اسكريبت أحمد ومريم بقلم مريم سمير
طلعت علي الميزان لقتني زايدة خمسه كيلو!
_ احمم ، طب تمام شكرا
شكرت الصيدلي الي سمحلي ب استخدام الميزان ومشيت ، مشيت وانا حاسه اني افشل واحدة ممكن الواحد يقابلها! ، مشيت علي دايت وبدل ما اخس تخنت ، بقيت كارهة شكل جسمي مش عارفه حتي ابص في المرايا! ،
خدت قرار اني معتش عاملة دايت تاني ، معتش معذبة نفسي من غير اي نتيجة ، معتش فيه حرمان! ، مدام مفيش حتي جرام بينزل ف نزوده بس وانا مبسوطة!
روحت سوبر ماركت جبت حلويات كتير بحبها _ مش تبع المقاطعة _ ، دخلت اوضتي وقعدت علي سرير وفتحت الفون وبدأت اسكرول عليه وانا بتلذذ ب الحاجات الي جبتها ، بعد ما خلصت كل الحلويات الي جبتها قومت بصيت علي نفسي في المرايا وعيط ، عيطت اني ضعيفه ، اني معتش حلوة ، اني فاشلة ، اني بقيت شخص مكنش عاوزة ابقي هي في يوم ،
_ لو سمحت عاوزة ميلك تشيك كراميل
قعدت علي الكافيه الأقرب لقلبي ، كنت بروحه كتير عشان أقرا وافصل
° شوف عامله ازاي ؟
سمعت صوت شباب قاعدين يضحكوا في الطربيزة الي قدامي ، لبست الهاند فري وانا ببعد نظري عنهم
° بلدوزر قد الدنيا بجد
عيني دمعت وانا ببص حواليا للناس الي خدت بالها من الموقف وقعدوا يبصولي
_ لو سمحت الغي الأوردر بتاعتي
كنت جايه امشي لقيت شاب جه وقعد علي الكرسي قدامي = راحة فين؟ انتي لسه مشربتيش ، ثواني وجايلك
قعدت وانا رافعة حاجبي ومستغربه! ، راح ضرب الشاب الي كان بيتكلم ، الناس حشوه عليه بالعافيه والشابين الي كانوا معاه طلعوا يجروا برا الكافيه = لو شوفتها في مكان واتعرضتلها تاني همحيك من الدنيا انت فاهم؟
الشاب طلع يجري بخوف = خلاص يجماعه كله علي طربيزته! يعم انت ماسك فيا لي متسيبني بقي
ضحكت وهو جه قعد قدامي = كنتي طالبة أي بقي؟
_ انت مين؟
= ميلك تشيك كراميل زي عوايدك؟ أنا آسف مش بحبه هطلب قهوة
شاور للويتر أنه يجيبله قهوة ، شاب طويل بدقن قمحاوي اقل كلمه تتقال عليه أنه وسيم! ، قاعد معايا أنا علي نفس الطربيزة!
الويتر جاب الطلبات وحطها قدامنا = هو انتي بخيلة؟
_ ها! لاء ، أشمعنا؟
= مبتشربيش يعني ؟
_ مليش نفس ، اشرب انت
= بقي تزعلي بسبب واحد زي دا؟ ، خد جزاته خلاص متزعليش نفسك
_ لاء أنا واخدة علي الموقف دا كل فترة مفيش حاجة أنا كويسه
= كتاب تاريخي دا؟
_ أيوة عرفت منين؟
= قرأته قبل كده ، بيتكلم فيه عن نفرتيتي ، أنها اجمل النساء الي اتوجدوا في التاريخ وأن ملامحها كانت وكأنها مرسومة ، زيك كده
بصيت حواليا ورجعت بصتله _ زيي ؟ اه انت هتهزر بقي!
خد الكتاب من قدامي وطلع قلم من جيبه وبدأ يكتب فيه ، خلص وساب القلم في الكتاب = أنا لازم استأذن عشان عندي شغل ، اتبسطت اوي اني اتكلمت معاكي ، سلام يمريوم
مريوم! دا خد عليا اوي! مين دا وانا فين واي الي بيحصل وهو حلو كده ازاي ؟
فتحت الكتاب بعد ما مشي
'' متزعليش من اي كلمه تتقالك ، الناس مفيش وراها غير الكلام وبس ، انتي جميلة اوي يمريم ، وشك وضحكتك وطيبتك الي باينة عليكي من غير ما تتكلمي ، من أحمد "
كان أول مرة يتقالي الكلام دا! اول مرة اشوف نفسي حلوة من سنين! ، ولأول مرة ارجع البيت فرحانة ، معايا الكتاب وكل شويه اقرأ كلامه ، كان لذيذ اوييي!
روحت بعدها الكافيه علي امل اني اشوفه تاني ، كان اي حد يدخل من الباب عيني تجري عليه واتمني يطلع هو لكن! للاسف مش هو ، فتحت كتاب جديد وقرأت اول صفحة فيه
= عاملة اي بجد؟
_ الحمد لله ، كويسه
ملامح وشي اتغيرت ١٨٠ درجة لما شوفته ، طلبلي الميلك تشيك بتاعي وطلب لنفسه قهوة
_ انت جيت تاني لي؟
= مضايقه من وجودي؟
_ لاء ابدا ، بس بسأل
= عشان اشوفك ، وعشان اخد قلمي ، هو فين صحيح ؟
ضحكت _ يسلام!
= اه والله اصل قلم غالي عندي اويي
فضلنا نتكلم في كل حاجة! ، في شغله وعرفت أنه مهندس! دا الحلو ميكملش بجد بقي ،
أنه شغال في شركة كبيرة في البلد وأنه كان بيحارب نفسه في ثانوي عشان يدخل الكلية الي هو عاوزها ، حكايات لشخص ناجح جدا ومكافح ، كنت مبسوطة وانا بسمعه ومش عوزاه يسكت خالص .
= أنا رغيت اوي وزمانك بتقولي اني لكاك
_ لاء ابدا ، أنا اتبسطت بالكلام معاك
= قصدك وانتي بتسمعيني ، انتي متكلمنيش ، تحبي تتكلمي؟
_ مفيش حاجة احكيها
= طب وبتشتغلي أي؟
_ كان عندي مكتبة بس قفلاها حاليا
= مكتبة؟ حلو اوييي ، طب وقفلتيها لي؟
_ تعبانة نفسيا الفترة ديي ف مش عارفة اشتغل
= مالك؟
_ كنت بحاول اخس طول الوقت ، بجري واعمل أي حاجة تخليني اخس ولو كيلو واحد يشجعني اكمل ، بس كنت بلاقي نفسي كل شويه زايدة ، معتش عندي شغف اعمل اي حاجة ف قفلت المكتبة وقفلت علي نفسي و..
أدركت اني شاركته حاجات عمري مقولتها لحد حتي ماما كانت لما تسألني مالك اقولها مفيش ، أنا ازاي اقول كده؟
طلبت استأذن ولميت حاجتي بسرعة ومشيت
= أنا هقطع النفس كده ، اقفي يمريم نتكلم
وقفت وزعقت _ انت بتدخل في حياتي لي؟ سيبني في حالي
وقف واتصدم ف هز راسه ومشي ، كنت غبيه؟ أكيد ، ملوش ذنب وطلعت كل الزعل الي جوايا في زعيقي ليه ، كان عاوز بس يعرف مالي!
بعدها كنت بروح الكافيه ومكنش بيجي ، كنت عاوزة اشوفه! اسمعه ، يهزر معايا يتكلم في أي حاجة عشوائية والكتب الي قرأها ، كنت مفتقده الكرسي الي قدامي يبقي مليان بعد ما كان فاضي تماما ،
لقيته جه وقعد علي طربيزة قصادي ومعاه واحدة ، واحدة جميلة ،
فضلوا يتكلموا ويهزروا وانا ببص ليهم من فترة للتانيه ، انتهزت فرصه إن البنت دي استأذنت عشان تروح الحمام وروحتله
_ ازيك ؟ ، كنت بس حابه اعتذرلك علي اخر موقف ، مكنش ينفع ازعقلك كده
=..
_ بجد اسفه ، بعد اذنك
= استني يمريم ، خلاص مش زعلان
_ بجد؟
= بجد
_ بالمناسبه ، خطيبتك جميلة اويي
= خطيبتي! ، دي اختي
قلبي ارتخي مش عارفه لي فرحت ، ابتسمت تلقائي وبعدين استوعبت أنه استغرب ف كشرت تانى
_ ربنا يخليكم لبعض
= راحة فين؟ اقعدي أنا عاوز اعرفها عليكي
قعدت واخته جت واتعرفنا ، كانت لطيفه اويي ، دكتورة ومعروفه ولبقة جدا في الكلام ، تتحب .
أخته استأذنت عشان شغلها ف سلمت عليها ومشيت ورجعت بصيتله _ بتبصلي كده لي؟
= خايف اقولك حاجة تقومي مزعقة لامه عليا الكافيه
ضحكت _ لاء لاء قول
= عاوزك تفتحي المكتبة بتاعتك تاني
_ لي؟
= عشان ترجعي تاني تضحكي وسط الكتاب أو تفرحي لما يجيلك زبون
_ وانت عرفت منين ؟
= انتي بجد مش بتشبهي عليا خالص؟ ، ماشي يستي هبسطالك ، انا جيتلك من فترة كده مكنتش لاقي فيها شغل ودخلت اخد من المكتبة كتاب ، كنت مكتئب الدنيا مقفولة في وشي ، شوفتك وساعتها ضحكت علي ضحكتك ، وشك كان منور وكله أمل ، جه ساعتها راجل عجوز عدي من قدام المكتبة ف جريتي عليه وادتيله علبة دوا وقولتيله أنها بتاعت كل شهر ، عرفت ساعتها انك متكفلة ب علاجه ، عرفت أن الدنيا لسه بخير وأن اكيد الدنيا هتضحكلنا في يوم زي ضحكتك ، بقيت بحب اجي كل فترة المكتبة عشان اشوفك بس انتي مكنتيش بتاخدي بالك غير انك تقرأي يا اما تنضفي الكتب بس انا كنت باخد بالي منك ، عاوزك ترجعي تاني المكتبة يمريم وتفتحيها ، الشارع هناك بقي من غير روح كأنه ميت ، ارجعي تاني وعيشي
كنت مصدومة من كلامه! ازاي خد باله من كل دا؟ ولأول مرة احس اني محط اهتمام لحد ، وبعد إقناع كبير منه رجعت فتحت المكتبة تاني ، فضلت انضف الكتب وهو يساعدني ، ضيع يوم كامل عشاني أنا وكتبي!
= كده تمم؟
_ أيوة خلاص خلصنا ، مش عارفه اقولك أي يا احمد ، انت طيب اوي
= عاوز كتاب بقي علي زوقك عشان ابقي اول زبون بعد الافتتاح الجديد
كان فاهم دماغي وبيعرف يتعامل معايا! كان شايفني دايما حلوة .
= أنا جبتلك ميلك تشيك معايا
_ لاء ، أنا عاوزة قهوة زي بتاعتك
قررت اني ارجع للدايت تاني! بس المرادي وانا مبسوطة ، وانا بظبط اكلي مش بحرمني ، وانا بشرب قهوة مرة معاه ومش حاسه بالمرارة حاسه ب لذاذته هو ، كان بيشجعني عشان عارف اني نفسي اخس ، روحت جيم ودكتور تغذيه احمد رشحهولي ، ولأول مرة بعد شهر اوزن نفسي ألاقيني خاسه!
_ بجد والله ؟ خسيت ١٠ كيلو!
= انزلي من علي الميزان ووطي صوتك يمريم هنتفضح
_ انت تسكت خالص بدل ما اكسر الميزان علي دماغك
= ايدا في أي!
مش فاشلة! ، عرفت اخس عرفت اشتغل عرفت اسافر اماكن كان نفسي من زمان اسافرها ، عرفت احب! ومن حظي اني حبيت احمد ، حبيت انقي واطيب راجل في الدنيا ،
= يعني اي زبون مش فاهم؟
_ أي يا احمد كان عاوز كتاب!
= والي عاوز كتاب بتقفي تهزري معاه وتضحكي ؟ دمه خفيف اوييي ؟
_ والله دمه سم بس عشان ابيع
= مريم ، اعملي نفسك خارسه ، حاكم دماغنا
_ انت عاوز اي دلوقتي؟
= مش عاوز حاجة ، أنا ماشي
_ أنا لو لمستك هتحرق!
= بطلي استفزاز بدل ما ارقع بالصوت
بقي أقرب حد ليا ، يومي عبارة عنه هو والمكتبة ، الشاي بالنعناع ، كلامه وحكاياته وضحكنا ، بقت حياتي من غامقة ل نور ، من كره لنفسي لحب ليا وللحياة ، من واحدة من عاوزة تتحرك من السرير لواحدة مش عاوزة تقعد في اوضتها وتخنق نفسها ، من ميلك تشيك مليان سكر ل قهوة سادة ، من قلب فاضي وحزين لقلب مليان حب وامتنان ، كل حاجة اتغيرت من ساعة ما عرفته ، اني بقيت شايفه نفسي اهم واحدة واني استاهل كل حاجة حلوة حتي ولو نجمة من السما ، اني مش قليلة دا انا عالية وفخورة بنفسي وب الي بعمله .
_ مالك؟
= مفيش
_ علي اساس اني مش عرفاك؟ مالك يا احمد؟
= ابويا عاوز يجوزني بنت عمي
سكت ، معرفتش ارد اقوله اي ، كنت عاوزة اقوله بحبك متسبنيش ، مش عاوزة ارجع تاني لمريم الي كنت عليها
_ وانت قولت اييي؟
= محكم رأيه ، وانا مش عارف أعصاه خصوصا أنه مينفعش يزعل عشان تعبان
_ لو بنت حلال اتجوزها هو اكيد عاوزلك واحدة كويسه
= انتي شايفه كده؟
_ أيوة
= بس انا عمري مكنت عاوز اتجوز
_ وبعدين يا احمد؟
= ولا حاجة ، أنا ماشي
عيطت! ، كده خلاص معتش هشوفه؟ ، اكيد مش هيكسر كلام باباه وكمان أنا مش عارفه هو بيحبني ولا لاء ، ببساطة؟ عمره ما قالي .
= ملقاش عندك كتاب نفرتيتي؟
_ أحمد!!!
= ايدا هو انا كنت وحشك للدرجاتي؟ دول تلت ايام يعني
رجعت كشرت تاني _ عاوز اييي ؟
= هعوز أي يعني
_ أي نقول مبروك؟
= دا انتي مستبيعة وجاحدة بقي!
_ قصدك اييي؟
= لما روحت من عندك لقيت عمي متقدمله شاب لمنة بنت عمي ، والشاب دا منة بتحبه ، واتضح أنهم بيحبوا بعض من زمان وكلمتني اروحلها عشان اقنع عمي بالشاب دا ف أقنعت عمي انه شاب كويس واني مش شايف منة غير اختي ف وافق عليه وقعدت مع بابا بقي وفهمته الليلة ماشيه ازاي
_ يعني مش هتتجوز؟
= أنا عمري ما كنت عاوز اتجوز
بصيت بملل ومسكت الكتب عشان انضفها _ وبعدين يا احمد ؟
= غير لما شوفتك وبقيت عاوز حالا والله
_ نعم؟
= أنا بحبك يمريم ومش عاوز اتجوز غيرك
_ بتقول اييي؟
= ملقاش عندك كتاب نفرتيتي ؟
مريم سمير 🤍.
