رواية بين هذا وذاك عبر روايات الخلاصة بقلم مريم سمير
رواية بين هذا وذاك الفصل الأول 1
° بالله عليك تعمله العملية ، الواد هيموت مني
' يست دي مستشفى خاص يعني لازم تدفعي فلوس العملية قبل ما اوضه العمليات تتفتح
عيطتت ° بالله عليك أنا مش هعرف اوديه ل اي مستشفى دلوقتي ، دا غرقان في دمه خلي في قلوبكم رحمة
_ في أي في اي؟ في أي يا أمي ؟
° ابني فيه بلطجية طلعوا عليه وضربوه بالسكاكين ، ابوس ايدك يبني خليهم يلحقوه
سحب أيده _ استغفر الله ، افتح يبني اوضه العمليات
' دكتور احمد لازم الفلوس تدفع كاملة عشان اوضه العمليات تتفتح
_ انت سمعتني قولت اي؟ افتح اوضه العمليات علي مسؤوليتي
أوضة العمليات اتفتحت ، الدكتور أحمد الي عمل العملية وبعد ساعة طلع من الأوضة ، المريض اتنقل ل اوضه تحت الرعاية وطمن ام المريض عليه
° كتر خيرك كتر خيرك يبني ، أنا هتصرف في الفلوس لو هبيع عفش البيت ، ربنا ينجيك
_ ربنا يخليهولك ، روحي اقعدي معاه في الاوضة اطمني عليه
* دكتور احمد ، مدير المستشفى عاوزك حالا
غمض عينه وهو عارف بالظبط الكارثة الي هتحصل
_ اه يعبدالله اكيد عاوزني ، منتا اكيد روحت ولعت الدنيا عنده!
* أنا يبني؟ استغفر الله العظيم يا رب
_ يملاك يبرئ! ابعد عن وشي أما اشوف هعمل ايه دلوقتي
= بابي ، عاوزة تلاتين ألف عشان مسافرة دهب تلت ايام
° اكيد يحبيبتي ، روحي الحسابات وخدي الي انتي عوزاه ، بس ابقي خلي بالك من نفسك
= مرسيه يحبيبي
_ احممم ، ممكن ادخل؟
ملامح بابا اتغيرت لما بص علي الباب
° ادخل يا دكتور احمد تعالي
= بابا هو فيه حاجة؟
° لاء يحبيبتي مفيش ، قال قولي يا احمد أنا فاتحها سبيل؟
_ أنا هفهم حضرتك الموضوع كان..
° أنا مش فاتح جمعية خيريه عشان تعمل عملية من غير ولا مليم! وكمان من غير موافقة ولا علم صاحب المكان الي هو انا ، تقدر تفهمني انت بتعمل أي بالظبط ؟
_ ابنها كان هيموت يفندم ، مقدرش اشوفه بيموت قدامي ومعملش حاجة ، أنا حالف قسم المهنة!
° هو انا كل لما اكلمك هتقولي قسم المهنة؟؟ ، أنا الي اعرفه فلوس عملية ، فلوس خدمة ، فلوس إقامة ، غير كد انا مليش اسمع إن قلبك الحنين اتحرك علي حالة ، انت كسرت القواعد وانت عارف كد كويس
ـ طيب يفندم أنا متأسف جدا ، حضرتك شايف اي؟
° شايف إن تمن العملية هيتخصم من مرتبك ، الي هو قبض شهرين يا دكتور
_ الي تشوفه يفندم ، حاجة تاني؟
° لأخر حاجة بحذرك يا احمد ، الزم حدود وظيفتك ، أنت دكتور شغال في المستشفى دي ، يعني كل حاجة تحت إشرافي وموافقتي انا ، ياريت تخاف علي مستقبلك اكتر من كد ، اتفضل علي مكتبك
مشي ف رجعت بصيت لبابا
= هو مين دا يبابا ؟
° دكتور هنا ، منكرش أنه من اشطر الدكاترة الي اشتغلوا عندي ، بس ماشي ب دماغه واظن أنه لو فضل كد مش هيستمر معانا ، المهم امشي دلوقتي عشان متتأخريش
= حاضر يبابي ، مع السلامة
مش عارفة لي كان عندي فضول نحيته! أنا مالي انا؟ ، نزلت الحسابات وخدت الفلوس بتاعتي ، فوني رن ف رديت
= أيوة يبنتي اكيد خدت الفلوس ، دا احنا هنقضي سفرية محصلتش ، متنسيش بس الحاجات المهمة الي هنحتاجها ، هعدي عليكي ب عربيتي عشان نطلع علي هناك ، يلا اشوفك بعدين
قفلت فوني وبصيت قدامي لقيته واقف مع ست كبيرة ، قربت شويه منهم
_ ملوش داعي تدفعي حاجة يا امي ، انا خلاص اتكفلت ب فلوس العملية
° انت بتتكلم بجد؟ لي عملت كد؟
_ هتحتاجي فلوس عشان العلاج خليها لعلاجه لحد ما يقوم بالسلامة
° أنا مش عارفة اقولك أي ، ربنا يستر طريقك دنيا وآخرة ، ربنا يسترك يحبيبي
_ طب بتعيطي لي دلوقتي؟ ، هو هيبقي كويس والله متقلقيش ، وبعدين اعتبريني أنا كمان ابنك ، بعد اذنك هروح اتابع شغلي وهعدي عليكم تاني
° ربنا يوفقك يارب ويوقفلك ولاد الحلال
كنت مبتسمة طول مهو بيتكلم قطع شرودي وفوني بيرن تاني
= انتي لحقتي تخلصي؟ طيب طيب يا ليلي حاضر هروح الفلة اخلص حاجتي علي طول واجيلك
ركبت العربية وحضرت شنطتي وروحت عديت علي ليلي خدتها ° بقولك أي مفيهاش نوم هنطبق
_ ماشي يستي اهو تبقي زي السفرية الي فاتت
° علي فكرة ، يوسف هيبقي موجود في السفرية دي
_ نعم ؟؟؟؟ وانتي مقولتليش لي يليلي انتي هتستهبلي؟
° أنا مش عارفة انتي لي رافضاه ، دا اغني واحد في الشلة ومعجب بيكي اوي ونفس مستواكي الاجتماعي و..
_ بياخد مصروفه من باباه! عارف اكتر من عشر بنات! لي مقوليش دول؟
° لكن انتي غيرهم اكيد عنده و..
_ أنا مش عاوزة واحد يكون عارف بنات وانا غير البنات دي ، أنا عاوزة واحد مش عاوز بنت غيري ، ليلي انتي فاهمة الحب غلط ، ماما الله يرحمها كانت مفهماني حاجات كتير ، لولا كد كنت هبقي بنفس تفكيرك دا
° انتي الي عايشة في احلام يمريم ، واحد جاهز ومعاه فلوس يبقي شاب ميتفوتش
_ ليلي طول ما احنا هناك لو جه كلمني أنا مش هسمحله ، ولا انتي هتسبينا في مكان لوحدنا انتي سامعة؟؟
° طيب طيب ، سوقي بس اسرع عشان نلحق نوصل
العربية فجأة عملت صوت غريب ف صوتنا ، شديت الفرامل ونزلت
° يادي المصيبة! هنعمل أي دلوقتي ؟
_ مش عارفة مش عارفة ، المكان ضلمة ولسه كتير اوي لحد ما نوصل
° طب كلمي باباكي خليه يتصرف
_ اه صح ، طيب طيب هكلمه
كلمت بابا _ بابا أنا العربيه عطلت معايا علي الطريق ، تعالي خدني
° نعم يمريم؟ أنا عندي شغل كتير اوي مش هعرف اجي خالص ، ابعتيلي اللوكيشن وانا هبعتلك حد يجيلك
قفلت وبعتت اللوكيشن ودخلنا قعدنا في العربية ، عيطت غصب عني ° انتي بتعيطي عشان خايفة؟
_ عشان نفسي في مرة احس إن انا اهم من الشغل عنده
° معلش يمريم ، باباكي انسان ناجح اوي وخايف كل الي بناه يضيع منه
_ وانا؟ أنا مش ممكن اضيع منه؟ ، بقولك أي فكك من الموضوع دا ، خلاص أنا بقيت كويسة
مسحت وشي بمنديل ، مبحبش احكي علي الموضوع دا قدام اي حد ، حبساه جوايا مش بعرف اقوله ولا اشرحه ، ببساطة ؟ محدش هيفهم
حد خبط علي الازاز ف صوتت
= اييي ايييي!! ، أنا احمد تبع باباكي ، مريم مش كد؟
_ ها؟؟
كان هو!! _ هو بابا بعتك انت؟
= افتحي الكبوت وتعالي معلش امسكي الفلاش عشان اشوف
نزلت وجبت فوني وبدأ هو يشوف العربية مالها
_ هو انت بتفهم في الميكانيكا ؟
= أيوة ، متقلقيش هصلحهالك إن شاء الله
فضل يصلح فيها أزيد من نص ساعة ، وأخيراً خلص
= جربي تشغليها كد
_ شغلتها ف دارت أنا مش عارفة اقولك أي يا دكتور
= ولا اي حاجة ، الحمد لله انكم بخير ، تحبي امشي وراكي بعربيتي؟
_ دا لسه كتير ، اصل انا راحة دهب
= لوحدك؟؟ ، قصدي يعني دلوقتي؟
_ أيوة ، متشكرة اوي تعبتك معايا اوي بجد
= لاء ولا اي حاجة يا آنسة مريم ، توصلي بالسلامة
° احممم ، علي فكرة انا اسمي ليلي
_ أهلاً يا آنسة ليلي ، توصلي بالسلامة
° مرسيه لذوقك ولتعبك
_ العفو معملتش حاجة
ركب عربيته وساق كنت لسه باصة للاتجاه بتاعه
° دا وسيم اوييي!
_ ها؟
° وشهم وذوق كمان
_ اه ، دا دكتور احمد بيتشغل مع بابا في المستشفى
° شاب كويس والله ، طب ها؟ يلا عشان نوصل في ليلتنا دي
_ طيب ، اركبي
سوقت وأخيراً وصلنا ، وروحنا حجزنا في اوضه وعلي غير العادة نمنا عشان كنت تعبانين من الطريق
° مريم ، اصحي يمريم
_ عاوزة ايييييي؟
° بقينا بليل قومي احنا جايين ننام ؟ يلا عشان فيه سهرة
قومت ولبست ونزلنا ، لقيت يوسف ف وشي ف غمضت عيني بملل ' هاي يمريم ؟ أي الاخبار ؟
_ الحمد لله ، ازيك ييوسف
جيت امشي ف وقف قدامي ' أي مش هتقعدوا علي الطربيزة بتاعتي؟
بصيت علي طربيزته ورجعت بصيتله _ طربيزتك الي مليانة بنات ؟ لاء شكرا مش حابة
روحت قعدت علي طربيزة أنا وليلي ° اي مش هترقصي؟ الرقصه دي تجنن
_ لاء مليش مزاج ، روحي انتي
مشت ف رجعت بصيت علي الفراغ قدامي ، جه قطع سرحاني يوسف
' اديني سيبت الطربيزة بتاعتي وفضيتلك
بصيتله بطرف عيني _ أنا مطلبتش منك دا! ، روح لصحابك عشان ميضايقوش
' مش مهم ، المهم اقعد معاكي أنتي
_ امممم ، طيب
' تشربي اي؟
_ orange juice
' طب ما تجربي وتشربي مرة؟
_ انت عارف اني مبشربش ، ومتحاولش كل لما تشوفني تقنعني ب كد!
' مش يمكن لما يحصل تشوفيني ب طريقة تانية غير طريقتك دي؟
_ طب بذمتك ييوسف وانا فايقة شيفاك كد ، مبالك بقي لو شربت!
' مريم انتي لي دايما بتعامليني كد؟
_ عشان أنا مش عاوزة ييوسف ، افهم بقي أنا مش عاوزة ، لا ينفع نكون صحاب ولا متجوزين ولا اي حاجة
' لي؟ لي مش عاوزة تديني فرصة؟
_ عشان انت مش عاوزني ، أنت بس مش مستوعب إن فيه بنت في الدنيا ممكن تقولك لاء ، أو ترفضك ، أنت عاوز ترضي غرورك ، مش عاوزني عشان بتحبني يحرام ومش عارف ترضيني ازاي! ، وانا مستحيل اقبل ب واحد عاوز يرتبط بيا عشان يرضي نفسه علي حسابي! ، بعد اذنك أنا هطلع انام
شاورت ل ليلي تجيلي
بصلي بتحدي ' وانا مش هبطل احاول
_ وانت عارف اني مش هعمل حاجة غصب عني
ملامح وشه كانت كلها غضب ، حمدت ربنا إن ليلي جت في الوقت المناسب عشان اخدها ونمشي من قدامه ، غبي!
° في أي حصل اي؟
_ مش قادر يفهم إن الجواز مش بالعافية ، مش عاوز يسيبني في حالي
° طب يمريم ما تديله فرصة و..
_ بس بقي فرصة اييييي ، بقولك أي نامي نامي ، أنا غلطانة اني جيت السفرية النحس دي
طول اليومين وانا بتهرب من أي موقف يجمعني معاه ، لحد ما أخيراً خلصنا ورجعنا ، عارفة أنه مش هيسيبني لما هو كمان يرجع هنا .
_ ها يبابا كنت عاوزني في اي؟
° والد يوسف رجع يطلبك مني ، مش فاكر للمرة الكام يمريم ؟
_ وانا في كل مرة هقولك لاء يبابا ، أنا مش هتجوز يوسف
° دا شاب ممتاز
_ بابا أنت مش يهمك اتجوز واحد بحبه ؟
° الي يهمني اكتر تتجوزي واحد مقتدر ماديا يعرف يعيشك في نفس المستوي الي انا معيشك فيه
_ أنا لو اتجوزت يوسف هيبقي أتعس واحدة في الدنيا!
° طيب هسيبك تفكري تاني ، والمرادي ياريت تفتحي مخك شويه وتفكري بعقلك
سيبت مكتبه ، كنت شاردة ، بعيط ، مش عارفة اوقف عياط ، ماما وحشتني! لو كانت هنا مكنش كل دا حصل ، مكنش هيبقي فيه حاجة تضايقني عشان مكنتش هتسمع ب دا .
= آنسه مريم؟ انتي كويسة؟
رفعت وشي ف لقيت احمد ، عياطي زاد ، طلع من جيبه منديل = اهدي طيب اهدي ، بالله عليكي خلاص
مسحت وشي = تحبي تقعدي في مكتبي لحد ما تهدي ؟
فجأة لقيت حد ماسكه من هدومه
' تقعد مع مين يحبيبي؟
عيني وسعت _ يوسف !!!!
يتبع..
