رواية صعيدية في أمريكا عبر روايات الخلاصة بقلم مصطفى جابر
ما لسه بدري يا بيه جايلي الساعة سته الصبح.
يسري بهدؤء: في اي يا بابا بس هو كل يوم نفس الكلام انت مبتزهقش.
محمد بزعيق: احترم نفسك وانت بتتكلم مع ابوك ولا عشان قاعد في امريكا تفتكر انك منهم لا فوق لنفسك احنا غيرهم.
يسري ببرود: وقاعدين في بلدهم ليه طالما احنا غيرهم. بابا انا مش عاوز صداع وتحمد ربنا اني مسبتكش ورحت عشت في شقه لوحدي.
محمد بصدمة: انت بتقول ايه ؟ عايز تسيبني و تعيش لوحدك ؟ انا اللي سبت بلدي واهلي عشان خاطر اعيشك عيشة محترمة تقوم تعاملني كدا.
يسري بملل: عادي يا بابا انا طلع انام و ياريت تغير اسطوانه كل يوم دي.
طلع ينام ومحمد بص لابنه بحزن: انا السبب يا يسري انا اللي خاليتك تكون بالمنظر دا بس لازم افوقك وتتربي من الاول وعندي اللي هتخليك تمشي علي العجين .
يا صاوي هات الاجندة. ..الحارس جاب الاجندة..
محمد بابتسامة: ازيك يا حج غنيم كانت عاوز منك طلب واتمنى انك متكسرش خاطري.
غنيم بابتسامة: بقي معقوله يا بيه دنت الغالي وولي نعمتي اؤمرني عايز اي
محمد بخبث: انا عاوزك تبعت لي واحدة من عندك ب عشر رجالة عاوزاها تربي لي ابني من الاول وجديد الواد حاله مال ومبقتش قادر عليه.
غنيم بتفكير: عايز تربي ابنك يعني علي ايد بنت صعيديه ؟ .
محمد بجمود: اه و محدش هيساعدني غيرك انت.
غنيم بأبتسامه : علشان أنا واثق فيك ومتربي إنا وولادي في بيتك وبيت والدك أنا هبعتلك تسنيم هيا اللي هتمشيه علي العجين .
محمد بابتسامة: ووعد مني بنتك هتكون في عيني وهتبقي في امانتي.
غنيم بضحك: ضحكتني ..أنا مش خايف عليها انا اخاف عليكم انتو هتكون عندك في اقرب وقت.
.. محمد ابتسم وقفل معاه..
.. بعد اسبوع
يسري قاعد بيفطر بهدؤء الباب خبط..
محمد بغضب: انت يا يبني مش سامع الباب بيخبط
الخدام بهدؤء: جيت اهو يا بيه.
فتح الباب باستغراب من شكل البنت لابسه عبايه و شايلة شنطة علي كتفها زقته ودخلت: وسع اكده مش شايفني وخد الشنطه دي دخلها جوا في اوضتي.
الخدام نزل الشنطة كان هيقع من تقلها..
تسنيم وبتبص علي البيت: اي البيت ده .. ده بيتنا أحلي منها وي..... وي ايي التماثيل دي كلها انتو تجار اثار ولا اي ؟ .
يسري بأستغراب: انتي مين يا شاطره ؟ انتي الخدامة الجديده؟
تسنيم ببرود: انا مش خدامة انا صاحبه البيت الجديدة فين عمي محمد.
يسري بغضب: صاحبة اي و حج مين ارموا البت دي برا اي الاشكال دي.
تسنيم بسخرية : اشكال ؟ انا اللي اشكال انتو معندكوش مرايات هنا علشان تبص لنفسك ؟ في راجل يلبس سلسلة ويي ... ولا بلاش احسن تعيط.
يسري قرب بغضب: لا انتي زودتيها اوي انا بنفسي هرميكي.
قرب يمسكها من دراعها ضربته بوكس وقع أغمي عليه!
محمد كان بيتفرج من فوق اتخض نزل جري : ابنييي انتي عملتي اي انا قولت تربيه مش تموتيه يا مفترية ...يسري فوق يابني.
تسنيم ببرود: جرا اي يا حج انت هتعترض من اولها انا ممكن الف وارجع بلدي .
محمد بخوف: لا وعلي اي خليكي بس بلاش تأذيه
. يعني ربيه من غير ما تكسريه.
تسنيم ببرود: متدخلش في شغلي وبعد اذنك وسع كده.
بعدته وشدت يسري من رجله علي الارض.
محمد بصدمة: ابني اتمسح بيه البلاط يا شوقي.
شوقي بخوف: حضرتك جبتها منين دي.
محمد بتوتر: من الصعيد بس متوقعتش تكون كدا.
شوقي بضحك: ربنا يستر من اللي جاي تعالي نشوف خدته فين.
راحوا ورا تسنيم كانت جرت جاد قدام البسين..
محمد بخوف: انتي هتعملي اي في الواد.
تسنيم بضحك: هفوقه ولآخر مرة تدخلي في شغلي علشان متندمش.
يتبع...
فصول رواية صعيدية في أمريكا بقلم مصطفى جابر
اضغط على الفصل الذي تريد قراءته:
جاري كتابة باقي فصول الرواية.. عاود زيارتنا..
