رواية قدر على الطريق (نور ويوسف) عبر روايات الخلاصة بقلم أروى
رواية قدر على الطريق (نور ويوسف) الفصل الثاني 2 والاخير
-انتو كنتو فين لغاية دلوقتي
حسيت الكلام وقف عن دماغي ومش عارفه انطق
قولت بتوتر
-كنا عند البحر
-في الوقت دة
كنت قاعدة ساكتة ومش قادره اتكلم
بس لقيت بابا ضربني بالقلم وهو بيقول
-عمري ما كنت اتخيل بعد ماتعبت في تربيتك انك تفكري تطلعي في وقت زي دة ومع شاب كمان
حتى لو ابن عمك
اول ما قالي كدة نزلت راسي وكنت رافضة الدموع تنزل او حتى اتكلم بس لقيت يوسف وقف قدامي وقدام بابا
-عمي متظلمش نور انا كنت بخفف عليها علشان
قولت كدة وكنت هكمل بس افتكرت اني وعدت نور مش هقول لحد
-علشان اى
-علشان عندي الكانسر يا بابا
قولت كدة ومقدرتش اسيطر في دموعي
لما قولت كدة العيلة كلها اتجمدت وسكتت
-وي وطلعت مع يوسف بس علشان اغير مودي لأن انهارده كان عندي جلسة
لقيت امي قربت عليا وهي فى عنيها دموع
-ولى مقولتيش يا بنتي
-علشان متبقوش زي ما انا شيفاكم دلوقتي
او لما ابص لكل واحد فيكم الاقي في عنينة نظرة شفقة ليا
او اني اكون عبأ عليكم
مكنتش عايزاكم تتعبو معايا او تشوفو شكلي وهو بيدهور
انا اسفة اني خبيت عليكم كنت هقولكم بس مش دلوقتي
وياريت متعتبوش يوسف انو مقالش حاجة لأنو كان وعدني ميقولش لحد
قولت كدة وسيبت كل واحد وهو مصدوم
دخلت اوضتي وقفلت الباب
غيرت هدومي وقعدت قدام المرايا
حاسة اني رجعت لنقطة الصفر بعد ما قولت لأهلي
وافتكرت لما بابا اول مره في حايتو مد ايدو عليا من شوية عيني دمعت بس مسحت دموعي بسرعة
اتنهدت بتعب
-كدة الحكاية بقت على المكشوف
قومت ورميت نفسي علب السرير
__________________________________________
عند يوسف
-عمي مش عايز حد فيكم يحسسها بأنها عبأ او حمل او يبصلها باصة مش عيزاها وياريت متفتحش معاها موضوع انها مقالتش دة تاني على الاقل لغاية ما تتشافى
لقيتو اتنهد وبص بعنية اللى شفتها مليانة حزن على بنتو
ومشي وسابني
كل واحد دخل على اوضتو
دخلت اوضتي وانا كان نفسي اشوفها واطمنها بس
____________________________________
صحيت تاني يوم مكنتش عايزة انزل معاهم
بس اضطريت انزل علشان معايا محضرات بس وانا بلف الطرحة لقيت الباب خبط
-مين
-انا ريناد
-ادخلي
لقيت ريناد دخلت من غير كلام وقامت حضنتي اوي
حسيت اني كنت محتاجه الحضن دة وحد يطبطب عليا
بس قولتلها وانا بتصنع البرود
-ريناد انا كويسة ابعدي
بس هي مردتش بالعكس حضنتي بقوة اكتر
-ريناد قولتلك كويسة
بس هي بدأت تعيط بعدتها عني فى الوقت دة
-انتي بتعيطي ليه قولتلك انا كويسة
قالتلي وهي بتمسح دموعها
-زمان لما كنا في المدرسه وكانت العيال بتتريق عليا بسبب مرضي
كنت بستخبى في مكان بعيد علشان محدش يشوفني وبفضل اعيط
وانتي كنتي تيجي وتحضنيني كدة كنت بحس براحة
عايزاكي تبقي قوية يا نور قوية
وانشاء الله هتتعالجي في اقرب وقت
قالتلي كدة وفتحت الباب وابتسمتلي وطلعت وقفلت الباب
بس معداش دقيقة والباب خبط تاني
-في حاجه تانية يا ريناد نسيتي تقوليها
بس اتفتح الباب وكان بابا
قرب عليا ومسك ايدي
-انا اسف
كنت ساكتة ومتكلمتش معاه
-اسمعي يانو ياحبيبتي اى اب لما يشوف بنتو راجعة الفجر ومع شاب حتى لو كان ابن عمك لازم يكون ردة فعلو كدة
انتي غلطانه اة غلطانه
وانا كمان غلطان علشان مسمعتكيش
علشان كدة بقولك انا اسف
انا ضربتك فين
شاورتلو على مكان الضربة قام باسني وحضني
-لسا زعلانه مني
-اة
علشان انت كل مرة بتيجي تصالحني بتجبلي حاجات حلوة اشمعنا المرة دي
لقيت مسكني من خدي
-عمرك ما هتكبري بس كنت عامل حسابي
قالي كدة وطلع كيس اسود وكان مليان جيلي
-ايوة بقى كدة راضية عنك
-يلا نفطر
-يلا
قولت كدة ومسك ايدي ونزلنا
نزلت وكنت متخيلة ان هشوف نظرة اللى مش بحبها
بس اتفجأت لما لقيتهم بيعاملوني عادي حتى مفتحوش معايا الموضوع
-صباح الخير
-صباح النور يا عمي
ارتحت ان محدش كلمني
وقعدت على الكرسي بتاعي جه يوسف وقعد مكانو في وشي بس لقيتو نزل راسو وحدفلى ورقة جمب رجلي
نزلت راسي وطلعت وكنت بحاول افتحها ومحدش يوشوفني
لقيتها مكتوب فيها
"اتعاملي عادي… وخليهم يتعاملوا عادي
السر مش هو اللي هيغيّرنا، إحنا اللي هنغيّره."
ابتسمت لى
وبعدين هو اتكلم
-عمي كنت عايز بعد ما نور تخلص كلية نخرج انا وياها
علشان نفسيتي مش مظبوطة اليومين دول
-نفسيتك مالها يا خويا
قالها زياد وهو بيتريق
-مش مظبوطة
ولقيتو بيكمل كلامو بصوت واطي لزياد
-لم نفسك وافتكر اني انا اللى اقنعت الحاج علشان يوافق على جوازك من ريناد
مسمعتهمش هما بيقولو اى من صوتو الواطي
بس لقيت زياد بيقول لبابا
-اة يا عمي من رأيي فعلا لازم يوسف ونور ينزلو علشان نفسيتو مش مظبوطة
انا لاحظت كدة على فكرة
-اى رأيك يا نور
-معنديش مشكله مش ورايا حاجه بعد الكلية
قولت كدة وقومت انا ويوسف علشان يوصلني
ركبت العربية معاه
-انت كنت عايز اى
-عايز اخرجك في مشكله بنت عمي وبخرجها
-مفيش مشكله
هتوديني فين
-هتعرفي لما تخرجي من الكلية
خرجت من العربية بس هو قالي
-نور لو حد اتعرضلك رني عليا
ابتسمت ساعتها
-حاضر
مع اني اشك ان حد يتعرضلي بعد اللي عملتو مع معتز
دخلت الكلية وفعلا ملقيتش معتز تاني وكنت مرتاحة
خلصت محاضراتي وطلعت لقيت يوسف
فتحت العربية وركبت
-هتوديني فين
-ما تصبري هو انا هخطفك
قالي كدة واتحرك بالعربية
ووصلنا قدام باب ملاهي
قولتلو وانا بضحك
-انت بتهزر
نزل وفتحلي باب العربية
-انزلي هعيشك يوم تفتكريني
نزلت معاه
-ها تحبي تبدأي بأي
شاورتلو على بيت الرعب
-ركبنا وكل ما اشوف حاجة تخوف يوسف يحط ايدو على عيني علشان مخافش
نزلنا وركبنا العاب تانية وسط كل الالعاب دي شدتني لعبة
-عايزة العب اللعبة دي
__________________________________________
بصيت على اللعبة اللى هي شاورتلي عليها
كانت لعبة عالية
-لا مش هينفع
-لى
انت خايف منها
حبيبتي اللى بيلعب اللعبة دي مش بيتخاف منها بتموت على طول
قولتلها كدة وشديتها نايحة لعبة اسهل منها
__________________________________________
كنت واقفة سرحانة في كلمت حبيبتي اللى قالهالي
بس هو قاطع سرحاني دة
-نور
انتي معايا
-اة
-طيب اى رأيك في اللعبة دي
-حلوة
دخلني اللعبة وركبناها
-خلاص انا تعبت
-طيب يلا
راح جابلي ايس كريم زي العادة
-ماشي ياعم
رجعت البيت وكنت مبسوطة اوي
دخلت اوضتي وغيرت هدومي وقعدت فى البلكونة
وسرحت فى يوسف قد اى خلاني مبسوطة وبينسيني اللى انا فى في ثانية
-مين اللى واخد عقلك
-اى عم خضتني
-اسف
هبقي اكوح علشان معاليكي متخضيش
-مقولتيش بردو سرحانة في مين
-مش سرحانة كنت بشم شوية هوا
-هحاول اصدقك
قالي كدة وهو بيغمز
رجعت اوضتي ونمت
__________________________________________
عدت ايام وكنت كل يوم بتعلق بيوسف اكتر
وكان بيطلعني من فين لفين بعد الكلية
-مساء الخير
-مساء النور
اى اللى اخرك كدة
-معلش اخر محاضرة طولت
-جعانة
-اة ياريت كبدة من عمو محمود
-روحت لقيتو مقفول
هوديكي مطعم
قالي كدة واتحرك ونزلنا للمطعم
-خدي
-اى دة
-دفتر
عايزك تكتبي اشعار كتيرة
كملنا كلامنا بقيت بحب اقعد معاه اوي
بس وسط ما احنا بنتكلم جات بنت
حسيت اني شفتها قبل كدة
-عمر
-ليلى
انا مش قولتلك مش عايز اشوفك تاني
افتكرتها دي اللى كانت واقفة معاه قدام بيتو
-انا لسا بحبك يا عمر
-وانا قولتلك مش عايز اشوفك
-مين دي يا يوسف
-يوسف مين دة عمر
بعدين انتي اللى مين انا كنت خطيبتة
-اديكي قولتيها كنت خطيبتي ابعدي عني بقى
لقيت يوسف قال كدة ومسك ايدي وطلعنا
ركبنا العربية وبصيتلو علشان يحكيلي عن البنت اللى شوفتها
-متبصليش مش عايز احكي دة كان ماضي
-اى ياض الغلاسة دي منا حكيتلك عن معتز احكي انت كمان
لقيتو اتنهد
-دي ليلى كانت خطيبتي زمان وكنت معجب بيها وهى كمان كانت معجبة بس هي سبتني مرة واحدة
-ليه
-قالت مش مرتاحة
وبعدها بشهر لقيتها اتخطبت لواحد تاني
وبعدين اتجوزتو
لما روحنا ناخد حجاتي من البيت قابلتني وقالت انها اطلقت
__________________________________________
قولتلها كدة ولقيتها كشرت
-انسانة باردة من ساعة ما شوفتها قولت عليها كدة
-فكك منها
-انا عايزة اروح
قالتلى كدة وروحتها
دخلت اوضتي وقعدت افكر في نور
وفرحتها لما شافت الدفتر
ورجعت فكرت في ليلى اللى ظهرت تاني في حياتي
وافتكرت ان نور معاها جلسة بكرة
__________________________________________
نزلت اتعشا معاهم
بعدين كلهم طلعو لأوضهم مكنش في غيري انا ويوسف في الصالة
كان قاعد على السفرة وحواليّ ورق كتير وفى وشو اللاب
- يعني انا قاعدة ساعة قدامك وانت ولا كلمة معايا
قالى من غير حتى ما رفع عينية
-معلش بس انا مشغول شوية
قالي كدة وانا اتعصبت وطلعت اوضتي ونمت
تاني يوم
كنت قلقانة كالعادة عليا جلسة النهاردة
فتحت الباب لقيت يوسف قدامي
بس انا اتجاهلتو ونزلت
وهو لاحظ كدة
-نور انا هاجي معاكي
-لا يابابا متتعبش نفسك
-مفيش تعب انا هيجي معاكي
كنت لسا هجاوب علية بس قاطعني يوسف
-خليك يا عمي بنتك في ايد امينة
لما قال كدة مشيت بس لما وصلت الجنينة
-مش عايزاك تيجي معايا
-لى
-روح اهتم بشغلك
مش عايزة اعطلك عن شغلك
-هو انتي زعلانة مني
-لا
وروح يلا
بس هو مسمعنيش وشدني من ايدي زي الاطفال
وركبني العربية بالعافية
كنت هفتح الباب بس هو اتحرك ومشي بسرعة
وصلنا المستشفى
-خليك هنا وانا هطلع لوحدي
بس هو بردو مسمعش كلامي
ومسكني من ايدي وطلعني للاوضة
-انتي زعلانة مني علشان مكلمتكيش امبارح
-قولتلك لا
قولتها وبعدين كشرت
دخلت الممرضة وغمضت عيني
واول مرة احس بوجع كدة
خلصت الجلسة
يوسف سندني ودخلني العربية
وصلت البيت وروحت عند اوضتي وكان جسمي كلو وجعني ونمت محسيتش بنفسي
صحيت الساعه اتناشر دماغي مصدعة قومت بس لفت نظري البلكونة كان فيها حاجه
دخلت ولقيت طبق شوربة وتحتيها ورقة فتحت الورقة
كان مكتوب فيها
"اشربي الشوربة عارف انك مش هتقدري بس اشربي حتى لو معلقة واحدة
واة انا اسف مكنش قصدي ازعلك مني بس كنت مشغول علشان فضيت نفسي اجي معاكي"
قريت الرسالة
وابتسمت ولقيتو طلع من بلكونتة
-لسا زعلانة
-لا خلاص المسامح كريم
-انا بحبك
-اى
-قولت بحبك
قالي كدة وانا وقفت مصدومة
-نور
-ها
-اى هو اللى ها بكرة هطلب ايدك موافقة ولا اى
-حتى وانا كدة
-انتي مش عيب انك تكوني تعبانة
بالعكس تعبك دة اللى اكدلى اني حبيتك
-ها موافقة ولا
-ولا
-نعم يختي
-موافقة خلاص
قولت كدة وجريت دخلت اوضتي
__________________________________________
تاني يوم نزلت فطرت ولقيت يوسف نزل عند بابا في المكتب
وقبل ما يفتح الباب قام غمزلي
اتكسفت اوي وقتها
__________________________________________
-خير يا يوسف قولت عايز تكلمني يابني
-عمي انا عايز اطلب ايد نور
-بس يا بني
-عارف هتقول اى
مش وقتو بسبب تعبها انا بس عايزك توافق ونعمل قراية فاتحة وبعد ما تخلص علاج نكتب الكتاب
-هشوف رأيها وهجيلك يابني
-هي موافقة
-نعم
-بقولك موافقة
__________________________________________
عدت ست شهور اتعالجت ويوسف مكنش بيسبني لحظة
البيت كلو مليان ورد ابيض زي ما بحبو وصوت الاغاني الشغالة وصوت الزغاريط اللى مالى المكان
بصيت على نفسي في المراية وانا لابسة الفستان الابيض والطرحة
دخلت امي الاوضة
-بسم الله ماشاء الله طالعة قمر يا حبيبتي وحضنتني
ورجعت ابص تاني على نفسي في المراية
وسرحت فى اول يوم شوفت في يوسف وانو مكانش طيّقني وبعدين بقى هو دعمي في الحياة
عيني دمعت بعد ما فكرت في الذكريات
بس دخل هو ومسح دمعتي
-كنت طول الوقت مؤمن إنك هتعدّي
بس ماكنتش متخيل إني هشوفك واقفة قدامي كده
قالي كدة وباس راسي
-جاهزة تقضي معايا بقيت عمري
ابتسمت بكل حب
-جاهزة
*
"من سرير تعبك… لضحكة فرحك،
من دمعة خوف… لزغرودة بتفرحك.
الليالي عدّت، والحلم بان،
وإنتي النهارده… أمل منتصر قدام الزمان."
*
_________________النهاية____________________
____________________the end ______________
Ar Wa
#Rio3
