رواية حب تحت الوصاية الفصل الثاني عشر 12 بقلم عائشة الكيلاني

رواية حب تحت الوصاية (كاملة جميع الفصول) عبر روايات الخلاصة بقلم عائشة الكيلاني

رواية حب تحت الوصاية الفصل الثاني عشر 12

ناريمان:- قصدك 

نادين بمقاطعة و ابتسامة:- السم الى هيرحعلنا حقنا و حق ابوكي من عيلة الجريتلي 

ناريمان بابتسامة:- و كدا اتقدر اخد حقي و اتجوز زياد و اربي ابننا احنا الاتنين و بسس 

نادين ببرود:- مش قبل ما تخدي حقك منهم حقك و بعدين اعملي إلى عايزاه 

في اوضة زياد كانوا بيرقصو هو محاوط خصرها و هى سندة راسها على صدر*ه  كانت لبسه فستان باللون الاحمر  و قصير و في بالها مليون سؤال 

زياد حس بيها بصلها و قال بهمس:- 

مالك يا حبيبتي حاسك انك في عالم تاني اكنكي بتفكري في حاجة 

سليمة فتحت عيونها بعدت راسه عنه و بصت في عيونه زي ما هو كان مركز على عيونها الصمت كان بينهم هما الاتنين بيبصو لبعض بتسال و عدم فهم 

سليمة بابتسامة:- هو انت ازاى كدا 

زياد بعدم فهم:- كدا الى هو إزاي ، بصلي و انا بكلمك 

سليمة اتنهدت بهدوء ممزوج بغيرة :- الاخت ناريمان فجأة بقيت بتحبني عملتها ازاي دي 

زياد حاوط وشها بايديه:- سالي ناريمان دى كانت مرحلة في حياتي ممكن يكون اعجاب تعلق مش اكتر بس مش حب بالدليل نسيتها و مكمل معاكي و انا بكامل واعي 

قالها بغمزة و حب سليمة رفعت ايديها و نزلت ايديه من عليها و قالت بقلق:- طب و ميرا 

مسك ايديها و قال بهدوء و صدق:- انا فعلا عمري ما حبيت ميرا طول عمرها في نظري اختي الصغيرة أما ناريمان مم اعجاب مش اكتر بس انتي خطفتي قلبي و خطفتني معاه 

سليمة بصتله و عينيها متسعة بصت في عينيه بخجل و توتر و بعدين بصت في الارض زياد رفع وشها بايديه :- انا عايزك تبصيلي مش تبصي للارض يا روحي بحبك 

سليمة بصتله بتوتر و ابتسامة:- قولت اي 

زياد و هو بيبصلها بحب:- بحبك 

زياد قبله بحب سليمة رفعت ايديها بتردد و حاوطت رقبته زياد ضمها له اكتر و ايديه بتتحرك على شعرها بحنان و حب 

 اما في بيت سيف طبعاً الكل عرف 

مفيدة بتصوت:ـ يا لهوي يلهوي يلهوووي يا خبيتك في ابنك يا مفيدة يا ميلة بختك و حظك في ابنك الكبير يخسارة تربيتي فيك ليه كدا يا اول فرحتي ياول بختي ليه يا سندي تعمل فيا كدا تتجوز و تخلف و في الاخر تقول دى مراتي بتضحك عليا يا سيف دا اخرة تعبي فيك هى دى كلمة شكرا يا امي اروح فين يا ناس ارقع بالصوت ولا اهج و اسبلكم البيت و يوم ما تتجوز تتجوز دى 

قالتها و هى بتشاور على ميرا بغضب و صدمة كملت كلامها و هى بتضرب على رجليها:- يحظك المهبب يا مفيدة يا بختك المنايل بستين نايلة يا الى جايبة الولاد يا شايلة الهم لى ممات قولوا دا ولد قولت ضهري اتسند بس لا يا ابن بطني لاااا الواد طالع كارثة و مصيبة مصيبة و مهبب على دماغي يا موكوس و انتي يختي لبسه اسود ليه جوزك مات ولا حاجة ، ما تجي تدني قلمين احسن يا بت الجريتلي 

قالتها و هى بتبصلها بغيظ و غضب:- ااي اتخرستي 

ميرا اتنهد بهدوء رغم البركان الى جواها:- عايزني اقول اي يا طنط معاكي حق ، سوري 

مفيدة مسكت في فاطمه بعصبية اكبر:- شوفتي البت شوفتي دى عايزة تفرسني دى بتقولي طنط بتعوج لسانها شوفتي تتجبر عليا 

ميرا بنفذ صبر؛- اومال اقول لحضرتك اي 

مفيدة باندفاع:- لا تقوليلي ولا اقولك روحي على اوضك مشوفش وشكم و انتي شايلة الواد كدا ليه هيتخنق في ايدك اوعي اوعي جيل مهبب و فاشل 

قالتها و هى بتاخد كريم منها ضمه ليها بحنان و هدوء:- بس يا حبيبي 

سيف بص لميرا بهدوء:- على جوا لو سمحتي 

ميرا بصت له بهدوء:- اوكي 

ميرا دخلت اوضة سيف و فاطمة معاها سيف قعد جانب مفيدة :- انتي تصدقي انى اعمل حاجة زي كدا 

مفيدة بحيارة و حنان:- ما المصيبة انك ملكش في الغلط يا ابن عمري ، بس عايزني اعمل اي لم اشوفك داخل و معاك واحدة و عيل مكملش شهر و تقول مراتي يا امي ، نسيت سليمة بسرعة دى هه دى بنت عمها و لو شمت بس ان كنت بتحب بنت عمها هتتكسر يا حبيبي حتي لو مش بتحبك بس دى ست و طبيعي تدمر لو عرفت انك كنت بتحب سليمة بنت عمها كله الا الولاية يا سيف ، انت عندك الى زيها تقبلها لاختك 

سيف بهدوء:- يا امي مدام سليمة دلوقتي بتحب جوزها و حياتها اتحسنت ربنا يسعدها انا لا هدافي اوجع أو الى في دماغك ميرا في عيني حتي لو مش بحبها و بعدين مش يمكن تكون غير ما باين عليها 

مفيدة اتنهدت بهدوء:- ربنا يهديها مع ان مش بطقها بس دا اي نظامه 

سيف اتنهد بحزن:- فكرة محمد صاحبي الى كان معايا في الكلية 

مفيدة:- صاحب الندامة مالو الصايع 

سيف بحزن:- اتجوز من كام شهر كدا المهم قبل اسبوع جالي المكتب و قعد يقول كلام غريب و انه بيودعني علشان مسافر ، يوم واحد فجأة لقيت حد اتصل عليا من تلفونه بيقولي البقاء لله اخوك مات و نفس الكلام حصل مع ميرا لان مراته صاحبتها صاحبة عمرها ، ودعنهم و سابو لينا دا الصبح المحامي اتصل و طلب منن نروحلو و فعلا روحنا لقينا في وصاية ، وصايا مكتوب فيها اننا نتجوز و نربي ابنهم في جو اسري صحي 

مفيدة دموعها نزلت:- لا حول ولا قوة الا بالله العلي العظيم الواد له اهل غير اهلو ،

بصتله تاني :- طب يا حبيبي انت هتشيل اي ولا اي دا مسؤلية و هى شكلها مش بتعرف تشيل نفسها مش مسؤلية طفل ، طب لو ربنا رزقكم بالذريه الصالحه باذن الله ، هترمو دا لشارع ما اكيد مش هتحبه اكتر من ابنها او بنتها 

سيف بصلها برجاء:- حقك عليا يا امي والله غصب عني جت معانا كدا سامحيني علشان خاطر ربنا 

مفيدة بحنان و حب:- انت بتقول اي يا ابني ، انا مستحيل اغضب عليك أو على اختك دا انتوا الى مصبرني مهونين على الدنيا يا اهبل روح يا سيف قلبي راضي عنك ليوم الدين. ربنا يكرمك و يسعدك و يرزقك الخير و يكفيك شر نفسك و شر الدنيا يا حبيبي 

سيف قبل راسها و ايديها بحب:- ربنا يخليكي ليا يا ست الكل و متحرمنيش منك ابدا 

مفيدة و هى بطبطب على ضهره بحنان:- ولا منك يا حبيبي 

سيف دخل اوضته بعد ما اخد كريم من مامته فاطمة خرجت 

سيف بهدوء:- متزعليش مني امي هى مش قصدها 

ميرا خدت كريم و قالت بابتسامة:- محصلش حاجة حقها تعمل اكتر من كدا انا نفسي لو ابني جاه معاه واحدة و قالي مراتي يا ماما اطردهم من البيت ، دى امك يا سيف و غضبها و عصبيتها من خوفها عليك على كل حال اهو عدت على خير تصبح على خير 

قالتها و هى بتحط كريم على السرير و نامت جانبه و اتغطت سيف بيبصلها بصدمة بمعنى اي البت دى :- و انتي من اهلو اى اوامر و فندم 

ميرا مغمضة عينيها و قالت ببرود:- اطفي النور و اطلع برا أو نام المهم مسمعش صوت ، كريم شوية و هيصحي و انا عايزة اكون فايقة ليه ولا انت اي رايك 

سيف بصلها بغيظ و نام على الكنبة اما في القصر خالد داخل بيصفر و يغني و سكران و اي جابر فتح النور و قال بحادة:- كنت فين يا بيه 

خالد مش عارف يمشي و بيغني:- و افرح يا اخو العروسة لووولي ، فوزية اتجوزت الغارة راحت يا اهل القصر المصيبة مشيت يا بلللدة و بقيت اخو العروسة اااختي اتجوزززت يا هووووه 

قالها بصوت عالي لدرجة ان كل الى في القصر خرجو من اوضهم ماجد نزل جري و ايناس و زياد و ناريمان و نادين و سليمة 

جابر بص له بحادة و عدم فهم :- اااانت بتقول اي 

ماجد:- يا بابا هو مش في وعيه 

خالد وقع لكن قام:- لااا يا عمي انا واعي اوي كمان اختي اتجوزت و انا كنت وكيلها ا انا لاول مرة اعمل حاجة صح في حياتي ، اتجوزت الواد سيف بتقعد معاه يا عمي 

سليمة حطت ايديها على بؤها بصدمة مش حب بس مكنتش تتمني له واحدة زى ميرا 

نادين بابتسامة سخرية:- أو واحدة قليلة رباية يا عمي عايزها تعمل غير انها تتجوز من ورانا اكيد ضحك عليها و 

سليمة و هى نزلة على السلم بغضب:- لا عندك يا نادين الزمي حدودك مش معنى اننا ساكتين ليكي في هتسوقي فيها متنسيش نفسك انتي هنا علشان بنتك مش اكتر لكن هتتكلمي و تظني في الناس و اهل البيت وحياة ربنا انسا انكي مرات عمي و اعمل حاجة هموت و اعملها سيف دا برقبتك و برقبة الى يتشددلك و ميرا كلمة زيادة عليها هكرهك في الثانية الى اتجوزتي فيها و بقيت فرد من العائلة للأسف 

قالتها بصوت عالي زياد كان بيسمع بهدوء و غيرة مين سيف دا و بدفع عنه كدا ليه ايناس بتبصلها و مسكة نفسها من الضحك سليمة فعلا طالعت مسيطرة زى ابوها في الشغل و البيت 

ناريمان معجبهش الكلام:- انتي ازاى تتكلمي مع 

سليمة حطت ايديها في خصرها:- لم امك تلزم حدودها بقا احترامها غير كدا سوري يا نونو 

قالتها بدلال و سخرية جابر بعصبية:- اخرسووو بقااا و انت عملت في اختك اي جوزتها و انت متهبب سكران 

خالد :- و دى تجي كنت في واعي ، كانت زي القمر بالفستان الاسود و شعرها الأسود انا مش عارف هى رايحة تتجوز ولا رايحة تعزي ولا متكنش أرملة 

سليمة بدون وعي:- بعد الشر اخرس و فوق بقا يا حيوان 

جابر مسك خالد من الجاكيت و طالع على اوضته سند راس خالد في الحوض و فتح المياة:- فوق يا حيوان حيوان و فاشل و سكري كمان اي الارف دا ابوك لو عايش و شافك كدا كان مات فيها فووووق يا حيوان مفيش حد نافع كلكم فاشلين اروح فين منكم 

سابه و خرج بغضب دخل اوضته فتح ألبوم الصور و هو بيبص على ولاده التلاتة بحزن راحوا و سابو ليه هموم 

اولاد جابر 

ماجد 

ساهر 

حمزة 

سليم 

حمزة مات و عيالو صغيرين و ساهر ابو ناريمان نفس الكلام 

قعد يبص لصورهم و دموعه نزلت 

فلاش 

حمزة:- معلش يا بابا امسحها فيا سليم ميقصدش 

سليم:- لا اقصد و الى عندك اعملو 

ساهر :- بابا انا عايز اغير عربيتي لان موضتها قدمت اوى 

سليم:- هو احنا شغالين عند اهلك ما تشتغل و هات من فلوسك أو حوش زى اليم دا و خدلك صندوق 

حمزة ضربه في كتفه:- ما تلم نفسك بتتريق على شقتي 

سليم بتساول:- صندوق ولا مش صندوق 

ساهر:- الصندوق اكبر منها هههه ارضي ست منى على حسابنا من قلت الاماكن رايح يتجوز في صندوق 

سليم :- على الاقل مش غسيل و مكوة 

حمزة واقف بيضحك في صمت على سليم الى بيقصف من غير حدود 

مشهد تاني 

حمزة بعصبية:- انا مش روبرت علشان امشي وراء كلام حضرتك 

جابر بغضب:- بتعصي كلامي يا حمزة طب والله 

حمزة حط مفاتيحه على التربيزة و قال بهدوء:- انتوا اهلي و هى حب عمري و هفضل معاها لحد ما اموت عايزين تتقبلو دا اهلا وسهلا مش عايزين براحتكم بس انا مش هعيش طول حياتي بفكر في اسم العيلة و بس منى مش من الشارع يا بابا دى بت ناس محترمين و ابوس ايدك بلاش جو الواصل دا لان حتي لو دفنتهو هتدفنو روحي معاها 

باك 

جابر ابتسم بوجع:- اشجع واحد في ولادي الوحيد الى وقف في وشي علشان الحق 

مشهد تاني 

جابر بحادة:- يعني اي اقل منك تعليم انت اتجننت يا سليم 

سليم اتوتر وشه اتغير و ابتسم:- انا كنت بهزر معاك يا جابر بيه اعتبرني مقولتش حاجة عن اذنك 

مشهد تاني 

سليم نايم على السرير بيتكلم بالعافية قال بصوت واطي من التعب:- انا اسف يا بابا ح حقك عليا  م مقدرتش اتجوز الى بحبها ، ا انا غلطت انا و  ع عبلة الى كانت شغالة عندنا ، ا انا عندي بنت ، معرفش حاجه عنها غير اسمها ، انا كان نفسي اشوف بنتي و اعيشها حياة طبيعية وسط كل الناس كان نفسي اعترف بيها بس هموت قبل ما اشوفها حتي أو احضنها ، كله علشان رضاك انت و اعتماد هانم و سمعة العيلة ما برضو ازاى ، سليم الجريتلي يتجوز خدامة حتي عيب في وش امي اعتماد هانم ، انا مسامحكم بس ، قول لبنتي تسامحني 

سليم قال الشهاده و مات 

باك 

حمزة و سليم اتحطو في نفس الاختبار بس الفرق ان حمزة ساب كل حاجة علشان الى بيحبها و فعلا كانت بنت ناس محترمة و اهلها محترمين ميرا و خالد عاشو في القصر لم ابوهم و امهم ماتو جابر اخدهم رباهم في القصر عكس سليم الى خاف و دمر حياته علشان عيلة الجريتلي ماجد بقا على راي ميرا جبان هو و ساهر اتجوزو ناس هما مش عايزتهم ولا بيحبوهم في اوضة زياد 

زياد قعد و الغيرة على وشه قال بغضب:- و يا تري مين الاخ سيف ان شاء الله شكله عزيز اوى على قلبك 

سليمة بصتله و رجعت تبص لنفسها في المرايا:- ممم ابن منطقتي و جاري من سنين عايزني اسمع اهانته و اسكوت ليه معنديش اصل 

زياد قام مسكها من دراعها و قال بين سنانة:- سليمة اتعدلي و انتي بتكلمني و بلاش طريقتك دى ، دا مش سبب علشان تدفعي عنه 

سليمة بصتله و حررت دراعها بصت لقت ناريمان واقفة وراء الباب و بترقبهم حاوطت رقبته و قالت بهمس و دلال:- يا حبيبي انا مفيش في قلبي غيرك ، يا زياد انا بحبك اوى فوق ما تتخيل بس مش بحب عصبيتك الزيادة ، و بعدين ميرو بنت عمنا و من حقها ندفع عنها في غيابها و بعدين انا الى المفروض ازعل منك مش العكس انت عليت صوتك عليا و كسرت قلبي و خليت نفسيتي زفت بسبب قسوتك 

زياد بصلها بعشق و في ثانية نسي هما كانوا بيتخنقو ليه حاوط خصرها و رجع شعرها لوراء:- و انا اقسي على العالم ولا اقسي عليكي يا روح زياد ، حقك عليا انا اسف 

زياد قبلها و هى كمان ناريمان حطت ايديها على بؤها و بتعيط في صمت زياد ساب سليمة قفل الباب و رجع شالها :- بحبك 

سليمة حاوطت رقبته و سندت على كتفه:- و انا كمان بموت فيكي 

تاني يوم في الحارة في شقة سيف على السفرة 

ميرا :- انا الاول كنت عايشة في شارع باب البحر بس عزلت منها بقلي كتير بعدت وفاة بابا و ماما بسبب حادثة جدو اخدنا نعيش في السجن اقصد القصر 

مفيدة بابتسامة و فرح:- اي دا انتي طالعتي بت بلد اهو اومال بتعوجي لسانك ليه 

ميرا بمزح:- والله يا خالتي امي لو كانت عايشة هى و بابا و سمعوني بتكلم كدا هيتبرو مني بس انا كدا علشان مجتمعنا و الشغل و العالم الى حوليا 

فاطمة بهدوء:- سيف كان بيقول عنك انكي تنكة و بصراحة أنا كمان لبسك طريقه كلامك عجرفتك الى بلا سبب ولا حدود 

ميرا بصت لسيف :- انا متعجرفة يا متر 

فاطمة بضحك:- كمان شويه مش هتعرفي تكلمية لانه باذن الله هيبقا وكيل نيابة يارب الحلم يتحقق بقا علشان لم يجي عرسان ارفض براحتي 

ميرا كانت هتتكلم لكن الباب ميرا قامت تفتح بس سيف منعها و فتح هو 

ميرا وشها اتغير و قالت بصوت مرتعش:- جدو 

جابر كان وشه لا يبشر بالخير اتقدم منها ضربها كف 

وووو

يتبع 

انا مش عارفه جابر مش بيطيق سيف ليه 🙆😂😂

يا تري جابر هيعمل فيهم اي حبيتو مين من عيالو اكتر رايكم في سليمة و تصرفاتها مع نادين و ايناس و رايكم في مفيدة 

على فكره بقا انا بحب مشاهد الحارة جدا في حد زايى

رواية حب تحت الوصاية الفصل الثالث عشر 13 من هنا

رواية حب تحت الوصاية كاملة من هنا