رواية قدر على الطريق (نور ويوسف) الفصل الأول 1 بقلم أروى

رواية قدر على الطريق (نور ويوسف) عبر روايات الخلاصة بقلم أروى

رواية قدر على الطريق (نور ويوسف) الفصل الأول 1

-انتي عندك كانسر في الدم

قولتلو بتوتر 

-انت اى اللى دخلك اوضتي

-ردي انتي عندك كانسر 

-اة

-ولى خبيتي 

-انا مخبيتش كنت هقول للعيلة بس مش دلوقتي 

-اومال امتى

-معرفش 

انت مالك اصلا ودخلت اوضتي لى 

قولتلو كدة بس هو اصلا مسمعنيش

لقيتو شدني بقوة من ايدي وكان نازل 

-سيبني 

-لازم العيلة تعرف 

-لى 

-اى هو اللى لى 

حاجة زي كدة مينفعش تخبيها 

-قولتلك انا مش مخبية بس كنت هقول في الوقت المناسب

-ارجوك يا يوسف مش عايزة حد يعرف 

واشوف في عينية نظرة الشفقة عليا

زي ما كان بيحصل في ريناد 

قولتلو كدة وحسيتو اقتنع شوية بكلامى وسكت للحظة

-ماشي يس اوعديني انك هتقوليلهم  بنفسك

-وعد 

-امتى الجلسة 

-ها 

جلسة اى 

-جلسة الكيماوي 

-السبوع الجاي 

قولتلو كدة ومشي وانا قفلت الباب وراه 

-اوف مكنش ناقص غيرو يعرف

غيرت هدومي ونزلت اكل معاهم بس حسيت ان يوسف  باصص عليا حاولت مهتمش واكل واطلع ارتاح في اوضتي

خلصت اكل كنت لسا طالعة قطعني صوت ريناد

-نور

-نعم يا ريناد

-كنت عايزة اتكلم معاكي

-دلوقتي 

-اة 

طلعنا على اوضتي وقفلت الباب

-خير ياستي

-خمني اى اللى حصل

حسيت في عنيها لامعة مشوفتهاش قبل كدة 

استنتجت ان اكيد زياد اعترف بحبو 

-لا متقوليش ابو لهول نطق

-ايوة 

قالتلي كدة وقمت حضنتها 

-امتى الكلام دة 

-من كام يوم 

-ولى معرفتنيش

-انتي بقى حد يشوفك يأما في الكلية يأما في اوضتك او بتخرجي صحيح بتروحي فين

-يعني بكون اروح فين 

-مش عارفه حساكي الفترة دي بقيتي تخرجي كتير

وبقيتي تخبي عليا حاجات كمان

-لا اخبي اى بس 

كل الحكاية اني كنت بدور في موضوع اخوكي مش اكتر

-ماشي هحالو اصدقك

__________________________________________

مشيت ريناد وانا دماغي مشغولة فى حاجات

هل يوسف هيقول لحد بس هو وعدني هل انا هبقى كد وعدي وهقول للعيلة

__________________________________________

عدى الاسبوع وكان اسرع مما تخيلت 

قاعدة في اوضتي قافلة الباب المفروض اقوم دلوقتي 

بس كنت بشجع نفسي وانا مرعوبة من اللى ممكن يحصل سامعة صوت قلبي من كتر الخوف والتوتر 

اتنهضت وشيلت الافكار من دماغي

-لازم نقوم

قولتها النفسي وانا بتصنع القوة بس محسيتش بنفسي غير  وانا قعدت على الارض واشتغلت اعيط

مسحت دموعي وغسلت وشي وفتحت الباب لقيتو قدام الباب

يوسف كان لابس جاكت خفيف وبنطلون 

-يلا 

-يلا فين 

-المستشفى مش عندك جلسة 

-اة بس انت مش لازم تروح معايا 

-لا هروح 

متقلقيش مش هبصلك بصة الشفقة اللى انتي خايفة منها

-مش كدة انا مش عايزاك تيجي

-مش بمزاجك هتوديني ولا انزل اقول للعيلة 

-انت وعدتني مش هتقول لحد 

-بهزر معاكي 

قالى كدة طبطب على كتفي بخفة 

-يلا بقى 

نزلت 

ركبنا العربية وكنت ساكتة 

-تحبي انزل اجيبلك حاجة

-لا 

نزل ولقيتو جايب لينا ايس كريم 

-قولتلك مش عايزة 

-مبحبش اكل لوحدي شاركيني

-مليش نفس

-بزمتك ملكيش نفس للايس كريم دة انا جايبو بالڤانيليا زي ما انتي بتحبي

قالي كدة واخدتو 

-كان من الاول 

وصلنا المستشفى 

وانا بقدم رجل وبأخر التانية وهو لاحظ 

لقيتو مسك ايدي وشدني وسأل عن المكان 

دخلت اوضة الجلسة وهو كان لسا ماسك ايدي

دخلت الممرضة 

-جاهزة

قولت بتردد 

-اة

لقيتها قربت مني وهي ماسكة حقنة 

بلعت ريقي من الخوف

-هو لازم حقنة 

-اومال اعملك الجلسة ازاى 

-انتي بتخافي من الحقن 

-شوية 

-متقلقيش 

قالت كدة وبدأت تديني بس يوسف مسك وشي ولفو 

-متبصيش ليها بصي عليا

دخل دكتور ايهم وبدأ الجلسة وانا لسا بصالو 

حسيت بجسمي كلو سقع ورعشة خفيفة دخلت فيه

-انتي عارفة اني كمان كنت بخاف من الحقن انا وصغير

لدرجة قبل كدة كنت في المدرسة وراح دخل التطعيم فصلي 

وانا مكنتش في الفصل اول ما دخلت قربت براحة لقيتهم عمالين يدو الحقن 

شوفت الحقن من هنا وجريت وهما لاحظو اني جريت قام مستر الرياضة بتاعي جري ورايا اربع  ادوار بحالهم بس معرفش يمسكنى ومسك التلفون وكلم المدير بتاع المدرسة وقال اللى حصل

 وانا بهرب منو مخدتش باللي من المدير ومش مديلو خوانة قام مسكني ووداني من قفايا للدكتور علشان اطعم

 عقابا في مدير المدرسة بقى مسكت ايدو وفضلت اعض في وانا بطعم

قالي الموقف دة وانا ضحكت لدرجة ان الالم كنت محساش بي وفضل يكمل سلسلتة في المدرسة 

خلصت الجلسة بس حسيت اني مش قادرة اتحرك 

لدرجة اني نمت على نفسي من القعدة وسندت على كتفو ومحستش بنفسي

_________________________________________

سندت على كتفي وكانت نايمة بصطلها وانا مبتسم حلوة اوي وهي نايمة وهادية 

سبتها براحتها لغاية ما فاقت 

صحيت لقيتني نايمة على كتفو قولت وانا مكسوفة 

-هو انا نايمة من امتى 

-مش كتير تلات ساعات بس 

-هاا 

ابتسمت عليها وهي فااحة بوقها زي الاطفال

-قادرة تمشي دلوقتي 

-اة 

قولتلو كدة ومسك ايدي وركبني العربية 

روحت البيت ودخلت اوضتي وكنت حاسة بصداع قوي رميت نفسي على السرير حتى بهدومي الخروج

ومحستش بنفسي غير المنبة بيصحيني الفجر 

قومت صليت الفجر ولبست علشان انزل الكلية 

لقيتو طلع من من اوضتو ووقف قدام الاوضة 

-صباح الخير 

-صباح النور 

- كويسه دلوقتي 

-اة احسن من امبارح 

-انا اتكلمت مع عمي امبارح وقولتلو انو عايز اوصلك كل يوم 

-شكرا بس مبحبش حد يوصلني اناوبعرف اسوق

-انا عارف بس في حالتك لازم نخاف شوية على صحتك افرض حصلك اعراض الدوخة وانتي سايقة 

-اقنعتني 

-شوفتي بقى بدوخي معايا ولا مع سواق ويعرف اللى عندك

نزلت افطر معاهم وبابا قالى على ان يوسف هيوصلني 

-مفيش مشكله 

-اى اللى غير رأيك مش كنت بتقولي لا محدش يسوق انا بحب اسوق لنفسي

-مغيرتش رأيي بس يوسف عادي وغير كدة انا تعبت من السواقة 

-طيب حلو 

طلعت وركبت مع يوسف 

-هتخلصي امتى 

-الساعة اتنين 

قولتلو كدة ونزلت الكلية 

بس قابلت معتز 

-دة اللي انتي بعدتي عشانو 

اتنهدت بكل عصبية 

بس مشي وسبتو لقيتو مسك ايدي

-انا مش بكلمك 

-انت ازاى تمسك ايدى كدة 

انت اتجننت 

-ردي عليا

-سيب ايدي يا معتز 

قولت كدة وانا بجمع كلامي اللى متقطع وكنت كمان حبة وهعيط

بس لقيت يوسف نزل من العربية وفلتني منو 

-في حاجه يا نجم

-نعم

-بقولك في حاجه 

انت ازاى تمسكها كدة

-وانت مين بقى 

-هقولك انا مين 

لقيت يوسف مسك متعز وضربو ضربة جامدة لدجة ان الكية كلها بقت تتفرج عليه 

-خلاص يا يوسف سيبو 

بعد ما فلت يوسف من معتز بصعوبة 

روحنا على جمب 

-مين الواد دة 

-دة معتز 

-ايوة مين معتز يعني

حسيت جسمي كلو بيترعش من الخوف 

-طيب اهدي مش لازم تحكي دلوقتي 

فين المدرج بتاعك 

-هناك 

قولتلو كدة وانا بشاور على المكان 

مسك ايدي ووصلني للمدرج واطمن اني دخلت قبل ما يمشي قالي

-لما تطلعي متكلميش حد هكون مستنيكي برة 

-ماشي

سبتو ودخلت المدرج خلصت محضراتي 

وطلعت وكان فعلا يوسف مستنيني

ركبت العربية 

-جعانة 

-اة اوي

-طيب يا ستي هعزمك عند عربية عمي محمود بتاع الكبدة 

-معنديش مانع

وصلنا وهو نزل جاب ورجع تاني العربية 

-مقولتيش يعني مين معتز دة 

-في سنة اولى كنت داخلة الكلية مش فاهمة ولا حاجة 

وسمعت ناس كانت بتقول ان معتز شاطر وبيعمل ملخصات وحاجات زي كدة

وعلشان العبد لله كان فاشل فا اتزنقت على اخر سنة 

واضطريت اخد منو ملخصات والفترة اللى اخدت منو الملخصات هو اعتبرها اني بقيت معجبة بي وكلام من كدة

لدرجة ان من كتر ما كان لازق فيا الكلية افتكرت فعلا ان احنا مرتبطين وطلعت شائعة بكدة 

تاني سنة ليا لما عرفت حوار الشائعة دي بقيت اتجاهلو تماما 

من ساعتها وهو كدة

لقيت يوسف اتنهد بعصبية

ولف ورجع الكلية تاني

-انت لى راجع

بس مردش عليا وكمل طريقو 

ولما وصل شد معتز وكمل فى ضرب نزلت تاني علشان اوقفو 

-اهدى يا يوسف

جابو قدامي

-لو عرفت انك بديقها تاني مش هيحصل كويس 

اعتذر 

-انا اسف

-مش سامعك 

-اسف اسف 

وقتها بصلي يوسف كأنو بيقولي انك رضيا دلوقتي 

وانا ابتسمت

-سيبو يا يوسف 

ركبنا العربية وانا ضحكت بصوت عالى 

-بتضحكي على اي

-شكلك حلو وانت متعصب

اول مرة اشوفك بتتخانق

كملت وابتسمت 

-شكرا

بس هو ضربني براسي بخفة

-مفيش شكر احنا ولاد عم

رجعت البيت وعرفتهم اني اكلت مع يوسف وراحة انام

دخلت اوضتي وغيرت وقعدت على السرير وانا بفكر في يوسف ازاى دافع عني كدة 

ونمت من التعب

صحيت بليل على صوت خبط

-مين 

-انا ريناد 

-ادخلي 

-هو اللى حصل دة بجد

يوسف ضرب معتز

-انتي عرفتي ازاى 

-انتي ناسية اني معاكي في الكلية 

بصراحه كنت هموت من الضحك على منظر معتز

ايوة صح انزلي وقت العشا

-نازلة 

لبست ونزلت 

واكلنا والعيلة كلها اتجمعت فى الجنينة

__________________________________________

-انا عايز اتجوز ريناد

قالها زياد بصوت عالى 

العيلة كلها سكتت

-انا عايز اطلب ايد ريناد منك يا عمي

-وانا مش موافق

-لى 

-انت لسا صغير يابني جواز اى اللى بتفكر في

-انا مش صغير ياعمي انا كبير وعارف بقول اى وبحب ريناد وعايز اتجوزها

قال كدة بس عمي بردو كان رافض بس ادخل يوسف وحاول يقنعو 

-ماشي بس مش جواز على طول خطوبة لغاية ما تخلص ريناد الكلية 

لقيت امي ومرتات عمامي زغرطو وبركولهم وانا بركتلهم وقعدت معاهم 

وطلعت لأوضتي 

عدت ايام انا ويوسف بقينا قريبين اوي مع بعض 

وبقى موعد الجلسة التانية 

-خلصتي 

-اهيني طالعة 

طلعت وركبت معاه العربية ولما وصلت للمستشفى حسيت بتوتر وخوف

بس هو فتحلي باب العربية 

-انزلي مش هفضل كل شوية امسك ايدك زي الاطفال 

قالى كدة واتنهدت ونزلت ووصلت للاوضة

دخلت الممرضة وغمضت عيني 

كانت بتجهز الابرة

بس لقيت يوسف مسك ايدي وقالي

-انتي لو استحملتي الجلسة دي هوديكي اي مكان انتي عايزاة 

-اى مكان

-اى مكان انشالة اوديكي البحر الساعة تلاتة الفجر

ابتسمت وغمضت عيني اكتر من الاول وحاولت استحمل على قد ما اقدر

خلصت الجلسة وكنت دايخة 

-تحبي ترتاحي وبعدين نمشي 

-لا عايزة اروح 

قوتلو كدة قام سندني ووصلني العربية وصلنا البيت بس كان ظاهر عليا التعب حاولت مبينش 

وطلعت على طول اوضتي اول ما وصلت اتصلت بأمي قوتلها اني مش هقدر انزل على العشا واني تعبانة وعايزة انام

وصلت للسرير ونمت عليه

صحيت في نص الليل 

وروحت عند اوضة يوسف وخبطت الباب

-مين

قولت وانا بهمس بصوت واطي

-انا نور 

فتح الباب بسرعة 

-انتي كويسة عايزة حاجة 

-اة كويسة انت مش قولت لو استحملت الجلسة انهارده هتوديني البحر في الفجر 

-اة 

-انا جاهزة اهو 

-مينفعش تتأجل لبكرة

-لا مينفعش انت قولت الساعة تلاتة الفجر يايوسف 

-حاضر هلبس وهجيلك

قالى كدة وانا كنت مستنياه وعدة عشر دقايق 

وطلع

-يلا بس افرض حد لاحظ غيابنا

-محدش هيلاحظ البيت كلو نايم يلا بقى

نزلنا فى الكورنيش وكنا ماشين مع بعض وكنت مبسوطة اوي

__________________________________________

كنت واقف مركز معاها وقد اى هي اتبسطت 

وسرحان فى ضحكتها 

لقيتها قاعدت قدام البحر والقمر كان مكتمل

-وقفتُ أمام البحر، والليل ساكنٌ

وألقى القمرُ ضوءَه في المدى السَّحِرِ

فيا لبحرٍ يحاكي سَعةَ أشواقي

ويا لقمرٍ يبوحُ بسرِّ مُبتكري

كأنَّ الموجَ يعزف لحنَ حُلمِنا

وكأنَّ نورَ القمرِ يكتبُ في الدفاترِ

فصرتُ بين البحر والقمر حائراً

أُناجي هواكَ، وأُسَلِّمُ للقدَرِ

-من امتى بتقولي شعر

-من زمان بس تقريبا بطلت من فترة 

وكنت في المدرسة بقول شعر وكمان بكتبة 

ومرة مدير المدرسة كرمني على الشعر كمان 

تحب اكتبلك شعر بأسمك دلوقتي 

-يا سلام هو انا طول استاذة نور تقولى شعر بنفسها

المايك معاكي يا فنانة 

قالى كدة ومد ايدو 

ضحكت وانا بفكر في شعر

-لقيتو!

---

يوسفُ…

يا مَنْ تَجمّعَ في اسمِه عبقُ الجَمال،

وفي ملامِحِه سرُّ الدلال،

كأنَّ القَمرَ خُلقَ ليُحاكي عينيك،

وكأنَّ البحرَ لا يَهدأُ إلا بنداء هواك.

يوسفُ…

كلُّ الحروفِ إذا ذُكرتْ أمامَك تَذوب،

وكلُّ الطرقِ إذا مَرّت بذكراكَ تُزهِر،

فأنتَ الحلمُ حينَ يضيعُ العمر،

وأنتَ الأمانُ حينَ يَرتجفُ القلب.

---

قولت كدة قام مصقفلي وصفر بصوت عالى 

-حلو 

-جدا 

عايزك كل يوم تكتبي شعر 

-ابتسمت عليه

قعدنا نتكلم ومحسناش بالوقت غير واذان الفجر اذن

-يلا نروح بقى 

-يلا 

وصلنا البيت 

بس الصدمة ان لقينا العيلة كلها متجمعة فى الصالة 

-انتو كنتو فين لغاية دلوقتي............. 

#يتبع

رواية قدر على الطريق (نور ويوسف) الفصل الثاني 2 من هنا

رواية قدر على الطريق (نور ويوسف) كاملة من هنا