رواية حب تحت الوصاية الفصل العاشر 10 بقلم عائشة الكيلاني

رواية حب تحت الوصاية (كاملة جميع الفصول) عبر روايات الخلاصة بقلم عائشة الكيلاني

رواية حب تحت الوصاية الفصل العاشر 10

زياد قام من مكانه بصدمة و عدم فهم :- انت بتقول اي يا دكتور تقصد مين بالهانم الصغيرة 

الدكتور بتوتر و هدوء:- الهانم الصغيرة مدام حضراتك هى في غرفة العمليات حالتها اتهورد بعد ما اتبرعت لامها بفص كبد و عايزين حد يتبرع ليها بالدم لانها خسرت كمية دم  و لو محدش اتبرع ليها هنخسرها حاليا هى الى بين الحياة والموت هى طلبت مني ان محدش يعرف بس للاسف تعبت و محتاجين حد جانبها انا كنت هكلم جابر بيه بس لقيت انك الانسب ان تكون جانبها 

زياد مسح على وشه بغضب و قال بهدوء:- 

طب يا دكتور ابعت عنوان المستشفى و انا جاي حالا ، اه و ياريت بلاش تتصل بجدي انا جاي سلام 

زياد قفل مع الدكتور اخد المفاتيح من على المكتب و خرج و هو مش شايف ولا سامع حد خرج من الشركة ركب عربيته و اتحرك بعد وقت وصل المستشفى و طالع دور الى فيه غرفة العمليات الدكتور كان واقف حقيقي زياد متاخرش رغم الطريق و المسافة لكن وصل بسرعة قال و هو بيدور عليها بلهفة و جنون ممزوجين بخوف:- هى فين اي الى حصل هى كويسة ، انت ازاى تسمع كلامها يا دكتور ازاى متقولش لحد ازاى ابقا مش عارفه بى الى بتعملوا 

الدكتور بيخد نفسه:- اهدا يا زياد و روق العصبية مش حل دلوقتي احنا دورنا على فصيلة دمها بس مش لاقيين في المستشفى 

زياد بيخد نفسه بغضب و قلق:- هى فصيلة دمها اي 

الدكتور :- o 

زياد رفع عينيه بقوة:- انا الى هتبرعلها و ياريت بسرعة مفيش وقت 

الدكتور بفرح:- حالا اتفضل معايا على بنك الدم هو في الدور الى فوق دا على طول 

زياد طالع الدور مع الدكتور و قلبه بيخبط فيه من الخوف و القلق مش عارف ليه مع انه مش بيحبها وصلوا الدور الممرضة حضرت الادوات زياد قعد و شمر كوم القميص بداو يسحبو منه الدم اما في مكان تاني عند سيف 

سيف بنفذ صبر:- يا ابني انت عبيط في دماغك يا محمد فوق علشان ابنك الى لسه مشافش الدنيا ، تمام بعد ما تسافرو و تخدو الجنسية و تعيشو هناك تقدر تقولي هتشتغل ازاى و فين اذا كان هنا و الشغل بالعافية ليه عايز تعيش في الغربة 

محمد بملل:- نفس الكلام يا سيف افهمني انا عايز اطلع من الفقر ولا عايزني ابقا زيك الاول على دفعتي و اخلاق بس لا شغلانة ولا جواز و عايش على الاد يوم في و عشرة لا 

سيف بسخرية:- و السفر هو الى هيعدل حالك يا ناصح ، انت جاي ليه دلوقتي افتكرتني ليه بعد كل دا 

محمد:- جاي اودعك مش يمكن مشوفاكش تاني 

اما عند ميرا في بيت صاحبتها 

ميرا بتبص لشقة باستغراب:- دى صندوق والله العظيم صندوق 

جنة:- يخرب بيت العنطظة يا شيخة يا بنتي كفاية بقا هتبوري والله 

ميرا بسخرية:- صح من كتر الى برفضهم هبور ، هو حد بيبصلي اصلا ، بصي انا جبت معايا مبالغ يسد شوية انتوا على وش سفر و ولادة و هما 

جنة بصدمة:- يخرب عقلك يا ميرا ، هو انا قولت محتاجه 

ميرا:- هو انا هستني لم تقولي خديهم و لو محمد اتكلم قولي انكي قبضي جمعية أو كنتي مسلفة لحد 

جنة:- ههه انا معرفش غيرك مش مصدقه نفسي ميرا بنت الاكابر تعرف واحدة على اد حالها جديد دى 

ميرا حطت ايديها على خدها:- على اد حالها و متجوزة واحد مجنون 

جنة:- هو دا الى من توبي هو من غير اهل و ابن ملجأ و انا كمان نفس الكلام ، هو انتي مش خايفه من جدك لو عرف انكي مصاحبة ناس اقل منك و ملهمش اهل 

ميرا:- يا لهوي ياما على فكرة انا كمان من غير اهل بى البلدي كدا يتيمة زيك و زي محمد ، هو اليتم اي غير حرمان من اب و ام مدفنين تحت التراب لا تقدري تحضنيهم ولا تكلميهم ولا تجري عليهم وقت ما تخافي أو تتوجعي 

قالتها بوجع جنة حطت راسها على كتفها بدموع:- ميرا لو جرلي حاجة ابني امانة في رقبتك ، ربيه مكاني امانة عليكي لو حصلي حاجة متخلهوش يحس بغيابي 

كانت بتقولها بوجع و دموع و رجاءا ميرا بعدتها عنها و قالت بصرامة:- يخربيت النكد يعني انا جاية ادردش معاكي تقومي منكدة على اهلي يا نكدية بقا في واحدة هتسافر امريكا و تبقا بالنكد دا ولا هو الحمل طالب معاكي بنكد 

اتنهدت بهدوء و خوف و هى بتمسك ايديها:- انتي مش هيحصلك حاجة هتسفري و هتولدي و ابنك عهده لى بنتي صحيح لسه مفيش اعجاب حتي بس حجزته علشان تبقو عارفين 

جنة ضحكت باعلي صوتها و الدموع على وشها:- بس كل حاجة عليكم بقولك اي محمد عنده صاحب معقد مش متجوز ما اخليه يكلمه و نزغرط 

ميرا بعدت عنها:- انا غلطانة انى فكرت فيكي انا ماشية لم تعقلي ابقي كلمني سلام 

جنة:- يا ميرو 

ميرا و هى بتفتح الباب:- سلام يا مجنونة 

ميرا ودعت صاحبتها الوحيدة و الى بتعتبرها اختها و مشيت صحيح مش نفس المستوى المادي أو العايلي بس دى الاقرب ليها اما في القسم 

جابر ضرب ناريمان كف:- يخسارة تربيتي فيكي بقا تاذي بنت عمك يا حيوانية 

ناريمان بدموع و انهيار:- كان غصب عني يا جدو مستحملتش اشوفهم مع بعض والله العظيم عملت كدا علشان بحبه 

نزلت عند رجله و قالت برجاءا و شهقات:- ابوس رجلك يا جدو طالعني من هنا انا توبت بس خليني امشي ا انا مش قادرة استحمل الحبس اكتر من كدا ابوس ايدك ارحمني 

جابر بسخرية:- و انتي مرحمتهاش ليه لم فكرتي تاذيها من رغم انها مفكرتش تاذيكي لو بكلمة ، انا هكلم زياد وافق يتنازل تمام مش موافق براحته و ابعدي كدا 

جابر بعدها عنه و خرج ناريمان قعدت تعيط بانهيار و وجع و غيظ في نفس الوقت 

بعد وقت في المستشفى في اوضة سليمة كان زياد واقف جانبها بيبصلها بإعجاب و غيظ معقول في بنت تضحي بحياتها علشان امها ودت نفسها للخطر بس علشان تنقذ امها 

سليمة فتحت عيونها ببطء 

زياد حطت ايديه في جيبه:- حمدالله على سلامتك يا هانم كدا تموتي من غير ما تقولي لحد طب لو دا حصل كنت اعرف ازاي 

سليمة بصتله بدهشة بس قالت بثبات:- ماما فين و عاملة اي دلوقتي هى كويسة ، اوع تقول ان العملية فشلت ابوس ايدك قول اى حاجة غير انها م

زياد بصلها بابتسامة:- لا اطمني هى كويسة الحمدلله بس مش هتفوق دلوقتي كمان شوية و العملية نجحت بس ازاى تعرضي نفسك للخطر مخوفتيش على نفسك 

سليمة بصتله و قالت:- دى امي يا زياد امي الى انا اصلا عايشة علشانها و بسببها ، انا لو اوية ف اوية بيها 

زياد كان هيرد عليها لكن ميرا اتصلت بيه و طلبت منه يروحلها حالا فعلا قفل معاها و رجع القصر بعد وقت قصير القصر كان الكل متجمع معادة ناريمان لانها محبوسة 

جابر بحادة:- اتكلمي هببتي اي 

ميرا الدموع اتجمعت في عينيها:- فاكر الحادثة الى حصلت ليك يا زياد ، سليمة ملهاش ذنب 

الكل مكانش فاهم قصدها كملت بوجع و صوت واطي مرتعش :- ميرا بصوت مرتعش و توتر :- ا انا السبب في الى حصل لزياد و سليمة بس والله العظيم ما كان قصدي ا انا عملت كدا علشان بحبه يا جدو بحبه يا خالد 

بصت لزياد الى واقف بصدمة :- انا عملت كدا علشان خايفة عليك ، انا مش عارفه اي الى حصل بينكم لانى صورت الى عايزة ناريمان تشوفو و بس عملت كدا و مشيت بس والله العظيم ما كان في نيتي اى شر ليكي يا سليمة ، انا مش عارفه عملت كدا ازاى 

زياد اتقدم منها بهدوء وووو

يتبع 

يومك اسود على دماغك يا ميرا 

يا تري زياد هيعمل فيها اي و ليه اعترفت دلوقتى رايكم في الحلقة و يا تري صاحبة ميرا هيحصلها اي

رواية حب تحت الوصاية الفصل الحادي عشر 11 من هنا

رواية حب تحت الوصاية كاملة من هنا