رواية غدر القريب عبر روايات الخلاصة بقلم مصطفى جابر
رواية غدر القريب الفصل السادس 6 والأخير
جسمي مش قادر واجعني حاسس ان دماغي هتفجر من كتر الصداع يا يارا
يارا بهدؤء: ده علشان انت بدأت تبطل الهباب ده فا جسمك مش متعود علي كده ... لكن متقلقش انت هتفضل هنا وانا جمبك ومش هسيبك لحد اما تخف.
امام بألم مسك دماغه: دماااغي هتموتني من الصداع يا يارااا
يارا بهدؤء: خد اشرب ده .. دي اعشاب طبيه هتساعدك انك تبطل
امام بلا وعي مسك الكوبية حدفها بيها
يارا بصدمه : تفادت الكوبايه وقامت وقفت
امام بص ليها بخضة وجري عليها: يارا امشي اطلعي من هنا ضروري .. روحي سبيني مش هتعالج .
يارا بأستغراب : ليه ؟
امام بدموع : عشان مش هستحمل أني أذيكي المرادي ربنا سترها وعرفتي تتفادي الكوبايه فا سبيني عشان خاطري.
يارا مسكت ايده: وعدتك وهفضل جنبك واعالجك حتي لو ده هيكلفني حياتي
قعد يعيط بألم ويصرخ ...يارا تلقائي حضنته وهو دموعه نزلت وحضنها...
مر اسبوعين علي الحال دا...
يارا بخضة كانت نايمة علي الكنبه بتصحي علي صوت صراخ أمام : في اي انت كويس .
امام بفرحه خدها في حضنه بسرعه: كابوس كابوس وحش اوي يا يارا انتي كويسة صح .
يارا بأستغراب بعدت عنه : في اي انا بخير واحب اقولك انك كمان بقيت بخير والحمد لله وشك بدءت الروح ترد ليه
امام بابتسامة: انا فعلا حاسس اني اتولدت من جديد ومبقتش عاوز اشم تاني.
يارا بابتسامة: روح خد لك دوش وتعالى تحت الجنينه.
امام بابتسامة: حاضر اخيرا هخرج من اوضتي .
ضحكت وخرجت..
طلعع تليفون واتصلت علي حاتم..
حاتم بهدؤء: اي يا ست يارا مش ناوية ترجعي بقي امك هتتجنن عليكي وحالتها حاليا مستقره بسبب غيبوبة السكر بس مش عارف هتقوم بالسلامه امتي
يارا بحزن : هرجع والله يا حاتم بس مش دلوقتي ... مينفعش اسيب امام كدا وارجع ... قول ل ماما اني هرجعلها لما اخلص المهمة بتاعتي و قولها اني مسامحاها و خليها تسامحني لاني كنت ظلماها
حاتم بهدؤء: طب خدي بالك من نفسك يا يارا ولو احتاجتي حاجه كلميني هتلاقيني موجود عشان انا اخوكي الكبير.
يارا بابتسامة: انا محتاجة انك تخلي بالك من امي لحد اما اجي ليها.
حاتم بحنان: امك في عيني و بخلي ماما دايما جنبها.
قفلت معاه واتنهدت بابتسامة بصت وراها اتخضت
امام بغيرة: كنتي بتكلمي مين يا هانم.
يارا بابتسامة: حاتم بن عمي... حصل حجات كتير وانا غايبه وكنت ظالمه امي ... أنا صحيح محكتش حكايتي ليك ... تعالي احكيلك واحنا بنشرب الشاي.
امام بغيرة: ماشي بس اياكي تكلميه تاني عشان مزعلكيش.
يارا بخبث: ليه بقا بتغير مثلا.
امام بتوتر: نعم وهغير لي يعني يلا عشان ناكل انا جعان.
ضحكت وراحوا ياكلو..
امام بابتسامة وهو بيشم الهواء: الله الواحد حاسس براحه كبيرة اوي.
يارا بابتسامة: والراحه الاكبر هتحسها لما تصلي.
امام بحنان: انا بجد مش عارف اقولك اي علي كل اللي عملتيه معايا مهما اشكرك مش هوفيكي حقك من كل اللي عملتيه معايا اطلبي عنيا تاخديها.
يارا بهزار: لا مش عايزاهم ... انا عاوزة جاتوة.
امام بلطم: يالهوووتي عليا وعلي الجاتوة ده للدرجة دي بتحبيه ده للمره الخمسين اللي تطلبي فيه جاتوه الاسبوع ده
يارا بضحك: اسكت ده الجاتوة دا بينزل في قلبي مش في معدتي .
امام ضحك: يلا احكي لي الحكاية من البداية يا شهرزاد.
بعد شويه ... يارا حكت له كل حاجه: بس يا حج هي دي الحكاية ولما ضربتك كنت تستاهل لانك كنت قليل الادب وقتها اصلا.
امام بتوتر: يعني لسه بتحبي كريم ؟
يارا بسخرية: كنت بحبه ... لكن دلوقتي مش بطيق سيرته يلا ربنا ينتقم منه
امام ابتسم: تحبي تزوري امك دلوقتي انا معنديش مانع وهاجي معاكي لو عاوزة.
يارا بابتسامة: ياريت يا امام هيا وحشاني اوي ووحشني حضنها.
امام بحنان: قومي البسي وانا هستناكي بس ياريت لما تيجي تسلمي علي ابن عمك تسلمي من بعيد هاا
مشي وهي ابتسمت: والله شكله بيغير.
بعد شويه في المستشفى..
دخلت وهيا ماسكه ايده لقيت حاتم واقف بخوف
يارا بأستغراب : حاتم مالك في اي ماما كويسه صح.
حاتم بحزن: حالتها عماله تسوء اكتر والدكاترة كلهم عندها.
دخلت جري و حاتم بص ل امام بهدؤء..
عند. يارا زقت الدكاترة ودخلت..
مسكت ايد امها : ماما فوقي أنا رجعت اهو
يارا بصت للدكتور : هيا هتفوق صح يا دكتور .. احكيلي هيا مالها
الدكتور بحزن : هيا عندها السكر ومش ملتزمة في العلاج وبسبب تعرضها لزعل شديد دخلت في غيبوبة سكر .
يارا بصت لامها بدموع : ماما انتي مش هتسيبني صح بابا سابني ومشي متعمليش زيه انتي ضهري وسندي في الدنيا متكسرنيش بغيابك عني يا حبيبتي اصحى عشان خاطري يا ماما انا عرفت كل حاجه من حاتم وانا الغلطانه سامحيني .
نجوة بتعب بتفوق: بنتي انتي جيتي صح احضنيني عشان اتأكد.
حضنتها ونجوة بصت بحنان: لي كل دا وحشتيني اوي يا ضنايا.
يارا بحزن: سامحيني يا ماما انا والله اسفه مكنتش مصدقة وكنت عاميه بس فوقت واتغيرت كمان.
نجوة باستغراب: انتي كنتي فين حاتم قالي انك كنتي عند واحدة صحبتك غير سهام بس انا مش مصدقاه ريحي قلبي وقولي لي كنتي فين.
: يارا كانت مخطوفة يا طنط وانا اللي خطفتها.
بصوا للصوت بصدمة..
امام دخل بهدؤء: بنتك كانت معايا طول الفترة دي .
نجوة بأستغراب وضحك : هو ده وقت هزار يبني وبعدين لو انت خاطفها بجد جاي هنا انت وهيا ازاي
امام بهدؤء: لا مش بهزر انا فعلا كنت خاطف بنتك وكنت مطلع عينها .. وانا هحكيلك كل حاجه.
نجوة بصت له بذهول و امام وقف جنب يارا وحكي كل حاجه .
امام بهدؤء: دي كل حاجه وبنتك ليها دين كبير في رقبتي ووعد مني هسدده.
نجوة برفع حاجب : تسدده ازاي بقا ان شاءلله.
امام بهدؤء: انا عارف ان مش ده المكان ولا الوقت المناسب بس انا طالب ايد يارا يا طنط و انا والله متعلق بيها وبحبها اوي.
يارا بصت له بصدمة ووشها احمر من الكسوف..
نجوة ببرود: وانا معنديش بنات للجواز.
يارا اتصدمت..
امام بصدمة: مش موافقة لي طيب ... انا بحبها وهصونها واحطها في قلبي و..
نجوة ببرود مقاطعا : اللي عندي قولته اتفضل امشي
امام بتصميم: مش همشي غير لما اعرف السبب.
نجوة ببرود: اثبت لي انك جدير تتجوز بنتي.
امام باستغراب: موافق بس أثبتلك ازاي.
نجوة بهدؤء: تتغير وتقرب من ربنا و تغير حياتك دي كلها ووقتها هبقي افكر اذا كنت تستاهلها ولا اجوزها ل ماهر.
امام بغيرة وغضب: علي جثتي قسم بالله اخطفها تاني.
نجوة ببرود: عندك فرصه اهو اثبتلي انك جدير بيها
امام بهدؤء: تمام انا موافق بس اعملي حسابك يارا مش هتتجوز ولا هتشوف اي مخلوق غيري هيا ملكي انا وبس عن اذنكم..
خرج بغيظ..
نجوة بحنان: باين انك بتحبيه يا يارا
يارا بابتسامة: صراحه اكتر مما تتخيلي
نجوة بابتسامة: اتأكد انه بيحبك الاول هشوف هيعمل اي عشان يتجوزك
يارا بابتسامة: وانا واثقه فيه..
بعد يومين..
نجوة بغيظ: الواد دا مصمم يجنني صح دا مروحش بيته من ساعتها وعلي طول لازق لينا هو جوزك وانا معرفش.
يارا بضحك: ماهو بيروح بليل يا ماما
نجوة بغيظ: مهو من ستة الصبح بلاقيه بيخبط ياختي عيب كدا ميصحش. أنا قولت يثبت لينا انه بيحبك مش يلزق فينا كدا.
امام جه: اولا انا لازق فيها هيا مش فيكي ... تاني حاجه انا زهقت من الانتظار ... انا كلمت الماذؤن وهو في السكة وهكتب عليها واللي يعترض هخلي يندم انا تعبت ومصدقت لاقيت الشخص اللي عوضني عن كل حاجه في الدنيا دي.
يارا بحب: والله انت اللي عوضتني خير وخلتني اصدق انه ربنا بيختار لينا الاحسن ديما.
امام بحنان: الحمدلله يا روحي انتي تحبي شهر العسل فين ولا اقولك سنة عسل ياستي هو انا اطول.
يارا بدلع: ربنا يجعل ايامنا كلها عسل.
نجوة بغيظ: عسل اسود ومنيل علي دماغك انت وهيا ...زهقت من الانتظار اي ده معداش غير يوميين وبعدين مش تحترمو حتي وقفتي معاكم
امام بأبتسامه : مهو يومين كتير بردو وغير كده الحمد لله بقيت بصلي وقربت من ربنا وابتديت احفظ قرأن يعني اتغيرت والله .. ووعد هستمر علي كده ..
نجوه بأبتسامه : خلاص وانا موافقه استعجل مأذونك يالله
#تمت..
#غدر_القريب
#الكاتب_مصطفي_جابر
