رواية ليلى عبر روايات الخلاصة بقلم هبة سيد
رواية ليلى الفصل الأول 1
_محتاج سرنجه لو سمحتي
دخل عليا شاب طويل شعروا اسود ناعم ومبعتر بعشوائيه عيونه حاده ولونها احمر
_فين الروشته ؟
_لا انا باخد من غير روشته
_نعم؟ لا طبعا لازم الروشته مينفعش يا استاذ اتفضل
سحب مطوه من جيبوا وفتحها ف وشي ومن سوء حظي ايمان صحبتي اللي بتشتغل معايا ف الصيدليه راحت تجيب فطار فضلت مبرقه فيه من الخوف
_اصطبحي وقولي يا صبح وانجزي
_عايزها ٣ سنتي ولا ٥ سنتي
_٥ وعلي الله حد يعرف اني جيت هناا هتبقي ليلتك غبره ان شاء الله
_لا وعلي ايه يا استاذ مع السلامه حضرتك
رمالي الفلوس ف وشي واخد بعضوا ومشي
_يارب مكونش اتأخرت عليكي
_كنتي فين كل دا كنت هروح فيها دلوقتي
_ايه دا مالك فيه ايه
_شوفتي اللي كان طالع دلوقتي دا يدوب طالع دلوقتي
_ايوه يبنتي مالو
_جاه هنا وفتح عليا المطوه وهددني واخد سرنجه ومشي
_ينهار اسود احنا لازم نبلغ طبعا الكاميرات موجده تعالي
مسكتها من ايدها ووقفتها
_استني بس يا ايمان بقولك هددني وقالي علي الله حد يعرف
_انتي تقصدي ايه منبلغش انتي اتجننتي ولو رجع دلوقتي تاني هنعمل ايه
_ساعتها هنبلغ بس مش هنعمل حاجه بقولك هددني وفتح عليا المطوه لو اتكلمت
_طب انا هقول ل أحمد اخويا يكون يعرفوا ولا حاجه
_احمد اخوكي ايه بس اللي هيعرف الأشكال دي
_بصي احنا نحول من هنا خالص كدا كدا مفيش شغل كتير هناا
_اتنيلي احنا مصدقنا لقينا شغل يا ليلي صباح الفل
قعدنا نفطر واليوم خلص علكدا وانا مروحه البيت وصلنا عند بيت ايمان صحبتي كان ف نفس المنطقه
_متيجي تباتي عندي النهرضه بقالك كتير مجيتيش
_لا يا ايمان تعبانه النهرضه وعايزه اروح هموت وانام
_طيب يلا هوصلك
فضلنا نمشي ونتحكي البيت مكانش بعيد
_كفايه يا بنتي هترجعي لوحدك كل دا
_اهو عشان تتحسب جميله بقا وكدا
_طيب يلا ارجعي سلام
سابتني ومشيت وكملت لوحدي الدنيا مكانتش ليل مكنتش خايفه بس اول مشوفتوا اترعبت وفكرت اني ارجع امشي من الشارع التاني كان شغال ف ورشة عربيات عملت نفسي مش شايفه وفضلت اسرع ف خطوتي
_استني عندك
سمعت صوته من هناا وفضلت اجري مش عارفه رجلي وخداني علي فين بس اللي اعرفه اني لازم اجري فضلت اجري واسرع ف خطوتي لحد موصلت عند البيت دخلت بسرعه وقفلت الباب
_ايه يا حبيبتي مالك؟ وشك مصفر كدا ليه
_كان فيه شويه كلاب بيجروا ورايا بس يا ماما متقلقيش بقولك ايه انا هموت جوع ممكن تعمليلي اكل
كنت قاعده باكل علي السفره وانا بفكر ف ملامحه للحظه حالو صعب عليا
_بقولك يا ماما هيا هنا فين مش باينه كدا
_ف الدرس يا حبيبتي ليه
_لا عادي انا هقوم انام عشان صاحيه بدري وممكن اواصل لحد الصبح بقا يلا تصبحي علي خير
دخلت الاوضه وغيرت وقعدت علي السرير مسكت التليفون وقعدت اكلم ايمان علي الواتس لحد منمت
______________________________
_يلا يا ليلي قومي هتتأخري علي الصيدليه
فتحت عيني بنعاس وبصيت ع الساعه بعدها قومت لبست وانا وطالعه
_يلا يماما سلام انا همشي بقا
خرجت برا البيت وقفلت الباب ورايا ومشيت ووصلت قدام الورشه لقيتها مقفوله وافتكرت موقف امبارح ومشيت بسرعه قربت من الصيدليه ولقيت حد واقف قدامها افتكرت حد مستني اني افتح عشان ياخد ولا حاجه كان مديني ضهره
_بعد اذنك لو سمحت هفتح دلوقتي اهو
_اتأخرتي ليه هيا الصيدليه دي ملهاش ميعاد ولا ايه
لقيته هوا كان ماسك سيجاره وساند علي الباب اتخضيت منو بس مسكت نفسي
_خير؟ فيه حاجه ولا جاي تاخد سرنجه تاني علفكرا انا مش هديك حاجه تاني ومش خايفه منك
بصلي ومكانش بيتكلم ولا حتي كان بيتحرك عينه كانت بتتحرك ببطئ كان هيتكلم بس قبل مينطق لقيت السيجاره وقعت من ايدو ووقع علي الارض فجأه
_يا نهار ابيض
اتخضيت وجريت اشوف مالو
_انت سامعني ؟ رد عليا
معرفتش اعمل ايه فضلت انادي علي اي حد يجي وفعلا الناس اتلمت والاسعاف جاه واخدوه وانا مكنتش اعرف حتي هوا مالو
يتبع...
