رواية رحمه في رمضان الفصل السابع 7 بقلم سلوي عوض
- رواية رحمه في رمضان الفصل السابع 7
#سلوي_عوض
#رحمه_في_رمضان
بارت 7
اما في شقه المعلم حسن
كان يجلس بين زوجتيه وأولاده يتناولون طعام الإفطار
سمره: انا شبعت
لتغمز لابنتها بهيه
سمره: ايه ده الاكل تقيل اوي حد يعمل اكل تقيل كده
حسن: اه فعلا الاكل كله سمنه
زوجته الأولي: مش انته بتحبه كده
حسن: ده اكل يتعب المعده خلاص يا سمره تعالي اخدكم ونفطر كباب عند شكري
سمره: ياريت ريحه الاكل صعبه اوي
حسن: عندك حق
سمره بخبث: وبعدين انا حامل والأكل ده وحش عليا
حسن: حامل بجد حامل
سمره: اه بقالي حوالي شهرين كده
حسن: خلاص هتصل علي شكري يجيب الاكل لغيت هنا تعالي يا حبيبتي اسندك نطلع شقتك
سمره: بس اصل الشقه مبهدله وعايزه اروقها
حسن لزوجته الأولي: اطلعي يا وليه وضبي الشقه قومي كفاياكي حشر وانتي بقيتي شبه الكوره كده
زوجته: طاب اكمل فطاري
حسن: قومي فزي اخلصي
اما في شقه الاسطي فاروق
كان فاروق يجلس مع زوجته علي السفره
فاروق: انا اكيد بحلم طبيخ ف بيتنا ده انا بقالي يجي سنه ما دوقتش محشي ورومي حلوين اوي كده
نجاه: باءلف هنا وشفا
فاروق: عملتي كل ده أمته
نجاه: الصراحه يعني انا خليت بخيته الصعيديه هيا اللي تطبخ وتروق وكل يوم ها اخليها تطبخلك اكل شكل وهو انا اقدر علي زعلك اهم حاجه رضاك عني
فاروق: ربنا يخليكي ليا اهو انتي كده بقا تستاهلي حاجه حلوه
لياءخذ هاتفه
فاروق: شوفي تليفونك كده جاتلك رساله
نجاه: ايه ده انته حولتلي خمس الاف جنيه
فاروق: مش خساره فيكي
اما بخيته
فكانت تجلس مع زوجها واولادها علي الطبليه
ابراهيم: الله يا اما الاكل حلو اوي وكتير اوي
زوجها: ايه الخير ده كله
بخيته: اسكت اما حاجه
زوجها: خير
بخيته: السن اللي روحتلها عشان ارقلها الشقه جوزها طلع من بلدنا ويعرف المرحوم ابويا اسكت ده اول ما قاللي انتي من الصعيد قولت خلاص روحنا بلاش قولت هيا استاذه نجاه سلمتني ولا ايه اتاريه ابن عمده البلد والله اكبر وكيل نيابة لاء وايه عاوزك تشتغل السواق الخصوصي ليه
اما في شقه رحمه
فقد كانت متزمره علي الاخر
رحمه: وياتري عملتي كنافه ولا قطايف
امينه: كنافه ايه وقطايف ايه انتي عارفه السمنه بكام ولا الزيت ولا السكر
رحمه: هو انتي يا اما بتشتغلي وتصرفي علينا كله من خير ابويا
صابر: رحمه الزمي حدودك واتكلمي عن امك كويس
رحمه: ايه الغلب ده هيا بتعمل فينا كده
امينه: عملت فيكم ايه يا معدوله بتفطري فراخ ورز وشوربه حد لا قي
رحمه: وهو انتي يعني كتي اشتريتها ديه شحاته متتكلمي يا رانيا
رانيا: انا عارفه اني لو اتكلمت من هنا لغيت رمضان السنه الجايه امك مش هتتغير
رانيا: اه صح يا أبا انا عايزه اعمل نضاره عشان اعرف اذاكر اصلي من كتر الضلمه اللي بذاكر فيها نظري ضعف
امينه: وانتي حد قالك خشي ثانوي عام كتي عملتي زي الفالحه ديه وخدتي دبلون
رانيا: يا اما انا جايبه ف الاعداديه ٩٥ف الميه لكن رحمه نجحت علي الحركرك
رحمه: وانا نجحت علي الحركرك ليه مش عشان امك كانت مشيلناي هم البيت كله غير الشح ف المصاريف وكت بروح المدرسه يوم واقعد عشره
صابر: خلاص كفايه
رحمه: انا هروح انام ومتصحونيش علي السحور
امينه: احسن وفرتي
رانيا: هتعملي بكره فطار ايه يا امي
امينه: في عندي باقي شوربه هعمل ملوخيه ورز
رحمه: علي لحمه وله فراخ
امينه: اورديحي هو كل يوم زفر
صابر: انا بكره هفطر مع عزب صاحبي هيجيلي الورشه وهيجيب فطار ليا وليه
امينه: خلاص يبقي نعمل بكره اي حاجه
رانيا: ايوه ايه هيا بقى ايه هيا اي حاجه ديه
امينه: هعمل فول مقلي
رحمه: ياسلام انتي عايزه تحرقي قلبنا
امينه: مش قولتي هتنامي
رحمه: لاء هروح اقعد مع عم خليل زمانه نزل من عند ابوعصام
امينه: وهو ايه اللي طلعه عندهم
رحمه: كان معزوم عندهم علي الفطار علي محشي وبط
امينه: ايوه شكريه ف نصفه ابنها بيبعتلها فلوس اد كده مش انا معايا اتنين موراهمش غير هاتي هاتي
لتتركهم رحمه وتنزل الي شقه العم خليل
رحمه: ايوه يا عم الناس اللي كلو البط
خليل: اسكتي يا بت يا رحمه الاكل طابق علي نفسي قومي هاتلينا حاجه ساقعه من التلاجه عشان نهضم
رحمه: وانا ههضم ايه جناح الفرخه ولا معلقه الرز
خليل: يا حبيبتي مش عارف انا امك ديه ماسكه علي الدنيا كده ليه وابوكي ساكتلها
رحمه: أصله بيخاف منها بس والله لا عمل فيها مقلب يطلع من نافوخها
خليل: بطلي حركاتك ديه احسن تبيتك علي السلم
رحمه: مش مهم بس اكون عملت اللي ف دماغي
خليل: طاب تعالي نتفرج علي النت شويه
رحمه: ايوه بقا احبك انا
ويمر الليل علي الجميع وها هو ثاني ايام رمضان
لنجد رحمه تصعد الي شقه ام عصام ومعها سكينا
رحمه: خالتي امي بتقولك دكر البط الكبير معلش ادبحيه ونضفيه عشان ابويا عازم ناس علي الفطار
شكريه: نعم يا اختي امك قالتلك كده ومطلعتش هيا ليه
رحمه: أصلها يا عيني وقعت اتزحلقت ورجلها اتجزعت
شكريه: يا عيني يا اختي حاضر يا اما هطلع ادبحه وانضفه ولو عايزني اطبخه اطبخه عادي انا عندي اكل من امبارح
رحمه: كتر خيرك انا هطبخه
لتصعد ام عصام الي السطح وتذبح دكر البط الكبير ثم تنظفه
شكريه: خدي يا رحمه اهو بقا زي الفل واستني خدي ايجار الشهر الجاي بالمره
رحمه: يدوم
وهنا تنزل رحمه الي شقتهم
رحمه: اما يا اما
امينه: عاوزه ايه وايه اللي معاكي ده
رحمه: اه ده دكر بط عم خليل قاللي خلي امك تطبخه وتعمل عليه محشي عشان هيطلع يفطر معانا
امينه: وفين يا اختي المحشي وهو احنا هنصرف عليه
رحمه: ما هو اداني فلوس اهيه
امينه: خلاص روحي اشتري كرنبه وحاجت المحشي
رحمه: بس كده عيوني
اما في منزل ناني
كانت بخيته قد ذهبت ومعها العيش الشمسي وها هيا قد بدءت في تحضير الطعام
كريم: الله الله علي الروائح وريحه اكل المرحومه امي
ناني: يا ااي ريحه الاكل تدوخ
كريم: اسكتي انتي ايش فهمك خليكي انتي ف البوفتيك والبانيه
اما في منزل المعلم حسن
كانت سمره مستغرقه ف النوم
بهيه: اما يا اما قومي اعمليلنا فطار انا مش هفطر تحت تاني
سمره: ابوكي هيفطرنا برا سيبني انام بقا
اما في شقه ذكيه
فكانت ذكيه تقرء ف المصحف
لتدخل عليها عزه
عزه: ايوه كده اختي حبيبتي ربنا يقوي ايمانك
ذكيه: تعرفي أن القرءان ده جميل اوي وبحس براحه غريبه وانا بقرء القرءان
عزه: طيب كملي قراءه وانا هطبخ النهارده هعملكم صنيه بطاطس بالفراخ إنما ايه عسل
ذكيه: ربنا يخليكي ليا يا اختي انتي وعيالك مليتو عليا البيت
عزه: تسلمي يا اختي هو احنا لينا غير بعض
اما في منزل المعلم شاهين
كان شاهين يجلس مع زوجاته وأولاده
شاهين: بقولكم ايه انا هنزل المحل واشيعلكم فخده عجل مع شويت حلويات عاوزه اكل اكل مسبك علي أبوه
زوجاته: من عنينا
نعناعه: ابقا شيعلنا لحمه مفرومه عشان نعمل رقاق
شاهين: الله بقا وجنبهم ممبار انا نازل بقا
زوجاته: ربنا يخليك لينا يا معلم
شاهين: بقولك يا نعناعه ابقي شيعي للحلواني خليه يبعت صواني كنافه علي قطايف
نعناعه: حاضر يا معلم
اما في شقه المعلم فرجاني
كانت زوجته السيده فتنه
فتنه: جري ايه يا راجل طاب حتي احترم الشهر الكريم نفسي اعرف بتفطر ليه انته
فرجاني: تعبان يا وليه
فتنه: ما انته زي الجمل اهو وبعدين ياريتك بتفطر علي اكل الا شاي وجوزه
فرجاني: وانتي مالك خليكي ف حالك وروحي ولعيلي ولعه
فتنه: ابدا والله ما اعملك اي حاجه وانته فاطر يا راجل ده عيالك الصغيرين صايمين
ليقذفها فرجاني بشوكه كانت بجانبه فاءصابتها في عينها
فتنه: اه عيني
فرجاني: عاجبك كده اهي عينك راحت عشان تبقي تسمعي الكلام
اما في شقه ام سيد زوجه حسن واسمها حكمت
كانت تعد طعام الإفطار وهيا تبكي
ليدخل عليها سيد ولدها
سيد: مالك يا اما فيكي ايه
حكمت: سلامتك يا حبيبي ده انا عيني اتطرفت
سيد: لاء يا اما انتي بتعيطي عشان ابويا هيخرج سمره يفطرها بره
حكمت: نفسي يا ابني يعدل مابينا بدل ما اهو ظالمني علي طول كده
اما في شقه رحمه
نجد أن والدها يتصل
صابر: اعملو حسابي معاكم علي الفطور عشان عزب مراته بعافيه شويه ومش هيقدر يسيبها
امينه: عمل معروف برده محشي وبط
صابر: انتي الصيام جننك ولا ايه
امينه: لاء اصل خليل شيع بط وفلوس وهيفطر معانا النهارده
صابر: استني كده السمسار جاي ومعاه شاب
امينه: قوله يدفع الشهر كامل
صابر: طيب اقفلي
لتغلق امينه الهاتف مع زوجها
امينه: اخلص انا بقا قوامك
اما صابر
فكان يجلس مع السمسار والشاب الذي اتي ليؤجر الشقه
صابر: اهلا بيك يا ابني يا تري هتاءجر مده اد ايه
ادم: والله يا عمي انا مهندس ولسه منقول من الصعيد وف نفس الوقت عندي شقه كان الوالد رحمه الله عليه اشترهالي من زمان بس حاليا الشقه عايزه توضيب ووجع قلب
صابر: ايوه برده هتاءجر مده اد ايه
ادم: يعني ممكن تلت شهور
صابر: لاء يا ابني مينفعش اقل مده سنه والايجار الفين جنيه وبتدفع شهرين وشهر وبتراضي السمسار ده طبعا غير الكهربا والمايه ونضافه البيت وكمان كلنا ف الحاره وف البيت عيله واحده
ادم: طيب تمام موافق وكده كده والدتي هتيجي هيا واخويا واختي يقضو معايا شهر رمضان
صابر: انا همضيك علي العفش عشان يعني لو حاجه نقصت
ادم: تمام ما فيش مشكله
صابر: علي بركه الله ثواني اجيبلك العقد اه صح قبل العقد انته هتدفع الشهر ده الايجار كامل اصل الشقه كانت مرهونه علي حسك وجاللي ناس كتير وانا مرضيتش لما السمسار شكرلي فيك
ادم: طيب مافيش مشكله
صابر: طيب بقا اشوف فلوسك الحلوه
ادم: هو انا مش بمشي بفلوس كاش كنت عايز مكنه سحب اسحب منها فلوس
صابر: لاء مش فاهم
ادم: بقول لحضرتك عايز مكان اسحب منه فلوس
صابر: لأ معرفش
ادم: طيب حضرتك انا هسحب الكاش من اي مكان واجي لحضرتك
صابر: ماشي ماشي
يتبع
الرواية كامله من( هنا )
