلب الفصل الثامن
- رواية حين يغار القلب الفصل التاسع
- رواية حين يغار القلب الفصل العاشر
- رواية حين يغار القلب الفصل الحادي عشر والأخير
