سلسلة ارجع صلِّ الفصل الأول 1 بقلم حنين منصور

سلسلة ارجع صلِّ كاملة عبر روايات الخلاصة بقلم حنين منصور

سلسلة ارجع صلِّ الفصل الأول 1

_ انت يا أستاذ

= حضرتك بتكلميني انا! 

_ أيوه

= اتفضلي

_ اتفضل ده

= ايه ده؟ 

_ رقم بابا عشان تيجي تتقدملي

= أتقدملك! 

_ أيوه

= هو دلوقتي البنت هي اللي بتقول للشاب تعالى اتقدملي؟ 

_ عصر السرعة بقا

= عصر النيلة على دماغك

_ أنا لازم امشي

= استني هنا

_ نعم

= هو انتِ جايه تقوليلي اتقدملي وبعدها لازم امشي! 

_ بص... هات كده

= هات ايه! 

_ الرقم

= اهو

روحت مقطعة الورقة ورمتها.. 

_ خلاص، ولا كإن حصل حاجه

= هو بمزاجك ولا ايه! 

_ يعني إيه! 

= يعني هاتي الرقم تاني عشان هتقدملك بجد

_ يا خبر ازرق عليا

وفي الحالات دي الجري نص الجدعة... 

او كلها الحقيقة.. 

قعد يناديلي كتير وانا مبردش.. 

لحد ما اختفيت من قدامه.. 

رنيت عالعيال واول ما ردو.. 

_ ياتكم نيلة في معرفتكم الهباب

= في ايه يابنتي! 

_ الحكم الزفت اللي انتوا حكمتوا عليا بيه

= ماله!، نفذتيه ولا ايه! 

_ وياريتني ما اتزفتت

= ليه، ايه اللي حصل؟! 

_ ده عايز يتقدملي بجد

= طب ما حلو ده

_ حلو ايه ياللي تنقرصي

= أيوه ده بدل ما تشكرينا! 

_ أشكركم على ايه ياللي منكم لله؟ 

= جبنالك عريس اهو

_ عريس ايه!، ده بالنسبالي بقا عتريس

= عتريس ليه يختي! 

_ منظري قدامه بقا عامل ازاي دلوقتي! 

= ولا أي حاجه، بنت وبتطلب العفّة

_ عفّة!، احنا وصلنا لمرحلة بتطلب العفّة!... 

= مهو هيكلم باباكِ والدنيا هتحلو اهو

_ انا قطعت الورقه اللي فيها الرقم

= ليه! 

_ ده هييجي لبابا يقوله بنتك اللي قالتلي تعالى؟!

= أكيد مش هيقول كده يعني.. 

_ خلاص بقا قفلوا عالحوار ده

قفلت معاهم.. 

ورجعت البيت وانا بفكر... 

هو ليه!.. 

انا ليه عملت كده!... 

حكم!.. 

ما في داهية.. 

لعبة ايه دي اللي تخسرني مبادئي.. 

لعبة ايه دي بجد!.. 

ليه مسمعتش كلام مريم وهي بتقولي سيبك من شيرين وسناء.. 

دول مش شبهك.. 

ابعدي عنهم وعن طريقهم... 

ميجمعكوش حتى لو لعبة!.. 

حتى لو لعبة... 

وكإنها كانت حاسه اني هتحط في موقف زي ده... 

كان عندها حق... 

عملتلهم بلوكات بالفعل.. 

ومبقيتش طايقاهم... 

ولا طايقه نفسي كمان.. 

الغلط راكبني من ساسي لراسي.. 

محدش ضربني على ايدي... 

أنا آسفه يارب.. 

خطأ ومش هيتكرر خلاص... 

ياما سمعت دُعاه بيقولوا: 

_ لو صاحبك مش هيساعدك في دينك يبقى مش بيحبك

وده اللي حصل.. 

انا كنت ببعد.. 

كاتها نيله صحبه سوء.. 

قررت خلاص انش مش هعمل كده تاني... 

ومش هعمل حاجه غير وانا مقتنعة بيها... 

ومش كفايه اقتناعي كمان يكون حلال ولا يمس للحرام بصلة..

يارب خلاص والله... 

انا عارفه إن أخطائي كترت.. 

بس انت ياحبيبي غفار... 

متيقنه بإنك الأكرم.. 

وهتسامحني... 

_______________

يونس.. 

كنت ماشي عمال بضحك... 

مجنونة دي ولا ايه... 

بس مش عارف مالها... 

وليه عملت كده... 

وانا بفكر في كل ده... 

أذان العصر أذن.... 

روحت لمسجد غريب كده... 

اول مره اشوفه يعني... 

بعد ما صلينا العصر... 

جم ناس ومعاهم نعش.. 

هنصلي جنازة على حد!... 

رددت إنا لله وإنا إليه راجعون.. 

حبيت أكمل معاهم لحد الدفنة.. 

مش عارف ليه... 

بس لقيت رجلي ماشيه وراهم.. 

روحنا المقابر... 

حفروا القبر... بس.. 

بس لقو... ياربنا!.. 

ده تعبان!.. 

تعبان كبير أوي... 

كلمنا شيخ عشان يقولنا نعمل ايه... 

قالنا احفروا في مكان تاني.... 

ولما حصل التعبان اخترق الأرض.. 

وبقى في الحفرة التانيه... 

عملوا حفره تالته.. 

وبرضو اخترق الأرض وبقا فيها.. 

يا ربنا... 

يبقى... يبقى ده المقصود.. 

الشيخ قالهم.. حطوه.. 

خلاص كده... 

حطوه بسرعه وطلعوا... 

مقربش من حد فيهم.. 

بس قبل ما نقفل بقيت القبر... 

سمعنا صوت وحش وصعب.. 

كان صوت تكسير العظام.. 

ده... ده أكيد كان بيعمل حاجه كبيره ووحشه اوي في حياته.. 

أكيد كان وحش وظالم عشان يحصل كده... 

سألنا باباه... 

_ هو كان بيعمل ايه! 

= كان بيعمل كل حاجه حلوه

امال ايه طيب!... 

طالما بيعمل كل الحلو... 

ايه اللي يخلي تعبان واقف في القبر يستناه!.. 

قطع أفكاري صوت باباه: 

_ بس مكنش بيصلي! 

ياخبر اسود!.. 

ده عظامه اتكسرت كبدايه من حيه مرعبة.. 

ده لسه بيبدأ... 

ده من قبل ما يدخل القبر... 

ياربي لا... 

احسن خاتمتي.. 

والله انا مش هقدر.. 

خلاص والله اتيقنت إن عذابك أليم... 

كلنا بنقول ربنا غفور رحيم... 

بس بعتلنا رساله... 

انه كمان عذابه أليم... 

ده هيبفضل في القبر كده... 

مده محدش عارفها... 

ممكن تبقى آلاف السنين... 

طب وسؤال الملكين طيب!.. 

هيجاوب ازاي وهو... 

وهو مش بيصلي... 

طب والصراط!.. 

والحساب!.. 

ويوم القيامة!.. 

والنار!... 

لا لا... يارب متحطش حد في الموقف ده... 

انا روحت البيت وقعدت أعيط من الرعب والخوف... 

والله مش هقدر... 

يارب عينّي مبقاش زيه... 

مش هقدر والله.... 

عذابك أليم أوي يارب... 

اغفرله وسامحه... 

عرفت ليه روحت المسجد ده... 

عرفت ليه رجلي خادتني في الدفنة... 

عشان اتعظ... 

عشان كل ما الشيطان يحاول يوسوسولي... 

أفتكر واقوله لا... 

اسكت انا مش هسمعلك... 

وافتكر شكل التعبان وهو مستنيه ينزلّه... 

ياربنااا... 

سامحنا يارب... 

احنا ضعاف اوي ومش مستخفين بيك... 

سامحنا يارب.. 

قعدت اعيط ايام كتير اوي... 

ممكن تكون وصلت لشهر او اتنين... 

كل يوم اخاف اكتر... 

واحب لطفه بيا وبحالي اكتر... 

نبهني اني ارجعله... 

عشان بيحبني... 

عشان يقولي متنسانيش... 

شوف اللي مرضيش يقابلني!.. 

شوف اللي وقع ركن من أركان ديني!.. 

متنياش ان ده آخرك مهما مقامك كبر بين الناس.. 

لانك بالنسبة لرب الناس ولا حاجه...

قررت اقربله... 

كفاياني بعد.. 

كفاياني شقاء في الدنيا... 

راحتي في قربه.. 

هرتاح والله لما أقربله... 

مش هشوف غير لطفه وكرمه ومغفرته... 

انا متأكد من كده... 

بدأت احضر دروس دين... 

ختمت اللي باقيلي في القرآن... 

سردته في جلسه واحده... 

وبعد ما خلصت اخر آيه...

سجدت وقعدت اعيط... 

انت جميل اوي يارب... 

كل مدى بتخليني اتكسف اوي من نفسي... 

مع كل ذرة لطف قدامها بيزيد ندمي... 

كله بفضلك... 

كله بمعيّتك... 

كله برضاك... 

اللهم لك الحمد حتى ترضى... 

ولك الحمد عند الرضا... 

ولك الحمد بعد الرضا... 

يارب ارزقني بزوجة... 

تعينني على طاعتك... 

وتمشي معايا في طريق جنتك... 

يارب ارزقني بيها يارب... 

بعد ما روّحت لقيت مريم اختي بتقولي أوصلها بالعربية... 

وافقت ونزلت استنيتها ساعه كالعاده... 

وبعد ما وصلنا مرضتش اسيبها لوحدها.. 

_ خلاص يا يونس، هي زمانها جايه

= لا مش هسيبك تستني لوحدك... لما تيجي ان شاء الله هبقى امشي.. 

_ بس... 

= مبسش بقا... 

ولما وصلت... 

بصيت عليها بالغلط... 

بس كانت هي!.. 

بتاعت الرقم.. 

روحت بدون تفكير.. 

_ مش ناويه تديني الرقم برضو!

= يا خبر!.. هو انت؟ 

#يتبع

#حُنيـــــــــــن 

#سلسلة_ارجع_صلي

#روايات_واسكريبتات_مميزة

#ومتنسوش_تصلوا_عالنبي

على فكرة... قصة القبر دي حصلت فعلًا وسمعتها من حد والله أعلم... 

بجد الوضع خطير والله.. 

ومتنسوش تقولولي رأيكم.. 🤎

سلسلة ارجع صلِّ الفصل الثاني 2 من هنا