رواية ذكرياتنا في رمضان كاملة عبر روايات الخلاصة بقلم سلسبيل أحمد
- ياعم بقا ياعم هات اعلق معاكم فرع واحد!!!!
= يابنتي اتهدي بالـ140 سنتي بتوعك دول
- هقف على السلم!!
= هتدوخي وتقعي تجبلنا مصيبه يا ليان
وانا مش ناقص ياحببتي
"فضلت رافعه راسي وباصه عليه وهو واقف على السلم بيربط طرف فرع الزينه في بلاكونة الجيران"
- هو انا مش لميت معاكم فلوس الزينة
انا من حقي اعلق على فكره !!
اتكلمت ندي:
عندها حق احنا مفروض نعلق معاكم يا مراد
= انتي لو مبطلتيش رغي انتِ كمان
هنزل اعلقك انتِ سامعين؟
ليان: انت بنى آدم مفتري!!
ندي: دي حقيقة
زياد بنرفزه: اخرصي انتِ وهي بقا وامسكوا السلم عدل لو وقعت هوديكم في داهـ ـيه
ضحكت وبصتلها بهمس: تيجي نسيبه؟
ندي بخوف: لا افرض وقع
- وهو انتي خايفه عليه
ندي بنفي: لا انا خايفه يقع علينا!
"ضحكت جامد انا وهي
و مراد اتكلم من فوق"
- انتوا شكلكوا مصممين تتعلقوا اه..
ليان: علقني.. بس ياريت تحطني جمب الفرع الاخضر ده
" ظهر صوت ضحك من وراها "
- حاسبوا خلاص انا جيت..
خدوا.. جبتلكم فوانيس كمان.
ليان: يا سلام على الوحده الوطنية.
ندي: حلو اوي بجد
" مراد نزل من على السلم وبصله "
- جاي بعد لما خلصت
كل ده بتجيب المقـ ـص يا مينا ؟
= عمك حميد روح نام يحبيبي وقفل المحل فا روحت على الطريق بره اشتري
- طب يلا نكمل عشان زهقت ولسه عايز احلق
= قدامك لسه نص الشارع
ليان: طب نساعدكم بقا!!
مراد تجاهلها وبص على اول الشارع: احمد و ياسين يكملوا بقا يا معلم انا بفصل
مينا: طب تعالي نروح لهم
مراد بص لندى و ليان: يلا على فوق خلاص المولد خلص
ندي: ليه! ماهم لسه هيكملو
مُراد: الوقت اتأخر اصلا اطلعوا يلا!
"فضلوا باصين له بصمت فا اتكلم بزهق"
يتبع...
فصول رواية ذكرياتنا في رمضان بقلم سلسبيل أحمد
اضغط على الفصل الذي تريد قراءته:
- رواية ذكرياتنا في رمضان الفصل الأول
- رواية ذكرياتنا في رمضان الفصل الثاني
- رواية ذكرياتنا في رمضان الفصل الثالث
- رواية ذكرياتنا في رمضان الفصل الرابع
- رواية ذكرياتنا في رمضان الفصل الخامس
جاري كتابة باقي فصول الرواية..
احفظ لينك الصفحة دي عندك وارجعلنا بعدين..🔗😊
