رواية غدر القريب عبر روايات الخلاصة بقلم مصطفى جابر
رواية غدر القريب الفصل الخامس 5
انت بتعمل اي هنا وازاي دخلت ؟
كريم بغل: جاي انتقم منك واخد روحك يا حلوه ... مانا مش هخرج من المولد دا خسران ..
نجوه بخوف : استهدي بالله كده وارمي السكينه دي هتودي نفسك في داهيه
كريم بضحك : قلبك عليا هااا ...دنا هخلص منك وانا مبسوط وعارفه هلبسها في المحروسه بنتك .
نجوة بصدمه : انت لو خلصت عليا هتروح في ستين داهيه في كاميرا هنا بتصور كل اللي بيحصل.
كريم بخبث: مانا عارف وعشان كدا انا فصلتها انا عامل حسابي علي ان بنتك هي اللي انتقمت منك عشان خدتي خطيبها منها يلا اتشاهدي بقا.
طلعت تجري وهو جري وراها فجاءة الباب اتفتح ودخل حاتم.
نجوة بدموع: الحقني يا حاتم عاوز يخلص عليا.
كريم بلع ريقه بخوف: محصلش انا كنت جاي اطمن عليها هي اللي دماغها تعبت من وقت ما بنتها سابتها.
حاتم طلع سلاحه: ارمي السكينه اللي في ايدك دي وارفع ايدك ورا دماغك والا هخلص عليك حالا
كريم خاف ورمي السكينه ونزل عالارض .
حاتم طلع تليفونه واتصل عالشرطه جت خدته .
بعد شويه
نجوة بخوف : لولا انك جيت كان خلص عليا يا حاتم ... ده اكيد ذنب بنتي وانا والله ما كان قصدي اكسرها أنا عايزاك توديني ليها دلوقتي.
حاتم بتوتر: يارا مختفيه ومراحتش ل صحبتها انا جيت عشان اعرف عنوان صحابها الباقيين وندور عليها.
نجوة بصدمة: يعني اي مختفيه انت بتهزر صح ؟؟
كان لسه هيرد وقعت مغمي عليها..
تاني يوم عند يارا..
امام بضحك : اي ده مالك قاعده زعلانه كده ليه
يارا بغيظ: زعلانه بسبب اللي انت عملته امبارح وانت سكران وحالك هباب .
امام بأستغراب : عملت اي امبارح ؟؟
يارا بجمود : هحكيلك
فلاااااااااااااااش بااااااااااككككك.
صحيت يارا وقامت تعمل فطار عشان كانت جعانه قعدت تاكل حست انه صعب عليها..
يارا وهي بتكلم نفسها: فوقي يا يارا يصعب عليكي لي اصحي... دا واحد مدمن و خاطفك مش بعيد يكون تاجر مخدرات .... انا هطلع اشوفه بقي واللي يحصل يحصل
طلعت جناحه وخبطت مفتحش فتحت ودخلت تصحيه ..
يارا بصوت واطي: يا امام اصحي يالله علشان تفطر
امام صحي : اي اللي جابك اوضتي ؟ اطلعي برا ومتتحركيش غير بإذن مني سامعه ولا لا.
يارا بغيظ: في أيييي بقي مش انت اللي قولتلي تصحي بدري وتجهزيلي الفطار اديني اتزفتت حضرته
امام بهدوء : طيب أنا مش جعان يالله اتفضلي انزلي تحت
يارا بتوتر: مالك في حاجه مدايقاك ؟ ... واي الجرح اللي علي دراعك ده ؟
امام بزعيق: اطلعي برا بقااا مش محتاج حاجه من حد اخرجي بررررررا.
يارا خافت وخرجت..
امام بص لطيفها بجمود...
بااااااااااككككك.
امام بجمود: مش مهم تعرفي واه مش عشان صالحتك تفتكري نفسك حاجة انا بس عشان صعبتي عليا بعاملك حلو
يارا بغضب : لا دنتا مجنون .. يعني اي علشان صعبتي عليا بعاملك حلو ... منتااااا اللي خاطفني وحابسني هنا
امام بصلها ببرود وسابها ومشي.
يارا بصدمة: والله دا مجنون رسمي وعنده انفصال في الشخصيه كمان اصل ده مش طبيعي .
بعد شويه..
يارا كانت بتنضف المطبخ وامام قاعد برا شغال علي اللاب توب خرجت لاقته بيشم جريت بغضب شدت الكيس منه: انت بتهبب اي تاني .
امام بغضب: وانتي مالك اي خدتي عليا ولا اي.
يارا بحزن: لا بس دا مينفعش .. ومش علشان خايفه عليك ولا علشان انت كده بتدمر حياتك ولا حاجه .. أنا علشان خايفه علي نفسي مضمنش بعد ما تاخد الهباب ده ممكن تعمل فيا حاجه كده ولا كده
امام بزعيق: انا حر دي حياتي وانتي هنا حتة خدامة هزهق وارميها بعدين لما اكسر نفسها.
يارا بجمود: وليه بعدين ما دلوقتي افضل
امام بص ليها بغضب وقام مشي...
بليل...
رجع وهو سكران كالعاده وهيا كانت قاعده عالاريكه بهدؤء..
راح قعد جنبها..
امام بدموع : امي هيا السبب في كل اللي انا فيه دا علي فكره
يارا بصت له بانتباه..
امام بحزن: موتها السبب في حالتي دي ...وانا صغير بابا اتجوز عليها واحدة مش كويسة كانت خبيثه وممثله شاطره كانت بالبدايه بتعاملنا كويس كنا عايشين مع بعض بس للاسف كانت بتوريني الويل ولما امي تفتح بوقها كانت تتهمها ب ابشع التهم مكنش ليها حد عشان كدا بابا استقوي علي امي لحد ما في يوم امي قفشتها مع راجل قبل ما تبلغ مسكوها كتفوها قدم عيني و ولعوا فيها وهي عايشة وانا كنت صغير مقدرتش اعمل حاجه جريت وحاولت انقذها كتفي بضهري اتحرق وهم مسكوني و محستش بنفسي غير وانا في المستشفى وابويا كان جمبي هو ومراته .... ومراته فهمته ان امي ولعت في نفسها علشان زهقت من العيشه دي ومن كل حاجه ولما جيت اتكلم مصدقنيش وقالوا ده تأثير الصدمة .... هربت واترميت في الشارع وبعت مناديل و اتمرمت لحد ما وصلت للمكانه دي ...بعد كده ابويا مات و اول م وقفت علي رجلي فضلت مراقبها لحد ما اتجمعت هيا وعشيقها ... تخيلي كانت لسه معاه بس مخلصتش عليهم بسهولة ... وريتهم الموت الف مرة هيا وهو ... ومن وقتها وانا مشهد موت امي في عيني مش قادر اتخطاه ...بقيت مدمن اهو عايش بس ميت.
يارا كانت كاتمه بوقها من شهقاتها وعياطها عليه وهو بص لها بدموع..
امام بدموع وحزن: مبقاش عندي احساس ... بقيت شايف اي واحده قدامي رخيصه ومتسواش .
يارا بدموع: اترحم عليها يا امام هي مش عاوزة تشوفك كدا.
امام بدموع: صدقيني ولا انا عايز اشوف نفسي كده بس غصب عني خلاص ادمنت.
يارا مسحت دموعها: هساعدك تبطل يا امام
امام قام وقف: لا أنا عايزك تروحي بيتك انا بحررك اهو.
يارا بهدؤء: مش همشي وانت هتتعالج يعني هتتعالج وانا قولت كلمتي سامع ولا اعيط .
امام بيقرب منها اتخضت ضحك.
امام بحنان: متخفيش مش هقرب منك.
يارا اتعدلت وبصت له بشرود: انا عاوزة اعالجك زي ما أثار الحكيمي ما عالجت عادل امام في النمر والانثى
امام بضحك : هتتعبي يا يارا مش عارف انا ممكن اعمل فيكي اي وانا في الحالة دي لو عاوزة تمشي امشي.
بص ليها بخوف خايف توافق وتمشي لكن ردها صدمة: مش همشي ومش هسيبك أنا هعالجك وهكون جنبك و هستحمل اي حاجه هتتعالج تبدء ب اول حاجه ممنوع تتعب نفسك وتشرب تاني .
امام بتنهيدة: اتعودت هي اللي بتاخدني لدنيا تانية اه اخرتها دمار بس اتعودت.
يارا بهدؤء: هتبطل و المخدرات هتبطلها وتتغير.
امام بجمود: بس انا مش هروح مصحات انا لو رجال الاعمال شموا خبر مش هيرحموني وهيدمرو شركاتي
يارا بحنان: هعالجك انا هنا قولتلك ... هساعدك يا امام بس محتاجه يكون عندك ارادة انك تتغير وتكون كويس.
امام بابتسامة: عارفه اني نفسي اكون انسان نضيف بجد .
يارا بصت له بابتسامة: هتكون نضيف يلا اطلع برا بقا انا عاوزة انام وهنام في اوضتك وانت نام علي اي كنبه برا
امام برفع حاجب: بتطرديني من اوضتي ؟
يارا ببرود: القصر مليان اوض شوفلك اوضه تانيه نام فيها
امام بابتسامة: ماشي هسيب لك الاوضه.
قام طلع وهي بصت علي طيفه بشرود...
بعد شوي . عند حاتم.
كان باصص ل مرات عمه بحزن والدكتور بيكشف عليها : انا حاسس بالذنب عشان كدبت عليكي انه هي موجودو بس وعد مني هلاقيها.
في القصر..
كان امام قاعد بياكل و عاوز يطلع البودرة وهيا بتاكل بابتسامة.
امام بلع ريقه بتوتر: ا ا يارا انا طالع الجنينه اعمل مكالمة.
يارا بشك: طب ما تعملها هنا يا امام هو انا هفضحك يعني .
امام بهدؤء: لا دي للشغل وعشان ما اعملكيش ازعاج وكدا كملي اكلك انا كلت .
قام خرج الجنينه وبص وراه كأنه بيتأكد انها مجتش وراه..
قعد علي الارض وطلع البودرة و يحطها علي رجله ولسه هيشم جت بسرعه و نفضتها علي الارض وشدت الكيس منه ..
امام بجنون: هاتي الكيس يا يارا .
يارا خبته وراها: لا يا امام احنا قولنا انك خلاص هتبطل.
امام راح عليها بغضب وجنان: بقولك هاتي الكيس اخر مرة وبعدين هبطل وعد .
يارا زقته ودخلت جوا جري مسكها:هاتيييهاااااا بقوولك .
يارا بخوف حدفت الكيس في الحوض كان مليان مايه جري امام يشوفه غضب اكتر: ليييههه.
يارا بعصبية: هو اي اللي لييه ... كل ده علشان مصلحتك علشان تتعالج يا امام سامع .
امام بص ليها وراح بغضب ضربها بالقلم بقوه فمها نزف .
وقع علي الارض بيصرخ: عاااوز الكيس انا عاوززززاااو.
نزلت لمستواه بدموع: اهدا يا امام عشان خاطري.
امام بقا بيشد في شعره بجنان وبيهرش في جسمه هيا حضنته بدموع وفضلت تطبطب عليها: شششش اهدا اهدا..
شويه ولقيته فقد وعيه..
تاني يوم..
امام صحي علي ضوء الشمس وهي بتفتح الستارة..
بيصحى بيلاقي نفسه في الاوضة و الشباك مقفول ب حديد..
امام باستغراب: اي دا انتي حبساني ولا اي.
يارا بهدؤء راحت عنده و جابت الاكل: حاجة زي كدا كل يالله عشان تقدر تصلب طولك .
امام بص علي خدودها بحزن واثار أيده معلمه علي وشها : انا اللي عملت كدا صح انا اسف.
يارا بابتسامة: متقلقش انا كويسه يلا كل بقا متزهقنيش .
امام حس بجسمه بينمل: جسمي مش قادر.
يارا بهدؤء: ده بسبب انك مخدتش الجرعة .. متقلقش انت هتفضل هنا ومش هتخرج لحد اما تخف.
امام بالم مسك دماغه: دماااغي هتموتني من الصداع يا يارااا
يارا بهدؤء: اهدي اشرب دا هيخفف الوجع شويه.....تمام مسك الكوبية حدفها بيها
يارا بصدمه : اااه
#يتبع
