رواية ورد عبر روايات الخلاصة بقلم منة محمد
رواية ورد الفصل الأول 1
ـ بابتسامة: صباح الخير
. صباح الزفت قولتلك مية مرة متدخليش عليا الأوضة
ـ خبطت كتير وأنت مردتش ولقيتك هتتأخر على الشغل
. اتفضلي اطلعي برة وملكيش دعوة
"ورد"
'خرجت وأنا ظني خاب فيه للمرة معرفش الكام الحقيقة بس زيها زي مرات كتير معنتش بعد'
ـ مش هتفطر
. مش طافح، أنا نازل
رزع الباب وراه وأنا قعدت زي كل يوم بكلم في نفسي، مليش حد كان نفسي يكون هو عوض ربنا ليا متخيلتش ٱني في يوم هتحط في الموقف ده
_________
~ متعصب كده لي يا أستاذ يوسف
. مش طايق اكلم حد
~ده منظر عتريس يا اخي اتق الله
. بلا عريس بلا زفت قوم اتنيل شوف شغلك
~مالك يا بني بجد في اي حصل حاجة؟
. مش طايق مش طايييق انا تعبت مش قادر انساها مش متخيل اللى حصل
~عارف إنها صعبة عليك بس هي اللي مش عايزاك انساها يا يوسف انساها أنت دلوقتي واحد متجوز حاول تتأقلم ورد ملهاش ذنب
"يوسف"
أنا عارف إنها ملهاش ذنب ويمكن أُجبرت زيها زي على الجوازة دي بس هي لي وافقت هي كانت نقصاها
ـ يوسف أنت جيت أحط الأكل؟
. شكرا مش عايز
ـ طب وبعدين هنفضل كده لحد أمتى أنا زهقت وتعبت
. محدش قالك توافقي أنتِ اللي وافقتي وأنت عارفة أني . . . .
ـ رديت بعصبيه وأنا بعيط :عارفة أنك بتحبها ومبتحبنيش عارفة أنك مجبور خلاااص عرفت وحفظت ما أنا كمان مجبورة وسكت
دخلت أوضتي ورزعت الباب ورايا وقعدت أعيط، هو لى عمل كده هو حتى مراعاش مشاعري، طب أنا؟ طب قلبي؟؟
_________________
قومت افتح بعد ما سمعت خبطاته على الباب
ــ . . .
. أنا عايز أكل حطي الأكل
ـ مش أنت اللي قولت مش واكل
. جوعت فاجأة أنا حر يا ستي
ـ خفيت ابتسامتي ودخلت المطبخ علشان احط الأكل
ـ عجبك الأكل؟
. مشي حالك شغال
ـ شغال!!
. أيوة معقول يعني
ـ معقول إيه ده أنت خلصت صينية المكرونة بالبشاميل
. بص ليا بصدمة :بلاش أكل يعني لا حول ولا قوة إلا بالله
ـ قولت وانا رفعت المعلقة بتهويش :اعترف إنه عجبك اعترف
. لا معجبنيش متطبخيش تاني
قمت وانا بدخل الأوضة بتاعتي تاني ومتعصبش من بروده أو لا مش متعصبه انا بشششيييط من بروده
_______________
"صباح يوم جديد"
يوسف صحي ونزل وأنا قررت إني فعلا مش هعمل أكل لحد ما يعترف بأنه عجبه
. السلام عليكم
ـ . . . . . . .
. مترديش أنا بكلمك لى أصلا
ـ . . . . . . . .
. مفيش أكل
ـ بصيت وأنا بخفي ابتسامتي وبحاول اتكلم بجدية : تؤ تؤ حضرتك قولت متطبخيش وأنا بسمع الكلام
. اها نسيت أحسن برضو
ـ بصيتله بغيظ: اتفضل اطلب أكل بقى
. لا أنا باكل سندوتش جبنه عادي
ـ تمام حلو أوي أقوم أنا اعمل ليا وخليك بالجبنة بتاعتك
دخلت المطبخ وأنا متعصبة للمرة العشرومية من طريقته وقررت أطبخ أكله بحبها وكانت المفاجأة . . .
. احم
ـ. . . . . . . .
. احم احم احم
ـ نعم
. مفيش إمكانية تعمليلي أكل معاكي
ـ لى؟ما أنا أكل مش عاجبك
. لا هو مش حكاية مش عاجبني يعني هو بس الفكرة أني عجان وأنت عارفة أقرب طريق لقلب الراجل معدته ويا بخت من زار وخفف وهكذا
ـ ضحكت وأنا ببص ليه :يعني مش هتعترف أنه عجبك
. بص ليا بيأس واتنهد : من باب الصدق عجبني
ـ أخيرا أعترفت
. هتعمليلي أكل؟
ـ داريت ابتسامتي:هعمل متقلقش
أكلنا وأنا دخلت أوضتي تاني ودخلت أكلم نورا أختى وحبيبتي وصحبتي مليش غيرها أتكلم معاه
~نسياني أنت ماشي يا ستي
ـ مقدرش والله يا نونو ده أنت قلبي
~ثبتيني بكلمتين ثبتيني، المهم عملتي اي
ـ عيني دمعت وسكت ، فاجأة سمعت صوت حاجات بتتكسر بره
نورا اقفلى هشوف في اي
طعت اجري اشوف إي اللي بيحصل
ـ إي ده حصل اي يا ربي
. انا آسف كنت بجرب الاسكوتر اشوفه اتصلح ولا لا
ـ جريت عليه :طب أنت كويس في حاجة بتوجعك؟ حاسس بحاجة؟
. بصلي بصدمة :هااا أنت مش زعلانة علشان النيش بتاع اللي اتكسر
ـ مش مهم خير أنت فيك حاجة
. لا أنا تمام الحمدلله
بدأت أنضف ونزلت ألم اللى اتكسر كله سمعت صوت الجرس ويوسف راح يفتح
ـ مين يا يوسف
. . . . . . .
~ببكاء مصطنع: يوسف حبيبي
ـ بصيت ليه بصدمه. . . . . . .
يتبع. . .
🖋منة'محمد
#ورد
#لُـطف
