سلسلة ارجع صلِّ كاملة عبر روايات الخلاصة بقلم حنين منصور
سلسلة ارجع صلِّ الفصل الثاني 2 والأخير
_ مش ناوية تديني الرقم برضو؟
= يا خبر!.. هو انت؟
مريم سألت باستغراب:
_ هو انتوا تعرفوا بعض!...
= هو ده يا مريم
_ مين يا حنين؟
= بتاع الحكم... والرقم
_ يونس... هو انت اللي حنين ادتك الورقه وقطعتها؟!
= هي دي حنين اللي انتِ قرفاني بيها!..
وانا واقفه في قمة احراجي...
طب اجري طيب ولا اعمل ايه!..
موقف وحش اوي...
تخيلوا كل ما يونس يشوفني يفتكر اني طلبت منه يتقدملي!..
وحشه اوي يا بنات...
وصعبة على قلب طول عمره كان بيحاول...
صُنت نفسي طول العمر...
وجت لعبة تافهه وضيعت كل اللي عملته...
ااااااه...
يارب اخرج من الموقف ده على خير...
فلقيت يونس بيكلمني:
_ بقولك ايه!
= ايه!
_ هاتي الرقم
= انت... انت فاهم غلط
_ هاتي بس...
= ده كان حكم في لعبة بس
_ وهتقلب جد
= بس... لا لا
_ ليه لا!
= انا مش عايزه
_ والله!
= ايه؟
_ جايه بعد ما دعيت اني ألاقيكِ واستجابت وتقوليلي مش عايزه!
= مهو... مهو أصل
فـ مريم ردت عليا:
_ مهو ايه يا حنون!
= هو انتِ موافقه عالكلام ده!
_ طبعًا موافقة
=!!!!!!!
_ أخويا والبيست هيتجوزوا
= ومين قالك اني موافقه أصلًا!
_ الللااااا
= مريم ممكن نمشي!
_ طب ويونس!
= ربنا يرزقه ببنت الحلال
_ طب ما....
= يلا يا مريم لو سمحتِ
ودعت اخوها ومشينا..
فمريم حاولت تكسر الصمت:
_ حنين..
= مريم لو هتتكلمي في موضوع اخوكِ فبلاها
_ طب ممكن تفهميني ليه!
ساعتها قعدت أعيط!..
مش عارفه ليه..
بس حسيت ان الخنقة اتمكنت من قلبي..
واتداس عليه..
انهارت بصوت عالي...
مريم قلقت عليا...
_ حنين... مالك!..
= انا... انا تمام
_ لا انتِ مش تمام، مالك ياحبيبي
= انا... انا خايفه اوي يا مريم
_ خايفه من ايه ياحبيبي!
=خايفه مني..
خايفه من اخوكِ...
ومنك... ومن الكل
انتوا... انتوا محدش فاهم حاجه..
انا ياما اتكسرت...
ومش هعرف أصلب طولي اكتر من كده..
كلمه من أخوكِ ممكن تكسرني..
نظره منك ممكن توجعني..
حتى انا لما بفتكر كل اللي بيوجعني بتضعفني...
انتِ عارفه اني بخاف من الجواز يا مريم..
بخاف ميبقاش حنيّن..
يكون بيستهون بمشاعري..
يكون قاسي...
يسيبني لدماغي...
يطول فترة الزعل بنا..
يقول مش مهم اهي هترجع تتراضى..
يدوس على قلبي زيهم...
مش كل ما افتكره أعيط...
ولا كل ما افتكر خذلانه انهار...
كفايه اللي شوفته وبشوفه...
كفايه خذلاني من صحاب ميتعدوش..
الكل عايز لنفسه..
الكل مبيحبش الا نفسه..
خايفه يا مريم يبقى زيهم..
وكمان... وكمان عشان اول مقابله بيني وبينه كانت بالمنظر ده..
خايفه ييجي في وقت الخلاف يقولي انتِ اللي قولتيلي اتقدملي..
ساعتها الحته الباقيه في قلبي هتتدشمل زي الباقي يا مريم...
انا تعبانه اوي يا مريم... تعبانه
مريم حضنتني جامد وهي بتقولي بعتاب:
_ ليه شايله في قلبك كل ده!.. ليه مش بتحكيلي يا حنين؟
= كنت فاكره اني خلاص مبقتش خايفه، لكن دلوقتي اكتشفت اني مرعوبه
_صدقيني يونس مش كده
= ما انتِ عشان اخته
_ تعرفي عني كده؟!... لو شاكه واحد في الميه كنت رفضت
=امممم
_ هاتي رقم باباكِ بقا عشان نيجي نتقدم للجميل
= بس....
_ متخافيش، كله خير ان شاء الله
وبالفعل ادتها الرقم...
اتوترت فجأه...
اصراره انه ياخد الرقم مستغرباه...
اتحدد معاد بالفعل...
وفي الرؤية...
_ احم...
= بص... انا مكنتش اقصد اقولك اتقدملي انا كنت بلعب لعبه واتحكم عليا... لكن انا أصلا...
_ ايه يختي اييييه، بابور جاز وفتح
= بقا انا بابور!
_ مهو... مقصدش يعني بس...
= فاهماك... انا فعلًا اتكلمت بسرعة وبشكل مفاجئ
_ الاه!.. ده انتِ طلعتِ عاقله وكده
= نعم!
_ أقصد طلعتِ بتفهمي
= بفهم!
_ يعني أقصد انك بتعرفي تتكلمي
= ايه!
_ يوووه... أنا هسكت خالص
ابتسمت ساعتها...
حسيته طفل مش عارف يجمع كلامه..
بدأنا نتكلم بهدوء..
وفعلًا..
طلع مريح... وطريقته عسوله.. و...
احم...
أقصد يعني مش بطال..
اه اكيد طبعًا موقعتش مثلًا..
ولا وقعت!...
مش عارفه..
بس شكلها كده...
استخرنا وكتبنا الكتاب على طول!..
قولنا نعمل خطوبه حلال..
وكانت أحسن قرار..
يونس عرف يطمنني..
وده كفايه..
الأمان ده اللي لو اتوفر هو والحنيّه خلاص كده...
بقا السند والضهر اللي مستحيل يخذل....
ودلوقتي وبعد مرور 6 سنين على جوازنا!..
_ الحقني يا يونس
= في ايه بس!
_ شوف حفصه بنتك بتعمل ايه
= عملت ايه!
الهانم كانت موقعه الدقيق عليها وعلى الأرض..
وكانت مبهدله نفسها...
يونس قعد يضحك...
_ انت بتضحك!
= شكلها تحفة بصراحة
_ طب اهو...
ورشيت عليه دقيق انا كمان...
وهو كمان رش عليا وكانت عركه..
المهم يا حبايبي..
حفصه نامت...
ويونس بيساعدني في التنضيف....
_ حسبي الله ونعم الوكيل
= بتقول حاجه يا يونس!
_ لا يا حبيبتي ولا حاجه، ده انا بسأل كده تمام ولا محتاج مسح تاني...
وتوته توته... خلصت الحدوتة...
#حُنيـــــــــــن
#سلسلة_ارجع_صلي
#ومتنسوش_تصلوا_عالحبيب
#رأيك_يهمني_يا_سكر...
