طفلة تفجر مفاجأة وتنقذ بريء من الإعدام 1998 كاملة عبر روايات الخلاصة بقلم أحمد حسن
رواية طفلة تفجر مفاجأة وتنقذ بريء من الإعدام 1998 الفصل الأول 1
في صفحة الحوادث عام 1998 ظهر خبر صادم في الصفحة الأولى يفيد بمق،تل الصحفية المعروفة جميلة علام !!
جميلة هي صحفية معروفة بجرائتها ولا تخشى في الحق لومة لائم كانت تعمل لدى جريدة مشهورة ودائما كانت تتبع سياسة القلم الحر ومن كثرة متابعين مقالات جميلة كانت الجريدة ترضخ لكل متطلباتها ولا يتم الحذف او التعديل على أي مقال يصدر من خلالها
وبنفس الأسلوب الجدي كانت تطبق أفكارها بالعقار التابع لها
ومن يرفض لها طلب أو يفكر في الخروج عن سياق خطتها
فلا مكان له في بيتها
بالبلدي كانت ست بتنتقي الناس اللي هتعيش معاها في العمارة
طبعا كان في شروط لازم تكون خاضع ليها وموافق عليها قبل ما تسكن عندها
في شروط طبيعية مفيش عليها خلاف زي مثلا ..
نضافة البيت وممنوع سلة زبا,لة قدام الشقة
وممنوع تدخل او تخرج من غير ما تقفل باب العمارة بالمفتاح
وتلتزم بإيجارك كل اول شهر من غير تأخير
وشروط تانية كان البعض بيختلف عليها زي مثلا..
ممنوع حد يزورك بعد الساعة 9 مساء حفاظا على المكان وراحة الجيران
ولو عندك حاجة متعلقة بالكهربا تعملها قبل الساعة 11 مساء عشان هي بتقفل النور من عندها ومش بيرجع غير الساعة 6 الصبح لأن البيت كله مشترك في عداد واحد
وممنوع تطلع وتنزل عالسلم بلبس قصير حتى لو كنت راجل والبنطلون القصير حتى تحت الركبة ممنوع يعني لازم البنطلون يكون طبيعي
الخلاصة دي اساسيات كراسة الشروط ولو هتخالف الشروط اعمل حسابك انت بره وملكش سكن عندي
العمارة كانت طالعة على 3 شقق في كل دور
والدور الأول كان فيه الست جميلة والشقة اللي جنبها كانت فيها استاذة وفاء بتشتغل مدرسة لغة عربية وجوزها طارق كان ضابط شرطة وانتقل الى رحمة الله شهيدا اثناء قضاء مأمورية كان هدفها إحباط محاولة تهر،يب داخل البحر المتوسط ، رحل زوجها وترك لها طفلة في بداية حياتها بعمر ال7سنوات اسمها ميادة وحاليا تبلغ من العمر 11سنة
اما الشقة التانية كان فيها الساكن الجديد الأسطى
عرفة المحلاوي من محافظة الغربية وبيشتغل في الأسكندرية عنده محل سمك صغير بيصرف منه على اسرته المكونة من زوجة وولدين وبنت وبيعول كمان أمه واخواته البنات ، بيشتغل وينزل يزور اهله 4 ايام في الشهر ويرجع
ومن خلال مصادرنا عرفنا إن الاسطى عرفة كان بيتمتع بروح الفكاهة ودي دايما كانت مشكلته مع الأستاذة جميلة لأنها واخدة الدنيا جد شوية
عرفة كان شخص إجتماعي جدا محبوب من كل أهالي منطقته علطول تسمع صوته في الشارع بينكش في اللي رايح واللي جاي أسلوبه حلو ويديك طاقة إيجابية
لو شافك زعلان يمشي عليك ومتعرفش تفلت منه الا وانت بتضحك من اعماق قلبك
عرفة لما عرف من صاحبه فتحي إن الأستاذة جميلة عندها شقة فاضية كان هيتجنن ويسكن عندها لأن عمارتها في وش الدكانة بتاعته، وحاجته وفلوسه في البيت عارف إنها هتكون في أمان لو سكن مع الاستاذة جميلة
بس عارف إن هي دايما على خلاف معاه عشان صوته العالي وشوية حاجات تانية زي الميه اللي بيرشها قدام المحل
إلخ .. فهي اصلا مش طايقاه في الشارع ! هتروح كمان تخليه يسكن معاها في نفس البيت ؟!
ومع ذلك عرفة عمل اللي عليه وانتظر لحد ما الأستاذة ترجع من الشغل وجري وقف قدامها عند البيت وطلب منها يأجر الشقة وهيدفع اللي هي عايزاه وأنه عارف شروطها وراضي بيها ،
ردت عليه الأستاذة جميلة بكل هدوء وقالتله إنه لو أخر واحد في الدنيا والعمارة كلها فاضية مش هتخليه يدخل عتبة البيت
طب يعمل ايه عمنا عرفة عشان يسكن معاها تعال نشوف ..
طبعا مبدأ إن عرفة يجيب واحد وسيط بينه وبين الأستاذة عشان يقنعها كان رافضه هو عمل حاجة غريبة ومضحكة في نفس الوقت
راح دعا ما يقرب من 50 وسيط من أهل الحتة كان منهم شيخ الجامع وقس الكنيسة والجزار والعطار وناس كتير ملهاش علاقة ببعض وكل واحد منهم فاهم انه رايح لوحده وإن الإستاذة جميلة عارفة بمجيته ومنتظراه الساعة 7 مساء اقنعهم ازاي معرفش ،
وفي الأساس جميلة متعرفش ! ومش منتظرة حد !
ومن حظه الوحش إن رئيس تحرير الجريدة ومعاه بعض اصدقائها معزومين عندها في نفس اليوم ، طبعا كل دقيقة الباب بيخبط وكل واحد يدخل يسلم ويقعد وينتظر لما الدنيا تفضى عشان يكلمها في موضوع عرفة
والست جميلة مستغربة كمية الناس اللي بتيجي واحيانا بيتقابلوا عالباب ويدخلوا بالجوز وضيوفها مش فاهمين حاجة وكل اللى دخل وقعد بردو مش فاهم اللي بيحصل لحد ما اتسرب الخبر بينهم وكلهم عرفوا إنهم جايين لسبب واحد وهو إن عرفة يسكن عندها بدأت الناس تضحك وصوت الضحكة يطلع
ولما طفح الكيل عند الاستاذة جميلة ولسه الناس بتيجي وقفت وقالت لا ما انا لازم افهم في ايه !! انتم جايين ليه ؟!
وفهمت من الناس ان اللي عمل كده عرفة عشان يسكن عندها
الكل دخل في هيستريا من الضحك وأولهم رئيس التحرير والناس اللي معاه ومع ذالك هما كمان ساهموا في إقتناع الست جميلة بسكن عرفة عندها
وحضر عرفة في النهاية وعشان ذكي استغل الموضوع وعمل عقد إيجار مدته 5 سنين وشرط جزائي 10 الاف في الوقت ده كان مبلغ كبير جدا لو طردته الأستاذة جميلة قبل نهاية مدة العقد بس الاستاذة جميلة كانت عايزة العقد سنة واحدة وبلعافية وصلتله لسنتين
اظن كده ضحكنا وهزرنا يلا بينا ندخل في الجد بقا
------------- #كشف_حقائق_وأسرار_بقلم_احمدحسن
من اول اسبوع الخناقات اشتغلت بين الأستاذة جميلة وعرفة
وكل يوم والتاني الناس تتلم عليهم في الشارع
مرة تقوله إنه لازم يستحمى برة قبل ما ييجي البيت عشان ريحة زفر السمك بتقلب البيت كله
ومرة تتخانق معاه في الشارع وتقوله مش بنعرف ننام من صوتك زعيقك في الشارع
ومرة اتخانقت مع الاستاذة وفاء لأن بنتها بتقف على باب شقتها تستناه وهو طالع من تحت لأنه بيهزر معاها ويضحكها وفي كل مرة وهو طالع السلم يغني بإسمها كده بالنص ..
( ميااااادة ياسكر ذيادة مياااادة يامانجا على جوافة)
وبيجيبلها حاجات حلوة معاه وهو جاي لدرجة إنها بتبقا زعلانة اوي وبتعيط عليه وهو مسافر اجازة لعيلته
وفي يوم 4 فبراير 1998 المنطقة صحيت على خبر مفزع
وهو مقت،ل الأستاذة جميلة بغرض السر,قة
حضرت الشرطة وتم التحفظ على كل سكان العمارة
وأثناء إكتشاف الجر،يمة كان عرفة بالمحل بتاعه وعلى الفور حضر وكان يبكي بشدة لفراق الاستاذة جميلة لأنهم رغم إختلافاتهم الكثيرة الا إن علاقتهم تحسنت في الفترة الأخيرة وكان دائم الزيارة للأستاذة جميلة
وعندما سئل عن اخر مرة كان متواجد مع الضحية
جاوب عرفة أن ليلة حدوث الواقعة كان متواجد ببيتها
لانها كانت دايما بتعمل خير كتير عن طريقه
طلب الظابط فاروق أن يتم تفتيش منزل عرفة
وبمجرد أن تم فتح الباب وجدت قطعة ذهبية على الأرض داخل باب شقة عرفة
اتفجع عرفة وخصوصا لما الضابط قاله إنه هو القا،تل وإنه بالفعل سرق ذهبها واموالها والدليل قطعة الدهب التي سقطت منه على الأرض داخل شقته
وهنا بقا عرفة كان بيصرخ الأمرين إحداهما على الضحية والثانية على الظلم الذي يتعرض له وإنه بريئ من هذه الجر،يمة المنسوبة إليه
بدأت التحريات تكثف جهودها وإستدعاء كل أهالي المنطقة
وأولهم ساكني العمارة
للأسف في نفس يوم الواقعة اتخانق عرفة والأستاذة جميلة الصبح واهالي المنطقة شهدت بذالك
وقبل وقوع الحاد،ثة ليلا اتنين من اهالي العمارة شافوه داخل شقة الضح,ية
مكانش قدام وكيل النيابة أي دليل حتى ولو صغير يخليه يصدق عرفة او حتى يتعاطف معاه
حتى لما سأل عرفة كنت فين بالليل قاله إنه كان نايم في شقته لوحده يعني حتى مكانش في مشوار او معاه حد عشان يشهد انه كان معاه ليلة الواقعة
إنقسمت اهالي المنطقة منهم من كان يلوم على عرفة ومصدق إنه فعلا عمل كده ومنهم القليل من كان يتعاطف معه ويقول انه عمره ما يعمل كده ولاكن بدون اي دليل
الجريدة اللي كانت بتشتغل فيها جميلة ولع،ت الدنيا وعملت من عرفة سفا،ح وقومت اسطول من المحامين ضد عرفة
في المقابل لم يوافق اغلبية المحامين الكبار على الدفاع عن عرفة ومواجهة هذه النخبة من المحامين في الناحية الاخرى
ولكن لم يأخذ هذه المجازفة سوى محامي صغير وهو ابن العطار صديق عرفة وكانت هذه اول قضية يديرها وهو المحامي كامل ابن ياسين العطار
في الجلسة الأولى طلب محامي عرفة التأجيل ليكتسب بعض الوقت في البحث عن أدلة للدفاع بها عن موكله عرفة
بالفعل تأجلت الجلسة الاولى ليوم 27 / 5
وبدأت هنا رحلة الأستاذ كامل في البحث عن براءة عرفة
كامل كان واخد الموضوع على محمل الجد خصوصا إنه أصبح في قضية مصيرية ويإما يطلع سابع سما يإما تكون بداية مخيبة بإختيار خاطئ لمبدأ المجازفة
طلب كامل من ابوه انه يكلم شوية شباب من اهل المنطقة يساعدوه في القضية بجمع المعلومات
بداية كامل كانت البحث عن كل الأشخاص اللي ليهم عداو،ة مع جميلة والبداية كانت في الجريدة التي كانت تعمل بها الاستاذة جميلة وهناك عرف من الفراش بالطريقة إن أستاذة جميلة كان طبعها حاد شوية واغلب الموظفين بتخاف منها
وأخر يوم شغل ليها إتخانقت مع أستاذ ممدوح
واتسببت في إن الجريدة تستغنى عن خدماته
وهنا حس كامل ببريق أمل وإن ممكن ممدوح يكون ليه يد في الموضوع لأن حسب معرفته من الفراش إن ممدوح كان بيشتغل في الجريدة له اكتر من 15 سنة
وموضوع إنك تمشي من جريدة قضيت فيها 15 سنة من عمرك وتقعد من غير شغل في زمن الوظيفة فيه يعني حياة وطرده حاجة مؤلمة وممكن تكون دفعته للإنتقا،م
تاني حاجة عملها كامل هي البحث عن أقارب جميلة ومعرفة كيفية العلاقة بينهما وبين الضحي،ة
وبعد مجهود كبير وبحث مكثف إكتشف إن في نزاع قوي بين جميلة ومعتز إبن عمها على قطعة أرض ملك جميلة بالوراثة، رفضت بيعها له لأنه عايز ياخدها بمبلغ أقل وكل ما تحاول جميلة تبيعها وتجيب زبون يدخل معتز ويتواصل مع الشاري ويهدد،ه وتفسد البيعة ، وأخر اسبوع نجحت جميلة في بيع الأرض لشخصية مرموقة لن تجدي معه تهديد،ات معتز
وهنا معتز توعد الضحي،ة بالإنتقا،م خصوصا إن قطعة الأرض كانت وسط اراضي عيلتهم وبيعها لأي شخص غريب مرفوض رفض تام !
أخر حاجة عملها كامل هي قرائة مقالات جميلة الأخيرة
والبحث فيها عن أي شيئ ممكن يوصله لأي حاجة
وبالفعل وجد كامل أحد المقالات الخطير،ة اللي بسببها اتقفل مصنع مواد غذائية وحبس صاحبه عباس العدوي
كده أصبح لدي كامل 3 شخصيات جميعهم محل شك كبير
الأول ممدوح موظف الجريدة
والثاني معتز ابن عمها
والثالث عباس صاحب المصنع
بالطبع كامل من حقه يطلب التحقيق مع الناس دي
بس للأسف القضية ثبتت على عرفة بقطعة الدهب وشهادة الجيران فلذالك الموضوع محسوم بالنسبة للشرطة والقضاء
وانت لو عايز تثبت عكس كده هات دليل ووقتها ملف التحقيقات هيتفحلك من تاني وساعتها تطلب اللي انت عايزه
كامل اصبح في موقف صعب خصوصا إن المواقف دي كلها جديدة عليه فمش عارف يبدأ منين وبعد تفكير عميق كامل خد قرار بإن المواجهات تكون مباشرة مع الناس دي
وأول حد راح ليه كان الأستاذ ممدوح في بيته
كامل .. طبعا حضرتك عرفت بموضوع الاستاذة جميلة
ممدوح .. عرفت
كامل .. وإيه رأيك ؟
ممدوح .. دي ولية ظالمة وكنت عارف إن نهايتها هتكون سيئة بس أنت مقولتليش انت مين ؟!!
كامل .. انا محامي عرفة الراجل المسكين اللى وراه كوم لحم بيصرف عليهم وهيتعد،م ظلم
ممدوح .. طب وانا مالي بالموضوع ده ؟!!
كامل .. مالك ازاي يااستاذ ممدوح انا عارف انها اتسببت بقطع عيشك من الجريدة
ممدوح .. اه ! فهمتك ! انت تقصد اني ممكن اكون ورا اللي حصل لجميلة ؟!
كامل .. مظبوط انت كده قصرت عليا مشوار طويل
ممدوح .. امشي اطلع برة !!
كامل .. انا جايلك نتكلم ودي ، وانت عارف انا لو جبت اسمك في القضية هيتعمل معاك ايه واقل واجب هتبات بتاع اسبوعين تلاتة في التخشيبة لحد ما نشوف ليك يد ولا لا
ممدوح .. انت بتهددني ؟!!
كامل .. انا بنورك وجايلك كده مني ليك وانا عارف انك حتى لو ليك يد مش هتقول بس عالأقل ابقا عملت اللي عليا واديتك فرصة تقنعني قبل ما اظلمك
ممدوح .. بص يااستاذ كامل انا اي نعم اتأذيت من الولية دي
،بس هل ممكن توصل بيا إني أضيع نفسي وعيالي يتطلموا من بعدي بقت،ل جميلة؟! ، لو عالشغل كده كده ربنا مبينساش حد بس توصل بيا إني أقت ل ؟!!
كامل .. طب ما انت هددتها يوم ما عرفت بطردك من الجريدة
ممدوح .. كلمتين بيتقالوا عادي في ساعة غضب بس بعد كده الدنيا بتهدا والواحد مننا بيحكم عقله
كامل .. ممكن أسالك ظروفك المادية شكلها إزاي ؟!
ممدوح .. الحمدلله مستورة وادينا عايشين الجاي على قد الرايح
كامل .. طب ازاي الجاي على قد الرايح وانا لما سألت عرفت إنك لسه جايب تاكسي جديد من يومين وناوي تشتغل عليه ؟!!
ممدوح .. واضح إنك مذاكر كويس
كامل .. اللي في رقبتي يستاهل اعمل اكتر من كده
ممدوح .. ياسيدي انا كنت شايل قرشين للزمن وبعت دهب مراتي كملت بيه وقلت اجيب حتة تاكسي واطلع اشتغل بدل القاعدة ، منها شغال ومنها اجيب مصاريف البيت وقلت لما ربنا يكرم بوظيفة كويسة ابقا اشوف حد يشتغل عليه
كامل .. طب والعجلة اللي جبتها لإبنك الصغير وأطقم الهدوم اللي جبتها لعيالك اول امبارح والبزخ الزيادة اللي الناس لاحظوه عليك الفترة دي ؟!!
ممدوح .. انا مسمحلكش انت مراقبني ولا ايه ؟!! وفيها ايه يعني لما اجيب هدمتين لعيالي ؟!! وإيه علاقة اللي انت جاي عشانه باللي انت بتقوله ؟!!!
كامل .. هو انت معرفتش انها كمان اتسرق منها مبلغ مالي كبير ودهب ؟
ممدوح .. لحد هنا واقف واتفضل امشي دلوقتي ولولا انك في بيتي كان هيبقا ليا تصرف تاني معاك
كامل .. عالعموم انا همشي بس خلي بالك انا جيت هنا عشان اساعدك بس لو اكتشفت إنك ليك يد في الموضوع صدقني مش هرحمك ولا هسيبك غير وانت في حبل المشن،قة
ــــــــــــــــــــــــــ #كشف_حقائق_وأسرار_بقلم_احمدحسن
المحطة التانية عباس
كامل راح زيارة لعباس في السج،ن وفهمه إن في كلام إن له يد في الموضوع وكان رد عباس ..
بص يااستاذ كامل مبدئيا انت عارف انك مش جهة تحقيق عشان تتكلم معايا بس مش مشكلة كفاية جيت ليا بخبر حلو وهو إن اللي اسمها جميلة اتكلت على الله.. بص ياسيدي انا من ناحيتي كنت مدبرلها فضيحة كبيرة وانت عارف الصحفي من دول موو،ته بس ما تضربش سمعته لأن القار بتاعهم بيعتمد على سيرتهم واللي سيرته تتعاص بيعيش حياته متدمر
وياسيدي انا لو عايز اقت،لها زي ما بتقول كان ايه اللي هيصبرني لحد دلوقتي !
كامل .. مش يمكن صبرت عشان العين متبقاش عليك ولما الدنيا هديت عملت عملتك؟
عباس .. عين مين ياابو عين انا في الس،جن مش في المصيف هنزل يومين اقت،لها وارجع وياسيدي لو فاكر اني ممكن ازق عليها عيل يعملها طب ما انا بردو ممكن اجيب الف عيل يشيل الليلة ولا ايه ؟
كامل .. ماشي ياعباس كلامك حلو بس يارب الفعل يكون زيه
ـــــــــــــــــــ #كشف_حقائق_وأسرار_بقلم_احمدحسن
المحطة التالتة والأخيرة كانت لمعتز إبن عم الاستاذة جميلة
اليوم ده كان صعب على كامل خصوصا طبيعة تعامل معتز كانت صعبة ومعندوش تفاهم وبمجرد ما جاب سيرة إنه جاي بخصوص مشاكله مع جميلة طرده ومعطهوش حتى فرصة للتفاهم ولو طول شوية مع معتز كان هيبقا الوضع مش لطيف ، وهنا كامل حط على معتز خط احمر وبدأ يعتمد على المعلومات اللي هيقدر يجمعها عنه من خلال دايرة معارف معتز ويحاول يوصل لأي معلومة
ـــــــــــــ
كامل سهر ليلة كاملة يحلل في الأشخاص اللي قعد معاهم وكمان الشيطان وسوس ليه إن ممكن عرفة يكون عمل كده وليه لأ ماهو وهو بيجمع معلومات عن عرفة اكتشف إنه بيمر بضائقة مادية وممكن يكون الموضوع ده اداه دافع كبير عشان يعمل كده ، ومن هنا كامل خد قرار إن يقعد مع سكان العمارة واحد واحد
كلمهم كلهم وكلهم نفس الكلام مفيش جديد
ولما سأل على الأستاذة وفاء جارتهم في نفس الدور
قالولو انها خدت بنتها وراحت عند اهلها يومين يغيرو جو لحد اعصابهم ما ترتاح ويرجعو
راح علطول عند الأستاذة وفاء
اخوها كان رافض الزيارة في الأول كان زهقان من كتر الناس اللي بتيجي لوفاء بخصوص القضية وبصراحة حقهم بس في النهاية طلع محترم ورحب بكامل ووافق يقعد معاها والحقيقة كلهم ناس طيبين ابوها وامها واخوها محترمين ومقابلتهم حلوة والكلام مابينهم كالتالي ..
كامل .. انا اسف اني جيت من غير ميعاد
ابو وفاء .. لا يابني متقولش كده انت نورتنا
كامل .. بصراحة كنت جاي اتكلم مع استاذة وفاء بخصوص الموضوع اياه
ام وفاء .. والله يابني احنا تعبنا الفترة اللي فاتت كل شوية حد يجينا سواء من الصحافة او من القسم
وفاء .. خير يااستاذ كامل كنت عايز ايه
كامل .. بصراحة يااستاذة وفاء كثرة اعدا،ء جميلة محيراني ومخلياني عندي احساس ان ممكن عرفة يكون بريئ
وفاء .. الصراحة يااستاذ كامل الراجل ده من ساعة ما سكن جنبنا ومحدش شاف منه غير كل خير دي حتي ميادة بنتي زعلت اوي لما عرفت إنه مش راجع تاني لأنه كان واضح انه بيحب الاطفال ودايما في الطالعة والنازلة كان يناغشها
لدرجة إنك لو سألتها مين اكتر حد بتحبه هتقولك عم عرفة وخالها نبيل دول اكتر اتنين بتحبهم وانت عارف الاطفال بتتعلق دايما بالإنسان الحنين عليهم
في اللحظة دي وهما بيتكلموا خرجت عليهم الطفلة ميادة وماسكة مذكرة جدها وبتقرا فيها وهو جري عليها وهو بيضحك وقالها كل مرة اقولك مينفعش نقرأ مذكرات حد عشان دي بتبقى من الخصوصيات والأسرار
ومن طبيعة ميادة انها كتيرة الأسئلة بس جدها بيحبها ومش بيمل من كلامها
وفي وسط الكلام قالتله ياجدو انا عملت زيك وعندي مذكرة زي بتاعتك بكتب فيها كل حاجة بشوفها ومش بخلي ماما تقراها عشان دي اسراري
ـــــــــــــــــــــــــــــــــــــــــــــــــــــــــــ
( الناس اللي بتابع تخلي بالها عشان السر كله في مذكرة ميادة )
ــــــــــــــــــــــــــــــــــــــــــــــــــــــــــ
كامل خلص كلام مع وفاء ورجع عالبيت
والساعة 3 الفجر بييجي حد خبط عالباب بإستعجال
كامل فتح الباب وابو كامل واقف وراهم في الصالة
فالشخص اللي جاي كان بيلقط نفسه بالعافية شكله كان جاي بيجري بسرعة جامدة المهم انه وشوش كامل في ودنه وبسرعة كامل لبس هدومه ونزل معاه جري !!!
كشف حقائق وأسرار بقلم أحمدحسن
يتبع
رواية طفلة تفجر مفاجأة وتنقذ بريء من الإعدام 1998 الفصل الثاني 2 من هنا
رواية طفلة تفجر مفاجأة وتنقذ بريء من الإعدام 1998 كاملة من هنا
