رواية رحمه في رمضان الفصل التاسع 9 بقلم سلوي عوض
رواية رحمه في رمضان الفصل التاسع 9
#سلوي_عوض
#رحمه_في_رمضان
بارت 9
ادم: ايوه يعني مالها ايه اللي عملته يخلي مدام حضرتك يحصلها كده
رانيا: يوه هو ده وقتك عشان رحمه دبحت دكر بط من اللي مربياهم علي السطح وصرفت ايجار خالتي ام عصام بتاع الشهر الجاي
ادم: برده فين المشكله
صابر: اصل مراتي مش مربيه الطيور عشان نأكلها
ادم: ايه
رانيا: افهمك عشان نخلص بتفهم أنجلش
ادم: اه انا مهندس
رانيا: طيب تمام
لتشرح له رانيا الوضع كاملا
ادم: يا خبر ابيض طيب قومي يا طنط وانا هعوضك عن كل حاجه
امينه: تعوضني ازاي يعني
ادم: ايه ده ديه فاقت شوفي يا ستي المفروض أن امي واختي كانو هيقضو معايا شهر رمضان بس للاءسف امي تعبت شويه فمش هيقدرو ييجو وزي ما حضرتك شايفه اني انا لوحدي ومش هعرف اعمل فطار لنفسي فاهفطر معاكم
امينه: نهارك اسود وهو انا نقصاك ايه يا صابر جايبلي بوء زياده هو احنا قادرين علي عندنا انته شكلك عايز تموتني
ادم يضحك: مش قصدي كده قصدي يعني بما اني هفطر معاكم فهنزل اشتري طلبات واجيبهم لحضرتك تعملي منهم الفطور
امينه: بجد بس انته يا ابني مش هتعرف تشتري اقولك تعالي ننزل انا وانته نشتري الطلبات
صابر: يعني فوقتي دلوقت وصحتك رجعت
امينه: صحتي مش هترجع غير لما اقطم رقبه رحمه الكلب ديه وتجيبلي فلوس الايجار وحق دكر البط
صابر: وهيا هتجيبلك منين خلاص بقا
امينه: ورحمه امي اخد روحها فيها
ادم: انا عندي الحل بعد اذنكم طبعا
صابر: خير يا ابني
ادم: اشغل الانسه رحمه معايا ف المكتب الهندسي بتاعي وهديها مرتب حلو واول مرتب تاخده طنط امينه
امينه: موافقة طبعا هات المرتب الا قوللي صح هتديها كام
ادم: ٥٠٠٠جنيه ف الشهر ده غير مواصلاتها عليا كمان
امينه: بجد اخيرا رحمه بقالها عوزه بس بقولك ايه ابقا قولها ان المرتب الفين ونص واديني انا النص التاني احوشهولها عشان لما تيجي تتجوز يا ابني
ادم: حاضر ممكن بقا اشرب كوبايه شاي
امينه: اه وماله بس لما نشتري الطلبات ونطلع
ادم: حاضر تعالي يا طنط
لتنزل امينه مع ادم
لتراهم رحمه وهيا تنظر من خلف شباك العم خليل
رحمه: ايه امي راحه فين مع الساكن الجديد
خليل: يا بنتي سلامه مخك امك مغم عليها
رحمه: طاب تعالي بص
خليل: اه والله ديه هيا
خليل: طاب متطلعي شقتكم واعرفي الاخبار وتعالي قوليلي
رحمه: اوك
لتصعد رحمه الي شقتهم
لتجد رانيا تجلس ف الصاله وباب الشقه مفتوح
رحمه: بت يا رانيا ابوكي فين
رانيا: ف الحمام
رحمه: هيا امك رايحه فين مع الواد الطويل الاهبل ده
لتقص عليها رانيا كل ما حدث
رحمه: قشده الله اخيرا هبقا الاستاذه رحمه السكرتيره
رانيا: طاب وبالنسبه أن ادم هيفطر معانا كل يوم وهيشتري طلبات الشهر كلها
رحمه: طاب اروح الحقهم بقا واخليه يشتريلي قمر الدين هموت عليه وياسلام علي كرتونه شيبسي
رانيا: دائما همك علي بطنك
اما في شقه نجاه
فكانو قد انتهو من الافطار
نجاه: انته هتنزل يا فاروق ولا هتريح شويه
فاروق: ليه
نجاه: عشان الطلبه جايين ياخدو الدرس
فاروق: لاء انا هنزل علي القهوه اتفرج علي الماتش
نجاه: لو عايزني الغي الدرس وتتفرج هنا براحتك ماشي
فاروق: خليكي براحتك اصل ماتش مهم وانا بحب اتفرج مع الرجاله ونهيص
نجاه: ماشي براحتك
اما في شقه حكمت زوجه المعلم حسن
كانت حكمت تشعر بصداع رهيب
حكمت: اه دماغي يا اما تعالي شوفي بنتك اللي محدش ساءل فيها
ليدخل عليها سيد ولدها
سيد: مالك يا اما
حكمت: شواكيش ف نافوخي يا ابني اعمل معروف هاتلي البرشام السريع
سيد: حاضر يا اما وهعملك كوبايه شاي
حكمت: ربنا يراضيك يا ابني
اما في شقه سمره
فكانت سمره تمثل التعب
حسن: مالك يا قلبي
سمره: مش عارفه نفسي غامه عليا اوي الحقني
لتسقط سمره أرضا
بهيه: اما يا اما
حسن: متخافيش هشيع اجيبلها الدكتور سيد ولا يا سيد
سيد: نعم يا أبا
حسن: اجري بسرعه هات الدكتوره ولاء اللي ساكنه علي الناصيه بسرعه مرات ابوك مغم عليها
سيد: مش هينفع اروح اصل امي تعبانه
حسن: امشي غور يالا ابوك لاءبو امك
سيد: حاضر
ليذهب سيد ويحضر الطبيبه
وبعد ان كشفت علي سمره
الطبيبه: هيا ضعيفه شويه وضغطها واطي انا هعلقلها محاليل وهكتبلها علي شويت مقويات ولازم تاكل كويس عشان الجنين
حسن: حاضر يا ست الدكتوره ولاء وياريت متعملش اي مجهود لاءنها ف الشهور الاولى
حسن: حاضر
لتتركهم الطبيبه وتذهب
حسن: حكمت انتي يا وليه
حكمت بتعب: نعم يا معلم
حسن: تعالي اطلعي
حكمت: حاضر
لتصعد حكمت الي شقه سمره
حسن: من هنا ورايح تخدمي ضرتك مش عايزها تشيل الياسمين من علي الارض
حكمت بألم: حاضر من عنيا
حسن: وتعملي الفطار ليا انا وضرتك والبت وبعد كده تنزلي تفطري مع عيالك وبعدين تطلعي تروقي فاهمه
حكمت: فاهمه
ليجلس حسن بجانب سمره
حسن: الف سلامه عليكي يا نن عيني
سمره: انا مش عايزه حكمت تخدمني ديه ممكن تسمني
حسن: اه عندك حق كيد الضراير بردك
سمره بدلع: انا عايزه خدامه نيجيريه
حسن: يعني ايه لمؤاخذه
سمره: يعني خدامه اجنبيه من اللي هما السمر دول
حسن: وديه تاخدلها كام علي كده وبيجيبوها منين
سمره: بتاخد حوالي ٨ تلاف أو سبعه وايه بتخلي البيت قشطه وكمان هتساعدني ف العيل اللي جاي
حسن: بسيطه بس هنجيبها منين
سمره: يعني انته موافق
حسن: اي حاجه فيها راحتك اوافق على طول
سمره: لاء وايه أهل الحاره كلهم هيتجننو ويقولو المعلم حسن جايب شغاله اجنبيه لمراته وممكن كمان تقف معاك شويه ف الوكاله وطبعا الناس هييجو يتفرجو عليها يقومو يشترو منك كل شويه
حسن: والله براوه عليكي
سمره: هيا بتيجي تبع مكتب
حسن: وانتي تعرفي المكتب ده
سمره: اه اهو علي النت
حسن: طاب كلميهم خليهم يبعتولك واحده
سمره: تعيشلي يا احسن راجل ف الدنيا ابو علي يا ابوعلي بحبك يا غالي
حسن يضحك: يخليكي ليا يا سمرتي
بهيه: بابا انا عايزه تليفون غير ده
حسن: عيوني تعالو افسحكم واجيبلكم كل اللي نفسكم فيه
اما امينه فكانت تقف هيا وادم أمام الجزار عضمه
عضمه صبي الجزار: خير يا خالتي
امينه: اوزنلي خمسه كيلو لحم واتنين مفروم
عضمه: نعم اللي هو ازاي يعني
امينه: جري ايه يا واد انته مالك
عضمه: أهل انا يا خالتي بقاللي عشر سنين شغال هنا وعمرك حتي مشتريتي نص كيلو عضم
ادم: للدرجه ديه
امينه: ده واد عبيط سيبك منه خلص ووريني اللحمه قبل متقطعها
عضمه: وهتعرفيها اصلكم عمركم مدوقتوها
امينه: طاب اقطع علي ما اروح اشتري طيور ياله يا آدم
ادم: حاضر
لتذهب الي الفرارجي
امين: عايزه كام فرخه علي كام بطه وكام جوز حمام
صبي الفرارجي: فرخه ليه كل ده ديه عمرها محصلت ده انتي يا خالتي كتي بتشتري الرجول عشان تطبخي عليها
امينه: طاب اخلص احسنلك
لتفعل امينه نفس الشيء مع كل الباءعين ف الحاره
وها هيا تقف أمام عبده البقال
عبده: جيبتي البيض يا ام رحمه
ادم: بيض ايه
ليسـمع صوت رحمه من خلفه
رحمه: اصل امي بتبيع البيض بتاع الطيور ومحرمانا ندوقه
امينه: رحمه بتي بكريه قلبي اللي قلبي شافها قبل عيوني
عبده: هيا امك عيانه يا رحمه
رحمه: حاجه زي كده
امينه: طاب ياله هاتلي عشره كيلو زيت وتلت علب سمنه فيهم واحده بلدي وهات عشره سكره وكيلو شاي وفاصوليا ولوبيا وفريك وعلبه مرقه وملح وكمون وفلفل من حاجه ربع كيلو اه وكيسين دقيق
رحمه: وكرتونه شيبسي
امينه: اه هاتلها اللي هيا عايزاه
رحمه: شوكولاته
عبده: نعم انتو هتاخدو كل الحاجه ديه معلش بقا قبضوني الاول
امينه: مش لما تحسبهم
عبده: ثواني
ليحسب عبده تمن البضاعه علي هاتفه
عبده: عاملين كده
امينه: وماله يا اخويا ادفع يا آدم
ادم: انا ايدي وجعتني شايل حاجات كتير اوي ورجلي وجعتني من اللف
عبده: هو مين ده يا ام رحمه
امينه: ابني يا اخويا
عبده: ابنك ازاي يعني
امينه: وانته مالك راجل حشري اوي
وبعد أن انقده ادم المبلغ
امينه: شيل معايا يا ابني
ادم بغيظ: حاضر
ليتجهو الي منزلهم
ليجدو نساء الحاره يجلسون أمام منزل ذكيه
ذكيه: الحقي يا بت عزه شوفي ام رحمه معاها ايه
عزه: واحنا مالنا ياستي
عطيات جارتهم: انا هروح اساءلها
عطيات: ايه ده كله يا ام رحمه مش عوايدك يعني ده انتو عايشين علي العدس والبصاره
امينه: قطع لسانك ده عايشين علي الغالي كله حاره عنيها وحشه جاتكم الهم
لتصعد امينه الي شقتها
صابر: ايه كل الحاجات ديه
امينه: اصل ادم حلف عليا واشتري كل الحاجات ديه
ادم: والله ما حلفت ده هيا ماصدقت
ادم: شربوني شاي بقا عشان صدعت
امينه: شاي ايه بس ده يحرق دمك
رحمه: ما هو لو مشربش شاي هياخد حاجته
ادم: اه ها أخدها
امينه: خلاص انا كت خايفه عليك هقوم اعملك
رحمه: اوعي تعمليله شاي علي التفل لقمي البراد شاي جديد
يتبع
الرواية كامله من( هنا )
