رواية استيفا الفصل الثالث 3 بقلم محمود الأمين

حل الحلقة الأولى من إستيفا

(جري. مة عائلية)

بعد الضغط على المتهمين، اتكلم عطيه وقال:

_ بعد ما اترفدت من شغلي، لقيت نفسي مش عارف اصرف على بيتي ومراتي وعيالي.. وللاسف مراتي دي اللي قالت ان انا متغير، هي السبب في ده، مراتي اللي كانت بتذلني في الكلام في الطلعه والنزله.. وكل شويه تفكرني بالفلوس، وانى ما كانش ينفع اعمل كده.

زودت عليا الضغط النفسي اكتر ما هو زايد.. وفي الوقت ده قابلت ابو العز، وقالى ان البيت عندي تحت اثار.. وان الاثار دي لو طلعت هتعيشني ملك انا وعيالي واحفادي.. مشيت وراه في البدايه، لحد ما فاجئني بموضوع فك الرصد، وانى لازم اضحي الطفل. رفضت في البدايه، وفضل يحاول يقنع فيا، وقولتله وقتها:

_ انت مجنون؟ انت عاوزني اقت. ل عيل من عيالي؟ ده انا بعمل كل ده عشانهم!

= المقبره عشان تتفتح لازم دم عيل صغير، الخادم اللي على المقبره هو اللي عاوز، مش انا.. ولو انت خايف من التنفيذ وقلبك مش مطاوعك، سيب التنفيذ عليا انا، وانا هخلص الموضوع.

_ يعني اسيبك تقت. ل عيل من عيالي؟ انت اكيد مش طبيعي.

= فكر في الموضوع كويس.. انت هتبقى مليونير.. فاهم يعني ايه هتبقى مليونير؟ هتعزل وهتمشي من المكان اللي انت فيه ده، وهتسكن في قصر.. وبعد كده انا عارف انك ما كنتش راضي على خلفه البنت، وكنت عاوز ولد.. خلاص يا سيدي اعتبر البنت دي ماجتش اصلا.

_ انا مستحيل اعمل كده.. مستحيل اطواعك في اللي انت عاوزه ده.

= انا مش عاوز.. انت اللي عاوز، وجيت هنا عشان نلاقي حل.

....

فضل يزن على دماغي، وفي لحظه ضعفت.. مع كل كلمه كانت بتطلع من الست اللي واقفه بره دي، بتحسسني انى عاجز ومش قادر اصرف عليهم.. وافقت، بس كان اتفاقنا انه هيقت. ل البنت بس.

لكني اتفاجئت انه قت. ل الاتنين.. ما كانش عندي وقت اواجه.. انا فجأه لقيت نفسي هنا، واديني اعترفت، وعارف ان الاعتراف ده هيوصلنى لحبل المشن. قه.

...

المحكمه حكمت على عطيه وابو العز باحاله اوراقهم الى فضيله المفتي، في قضيه صعبه.. ما حدش فيها كان ممكن يصدق ان الاب هو اللي عمل كده في عياله.

..

#محمودالأمين