واية رحمه في رمضان الفصل الثاني 2 بقلم سلوي عوض
واية رحمه في رمضان الفصل الثاني 2
#سلوي_عوض
#رحمه_في_رمضان
بارت 2
خليل: يا بنتي أنا عمري ما أقدر أعوض المرحومة، وخلاص بقا أنا رجل برا ورجل جوه، وبعدين متخليكي في نفسك، هو إنتِ مبتتجوزيش ليه؟
رحمه: يعني إنت شايف العرسان طوابير؟ اللي مافيش حتى كلب معبرني.
خليل: ما هو إنتِ لو تعقلي هيجيلك، إنما إنتِ تلعبي مع العيال في الحارة، وكل يوم والتاني يا عيني تيجي شكوى منك.
رحمه: طب والله لأطلع وأسيبك، ابقى كلم الحيطان بقا يا أخويا.
خليل: لا يا حبيبتي، هتفرج على الاتيوب والتوكوك.
(تضحك رحمه)
رحمه: أولًا اسمه يوتيوب، والتاني اسمه تيك توك، وبعدين تعالي هنا… إنت جبت تليفون جديد؟
خليل: آه.
رحمه: طب ورهوني.
خليل: افتحي كده درج البوفيه ده، هتلاقيه في شنطة سودا.
(تفتح رحمه الدرج وتخرج الهاتف)
رحمه: يا ابن الإيه يا عم خليل، ده تليفون تحفة يجنن.
خليل: آه، وأنا خليت الواد ريشة ينزلي عليه برامج، وكمان شحنته نت.
رحمه: طب متجيبلك روتر.
خليل: يعني إيه؟
رحمه: ده جهاز بتشتريه وتشحنه ويبقى عندك نت في البيت بدل ما تقعد تشحن كل شوية.
خليل: والله فكرة.
رحمه: بس أنا ليا عندك طلب.
خليل: قولي.
رحمه: مش إنت بتنام بدري؟
خليل: طول عمري من أيام الوظيفة بنام بدري وأصحى بدري.
رحمه: خلاص، أول ما يجيلك النوم انده عليا إديني التليفون عشان أتسلى، ولما تصحى ابقى انده عليا أنزلهولك.
خليل: إنتِ عارفة إني بحبك ومقدرش أرفضلك أي حاجة.
رحمه: والله إنت راجل مسكر. طب يلا بقا اطلعي راضي والدتك.
رحمه: ده أنا لو طلعت هتكسرني.
خليل: لا، مش هتعملك حاجة. خدي الإيجار اهو اديهولها.
رحمه: يعني أطلع وعليك؟
خليل: آه، عليا. أقولك… روحي افتحي التلاجة، هتلاقي في الفريزر فرختين، خدي واحدة.
(تضحك رحمه)
رحمه: ده أنا لو امي شافت الفرخة مش بعيد تضربلي تعظيم سلام. إنما قوللي، إنت معاشك كام على كده؟ موبايل وفراخ مشوية وفراخ نيه؟
خليل: أنا كنت مدير عام، ومعاشي كبير.
رحمه: كام يعني؟
خليل: ١٢ ألف جنيه.
رحمه: يا ابن الإيه… طب متتبناني.
خليل: ما إنتِ زي بنتي.
رحمه: وانته حبيبي يا خلو
ليضحك العم خليل
خليل: عارفه يا رحمه المرحومه كانت دايما تناديني بخلو
لتدمع عينا خليل
رحمه: بقولك ايه بقا فرفش كده انا ماليش نفس اعيط
خليل: طاب اطلعي لوالدتك واستسمحيها
رحمه: متقلقش الفرخه بتاعتك هتقوم بالواجب
اما ف الحاره فكان الاطفال يلعبون
يوسف: انتو عرفتو أن رمضان بعد بكره
عمرو: طاب يدوبك نلحق نلم فلوس الزينه
ذكي: هنلم من كل شقه كام
عمرو: كل شقه عشرين جنيه
ليذهب الاطفال الي العم خليل
ليطرق يوسف الباب
خليل: افتحي يا رحمه
لتفتح رحمه الباب
رحمه: ايه عايزين ايه
ذكي: هو انتي
رحمه: اخرص ياواد انته بدل معملها معاك
يوسف: احنا مش جاينلك احنا عاوزين عم خليل عشان فلوس الزينه
رحمه: ايه ده انتو هتعملو زينه
يوسف: اه
رحمه: طاب خلوني اعمل معاكم
يوسف: ماشي
رحمه: عارفين احنا ممكن نعمل فانوس كبير ونعلقه ف نص الحاره
عمرو: بس الفانوس غالي
رحمه: هنشوف الاول هتلمو كام وانا هحللكم موضوع الفانوس ده
خليل: مين يا رحمه
رحمه: دول العيال عايزين فلوس الزينه
خليل: خدي اديهم خمسين جنيه
رحمه: عليا النعمه انته راجل عسل خد يا يوسف ٥٠جنيه بحالها اطلعو بقا عند خالتكم ام عصام
عمرو: يا سلام وانتو مش هتدفعو
رحمه: روحو لا م عصام وانتو نازلين ابقو فوتو علينا
رحمه: انا طالعه يا عم خليل
خليل: متنسيش تاخدي الفرخه
رحمه: ديه الفرخه هيا اللي هتخلي امينه تدخلني الشقه
وهنا يصعد الاطفال الي شقه ام عصام
لتطبل رحمه علي الباب
امينه: ايوه يا اللي تتشك ف دراعك هتكسر الباب
لتذهب امينه لتفتح الباب لتجد رحمه أمامها
امينه: هو انتي يا وش الهم خشي جيتي لقضاكي عشان اكسر عضمك
رحمه: طاب ده انا جايبالك فرخه شوفي حلوه ازاي
امينه: بفرحه طاب خشي وهاتي الفرخه ديه
رحمه: هتطبخيها النهارده
امينه: لاء اول يوم رمضان
وهنا ينزل الاطفال
يوسف: خالتي ام رحمه عايزين عشرين جنيه عشان زينه رمضان
امينه: ياله ياواد انته وهو من هنا مافيش فلوس
يوسف: عاجبك كده يا ست رحمه مش قولتي تعالو خدو فلوس الزينه من امك
امينه: الله يخربيت اهلك موراكيش غير النصايب
رحمه: ما انا لسه مدياكي فرخه اهو خلاص يا عيال روحو لابويا الورشه وهو هيديكم الفلوس
امينه: ورحمه امي يا رحمه لارنك علقه تحلفي بيها
رحمه: قول يا فكيك
لتنزل رحمه جري مع الأطفال
رحمه: تعالو نروح عند ابويا
لتذهب رحمه مع الاطفال الي ورشه ابيها
رحمه: أبا عايزين فلوس الزينه مراتك مرضيتش تدينا
صابر: وعايزين كام
رحمه: عشرين جنيه
صابر: خدو وروحي علي البيت انتي فاكره نفسك صغيره عيب عليكي انتي كبرتي علي كده
رحمه: خليك حلو بقا
صابر: ربنا يهديكي يا بنتي وافرح بيكي
لتترك رحمه والدها
رحمه: ياله يا عيال روحو لمو فلوس الزينه من باقي أهل الحاره ونتقابل تحت شباك عم خليل
الاطفال: وجب
ليتركوها الاطفال ليذهبو ليجمعو فلوس الزينه
وبعد ساعه يتجمع الاطفال
رحمه: عملتو ايه يا رجاله
يوسف: تمام لمينا من كل أهل الحاره
رحمه: بقولكم ايه عاوزين نعلق فانوس ف نص الحاره
سعيد: بس الفلوس مش هتكفي
رحمه: انا اعرف واحد بيعمل فوانيس رخيصه هات يا يوسف الفلوس اروح اشتري الحاجه ونتجمع هنا بعد صلاه المغرب
يوسف: خدي الفلوس اهي
لتتركهم رحمه وتذهب الي اول الشارع حيث يوجد دكان العم شكري الحاتي
رحمه: الله ايه الروايح الحلوه ديه
شكري: واقفه كده يا رحمه
رحمه: ايه بلاش اقف عايزه اكل
شكري: ياله يا ماما من هنا
رحمه: وهيا ديه طريقه تعامل بيها الزبائن
ليضحك شكري
شكري: هما فين الزبائن دول
رحمه: ايه مش ماليه عينك ياله خلي الصبي بتاعك يجهزلي ترابيزه واعملي شويت كباب وكفته وشيبسي وحاجه ساقعه
شكري: اتكلي علي الله متوجعيش راسي
رحمه: انا جايه اكل بفلوسي خد يا اخويا واعمل اللي قولتلك عليه
شكري: إن كان كده خشي يا استاذه ولا يا هاني جهز ترابيزه للاءنسه
رحمه: سوي الكباب كويس انا دافعه فلوس
شكري: حاضر يا مدمذيه انتي تؤمري
لتجلس رحمه وتضع قدما فوق الأخري
شكري: عايزه فراخ مع الطلب
رحمه: كباب وكفته وطرب واخلص بقا الريحه جوعتني
وبعد عشر دقائق ينزل الطعام لرحمه
لتاءكل بنهم وفمها مملوء بالطعام
رحمه: فين الحاجه الساقعه
شكري: حالا اهو
وبعد نصف ساعه تنتهي رحمه من طعامها بعد أن اكلت الاخضر واليابس
لتقول وهيا تتثاءب
رحمه: ايه ده النوم كبس عليا كده ليه
شكري: الف هنا وشفا يا مدمذيه الحوض علي ايدك اليمين والصابونه والفوطه
رحمه: لاء مش هغسل ايدي
شكري: هتمشي ف الشارع كده
رحمه: وهو احلي من كده يا راجل يا جاهل حد يغسل أيده من النعمه سلام
لتخرج رحمه من المطعم
رحمه: كده ملينا التانك اروح بقا وانام شويه
لتذهب الي منزلها
لتطرق الباب
لتفتح لها رانيا اختها
رانيا: نفسي اعرف بتروحي فين
رحمه: بس يا بت امك فين
رانيا: طلعت عند الطيور
رحمه: كل شويه طالعه نازله علي الطيور اللي حتي عمرها ما دوقتنا ريشه
رانيا: ايه الريحه الحلوه ديه
رحمه: اصل انا روحت وقفت عند عم شكري وفضلت اشم ف ريحه الكباب والكفته وسعي بقا خليني انام الريحه دوختني
رانيا: خشي يا اختي
لتدخل رحمه غرفتها
لتغط في نوما عميق
وها هو المغرب قد اقترب
امينه: بت يا رانيا تعالي حطي الطبليه ابوكي زمانه طالع وصحي المخفيه اختك
رانيا: يوه بقا سيبني اذاكر حرام عليكي
امينه: بطلي برطمه بدل ما اجيلك
رانيا: حاضر حاضر
لتضع رانيا الطبليه
لتسمع صوت طرق علي الباب
رانيا: حاضر يا أبا جايه
لتفتح رانيا الباب لوالدها
صابر: عامله ايه يا رانيا
رانيا: الحمدلله بس كت عاوزه بعد اذنك اشتري ملازم
صابر: بصوت خافت امك فين
رانيا: ف المطبخ
صابر: طاب راقبي الجو علي ما اطلعلك الفلوس احسن لو شافتنا هتعمل نصيبه
رانيا: متخافش بتغسل المواعين
صابر: طاب خدي يا بنتي ٢٠٠ جنيه اهم يكفوكي
رانيا: اه فضل ونعمه
صابر: طاب ياله خبيهم بسرعه وتعالي امك هتحط الاكل ونادي علي اختك
رانيا: حاضر
لتدخل رانيا غرفه رحمه
رانيا: بت يارحمه قومي كلمي ابوكي
رحمه: اطلعي بره عايزه انام
رانيا: قومي عشان تطفحي
رحمه: غوري جايه وراكي
لتضع امينه طبقا من العدس وبجواره طبق باذنجان مخلل وبصله
لتخرج رحمه
رحمه: هو فين الاكل ده
امينه: ايه اتعميتي ف نواضرك ما الأكل قدامك اهوه
رحمه: عامله عدس احنا ناقصين حرقه قلب معملتيش ليه الفرخه اللي انا جيبتها
رانيا: جيبتي فرخه بجد وحياه امك جيبتي فرخه
رحمه: اه عم خليل اداهاني
امينه: بس يا بت انتي وهيا الفرخه ديه هنعملها اول يوم رمضان
صابر: يا وليه كتي عملتيها وانا كده كده هديكي فلوس عشان تجيبي الخزين
ليسمعو صوت طرق علي الباب
رحمه: انا هفتح
لتفتح رحمه الباب لتجد الاطفال أمامها
يوسف: المغرب ادنت من بدري مش ياله عشان نعلق الزينه
رحمه: طاب انزلو وانا جايه وراكو
امينه: مين يا زفته
رحمه: ده يوسف عم خليل بعته عشان عايزني انزله
صابر: روحي يا بنتي الراجل مسكين قاعد لوحده
امينه: خدي يابت قبل متنزلي
رحمه: عايزه ايه
امينه: ابقي شوفي عند خليل اي أكل للطيور
رحمه: والله انا ما عارفه طيورك ديه بتروح فين
لتتركهم وتنزل
لتجد الاطفال واقفين أمام شباك العم خليل
عمرو: ياله عشان نعلق الفانوس والزينه
رحمه: ما هو انا مجيبتش حاجه
يوسف: ليه
رحمه: اصل الفلوس وقعت مني
ذكي: البت ديه كدابه
يوسف: وبعدين هنعمل ايه مع اهل الحاره
رحمه: مش مشكله هنجيب ورق كراريس ونعمله زينه
وهنا تقترب منهم الخاله بمبه
بمبه: ايه يا عيال واقفين كد ده ليه
يوسف: اصل كنا هنعمل الزينه ورحمه ضيعت الفلوس
بمبه: مين ديه اللي ضيعت الفلوس ده انا شايفاها عند شكري بتاكل كباب وكفته واستنيتها لما خلصت اكل ودخلت ساءلته قاللي انها اديتله ٧٠٠ جنيه حتي بالاءماره فيهم فلوس فضيه كتير
ذكي: امسكوها يا عيال
انا هروح طياره لعم شكري واساءله
ليمسك الاطفال برحمه
ليذهب ذكي الي شكري ليساءله
وبعد عشر دقائق يعود ذكي
ذكي: البت ديه كدابه ديه كلت بالفلوس
يوسف: والله ما هنسيبك غير لما تجيبي الفلوس
رحمه: فلوس ايه انا مخدتش منكم حاجه قول يا فكيك
لتصعد رحمه الي شقتهم
عمرو: وهنعمل ايه دلوقت
بمبه: اقولكم روحو بلغو أهل الحاره وهما يتصرفو معاها
لينطلق الاطفال ليبلغو أهل الحاره
ليتجمعو ويذهبو الي شقه رحمه
ليطرقو الباب طرقا شديدا
صابر: خير يا رب في ايه
ليفتح صابر الباب
ليجد أهل الحاره أمامه
صابر: خير يا جماعه في ايه
ليتحدثو جميعا
أهل الحاره: بنتك رحمه خدت فلوس زينه رمضان وراحت عند شكري كلت كباب وكفته
لتسمعهم امينه
امينه: بتقولو ايه
صابر: بيقولوا بنتك خدت فلوس زينه رمضان وكلت بيهم عند شكري الحاتي
امينه: لاء محصلش
رانيا: لاء يا اما حصل بنتك كانت راجعه ريحتها كلها كباب وساءلتها قالتلي كت واقفه بشم الريحه
لتخرج رحمه من غرفتها
لتضرب اختها ثم تقول
رحمه: اه يا فتانه
امينه: واحنا نعملكم ايه حد قالكم ادوها فلوس
يوسف: هيا يا خالتي قالتلنا هاتو الفلوس عشان اشتري زينه وفانوس
صابر: والفلوس ديه كام
ذكي: ٧٠٠ جنيه
رحمه: كداب كانو ناقصين ٢٠ جنيه
ليخرج صابر محفظته
صابر: خد يا يوسف الفلوس اهيه
امينه: طاب ورحمه امي ما انا قاعدالك فيها اجننت يا راجل تدفع الفلوس ديه كلها
صابر: مش احسن من الفضايح
امينه: طيب يا ام طويله ورحمه امي لا كسرلك رجلك
لتخرج رحمه من بين الناس
رحمه: قول يا فكيك
لتقع امينه مغشيا عليها
رانيا: الحق يا أبا امي وقعت من طولها
صابر: هاتي بصله يا بنتي نشممهالها ربنا يسامحك يا رحمه يا بنتي هتموتي امك ناقصه عمر
وبعد أن أحضرت رانيا البصل
صابر: هاتي يا بنتي البصله عشان ادشها
ليقرب صابر البصله من انف زوجته
امينه: ايه ده ايه اللي حصل
رانيا: مافيش حاجه يا اما
امينه: ده انا شكلي نمت علي الأرض ولا ايه شكل العدس والبصل كتمو علي مراوحي خلوني اتدهولت ونمت وشوفت كابوس أعوذ بالله
صابر: لأ اللي انتي شوفتيه حقيقة مش كابوس
امينه: يعني عايز تقول إن رحمه بنتي
صابر: اه
امينه: وقعتها سوده
رانيا: هيا بنتك كده تعمل النصيبه وتجري
صابر: قومي يا وليه من الأرض وخدي ياستي الفلوس بتاعت الخزين اهيه
رانيا: ابقي هاتيلنا قمر الدين يا سلام عليه كده بالمكسرات بعد صيام يوم طول
صابر: وماله يا بنتي تجيبلك
يتبع
الرواية كامله من( هنا )
