رواية سباق بلا نهاية عبر روايات الخلاصة بقلم فونا
_كتكوته زيك بتعمل ايه في المكان ده.
ـ خليك في حالك.
تجاهلته وروحت تجاه الريس بتاعتي وبدأت اطمن عليها قبل ما ابدأ السباق.
_متقوليش أنك هت...
ـ هتسابق.
بصلي بهدوء وبعدين نطق ببرود:
_روحي لماما وبابا يا كتكوته إحنا مش في حضانة.
مهتمتش لكلامه وركبت علي الريس بتاعتي ولبست الخوذة.
بصلي بهدوء وبعدين ركب الريس بتاعته ولبس الخوذة ووقف جنبي بس علي بعد مسافة.
_ واحد، اتنين،تلاتة..يلااااا
أول ما سمعت الصفارة انطلقت بسرعة...كنت بتحرك بمهارة واحتراف نظراً لأني بحب الموضوع ده.
كان بيحاول يكسر عليا...اتعصبت لأن دي مش من القوانين.
لاحظت أن كله كان ساكت لما عمل الحركة دي..في اللحظة دي مهمنيش حد...وبدأت ازود سرعتي وبالفعل عديته بس كنت ملاحظه أنه متهاون معايا!!
معرفش ليه بس لحظة والتانية وكسبت!!
وقفت مكاني..ميخصنيش غير أني كسبت.
قلعت الخوذة تزامناً مع صوت زعيق ورايا..
_برضو يا مريم مش بتحرمي!!
بصيت ليوسف أخويا ببرود:
ـ إحنا مش هنخلص من موال كل يوم ده!
كان فقد أعصابه فقرب مني وزقني في كتفي:
_ مش هنخلص طول ما أنتِ عنيدة ومش بتسمعي الكلام.
حاولت اتحكم في نفسي وخدت الريس وطلعت برا المكان فجيه ورايا.
كل ده كان بيحصل قدام عيون چون
ـ بقولك هي مين دي وايه حكايتها.
_دي يا عم مريم...برنسيسة بس علي طول مش طايقه نفسها ولا اللي حواليها،ومش بتحب في الدنيا قد الريس بتاعتها ويوسف.
ـ مين ده.
_ده يا سيدي اخوها اللي لسه كان معاها دلوقتي.
ابتسم چون بغموض وبعدين انسحب بهدوء.
عند مريم"
اتنهد يوسف بضيق:
_مريم هفضل أقولك كام مرة أني بخاف عليكي من الموضوع ده...مش كفاية اللي حصلك مش بتحرمي!
يتبع...
فصول رواية سباق بلا نهاية بقلم فونا
اضغط على الفصل الذي تريد قراءته:
جاري كتابة باقي فصول الرواية.. عاود زيارتنا..
