رواية بعيد عن أرض الواقع عبر روايات الخلاصة بقلم سلسبيل أحمد
رواية بعيد عن أرض الواقع الفصل الثاني 2
وصلوا ساحه كبيرة و كان في حلبة مصارعه ياسين بصلها بعد ما دخل الحلبة: هتتفرجي عليا؟!
دخلت وبصتلة: بس ده مش تبع الاختبارات ؟
ياسين بابتسامه صفرا: لا ما انا عايز اشوف قوتك البدنيه الأول و عايز اعرف هتدافعي عن نفسك ازاي قصادي
بصتله بستغراب: قصادك؟؟
- اها دافعي
ردت بثقة: ادافع؟ انا بهاجم
ضحك بغرور: تهاجمي قصدك تضربيني؟ طيب ومالو
خد وضع الاستعداد و هي كذالك و بدء الماتش
" لِين كانت خفيفة و سريعه و بتصد لكمات ياسين و لكن شايفه انوه متهاون معاها وبدأت تتنرفز وتتكلم وسط الماتش "
- حضرتك بتلعب ماتش مع ملازم مش طفلة
رد عليها و هما مكملين ضرب: انتي متتحمليش ضربة واحده حقيقية مني وبعدين انتي لسه متعينتيش ملازم.
"استفزها فا بدأت تهجم عليه و تحاول تضربة و لكنه بيصد كل محاولاتها بمهارة عالية"
اتكلم وهو بيحاول يبعد: انا مقدر مجهودك لكن مش هتلمسيني لمسه واحده
"ياسين كان يقصد انها مش هتقدر تضربة مهما عملت!"
"لِين قربت منه أكتر و حاولت تضربة برضو فا كتف ايدها الاتنين ولفها لي و كان ماسكها بتحكم"
- هاه؟ ممكن اكسرلك ايدك دول دلوقتي العصبية مش هتفيد بحاجه محتاجه تتمرني اكتر
= سيب ايديا
ببرود: فكيها بنفسك
" لين مردتش ببوقها حاولت تتحرك ولكن و مسكته ليها كانت قوية فا ضربته براسها ف جبهته لأنه كان وراها و فكت نفسها بسرعه وهو بيمسح جبتهه و هي ملاحظه انوه متأثرش و واقف عادي خالص! "
ضحك عشان يستفزها: انتي غدارة بس مش بطال لكن برضو لسه مش جاهزه كا هجوم اها.. الاختبارات هتبدء بكره الساعه6
" قال جملتة و مشي وسابها "
" انا قوية و هو عرف ده و بينكره عشان متغرش كان بيلاعبني و هو بينهج! يعني بذل مجهود ، عشان انا مكنتش سهله فالماتش و اكيد لما ابدء اتمرن التمرينات الخاصة بتاعتهم هكون احسن! انا هكمل طريقي لحد ما اوصل لهدفي "
" دخلت اوضة كبيرة خاصة بالمستجدين كل السراير بدورين و الكل كان نايم لقيت سرير فاضي فا دخلت نمت عليه بعد ما غيرت هدومي وقبل ما اغمض عيني"
- لامؤاخذه يا ؟؟
= لِين
- ده سريري
"قومت بصمت و لسه هطلع الدور الى فوق"
- لو عايزة تبقي تحت معنديش مشكلة!
= مش هتفرق
"طلعت فوق عشان انام سمعت صوتها مره تانية"
- انتي جديدة؟ اول مرة اشوفك
= ايوه
- انا اسمي جميلة بقالي هنا اسبوعين
= بتعملوا اية الصبح؟
- بنتنفخ
= في ولاد هنا صح؟
- ما هم معانا هنا الأوضة الأكبر من دي جمبنا فيها اضعافنا ولاد بس بيتمرنوا نصهم مع المقدم آسر يعني احنا متفرقين مع القادة.
= طيب هنتمرن ملامكه مع ولاد ؟
- اها.
"حمدت ربنا في سري الواحد عاوز يتمرن مع ولاد مش بنات و تلزيق و هيهيهيهي اغلبهم ضعيف!"
= تصبحي على خير يا لين
" عيني كانت بتغمض صحيت على رنه موبايلي فا ختو بسرعه و خرجت بره "
- الو ؟ مين ؟
= لين؟؟ انتي كويسة!
- ماما! بتكلميني من رقم مين؟
= مش مهم! كدا مش بتردي عليا؟؟ عملتي الي في دماغك وسبتي البيت
استنتجت انها كدا لسه معرفتش اني روحت مبني القوات الخاصة: انا عند واحده صحبتي هرجع بس مش دلوقتي يا ماما ممكن تهدي؟!
" فضلت تترجاني ارجع و حاولت اغير الموضوع و اسايسها اتمشيت و انا بتكلم لحد بره شوية و بعدين قفلت معاها "
- اية ده المياه دي هنغرق ولا ايه
= انتي بتعملي اي هنا ؟؟
"لفيت بسرعه لاقيتة المقدم ياسين!"
كان مبلول لاحظت البسين الى وراه و بصتله بستغراب: انا كنت ب.. بتكلم فالموبايل
- كان مفروض تنامي من ساعه و نص عشان تصحي فايقه لليوم بكره اتفضلي
= تمام يا سيادة المقدم
" انسحبت بهدوء انا هنا تحت رحمة متسلط لحد مش عارفه لحد اي بس مش هستحمله كتير وبعدين طب ماهو صاحي اهو و بيبلبط! "
********************************
صلي على محمد.
" تاني يوم الساعه 6:00 بالثانيه "
" صحيت على صوت سرينه مزعج جدا و عالي سرعني!!! افتكرت المكان بيو*لع!! "
- اتحركوااااااااااااااا
" كان صوت المتسلط بينادي عشان ننزل الساحه "
" معرفش ازاي كلهم جهزوا فخمس دقايق و انا نزلت اخر واحده لاقيته لمحني وشاورلي اروحله "
- متأخره 9 دقايق !
= مش هتكرر ان شاء الله هلحق اجري معاهم
- اتفضلي
" وفعلا لحقتهم و كنا بنجري مسافة كبيرة حولين الملعب كله الى فيه الحلبة و البسين و قعدنا كدا ساعه لحد ما وقفنا المقدم ياسين"
- كدا الساعه جري خلصت تعبانين صح ؟
" كان باين علينا بننهج جامد و محتاجين مياه"
- هتجروا كمان تسع دقايق الى زميلتكم لِين اتأخرتهم عشان انتوا عارفين طبعا ان السيئة تعم.
" كلهم بصوا بيدورا علي الى اتأخرت دي و انا كنت محرجه جدا و فعلا جرينا تاني! "
**********************************
استغفرالله العظيم.
- جرا اية يا سيادة المقدم مش خلصوا وقت الجري
= خليك في الظباط بتوعك يا عم آسر
- بتشقي العيال انت يا ياسين بتفش غلك فيهم؟
= متهزرش بقي قدامهم وبعدين لازم اركز معاهم و اشد عليهم السنة دي بيدرب تحت ايدنا زياده اتنين فالفرق
- انت بالجديده دي بقي معاك 7 رجالة و 6 بنات
= ايوه الجديده دي بقي الي بيتعاقبوا بسببها
- عاش هسيبك الدقايق قربت تخلص
" آسر اتحرك عشان يكمل مع الظباط بتوعه و ياسين صفر عشان يقفوا "
- كدا انتوا خلصوا جري دلوقتي تمارين لياقه وضغط هعمل الحركات و انتوا هتعملوا زي هنقعد حوالي ساعه ونص و بعدها هنتمرن ساعتين ملاكمه كل اتنين سوا و بعد كدا ساعة تانيه فالبسين يلااا
" الدنيا اسودت فيعيني انا مبعرفش اعوم بابا حاول معايا كتير و كنت برفض لأني بخاف من المياه و لكن هقول اية؟ انا هنا مينفعش اقول بخاف اصلا ! "
" بعد التمارين مع المتسلط جهزنا عشان ندخل الحلبة كان كل ولد قصاد بنت و عند دوري حسيت انه اختاري واحد ضخم قاصد! هو بيربيني ولا عارف اني قوية"
- يلا زين و لِين لما اوقف محدش يتحرك
" دخلنا الحلبة لقيت الواد بيبصلي بغل! هو انا لسه عملت حاجه ياض ده انا هعجنك "
"بدأنا و كان فعلا بيلعب بغل وقعني لكن قومت بسرعه قبل ما ينزل بقبضته على وشي و ضربته فضهره بكوعي فا اتوجع وبصلي بغضب"
" رجعت خطوة و خت وضع الاستعداد تاني فا بصلي بتركيز و وشه احمر و هجم مرة تانيه صديت ضرباته ليا بسرعه و بعدين حاولت اكعبلة معرفتش لانه اكبر مني فالحجم فا اديته بوكس جاب اجله و بعدين ياسين صفر فا وقفت لكني اتفاجئت بيه بيضربني بالبوكس فمناخيري
مناخيري ، بدأت تنزف جامد "
ياسين بزعيق: انت اتجننت؟؟ انا وقفت الماتش يعني تقف ثابت!!!! بتخالف القواعد ؟
- انا مكنتش اقصد أ
= ولا حرف زياده هتكمل تمارين و هتتعاقب اخر اليوم وعقاب فردي ( يعني السيئة مش هتعم. )
" نزلت من الحلبة لقيت جميلة بتناولني مناديل
مسحت الد**م وقعدت "
- معلش اصل زين يعتبر اقوي حد هنا وانتي تقريبا هنتيه اول مره اشوف بنت زيك؟
= مناخيري اتكسرت اعتقد فا متوجيش دماغي كمان على المتخل*ف ده
- كمان خلقك ضيق هنبقي صحاب خلي بالك
= انتي وشك ورام من الضرب انتي كمان
- اها الغبي الى اسمه ادهم الى نزلت قصاده قوي اوي متعلميني ابقي زيك؟
"لِين اول ما سمعت الجملة حست بصداع و انسحبت بسرعه من قدامها تحت استغراب جميلة"
" فضلت امسح فالدم و بعدين روحت اللبس عشان ننزل البسين وربنا يستر "
" وصلنا كلنا و بقينا ننزل مجموعات لحد ما ياسين حدد مجمعوتنا انا مكنتش عارفه اعمل اي نزلت معاهم و خلاص و اول ما نزلت رجلي مكنتش لمسه الارض و كنت بغرق فضلت اصارع فالمياه بخوف واعصابي سابت و مكنتش قادره اتنفس لحد ما لقيت ايد بتشدني بقوة"
- فوقي !
" فضلت اكح مياه واخد نفسي بصعوبة مقدرتش حسيت اني لسه بتخنق ومش سامعه ولا حاسه بحاجه "
فتحت عيني على صوته و هو بيزعق! عشان افوق"
- اية الي حصل ؟
= ءءء اسفة يا سيادة المقدم هحاول استعد بعد كدا
- انا بسأل ده حصل ليه ؟
= مبعرفش اعوم فا غرقت
- اها ، هتتمرني اضافي معايا و بليل لحد ما تتعلمي و ده هيكون قبل معاد نومك بساعه يعني في ساعه هتنقص من عدد ساعات نومك
= ازاي! كده مش هصحي فايقه و
- دي مشكلتك ياريت تبقي بتتعلمي بسرعه بقي عشان متفضليش شهر تنامي وقت قصير
= ايوه بس
- مفيش بس انا معرفش ازاي عديتي من غير ما تكوني بتعرفي تعومي اصلا
" خرج من الاوضة و سابني بصيت جمبي لقيت جميلة "
- انا هاروح اكمل التمرين ارتاحي انتي
" انا واجهت حاجات كتير اوي بس ده اعوذ بالله مش بكره قده يارب خلصني منه "
***********************************
صلي على محمد.
" نمت اليوم ده من التعب لكنه مش جديد عليا فا صحيت فايقه تاني يوم و كالعادة التمرينات لكن عرفت من جميلة ان كل يوم بيكون في تمرينات جديده بيجروا فالنا*ر و يزحفو فالرملة كأننا فالصاعقه او فالجيش و بناكل اكل!!!! حقيقي اكل ميتاكلش! وانهارده بقي كان معاد الزحف فالطين على حظي "
"لكن قبل ما نبدء اتفاجئت ب مريم الى كنت منتحلة شخصيتها و هي بتنضم لينا"
- لِين !؟ انتي هنا؟ ازاي اتقبلتي بعد الى عمليته
= مريم انا بعتلك رسايل بعتذر فيها الموضوع مكنش شخصي معاكي انا لقيت الورق قدامي و مكنش عندي اختيار كان لازم ادخل هنا
- وانا بس اتنازلت لأن الموضوع جه من ناحيه العقيد لكن انا مش هنسهالك يا لِين انتي كنتي عاوزة تخدي مكاني
= قولتلك الموضوع مكنش شخصي معاكي! و بعدين منتي هنا خت مكانك ازاي
اتكلمت بغرور: انا هنا لأني شاطرة و لأنك اتكشفتي
" مردتش عليها المقدم ياسين وصل و بدأنا التمرينات فالطين و بعد انتهاء العبث ده كنت فاكره اني هرتاح "
ياسين: الملازم ليان
لفيت لي بعد ما نده الاسم ده و تمالكت اعصابي: تمام يا فندم ، اسمي لِين لو سمحت
ياسين: و الي فالورق ليان
- اي اوامر؟
= قدامك 20 دقيقة تاكلي و تجهزي عشان ادربك سباحه و فات منهم دقيقة اتفضلي
" مشيت وانا بجز على سناني اتجمعنا فالمطعم كلنا حرفيا احنا اكتر من 200 واحد و واحده "
*********************************
الحمد لله.
" اتفاجئنا بتلت ولاد بيقعدوا على ترابيزتنا انا و مريم و جميلة و بنت مش مهتمه اعرفها بتاكل جمبنا "
- انا احمد
- و انا عمر
- و انا خالد
"كملت اكلي بعدم اهتمام"
جميلة: و هي لين و انا جميلة و مريم و دي فاطمه
احمد: احنا معانا زين كمان بس مرضيش يجي عشان شد هو و لين اول يوم ليها
عمر: الا صحيح عجنتيه كدا ازاي؟
لِين: هو قوي اوي كدا وصعب يتضرب؟
عمر: مش حكاية قوي بس كلنا لينا نقط اخر الاسبوع و هو كان من اعلي الناس الى جمعت نقط يعني
لين: نقط اي؟
احمد: انتي تبع مجموعة المقدم ياسين هو بيركز معانا و بيدينا نقط يعني زمانك ختي نقط الملاكمه كاملة لأنك كسبتي هما 6 نقط
جميلة: و نقط الضغط و الجري كمان يعني كمان 12 نقطة و باقي التمارين بقي
مريم بصتلها بغل: و ياتري عملتي اي في نقط السباحه
جميلة ردت بسرعه: المقدم ياسين هيمرنها مبتعرفش تعوم لسه
مريم بغيره: هيمرنها؟؟ بنفسه؟
خالد: عبال ما اللقي حد اعجنه فالملاكمه غير لين. ، هو صح انتي بقي الى خلتينا ناخد جزا تسع دقايق؟
عمر ضحك: خالد مش قادر ينسي التسع دقايق دول
لين بأحراج: مكنتش اعرف موضوع ان السيئة بتعم ده
خالد: يلا المهم احنا اتعرفنا اهو عشان موضوع السيئة تعم ده عاوزين نساعد بعض و كدا و علفكره زين غلبان هو عصبي حبتين بس طيب
جميلة: بس كدا انتو تلاتة و زين يبقي اربعه فاضل تلاته
احمد: لاء ملناش دعوه بيهم هما واخدين جمب
جميلة: برضو في بنتين معانا واخدين جمب بس انا و مريم و لين وفاطمه بنتكلم وصحاب
مريم: انا مش صاحبه حد
"وسابتهم ومشيت"
عمر: متكبره اوي يلا يا رجالة هنقوم احنا نكمل اكل مع زين لحسن يقفش
احمد بص لجميلة: فرصة سعيده يلا بينا يا رجالة
فاطمه: دمهم سم
جميلة: ليه دول لطاف! كويس اننا اتعرفنا دول زمايلنا
- اها مجرد زمايل.
" خلصت اكلي و قومت و جهزت روحت بدري دقيقة لاقيته بيعوم فالبسين ركزت معاه شوية ده سريع اوي هوا اي سمكه! سمكة مين اقصد حوت واضح انه متعود يعوم فالوقت ده "
- جاهزة؟
فوقت وبصتله: جاهزة
نزلت المياة وكانت متلجة وهو لاحظ اني بترعش
- ارخي اعصابك بروده المياه مش هتعملك حاجه
= مش قادرة! دي ساقعه جدا
- يبقي الاحسن نخلص بسرعه
فضل يوريني اعمل اي لكني كل شوية اغرق و يجبني من قفايا يلحقني
= انتي مبتفهميش؟
- نعم!
= بقولك تعملي اي و برضو خايفه وبتغرقي
- انا مش بخاف
= لا خايفه ومش هتتعلمي طول مانتي خايفه!
" عيوني كانت بتدمع فا ضربت المياه بأيدي عشان تيجي على وشي وميخدش باله "
- حاولي تاني همسكك و بعدين هسيبك
" فضلنا نحاول مفيش فايده فا طلعت و انا متجمده و عماله اعطس جامد ده دور برد وش "
- هنحاول بكره تاني لحد ما اشوف اخرتها واحسلك تتعلمي بسرعه
" ياشيخ حسبي الله فيك بقي "
= تمام
******************************
استغفر الله العظيم.
" مشيت وانا فعلا مش قادرة غيرت هدومي و فضلت اعطس عالسرير"
جميلة صحيت: بقولك اي اجبلك علاج
- هو في هنا ؟
جميلة بصوت عالي: فاطمة انتي على انهي سرير
فاطمة: هنا في اية!
جميلة: لين واخده دور برد جامد معاكي حاجه؟
فاطمة: اها خدي
"و خدت فعلا البرشام و لقيت جميلة بكل حنيه بتغطيني كويس و بتقولي انام و هصحي كويسة "
- شكرا يا جميله
عليت صوتي: فاطمه معرفش انتي علي انهي سرير بس ششك.. اتشييييييييييي الحمد لله شكرا
سمعت صوت ضحك بنتين بعد ما عطست فا ضحكت انا كمان جامد و جميلة ضحكت كان في صريخ ضحك عالي بجد بسبب عطستي
مريم بعصبية: عندنا صحيان بدري ! بس بطلوا ازعاج
"بطلنا ضحك عشان امنا الغولة تسكت ونمنا"
_____________
- بابا ؟؟ بابا !!!!!!!
= ليان اوعي تخافي من اي حاجه مينفعش!
- بابا انت هناا انا مش عاوزاك تسبني لاء ارجوك
= انت قوية يا لياااان
بااااااابااااااااااا !!!!
جميلة صحيت مفزوعة و كام بنت من الاوضة صحيوا: في اية ؟؟
جميلة قربت بسرعه من لين: انتي كويسة اهدي ده مجرد حلم
" استوعبت الى حصل و اعتذرت لهم و حاولت اهدي مقدرتش انام طول الليل من خوفي ان كوابيسي ترجع تاني مينفعش! وبالذات هنا وسطهم! "
**********************************
سبحان الله وبحمده سبحان الله العظيم
" الساعه 6:00 الصبح "
كنا واقفين طابور منظم و لكن بنبص بفضول على القطط و الكلاب الى موجود مع ناس؟
- طبعا انتوا شايفين الحيوانات الى معانا دي تجربة جديدة كل واحد منكم هيبقي مسؤل عن حيوان معين و يدربة و لما يدربة صح هياخد نقط عالية.
" بدء يدي كل واحد مننا قط و كلب معين! "
- جه عندي و داني قطة عبيطة عماله تنونو!
"بعد ما كل واحد مننا خد الحيوان الخاص بيه وقف قدامنا ياسين"
- اي اسئلة ؟؟
جميلة: لو سمحت ينفع اخد قطة ؟ الكلب ده مرعب وانا بخاف
ياسين قرب منها: ايه؟ بت اي؟ بتخافي؟
فاطمة: وانا كمان بخاف من القطط ممكن نبدل
اتكلم بصرامه و زعيق: انتوا فاكرين نفسكم ف حفلة و كل واحد بيختار على مزاجه دي تعليمات؟؟
" بص للرجالة لقي خالد واقف بعيد عن القطة فا استنتج انوه كمان خايف من القطة مسح على وشة بعصبية لقي آسر جه عليه "
خده على جمب و اتكلم بهدوء: صوتك عالي ليه ياسيادة المقدم؟
= انا حاسس اني بدرب عيال مش ناس كبار!
شاور على خالد: ده ملازم ازاي و هو خايف من قطة
- براحه بس القرار ده جديد و محدش فاهمه برضو من امتة و احنا بنخلي الظباط تدرب قطط وكلاب ؟
= مش عارف بس مش حوار يا آسر!
- انت مشوفتش الى عندي بقي واحد من الرجالة بيقولي بحب الاحصنة عايز امرن حصان
ياسين بغيظ: نجبلة و مالو
آسر بص لمجموعة ياسين بحده: ننشف كدا يا رجالة عشان الاختبار ده الى هيفشل فيه احتمال يتم استبعاده فاهمين ؟؟ هنا مفيش مجال للفشل و الخوف
" الكل اتخض من الكلمه استبعاده يعني يسقط من الإختبارات و يمشي "
آسر بص ل ياسين و غمزلة: اي خدمه
" ياسين رجع معاهم و بدء التمرينات و كالعادة خلصوا و استني لِين "
- اتاخرتي ليه!
لين بتلقائية: كنت بنيم القطة!
ياسين كتم ضحكتة و بدؤا لما نزلت المياة لاحظت انها دافيه فا بصتله بسرعه: المياة دافيه؟
ياسين بخبث: اها ده حظك حلو يلا ابدأي
= انت هتفضل فوق ؟
"ياسين كان بره البسين"
- مش بنزل في مياه دافيه هعلمك وانا هنا عادي ابدأي
" كنا ماشين كويس وحاسه اني هنجح "
- لازم تبقي عارفه انك مينفعش تخافي من اي حاجه
" كلمتة رنت ف ودني و سرحت مختش بالي من توازني فالمياه فا بدأت اغرق "
- ليين!! لييين عومي لياااااان !!!!
"ملقاش رد منهاا فا نط فالمياه و طلعها "
- انتي كويسة؟؟ فايقة؟؟
"خبط على ضهرها فا بدأت تتكلم"
= انا كويسة معرفش اي الى حصل
ياسين نفخ بضيق: بما اني كدا كدا اتبلت هنزل معاكي
"بدأت اهدي شوية اها مبقتش جامده يعني ولكن بعرف اعوم سيكا عشان هو معايا خلصنا و طلعت عشان انام "
************************************
صلي على محمد.
" كدا فات تلت ايام و انا لسه مش بعرف اعوم ولكن بعد كمان تلت ايام مستوايا اتحسن وكدا بقي فاضل يوم واحد والاسبوع يخلص واعرف هاخد نقط قد اي! و كمان كنا مهتمين بالحيوانات بتاعتنا و المقدم ياسين بقي يعوم في مياه دافيه عشان يدربي! و حاسه اني بقرب من هدفي! اتمني يكون احساسي صح.!"
" دلوقتي نهايه اليوم و بجهز عشان اروح اعوم. "
" تن تن تن "
- الو
= الو مين؟؟
- انا علي
= علي!
- انا عند البوابة بتاعت المبني اخرجي
"خرجت بسرعه و اتخضيت لما شوفته قدامي بجد"
- انت ازاي وصلت لهنا ! وعرفت منين اني هنا!
مسك ايدها: انتي لازم تيجي معايا حالا يا لين !!
ظهر صوت من ورايا: انت مين ؟
بصيت لاقيته ياسين: ينهار ابيض كملت!
يتبع...
