طفلة تفجر مفاجأة وتنقذ بريء من الإعدام 1998 كاملة عبر روايات الخلاصة بقلم أحمد حسن
رواية طفلة تفجر مفاجأة وتنقذ بريء من الإعدام 1998 الفصل الثاني 2
3 أشخاص الشك فيهم كبير جدا وكل واحد له مشكلة مع جميلة أكبر من التانية يعني انت لو حاولت ترتبهم من حيث مين ممكن يكون القا،تل هتحتار !
عندك مثلا عباس
اتح،بس وخسر مصنعه وسمعته بقت في الطين
وعندك ممدوح
اتطرد من الشغل بحجة إنه مرتشي وبيطبل لناس على حساب ناس
واخيرا معتز
عمل المستحيل عشان يشتري ورث جميلة بنت عمه بس موافقتش واتباعت ارض أجداده اللي وسط ارضه قدام عينه
لناس أغراب
كل واحد فيهم عنده الدافع الكبير اللي يخليه يعمل كده وهو مرتاح !
بس هو مين فيهم ؟!
متقدرش تحدد !
بس النهاردة معالم القا،تل وضحت بشكل كبير وانت وشطارتك تحدد هو مين ..
يلا بينا نبدأ الفصل التاني
بس تعال افكرك إنتهينا على ايه في الفصل الأول
الساعة 3 الفجر بييجي حد يخبط عالباب بإستعجال
كامل فتح الباب وابو كامل واقف وراه في الصالة
فالشخص اللي جاي كان بيلقط نفسه بالعافية شكله كان جاي بيجري بسرعة جامدة المهم انه وشوش كامل في ودنه وبسرعة كامل لبس هدومه ونزل معاه جري !!!
ـــــــــــــــــــ #كشف_حقائق_وأسرار_بقلم_احمدحسن
الفصل الثاني
كامل .. في ايه ياابراهيم ؟!!!
ابراهيم .. واحنا بنسأل على معتز عشان نوصل لأي معلومة تفيدك في القضية إكتشفنا حاجة تاني خالص
كامل .. حاجة ايه انطق ؟!!
ابراهيم .. معتز طلع من اكبر تجار المخد،رات في السوق
كامل .. انت متأكد من اللي بتقوله ده ؟!
ابراهيم .. زي ما انا شايفك قدامي بالظبط
كامل .. انا برضو قلت إن الراجل ده مش سهل وأكيد هو اللي مدبر موضوع جميلة !
ابراهيم .. طب وانت هتعمل ايه دلوقتي يااستاذ كامل
كامل .. هتصدقني لو قلتلك مش عارف !
ابراهيم .. يعني امال مطلعين عنينا انت وابوك ليه !!
كامل .. ياطور افهم انا اقصد هستفيد ايه من حب،س معتز دلوقتي! بالعكس انا لو حب،سته هبقا حطيته في امان وريحته من البحث وراه ولو ليه يد في موضوع جميلة مش هعرف اكشفه
ابراهيم .. طب يعني انت عايز ايه ؟!
كامل .. خليكم وراه وأعرفولي بيروح فين وييجي منين وكل تفصيلة مهما كانت تافهة قولهالي برضو وأوعى يحس بيكم
ابراهيم .. حاضر يااستاذ كامل
كامل .. طب بالنسبة لممدوح مفيش جديد ؟
ابراهيم .. الناس اللي وراه قالولي إنه عادي مفيش حاجة متغيرة
كامل .. تابعهم برضو وانا الصبح هروح لعرفة ، في كام حاجة عايز اسأله فيهم
ـــــــــــــــــ #كشف_حقائق_وأسرار_بقلم_احمدحسن
بالفعل الصبح كامل كان عند عرفة والحوار دار ما بينهم كالتالي ..
كامل .. ازيك ياعم عرفة
عرفة .. ازيك يالا ياكامل
كامل .. نفسي تشوفني كبير بقا ياعم عرفة وبعدين دلوقتي انا بقيت المحامي بتاعك يعني اتطمن
عرفة .. تصدق بالله ياكامل يابني انا مش خايف من القضية ولا حتى خايف من الحكم انا مش خايف من حاجة في الدنيا دي كلها غيرك منك انت وأبوك هههههه
كامل .. ههههههههه يعني اللي انت فيه ده كله ياعم عرفة وبرضو بتهزر وترخم هههه
عرفة .. ياد يااهبل العمر مكتوب وكل حاجة مكتوبة ومحدش بيحصله غير اللي مكتوبله ، سيبك من ده كله ابوك عامل ايه
كامل .. ابويا متأثر بموضوعك ياعم عرفة دا حتى دلوقتي محدش بيعرف يكلمه ! علطول مدايق دي حتى اكلته مش هي
عرفة .. ابوك اصيل ياكامل واللي بيني وبين ابوك أكتر من صحوبية وعشرة عمر
كامل ..قولي بقا ياعم عرفة علاقتك كانت ماشية ازاي مع جميلة الله يرحمها
عرفة .. الست جميلة كانت ست ولا كل الستات ، اللي يشوفها من برة يفتكر انها ولية ظا،لمة بس الحقيقة يابني هي كانت انسانة جد في زمن الهلس
كامل .. غير انك ساكن عندها ايه اللي كان بيربطك بيها ياعم عرفة
عرفة .. الست جميلة كانت بتحب تعمل خير كتير ودايما خيرها بيبقا في الخفى يعني اللي بتديه بيمينها ايدها الشمال متعرفش عنه حاجة ، وكانت دايما تبعتني لدار الايتام اصلها كانت بتحب الأطفال جدا وبرضو كانت بتبعتني لدار المسنين
ثقتها فيا كانت كبيرة
كامل .. طب ازاي انتم كده مع بعض وكنت كل يوم بتتخانقو؟!
عرفة .. انا لما عرفت طبيعتها ياكامل كنت دايما اسيبها تشتم وتقول وتعيد وانا اضحك لأني عارفها من جواها ابيض اوي يابني ، وكنت لما اروح ازورها تقعد تهزق فيها شوية وبعد كده الاقيها جايبالي حلويات وتقعد تسألني على اهلي وناسي وخلي بالك كانت بتعرف تهزر وتضحك برضو ويامااا نصحتني نصايح بخصوص شغلي او حتى في علاقاتي مع الناس ، ودايما ياكامل كانت بتحكيلي عن اوجاعها ومشاكلها
وتقولي عارف ياعرفة رغم اني مش طايقاك بس حساك حد من اهلي بحسك زي اخويا الصغير اللي دايما بيتمرد على اخته الكبيرة
كامل .. حلو اوي ، انت قلت كانت بتحكيلك عن همومها ومشاكلها ، طيب في وسط الكلام كده مجابتش سيرة واحد اسمه معتز ؟
عرفة .. يابن الصرمة انت كمان وصلت لمعتز ! لا واضح انك هتنجح ياولا ههههه
بص ياسيدي معتز ده يبقا ابن عمها وكان عايز ...
كامل .. كان عايز يشتري الارض وهي رفضت المهم انا اقصد ان مفيش يوم كده هد،دها او جالها البيت مثلا او اي حاجة من كده
عرفة .. جالها هي مرة واحدة قبل البيع وطردته
كامل .. طب مفيش حد تاني كانت بتشكيلك منه ؟!
عرفة .. لا كانت دايما تحكيلي عن المرحوم جوزها وقد ايه كانت بتحبه وبيحبها وحاجات كده يعني
كامل .. طب متقدرش تفتكر اي حاجة تاني حكتهالك ؟!
عرفة .. لا مش فاكر بصراحة
كامل .. طب ياعم كامل استئذنك انا
عرفة .. ثواني ياكامل انا افتكرت حاجة بس مش عارف هي مهمة ولا لا
كامل .. قول ياعم عرفة
عرفة .. الست جميلة في مرة كنت بحكيلها إن في ورق مهم ضاع مني ، فردت عليا قالتلي عشان خايب ياعرفة بص بقا من بكرة تروح عند النجار وخليه يعملك صندوق صغير خالص والصندوق ده يكون وظيفته الورق المهم زي ما انا عاملة بالظبط حاطة كل الورق المهم اللي يخصني ويخص ناس تانية في صندوق عشان كده عمر الحاجة ما بتضيع مني وورتني الصندوق عشان اعمل زي ، كان تقريبا لونه بني ومقفول بقفل
كامل .. ( الصندوق ) وساكت ليه ياعم عرفة ؟!! الاقي فين الصندوق ده ؟!!!
عرفة .. هو في شقتها يابني واكيد هيكون في اوضة نومها
كامل .. انا عايز ادخل الشقة دي ياعم عرفة
عرفة .. لا ماهي بتعزني اه بس لدرجة انها تديني مفتاح بيتها !!
كامل .. عالعموم انا محتاج الصندوق ده وإن شاء الله هوصله بس اوعى تجيب سيرة قدام حد ياعم عرفة
عرفة .. كامل يابني بلاش تحط نفسك في مشاكل كبيرة وتخاطر بمستقبلك، انت لسه طالع للدنيا ولو حد شافك مش هيعرف ان نيتك خير ابعد يابني واللي مقدره ربك هيكون
كامل .. خلينا نعمل اللي علينا ياعم عرفة ومادامت نيتنا خير يبقا ربنا هيقف جنبنا
عرفة .. خلي بالك من نفسك ربنا يحفظك بحفظه
ــــــــــــــــــــــ #كشف_حقائق_وأسرار_بقلم_احمدحسن
بالفعل كامل خرج من عند عرفة وبدأ يحط خطة يدخل بيها بيت الست جميلة بس الصراحة عمل حاجة كويسة جدا وهي إن قدر يقعد مع كبيرة المنطقة الحاج سلامة وسكان العمارة ويفهمهم كل حاجة وعرفهم إن وصوله للصندوق ممكن يكون فيه برائة عرفة وطبعا جدعنة الإسكندرانيين معروفة من زمان وبالفعل وتحت إشراف الحاج سلامة و الجيران تم فتح الباب ليلا ودخول المحامي
وبعد بحث كتير عن الصندوق وجده اخيرا
تم فتح الصندوق وتفريغ محتوياته امام الجيران
كامل طلع شوية شوية ورق فيهم اسماء ناس ولسه هيشوف التفاصيل لقي الشرطة طالعة عالسلم
بسرعة الحاج سلامة خطف منه الصندوق وكامل حط الورق في جيبه ولما حضرت الشرطة وسألت مين اللي فتح الشقة
جاوبهم الحاج سلامة قالهم انا اللي فتحتها كنت بدور على دليل برائة عرفة وانا المسئول
ولما الظابط كلم كامل
رد عليه الحاج سلامة قاله انا اللي دخلت وانا المسئول والناس دول ملهمش دعوة هما اول ما سمعوني بخبط في الباب جم يجروا
طبعا الظابط فاهم الموضوع من البلاغ المتقدم من شخص مجهول بس بالقانون المحامي ملوش دعوة خصوصا بعد اعتراف الحاج سلامة
كده الحمل بقا تقيل اوي على كامل خصوصا بعد حب،س الحاج سلامة وبكده أصبح الموضوع اكثر تعقيدا
ــــــــــــــــ #كشف_حقائق_وأسرار_بقلم_احمدحسن
رجع كامل البيت وبقا في اسئلة كتير بتدور في دماغه
اول حاجة مين اللي بلغ عليهم ؟
مين اللي قاصد يعطل كامل وهل ده معناه إن كامل قرب خلاص من الوصول للجاني ؟!
طب إيه حكاية الأسماء اللي في الورق تعالوا نشوف
الورقة الأولى قديمة وفيها أسم أبو معتز وفيها إنها كان عندها ميعاد معاه وتقريبا الورقة دي كانت قبل الميعاد بفترة عشان كده جميلة سجلت الميعاد
افتكر كامل وهو بيقلب في الورق لما كان في ايدهوالصندوق إن جه في ايده عقد بيع بأسم نفس الراجل
.يبقا كده الارض اللي كانت مع جميلة كانت ملك ابو معتز مش وراثة زي ما كان فاهم وعشان كده معتز كان بيعمل المستحيل عشان يسترد الأرض
الورقة التانية كان فيها قسيمة طلاق من 15 سنة يعني بعد وفاة جوزها ب5سنين والزوج في العقد اسمه نظيم صادق
وقف كامل وهو حاسس انه يعرف الاسم ده
وعمال يفكر لحد ما افتكر ان ده اسم رئيس تحرير الجريدة اللي كانت بتشتغل فيها
اخر ورقة كانت عبارة عن وصل امانة بإسم ذكية عبدربه
والورقة دي كانت من3 سنين فقط
كامل حس ان الموضوع كل مدى بيوسع منه
ولما قعد يرتب الورق حسب الأهمية
حطهم حسب التاريخ الأقرب وهي
وصل الامانة اللي بأسم ذكية عبدربه
زواجها ثم طلاقها من رئيس التحرير
اخيرا ميعاد وعقد بيع ارض ابو معتز لجميلة
بعد شوية رن عليه ابراهيم وقاله ممدوح بيلم عزاله ونازل القاهرة
كامل حس إنه مش عارف يسيطر على حاجة والدنيا هتتلخبط
قرر وقتها يبلغ الشرطة على معتز ويفهمهم كل حاجة ويديهم ويعمل محضر يتهم فيه معتز اتهام مباشر بق،تل جميلة ويدي كل الدوافع اللي يعرفها للشرطة
كمان هيحط اسم ممدوح في المحضر ويستدل بهروبه على القاهرة عشان يختفي عن الأنظار
وبكده هيبقا قلل دايرة الناس اللي شاكك فيهم عشان يفضي نفسه للجاي ويشوف رئيس التحرير وذكية عبد ربه
بالفعل تم القبض على الاتنين وجاري التحقيق معهم
اما كامل اتجه نحو ذكية ورئيس التحرير
ــــــــــــــــــ #كشف_حقائق_وأسرار_بقلم_احمدحسن
في الناحية الأخرى وبالتحديد في بيت البطلة الصغيرة ميادة
الاستاذة وفاء .. وبعدين معاكي ياميادة هستبيني اكل وحدي
ميادة .. هو عمو عرفة مش راجع تاني ياماما ؟!
الام .. قلتلك كذا مرة إنه مش راجع ياماما
ميادة .. ما انا كل ما أسالك مش راجع ليه ياماما مش بتردي عشان كده لازم اسئلك كل شوية
الأم .. ( طب اقولها ايه دي دلوقتي ) بصي ياميادة عمو عرفة للأسف سر،ق حاجة عمتو جميلة وانتي عارفة اللي بيسرق الشرطة بتاخدو
ميادة .. سرق ايه ياماما ؟!!
الام .. سرق دهب وفلوس بتوع الست جميلة
ميادة .. دهب !! وبدأت تسترجع مشهد شافته في دماغها وبصت لأمها بإستغراب وقامت تجري على اوضتها
امها ظنت إنها زعلانة على عرفة مهتمتش وشالة الأكل وراحة تعمل الشاي
ميادة راحت جابت مذكرتها وقعدت في سريرها مسكت المذكرة وأفتكرت إنها شافت مين اللي كان شايل دهب ووقعت منه قطعة دخلت تحت عقب الباب عند عم عرفة
يتبع.. كشف حقائق وأسرار بقلم أحمدحسن
جاري كتابة الفصل، اضغط هنا
رواية طفلة تفجر مفاجأة وتنقذ بريء من الإعدام 1998 كاملة من هنا
