رواية دمعة فاطمة عبر روايات الخلاصة بقلم مصطفى جابر
رواية دمعة فاطمة الفصل الثالث 3
ماما مسكت تيته من شعرها وفضلت تضرب فيها و كانت بترمي لها الاكل البايظ اللي باقي مننا
رعد بصدمه : كمان ده انتو ليلتكم سودة بقي امي تمدي ايدك عليها.
ميرفت بخوف: محصلش انت هتصدق عيل صغير ميفهمش حاجه.
رعد بغضب: لا هصدقك انتي يا بنت النصابين .. خدي جوزك ده واطلعوا برا بهدومكم اللي عليكم دي ومحمود هيفضل معايا ... وابقي خلي الراجل اللي معاكي اللي طرد امه وسمح بالقرف دا يعيشك بررا.
ميرفت بغضب: لا انا مش هسيب عفشي وبيتي.
رعد طلع تليفونه: خلاص هكلم البوليس يجي يطردكم قصاد الناس طردة الكلاب.
حسام بخوف: خلاص يا رعد يلا يا ميرفت نمشي وانا هتصرف
ميرفت بغضب: ميرفت اي وزفت اي انا هخرج بالجلبيه يعني.
رعد ببرود: هعد من واحد ل تلاته لو ماخدتش مراتك انا هنزل من مستوايا وأكد ايدي عليكي انتي والمحروس جوزك
حسام شد ميرفت وخرجوا ورعد قفل الباب في وشهم...
محمود نزل حضنه.: انا عاوز اروح لي تيته يا عمو.
رعد بحنان: هجيبها لك يا قلب عمو متخفش عليها.
بعد شويه...
ميرفت بغضب: شوفت اللي اخوك عملو ؟ تقدر تقولي هنروح فين دلوقتي يا سيد الرجاله ؟ اهلي اكيد مش هيخلونا نقعد عندهم انا عارفاهم.
حسام بتفكير: معرفش بس لازم نتصرف اكيد مش هنقعد في الشارع.
ميرفت بخبث: بس انا عارفه احنا لازم نروح ل امك ونصالحها ونحكيلها اللي حصل وهيا هتخليك تقعد معاها في العز .. أنا نسيت اقولك في واحده غنيه جدا خدت امك من الدار وخلتها تعيش معاها في الڤيلا بتاعتها
حسام بصدمة: بتقولي اي ؟ امي قاعدة عند واحده غريبه.
ميرفت بخبث: دي قاعدة في عز يحبيبي ... روحلها ونزل دمعتين واستعطفها وهيا هتحن علطول دي امك بردو اكيد مش هتسيبك مرمي كده
حسام بهدؤء: طب افرضي الهانم اللي قاعدة عندها طردتنا يبقي اي الحل.
ميرفت بخبث: لو لقيت مفيش فايده هددها انك هتاخد امك منها ولو امك فتحت بوقها واعترضت قول انها خرفت وبقي عندها زهايمر وناسيه عيالها ومفكره البنت دي بنتها و القانون هيكون في صفك اسألني انا.
حسام بهدؤء: لا يا ميرفت مش انا اللي اذل كرامتي وانا عارف النتيجة.
... عند تمارا...
الحارس: تمارا هانم في اتنين برا عاوزين يشوفو حضرتك
تمارا باستغراب: مين دول ؟
دخل حسام بدموع علي امه: ماما انتي روحتي فين انا روحت الدار عشان ارجعك قالوا لي انك مشيتي.
فاطمه ببرود: عاوز اي يا حسام جاي تكمل مسرحية مراتك.
.. ميرفت كانت واقفه ورا بتتفرج بخبث وبتبص للمكان بطمع ..
حسام بدموع وتمثيل: لا مش تمثيل صدقيني دي حقيقه انا عارف اني ظلمتك وقسيت عليكي وحقك تزعلي مني بس ارجعي معايا وانا هعوضك
تمارا بسخرية: دلوقتي افتكرت ان ليك ام.
حسام باعجاب: يا هانم الظروف كانت صعبه وقتها و خلاص اتعدلت وقولت لازم ارجعها كان لازم اضحي ب مصاريف حد.
فاطمه بهدؤء: انا مش هرجع يا حسام والمسلسل الهندي ده مدخلش عليا قول من الاخر انت عاوز اي.
حسام باس ايديها: مش مسلسل وغلاوتك بصي رعد رجع وطردني انا و ميرفت وخد ابني يرضيكي نترمي في الشارع.
فاطمه بلهفة: رعد ابني رجع بجد.
حسام بغيظ: اه رجع وطردنا من البيت عشان البيت بأسمه.
فاطمه بسخرية: قول كدا بقي ... انت جاي عشان مراتك زنت في ودنك اني هقعدكم معايا هنا مش كدا ؟ مش عشان ترجعني اصل هترجعني فين وانت بقيت مرمي في الشارع.
ميرفت اتدخلت بخبث: لا يا حماتي كنا هناخدك نشوف اي مكان يلمنا.
تمارا ببرود: كلامكم مش منطقي خالص منين تاخدوها ومنين سبتوها عشان الفلوس ومنين عاوزينها دلوقتي ؟ انتو فاكرينا هبل.
ميرفت بدموع خبيثه: لا والله بس هي وحشتنا مش اكتر وعايزين نصلح غلطتنا ونرجعها.
فاطمه بهدؤء: طيب تمام أنا موافقه ارجع بس هنقعد فين بقا.؟
ميرفت بصدمة: تيجي فين قصدي هنشوف مكان ولو ملقناش هنضطر نقعد هنا كلنا معاكي
فاطمه بجمود: البجاحه في ابسط صورة والله.
حسام بهدؤء: لو مش عاوزانا نقعد خلاص نمشي ولما نلاقي مكان نرجع ناخدك.
تمارا بهدؤء: خلاص متمشوش انا ميرضنيش تتبهدلوا اقعدوا هنا يومين و بعدين شوفوا مكان بس بشرط.
ميرفت بطمع: موافقين علي كل شروط قبل ما تقوليها حتي.
تمارا ببرود: تنسوا الحجة فاطمه خالص وهتفضل معايا لأنكم متستهلوش ام زي دي.
ميرفت بخبث: خلاص ماشي هنقعد فين بقا.
تمارا للخدامه: سعاد خديهم طلعيهم اوضة الضيوف.
سعاد بهدؤء: حاضر يا هانم اتفضلوا معايا.
مشيت وهم وراها.
فاطمه بحزن: لي كدا يا بنتي
تمارا بهدؤء: انا بحافظ عليكي منهم عارفه انهم جايين طماعنين بس بسبب طمعهم هحافظ عليكي بعيد.
الحارس جه: تمارا هانم في واحد برا بيقول انه رعد ابن الحجة فاطمه ومرضيش يدخل غير لما تخرجي انتي وتسمحي له.
تمارا بغمز: شكل الواد دا طلع فالته صحيح البطن قلابه يا بطوط.
فاطمه خرجت جري وتمارا وراها...
رعد جري علي امه حضنها: ماما وحشتيني اوي حقك علي راسي.
فاطمه بحنان: انت اللي وحشتني يا قلب امك كل دي غيبه.
رعد باس ايديها: غصب عني اول ما عرفت اللي حصل جيت لك جري.
محمود بفرحه: تيته وحشتيني اوي .
فاطمه خدته بالحضن: وانت اكتر يا روح تيته وحشتني اوووي
رعد بص علي تمارا باحترام: انا اسف ومتشكر جدا انك راعيتي امي.
تمارا بحزن: هو كدا انت هتاخدها مني.
رعد بابتسامة: للأسف لازم ترجع بيتها انا نقلت كل شغلي هنا و هبيع البيت القديم واشتري واحد تاني احسن واجيب ليهم خدامه وانا بردو هاخد بالي منها.
فاطمه بخبث: طب اي رايكم نعيش كلنا في بيت واحد.
تمارا باستغراب: بيت واحد ازاي.
فاطمه بابتسامة: يعني انا طالبة ايدك ل ابني رعد يا تمارا تمارا بصدمة:بتقولي اي يا ماما بس دنا معرفش عنه اي حاجه .
فاطمه قربت منها: هتعرفيه وتحبيه والله دا قلبه طيب اوي هيحافظ عليكي ويشيلك في نن عينه.
رعد باحراج: ماما بتعملي ايه متحرجيش البنت مش يمكن مش هتوافق.
تمارا بابتسامة: لكن انا موافقة يا رعد بس عند شرط بسيط.
رعد بهدؤء: انا معنديش اي مشكلة في شروطك وموافق لاني مقدرش اكسر كلمة امي.
تمارا بهدؤء: تمام عاوزة نكتب الكتاب ونسافر احنا الاربعه السعوديه ونقضي شهر هناك.
رعد بص لها باعجاب: تمام انا معنديش اي مشكله.
فاطمه بفرحه: وانا كمان موافقة نفسي اروح بيت ربنا اوي.
تمارا بصت للفيلا: طب واللي جوا صحيح هنعمل اي معاهم.
رعد باستغراب: مين الخدم بتوعك وكدا عادي اديهم اجازة.
فاطمه بهدؤء: اخوك ومراته يا رعد.
رعد باستغراب: واخويا ومراته بيعملوا اي جوا جايين يعيطوا لك.
فاطمه بتوتر: بصراحه هم هيقعدوا هنا يومين عشان ملهمش حد وهيترموا في الشارع عقبال ما يدبروا مكان.
رعد بغضب: ما يترموا يجربوا احساسك لولا انه مش بيتي كنت دخلت جرجرتهم ورمتهم برا.
فاطمه بدموع: عشان خاطري بلاش سيبهم هنا شويه عقبال ما يجيبوا بيت.
تمارا بأبتسامه : معلش يا رعد خليهم هنا لحد ما نروح وترجع
رعد بغضب : براحتكم انتو احرار
.... بعد مرور شهر ونص... في فيلا تمارا..
ميرفت بتكبر: انتي يا خدامه فين الكوفي بتاعي.
الخدامه بهدؤء: اهو يا مدام ميرفت.
ميرفت بغضب: اسمي ميرفت هانم انتي نسيتي نفسك ولا اي.
سعاد بجمود: لا منستش بس الظاهر ان انتي اللي نسيتي عموما الهانم الاصلية رجعاه النهارده من شهر العسل هيا والكل و هنعرف مين نسي نفسه.
ميرفت ببرود: ولا هتقدر تعمل حاجه غوري هاتيلي الفطار بتاعي بلا قرف.
حسام جه بهدؤء: مالك يا ميرفت.
ميرفت بغضب: امك والعرسان جايين النهارده هنعمل اي يا حسام.
حسام باستغراب: هنعمل اي في اي انا شوفت شقه علي قدنا وخدتها نروح نقعد فيها.
ميرفت بغضب: نعم واسيب العز دا كله لا طبعا انت بتحلم.
حسام بهدؤء: العز دا مش بتاعنا يا حبيبتي.
ميرفت بغضب: لازم يكون بتاعنا اومال هقعد في حتة عشة هو اللي داق العز يرجع للفقر تاني ؟
حسام بأستغراب : امال هنعملو اي ؟
ميرفت بخبث: هقولك اي رايك نقول انك تعبان وعندك مرض وحش ولازم ترتاح وهم يرجعوا يلاقوك نايم و محتاج راحه واكيد هيسبونا هنا براحتنا ما هم مش هيطردوا حد تعبان واحنا مش غرب خلاص دا بيت سلفتي و اخوك.
حسام بتفكير: تصدقي عندك حق بس رعد لو عرف مش هيرحمنا دا بيتلكك لينا علي الواحده.
ميرفت بخبث: رعد اي فكك دا بيطلع وينزل علي مفيش واكيد الدم بيحن وانتو اخوات.
حسام بخبث: ماشي بس بردو لحد امتي.
ميرفت بمكر: لحد اما امضي سلفتي علي تنازل ب الفيلا و العربية بتوعها
حسام بصدمة: تنازل ؟؟
#يتبع
